影片
🍴系屯门gogo mall觅食，今次就试吓水门鸡啦。去骨海南鸡饭🐔🍚（$45）买嘅时候店员问，加唔加$10转鸡髀，但决定以最平嘅价钱试吓呢间餐厅，所以就唔加了🤣🙈以为唔系鸡髀，会比好多骨啦，但完全唔系呢回事‼️鸡肉嘅份量都多，而且煮得啱啱好，保留到鸡肉嘅嫩滑。鸡皮一啲都唔油腻，可以用清爽嚟形容。但美中不足嘅就系啲饭🍚 有啲生米，有啲饭就好烂😣煮得唔平均。如果净系计海南鸡就有💯分😋
继续阅读
头先放工，去咗哩间买海南鸡饭食，今次系第二次。 叫咗$45 海南鸡饭， 点知听错咗，比咗海南鸡（冇饭）。 之后，同职员讲返，佢地好好咁照比返多咗份量嘅鸡同埋加返饭比我，冇额外收钱。讲返个饭先， 哩间应该系我食过最滑嘅海南鸡😍D饭又系好特别，长条形𠮶种米， 整得同个鸡好夹，好易入口！ 仲有佢地嘅香料真系好香，有种未食过嘅特别香味。饭同埋酱同埋鸡，天衣无缝嘅组合， 仲有青瓜送，色香味俱全。 $45 就可以食到， 好彩系屋低附近有咗哩个food court (go go mall), 入面又有哩类型平民美食。点鸡𠮶个酱又系冇得弹！ 真系会再翻食。比个好评啦！
继续阅读
咁多种肉黎讲，我至爱就系鸡肉架啦 鸡脾就正上加正啦今日去左Gogo mall个food court觅食 呢间水门鸡中晒我嘅喜好点可以放过！！点左份海南鸡脾饭一打开见佢令立立就知佢滑一滑，食埋落口就个佢认真嫩 但55$黎讲，我真系会希望只鸡脾再大只啲 饭量对于我一个女仔黎讲就适中，但仔食应该唔太够..旁边嘅配菜有芽菜、青瓜、洋葱，加埋啲酸酸地嘅酱汁，好似salad咁，单食都好滋味，索索有口感，但配埋饭，一啖过都正啊
继续阅读
自从屯门Gogo mall 整左个food court ，屯门人多个地方可以食下平民野，今次就试下呢间水门海南鸡。鸡牛饭$65一次过叫牛同鸡，试哂两样野！牛肉有几浓嘅泰式酱料味，辣辣地，但牛肉味就唔太出，软硬就适中啦！值得一赞真系个海南鸡，鸡肉好嫩滑，好鲜味，唔洗点酱汁都已经好好食😋个饭底就无咩特别，正正常常！见到其他分店嘅相，每个饭都有几片青瓜，但我呢个饭就冇青瓜，有返d蔬菜就好喇！
继续阅读
🐥 泰式去骨海南鸡（半只） $75今日加𩠌买左海南鸡😝呢间啲海南鸡超滑！份量还好😳去左骨真系超方便就咁食🤣佢加配个个汁都几浓味🥰下次再试埋佢个饭先😋😋😋
继续阅读