永發廚房 (已結業)

喺九龍灣站行過淘大嘅馬路 一定會見到呢間茶餐廳 今次喺下午茶嘅時間就決定入去食個tea😺 下午茶時間嚟 餐廳都坐得幾滿 大家都坐得幾逼吓😵‍💫 不過茶記係咁㗎啦 都係坐幾個字就走啦椒鹽豬扒飯下午茶嘅飯餐都有平 所以叫個飯試吓 睇個外貌就唔算好差嘅🐷 入口味道都唔差 有少少香蒜味 不過食到後面啲豬扒有陣奇怪嘅苦味😿 所以都係用甜豉油撈埋個飯食 剩低晒啲豬扒柱侯牛根腩麵呢個麵係正常茶記發揮 牛腩份量都多 麵食落冇鹼水味 麵質都彈牙嘅🐮 西多士見到面頭嗰片厚牛油就知冇伏🧈 西多士仲有花生醬餡 西多炸得啱啱好 唔會油淋淋😻嗰個椒鹽豬扒嘅苦味真係好令人卻步 可能係我唔好彩啦😫

中秋夜見佢收得夜入去試下，叫左個常餐同咖哩牛腩飯。常餐炒蛋炒到乾爭爭…. 啲通粉係發漲又淋。個湯底啲味好怪…一個茶記連常餐都可以難食都feel 到伏伏地😅😅個咖喱仲衰，首先賣相好似💩咁….食落去有陣好怪既gas味，啲牛腩好似牛肉乾咁….個飯就算啦…. 想要2杯水，頂…. 水面係有一層油…. 餐廳又勁污糟… 最後驚喜的發現最好的竟然係杯凍檸茶…希望大家唔好中伏😢**唔明點解咁多人食… 究竟啲人係食開乜野？

以前宵夜係有炒鮮炒烏冬但係轉咗餐單之後就冇喇以前都係幾抵食㗎包紅豆冰宜家送個例湯碗例湯超級有陣香水味越飲越想。。。。味精味都ok呀。但佢有啲香水味海鮮炒烏冬正常發揮希望宵夜餐單以後會再加佢落去啦

喺仲係堂食晚市可以去到10點嘅一個晚上，小編同朋友行街行到有啲肚餓，所以就入咗依間仲係營業緊嘅餐廳🤩雖然係9點幾但係入面都仲係有好多人，可能都多街坊趁餐廳未閂門就過嚟提早食宵夜啦🤣牛雜河粉 $48依碗勁足料！有彈牙嘅牛筋丸、軟熟嘅牛腩、份量算多嘅牛筋、大大塊嘅牛肺、入味嘅牛肚😍所以牛魔王嘅小編表示食得好過癮！配料方面除咗湯碗有嘅芽菜、乾蔥同白蘿蔔之外，仲有附送嘅一碟有潮州酸菜，入面仲醃咗啲芽菜同白芝麻，夠哂開胃~野菌乾燒伊麵 $48一上菜嘅感覺就係：嘩個「碟」好靚🤣然後一除口罩就聞到好香嘅菇味！伊麵就煮得啱啱好所以食落都幾煙韌~加上調味料落得足所以都夠惹味。另外，個「碟」嘅設計都可以令到食到最後嘅伊麵都仲熱嘅，所以都唔使驚食得慢會凍哂，可以慢慢嘆。用一句總結就係香味夠味道足🤣兒童鴛鴦冰 $13原價$26不過跟餐特飲半價~平時好少喺其他餐廳見到依款兒童鴛鴦冰，本身都唔知係咩嚟嘅🤣飲落就知道係阿華田同好立克，兩樣都係小編鍾意嘅嘢飲嚟，所以好滿足😍兩者之間比較阿華田味出啲！凍檸檬可樂 $3跟餐送例湯/咖啡/茶，凍飲就加$3。其他餐廳通常當檸樂係特飲，但依間就當佢係普通飲品，所以加$3就飲到喇

又一間街坊茶記。永發廚房嘅下午茶係幾抵食，當中我幾鍾意豉油王炒麵配香辣雞槌，炒麵炒得幾香口，味道亦夠，面頭仲有我最鍾意嘅芝麻，唔錯；雞槌本身係原味，上枱時附上甜辣醬，所以就變成香辣雞槌😆，雖然有啲取巧，但係雞槌熱辣辣脆卜卜，醬汁甜甜辣辣，加埋一齊，確實幾滋味😋。

