水門泰式海南雞飯專門店 (已結業)

今日同老婆收工返到屋企留下諗住食埋飯先，見到平時食開嗰間水門海南雞專門店門口招牌唔見咗，咁咪去八卦下，詢問店內收銀姐姐原來係轉咗獨立經營叫做泰饌（讚），我都要問先識讀😅餐種亦增加咗好多咁一於試吓新嘢先，我叫咗個招牌炒飯，而我老婆就試佢哋個香茅豬扒湯金邊粉，個湯粉一出嚟我同老婆都同一時間哇咗出嚟～～～塊豬扒係好大好大好大塊仲大個我老婆塊面😂😂先試試味口感鬆脆香茅味夠哂，再試埋個冬蔭公湯底真心濃郁野味👍再試試個招牌炒飯有幾招牌先～入面有啲扎肉同腊腸，但啲腊腸一啲都唔硬仲帶啲微微嘅甜味，口感唔錯，加埋有啲洋蔥同豆角粒，口感清爽一啲都唔油膩，仲有濃郁嘅蝦油香味層次分明，飯面灑上一行鮮紅色嘅小蝦米，睇到都令我覺得好鬼吸引，特別要講嗰杯泰式珍多冰食落啲條條好香斑蘭味仲有啲紅色一粒粒好鬼爽一問之下原來係馬諦，真係估佢唔到～真心覺得美食廣場有咁嘅質素，足以見到呢間食店真心誠意良心小店必定要同老婆再嚟多幾次試埋其他新嘢～～😏心目中已經諗好下次一定要試吓佢哋嘅泰式紅咖喱…查看更多

今日lunch經過呢間水門海南雞見價錢唔貴，又未試過就同男朋友一齊試下呢間男朋友叫無骨海南雞飯，跟泰式檸檬茶 $55我就要雙蛋併雞飯 $60佢地d雞係好滑，面頭有少少豉油汁？個調味都好味但因為無骨，層雞肉實在太薄啦本身我唔太食白飯由於我已經好肚餓，基本要靠食晒d白飯先夠飽另外男朋友形容個泰式檸茶好攪笑話好似飲緊涼茶咁，好難形容…查看更多

荃灣楊屋道樂悠居商場之前咁多年一直係死場，今年翻新完成變咗美食廣場，成個長氣氛唔同曬。住喺附近嘅我就逐間去試，今日試咗有好多分店嘅水門泰式海南雞飯，但我今日唔食海南雞，叫咗個冬陰功金邊粉加燒牛肉煎蛋，質素ok唔難食無特別好食，最失策就係叫咗杯蝶豆花檸檬梳打，味道非常奇怪。屋企人就叫咗個泰式豬頸肉飯，隻蛋煎得好靚，兩個餐140蚊，話平平唔平話貴唔貴，午飯時間food court好多人，應該係附近返工嘅朋友，店員都好有禮貌，下次再嚟試下其他嘢食。…查看更多

用外賣平台 叫了3個飯，餸味道還可以，但飯不熱，飯又有硬粒，一糸末煮熟，－系有隔夜飯，最大問題系2個點海南雞的薑容也倒進飯內，令整個飯油腻十足，很難食，希望餐廳注意並改善…查看更多

之前有食過尖沙咀既水門雞飯，覺得平靚正，今次食下呢間水門泰式海南雞飯，係food court入面，價錢唔貴，雖然感覺冇咁正宗，但係都好食抵食😋  1️⃣正宗去骨海南雞飯（$50） 雞既部位係隨機既，如果想要雞脾位就可以加$10，今次我就冇特別加錢試la，但係雞既部位都ok，特別面頭仲有一件好大塊既肉，啖啖肉連埋雞皮仲有少少啫喱位🤤飯係普通白飯，但係有啲蔥油香既。個海南雞飯就冇好似平時出面食既果啲咁配上三款醬，而係係面頭淋上左啲薑蔥醬，都唔錯～配菜竟然仲有榨菜，都幾特別😂…查看更多

間food court好似啱啱裝修完，環境暫時都好乾淨企理。因為係朝頭早去，所以未有咩人住。本來想食早餐，但好多餐廳都未開，焗住要食過Brunch。海南雞冇得輸，雞好滑，連雞胸雞背都好滑👍香葉肉碎，好惹味，餸晒成碗飯👍食完仲另外買咗碟香葉肉碎小炒返去，俾姐姐加餸😂泰式奶茶好飲👍真係泰式嘅味道，雖然要加$8，但都抵俾，值得一讚👍碟青瓜係索咗啲油所以要諗吓食唔食😂但最後都係又食到幾爽幾清新😂以後可以外賣返屋企食👍…查看更多

我同老公見新開個food court咪試下囉，點知中伏，Lunch 叫咗個海南雞髀飯同香葉肉碎蛋飯，兩杯泰式檸檬茶，先講海南雞飯，啲油飯完全未熟，硬到食唔到，個汁不是另上，已𣺉晒喺啲雞上面，不過只有少少，雞髀肉還算可以！香葉肉碎蛋飯完全唔係泰國菜嗰d， 係似屋企普通嘅肉碎炒豆角，老公話冇乜味，自己整仲好食過佢！最後係杯泰式檸檬茶先係最恐怖，嗰個茶味怪到難以形容，飲咗一啖已經無辦法可以飲落去，最後成個lunch好似冇食過咁！真係冇下次！…查看更多