水門泰式海南雞飯專門店 (已結業)

🍴係屯門gogo mall覓食，今次就試吓水門雞啦。去骨海南雞飯🐔🍚（$45）買嘅時候店員問，加唔加$10轉雞髀，但決定以最平嘅價錢試吓呢間餐廳，所以就唔加了🤣🙈以為唔係雞髀，會比好多骨啦，但完全唔係呢回事‼️雞肉嘅份量都多，而且煮得啱啱好，保留到雞肉嘅嫩滑。雞皮一啲都唔油膩，可以用清爽嚟形容。但美中不足嘅就係啲飯🍚 有啲生米，有啲飯就好爛😣煮得唔平均。如果淨係計海南雞就有💯分😋

頭先放工，去咗哩間買海南雞飯食，今次係第二次。 叫咗$45 海南雞飯， 點知聽錯咗，比咗海南雞（冇飯）。 之後，同職員講返，佢地好好咁照比返多咗份量嘅雞同埋加返飯比我，冇額外收錢。講返個飯先， 哩間應該係我食過最滑嘅海南雞😍D飯又係好特別，長條形嗰種米， 整得同個雞好夾，好易入口！ 仲有佢地嘅香料真係好香，有種未食過嘅特別香味。飯同埋醬同埋雞，天衣無縫嘅組合， 仲有青瓜送，色香味俱全。 $45 就可以食到， 好彩係屋低附近有咗哩個food court (go go mall), 入面又有哩類型平民美食。點雞嗰個醬又係冇得彈！ 真係會再翻食。比個好評啦！

咁多種肉黎講，我至愛就係雞肉架啦 雞脾就正上加正啦今日去左Gogo mall個food court覓食 呢間水門雞中晒我嘅喜好點可以放過！！點左份海南雞脾飯一打開見佢令立立就知佢滑一滑，食埋落口就個佢認真嫩 但55$黎講，我真係會希望隻雞脾再大隻啲 飯量對於我一個女仔黎講就適中，但仔食應該唔太夠..旁邊嘅配菜有芽菜、青瓜、洋葱，加埋啲酸酸地嘅醬汁，好似salad咁，單食都好滋味，索索有口感，但配埋飯，一啖過都正啊

自從屯門Gogo mall 整左個food court ，屯門人多個地方可以食下平民野，今次就試下呢間水門海南雞。雞牛飯$65一次過叫牛同雞，試哂兩樣野！牛肉有幾濃嘅泰式醬料味，辣辣地，但牛肉味就唔太出，軟硬就適中啦！值得一讚真係個海南雞，雞肉好嫩滑，好鮮味，唔洗點醬汁都已經好好食😋個飯底就無咩特別，正正常常！見到其他分店嘅相，每個飯都有幾片青瓜，但我呢個飯就冇青瓜，有返d蔬菜就好喇！

🐥 泰式去骨海南雞（半隻） $75今日加餸買左海南雞😝呢間啲海南雞超滑！份量還好😳去左骨真係超方便就咁食🤣佢加配個個汁都幾濃味🥰下次再試埋佢個飯先😋😋😋

如題衛生好差戴住紅色洗碗用手套個頭洗完碗濕淋淋咁去筆雞油飯個外賣盒濕哂之後用同一隻手切雞用同一隻手包外賣個袋油到。。拎到這屋企雞份量好少完全唔夠雞去餸飯味道無乜特別唔會再食

上次黎Gogo mall，見水門太多人食，冇等到。難得今日6:40早到，未係太多人，就要試試。同師妹佢地兩個都食水門。最欣賞係每碗飯都有少少生青木瓜、洋蔥沙律，增加清新感，同埋爽口口感，層次更豐富。如果仲想食得健康d，仲可以油飯轉沙律。油飯雞油香味唔夠，另外飯身偏淋。燒牛肉分量十足，$45物有所值。用上厚切牛肉，唔會燒到乾曬。部分牛肉入面仲為7成熟，有驚喜。可惜，牛味唔出，亦冇燒烤嘅味。不過以food court 黎講，合格有餘。Jam咗fd嘅唔正宗海南雞食，好滑👍🏻環境衛生方面，為咗更好嘅進食體驗，可以外賣就外賣，相信冇人想同小強同坐。

這間店舖新開張幾天，晚飯經過見到大排長龍。於是今天趁冇飯開去試試佢。已經5:30左右落order,避開晚飯時間，點知都要等半小時。點了個肉碎海南雞飯外賣，加一杯青檸梳打送例湯，共$75。回家打開見到以為份量好足，原來 雞得幾舊而且皮多過肉，用飯填滿圓型盒，雞滑係滑但雞味一般，肉碎味道亦不夠惹味。飯係冇牙先岩食既軟飯。湯還可以有一隻雞腳的藥材味湯。不值得我等半小時