又係喪OT 嘅日子，呢日做到口啖啖想食d 濃味野獎勵下自己，見到呢間茶仔嘅menu 有d 炒粉麵飯，俾個侍應招下手就行咗入去試下。見有個「泰」字都會諗起菠蘿肉鬆之類嘅配料，不過「泰皇」真係想像唔到係咩味。又係自動請纓試伏嘅moment。竟然係冬蔭功味！但係又唔差喎，估唔到冬蔭功可以用嚟做炒飯，酸辣味出，用海鮮做配料其實就係海鮮冬蔭功湯變咗做炒飯。我覺得呢種創新好難係普通茶仔搵到，feel 得到有heart 做，加上佢d staff 都好好態度，我絕對會想再嚟試其他嘢！另外杯凍鴦都唔錯。茶同啡個底入口味道都幾香。

今晚去咗睇醫生，睇完之後都成八點幾，於是就同老婆睇吓附近有咩食。牛頭角近德福呢頭都幾多嘢食，又諗唔到食乜好，於是隨意入咗間有小菜食嘅茶餐廳。(其實係同老婆都鍾意食小菜😂)入到去先嚟咗碗例湯，碗中湯入面都有成四、五嚿瓜，又唔覺有味精，老算唔錯。見到餐牌佢都有幾多小菜，本身想食醬爆牛栢葉，但老婆話我個胃唔舒服，呢啲難消化，叫我唔好食，所以無得叫。於是最終叫了個二人餐，分別叫了黑椒鐵板牛仔骨同紅燒豆腐班腩煲。而且仲有前菜。初頭唔知佢前菜係咩，上枱時原來係韮菜豬紅。本身我對豬紅其實一般，不過呢間啲豬紅未食都聞到幾香，而且亦幾入味，唔錯。跟住到黑椒鐵板牛仔骨，茄子食落脆口，而牛仔骨都幾大塊，都有六大塊，同埋咬落去都唔韌，都有肉味，可以一試。至於個紅燒豆腐班腩煲，啲班腩個脆漿就略嫌多咗啲，而且可能炸耐咗，個脆皮變得有啲硬，不過都可以接受。值得一提嘅係餐飯食到一半時發生咗個小插曲，就係隔離枱出去埋單，佢行到去收銀時返轉頭，喺我張枱度拎咗我張單去埋。初頭我都無為意，以為佢係餐廳侍應。不過唔夠兩秒又諗個侍應無啦啦拎走我張單，但又唔係叫我埋，咁拎嚟做咩呢？然後又望返隔離枱，見到佢張單仲喺枱度，呢個時候終於

放假行街行到餓餓地，麻甩專員經過見到間門面唔錯既茶餐廳就衝左入去食下午茶🙈餐廳格局廣闊裝修有特色，而且座位都唔少。另外疫情關係，餐廳設有1人座位方便食客單獨食飯。餐廳午餐同下午茶選擇都唔少，但專員今次淨係叫左個下午茶餐(乾炒牛河)+杯熱啡先上杯飲品，再等上餐時間大概10分鐘左右餐廳既即磨咖啡選用酸味比較重既咖啡豆，飲得出有果香味，鍾意酸味重少少既朋友絕對適合。但最可惜既係餐廳無咖啡糖提供只得白糖，令到成杯咖啡欠缺左少少野咁。飲左幾啖咖啡等到個乾炒牛河上埋檯，淨睇色水好似唔錯，而且牛肉片同粉既份量都唔少但好可惜個炒河鑊氣不足，食唔夠兩啖已經開始無煙出。河粉唔夠乾爽比較黏身，每條河粉都會變左河粉餅咁。唯一可以讚賞係牛肉片炒得夠香，有少量焦香既味道。成碟炒河油份唔多，但正正因為喱一個原來而造成鑊氣唔夠同河粉黏身。店內環境: 7/10 食物外觀: 8/10 食物味道: 5/10    整體分數: 5/10   翻食指數: 5/10  (咖啡補救到，希望餐廳既即炒食物有改善)

今日做嘢做得太晏，連午餐都冇時間食。當放飯時間已經去到兩點半，唯有去食個下午茶餐。一路最喜歡食嘅就係沙嗲牛麵，再加滑蛋，今日不例外！佢個沙嗲牛麵湯底濃郁，沙嗲味勁濃，旦亦都冇過份煮熟，恰當好處。唯獨是分量太少，但係以茶餐嘅價錢嚟計其實都抵食。

