影片
今日同老婆收工返到屋企留下谂住食埋饭先，见到平时食开𠮶间水门海南鸡专门店门口招牌唔见咗，咁咪去八卦下，询问店内收银姐姐原来系转咗独立经营叫做泰馔（赞），我都要问先识读😅餐种亦增加咗好多咁一于试吓新嘢先，我叫咗个招牌炒饭，而我老婆就试佢哋个香茅猪扒汤金边粉，个汤粉一出嚟我同老婆都同一时间哇咗出嚟～～～块猪扒系好大好大好大块仲大个我老婆块面😂😂先试试味口感松脆香茅味够哂，再试埋个冬荫公汤底真心浓郁野味👍再试试个招牌炒饭有几招牌先～入面有啲扎肉同腊肠，但啲腊肠一啲都唔硬仲带啲微微嘅甜味，口感唔错，加埋有啲洋葱同豆角粒，口感清爽一啲都唔油腻，仲有浓郁嘅虾油香味层次分明，饭面洒上一行鲜红色嘅小虾米，睇到都令我觉得好鬼吸引，特别要讲𠮶杯泰式珍多冰食落啲条条好香斑兰味仲有啲红色一粒粒好鬼爽一问之下原来系马谛，真系估佢唔到～真心觉得美食广场有咁嘅质素，足以见到呢间食店真心诚意良心小店必定要同老婆再嚟多几次试埋其他新嘢～～😏心目中已经谂好下次一定要试吓佢哋嘅泰式红咖喱
继续阅读
今日lunch经过呢间水门海南鸡见价钱唔贵，又未试过就同男朋友一齐试下呢间男朋友叫无骨海南鸡饭，跟泰式柠檬茶 $55我就要双蛋并鸡饭 $60佢地d鸡系好滑，面头有少少豉油汁？个调味都好味但因为无骨，层鸡肉实在太薄啦本身我唔太食白饭由于我已经好肚饿，基本要靠食晒d白饭先够饱另外男朋友形容个泰式柠茶好搅笑话好似饮紧凉茶咁，好难形容
继续阅读
荃湾杨屋道乐悠居商场之前咁多年一直系死场，今年翻新完成变咗美食广场，成个长气氛唔同晒。住喺附近嘅我就逐间去试，今日试咗有好多分店嘅水门泰式海南鸡饭，但我今日唔食海南鸡，叫咗个冬阴功金边粉加烧牛肉煎蛋，质素ok唔难食无特别好食，最失策就系叫咗杯蝶豆花柠檬梳打，味道非常奇怪。屋企人就叫咗个泰式猪颈肉饭，只蛋煎得好靓，两个餐140蚊，话平平唔平话贵唔贵，午饭时间food court好多人，应该系附近返工嘅朋友，店员都好有礼貌，下次再嚟试下其他嘢食。
继续阅读
用外卖平台 叫了3个饭，𩠌味道还可以，但饭不热，饭又有硬粒，一糸末煮熟，－系有隔夜饭，最大问题系2个点海南鸡的姜容也倒进饭内，令整个饭油腻十足，很难食，希望餐厅注意并改善
继续阅读
之前有食过尖沙咀既水门鸡饭，觉得平靓正，今次食下呢间水门泰式海南鸡饭，系food court入面，价钱唔贵，虽然感觉冇咁正宗，但系都好食抵食😋 1️⃣正宗去骨海南鸡饭（$50） 鸡既部位系随机既，如果想要鸡脾位就可以加$10，今次我就冇特别加钱试la，但系鸡既部位都ok，特别面头仲有一件好大块既肉，啖啖肉连埋鸡皮仲有少少啫喱位🤤饭系普通白饭，但系有啲葱油香既。个海南鸡饭就冇好似平时出面食既果啲咁配上三款酱，而系系面头淋上左啲姜葱酱，都唔错～配菜竟然仲有榨菜，都几特别😂
继续阅读