今日同啲朋友做完gym去食，佢晚市有一人餐二人餐三人餐。咁我地三個人食就嗌三人餐，平均只係70左右。仲有兩個前菜，蠔油時蔬同埋豬紅。咁我地話咁快就嗌咗三個餸同兩碟茶。咁就嗌咗一定要嗌嘅薯仔牛柳粒，仲有咕嚕肉同欖角肉鬆四季豆。個薯仔牛柳粒靚都算係幾野味，牛柳粒嚟講都好有牛肉味。唔會好明顯覺得有「那」過。咁個咕嚕肉都算係幾好食但係配紅蘿蔔就覺得怪怪地咁。而個肉鬆四季豆，都算幾爽口，但係佢嘅肉鬆其實即係肉粒。整體嚟講都幾好食！

之前食過幾次都OK，今日去開淘大就諗住入去食個下午茶餐，結果叫左2個餐，餐腸麵同魚蛋粉，嘩！2碗唔同種類的粉麵，個湯底係一樣完全無味，淡到呢餐腸麵要加1包鹽同胡椒粉先叫有啲味，餐同腸都各樣得1件🤦🏻🤦🏻🤦🏻🤦🏻🤦🏻魚蛋粉要加2匙辣椒油先有味，唯一就魚蛋叫做都彈牙囉………2個餐都無跟飲品，分別加錢叫左杯紅荳冰同凍檸茶，本身都食/飲得甜，但杯檸茶真係好好好甜服務=冇 一啲都無 完全無坐左係側/後門個到，員工要出入算，但開門撞到我個袋落地，道歉都無句 🤷🏻‍♂️🤷🏻🤷🏻‍♂️🤷🏻🤷🏻‍♂️啲位又逼又窄附近大把餐廳 唔會再去喇

琴日收工好肚餓，諗住睇吓附近有咩好食，見有間開到12點，一於試試佢，好味到樂而忘返，食過返尋味，果碟星洲炒米，多米又香，正，乾身得來有鑊氣，誠意之選，收工記得去食，食到飽飽返屋企，正！

魚崧茄子炒伊麵，先睇睇相，再講一拎出嚟真係呆左，油浸到好似湯咁，都算，一食啲伊麵林到好似漿糊一樣個味道係好重酸醋味。。。真係九唔搭八，難食到塞唔到入口係第一次啲魚崧即係鯪魚肉，腥既，茄子一樣林到一pat野，全部無野落得口。。。有跟羅宋湯，稀到一望就知溝左唔少水。。飲了兩啖，唔知點解連個湯都咁難飲。。最正常可能係杯檸檬茶。。凍飲要加3，但路程不遠已無晒冰，但我唔明白比支粗飲管我做乜。。$44 外賣9折，但外賣盒+3, 凍飲+3 ，$45食快餐無咁嬲！另外，等外賣其間見到個侍應拎左碟炒粉比客人，客人表示唔係落錯了單，個客人已立即叫整咗照要，但個侍應即刻一野就倒左成碟粉，好似發晦氣咁。。。浪費食物態度又差！

今日叫咗個外賣飯、真係冇諗過個甜酸魚柳個汁咁一般、美心都好食過佢。嗌咗杯熱奶茶竟然難飲過麥當勞、叫咗個中湯簡直係溝熱水！我終於明白點解佢要搵人企喺門口拉客、同埋佢會平過隔離嗰間冰室咁多！你俾我揀多次我寧願比多啲錢食間好味啲😑😑😑🤢🤢🤢當然我見到鋪面裏面有好多人！唯一嘅好處係可以比八達通！ 但佢令我冇信心再食其他嘢！ 永發廚房喺九龍灣這一個咁多好嘢食嘅地方度開、如果唔改善食物質素幾平都冇用其實隔離有唐記包點啲飯都好味過佢🤮

好耐之前食過永發，覺得好難食...諗住過咗咁耐再試多一次，點知都係中伏！真係超級難食🤢個星洲炒米啲米粉係好碎，仲要超級多油同埋無料，無味同好難食！係人生中食過最難食嘅星洲炒米！🤮個廚師真係好唔掂！連個牛腩河都好淡😕永不再幫襯！