水門雞飯 (厚福街)

营业中

休息中

水門雙拼炸雞飯選擇困難症人士最好就係揀雙拼，我每次必叫~ 今次特別加$10轉雞脾肉，皮薄冇乜肥膏，而雞肉就夠嫩滑，炸雞同樣做到外脆內嫩，點埋特製醬汁就更好食~ 性價比高之選！最值得一提嘅係水門雞飯仲會跟一碗雞骨湯，胡椒味偏重，係幾岩我個人嘅口味泰式炒通菜有蒜蓉、紅蔥頭同埋紅椒一齊炒，特別惹味！平時都係食水門雞飯多，估唔到呢啲小菜都唔錯秘汁泰式生蝦是日驚喜係呢個生蝦，夠晒大隻，食落啖啖肉仲要好爽口，再加埋個特調醬汁十分加分~菊花茶菊花茶冇得揀甜度，但甜度岩岩好，夏天飲夠fresh

平時係尖沙咀想食地道泰國菜，食開金馬倫道18號萬勤商業大廈地鋪間水門雞飯，今次食厚福街3號華博商業大廈另一間分店，隔一條街就有分店，就知水門雞幾受歡迎，兩間鋪都大排長龍，除了香港食客，仲有不少泰國人幫襯。水門雞飯除了主打招牌水門雞外，仲有飯類、沙律、船粉、撈麵、串燒、小食和甜品等。喜歡旅遊泰國的香港人，必定非常熟悉呢間曼谷過江龍水門雞飯，香港、九龍、新界都有分店。鳳尾蝦泰式金邊粉$75以新鮮爽彈的鳳尾點綴，加上豆腐乾、蛋絲及泰國金邊粉，甘甜酸香徐徐滲出，Pad Thai 有青檸與花生粉或辣粉在旁，自行混合後就可開始享用，金邊粉幼滑爽口，滴上青檸汁後，口感會更清爽也能消除油膩，味道酸酸甜甜特別醒胃。原隻燒魷魚$45 兩串燒魷魚肉質爽滑彈嫩，火候控制得剛剛好，一點也不會過韌，點上酸辣醬汁，非常滋味。豬肉串燒，雞肉串燒 $14一串串燒有豬肉和雞肉可選，串燒燒至表面帶焦香而肉質入味不鞋口，熱辣辣的肉香及開胃的花生沙嗲醬即時充斥味蕾。炸雲吞$28雲吞皮炸得香脆，內裡的鮮蝦餡料彈牙多汁，沾上酸甜醬開胃惹味。烤麵包$16不想浪費醬汁，特別點了一客烤麵包，麵包烤得香脆，沾上不同醬汁，口感味道豐富。泰式

大家好今日去尖沙咀到水門雞飯食正宗泰式海南雞飯尖沙咀有兩間水門雞飯一間在萬勤商業大廈今次我就去左另一間厚福街既分店中午都幾多人去這間食雞飯果日天氣都幾熱首先叫個每日限量既秘汁泰式生蝦秘汁係泰式辣汁好惹味生蝦感覺都好新鮮跟住就係水門雙拼雞飯加左十蚊轉雞脾肉雞有兩款一款是好滑同埋己經起骨既海南雞另一款就係炸雞仲跟左兩款醬汁仲有跟埋雞湯因為係午餐我再加左$8點左個菠蘿冰都幾清涼仲有一塊菠蘿在裏面最後因為芒果再食埋甜品班蘭大菜糕有濃濃既椰漿在班蘭大菜糕上面好美味總括呢間店海南雞飯都好正宗仲有其他泰式食品都好多選擇大家都可以去試下

今次試出左名性價比高既海南雞飯～今次仲發現意外驚喜🥰半隻海南雞﹕海南雞熟度剛剛好，不會見到血絲同紅色，但又可以保持肉質嫩滑；雞皮薄，爽滑；整體雞味好足，好好味😋另外可選要唔要雞雜，雞雜有雞紅、腎、等，好新鮮，亦洗得干淨，值得一試～雞腳﹕有特價，一碟有好多隻，size細容易食，夠味，唔會煮到淋軟，有口感嫩滑爽口。鮮魷炒西蘭花﹕好多鮮魷🥰🥰，西蘭花淋身，唔洗驚硬到食唔到；多汁，味濃，配清淡既雞可以平衡下👍🏻驚喜‼️串燒‼️必點‼️串燒即叫既燒，上枱勁香😍😍燒到外皮微焦，肉質軟嫩，而且好夠味，想再重口味啲，可以點埋醬汁，爆好食🤤

其實我是去泰國之前就有耳聞這件綠色招牌的水門雞肉飯，但住係香港咁耐都未曾試過品項非常多樣化，睇落去好似比我去泰國吃水門雞肉飯品項多好多其實我一直都覺得水門雞肉飯與海南雞飯差不多，但水門雞肉飯的屬於鹹味啲，搭配的也是泰式特調醬汁，雞肉滑嫩有彈性，必食嘅一道佳餚原隻燒魷魚：雖然不是很大隻但燒得很嫩，對於我這種牙口不好又愛著吃美食的人來說剛剛好，醬汁微辣可口，一定要搭配醬汁一起吃！泰式豬手飯，醬汁把豬手滷得非常入味，瘦肉部分稍微有點過瘦，但不是太乾柴，豬皮口感煙韌而不肥，也是非常下飯整體體驗我覺得比泰國的水門雞飯更好吃，香港的水門雞飯用餐環境乾淨衛生與泰國大不同但我還是很愛泰國🤣在香港就能吃到真是太幸福啦❤️

呢間係尖沙咀開嘅另一間分店，位於厚福街。叫左招牌水門雞飯。午餐$64送埋餐飲，仲有泰奶、龍眼冰可以點，仲可優惠價$26配雞肉串燒，真係好抵食👍🏻水門雞份量多，皮薄肉嫰，水門雞醬更加無得頂，蘸埋雞肉食真係超夾！雞飯仲會送雞湯，清清地，有胡椒味，可以解除油膩感另一份叫左水門雙併炸雞飯，份量同樣咁多，炸雞嘅皮炸到卜卜脆，蘸上泰式辣醬另有一番風味至於雞肉串燒就好香，肉質好滑，蘸上沙嗲醬好惹味☺️☺️至於泰奶簡直就係同平時泰國飲到嘅一樣，茶色係橘紅色，味道正宗😳龍眼冰仲有埋龍眼果肉，唔會太甜！最後加左個飯後甜品，芒果甜中帶微酸，糯米飯煙煙韌韌，加上香濃既椰奶，食完大滿足🥰

一直都好鍾意食呢間泰國菜😍因為CP值高口味又好正宗👍🏻 今日去咗佢嘅厚福街新店座位幾闊落❤️ 味道一如以往出色調味非常之後泰國嘅街頭風味😚 暫時未有假期去泰國就食住泰國菜懷念吓先✈️⭐️ 水門雙拼雞飯 🍗雞肉夠滑唔會好乾😋加上炸雞炸得香脆🔥雞油飯大香氣但係唔會過於肥膩整體好地道🎈⭐️ 鳳尾蝦炒金邊粉 🍝金邊粉炒得有鑊氣🥹花生同埋辣椒可以自己添加🌶️調味辣度適中 值得一讚嘅係鳳尾蝦入口爽口用料有質素🥰⭐️ 泰式腩仔 🥓真係幾有驚喜❤️‍🔥腩仔炸得脆卜卜油份全部迫晒出嚟🧈 入口酥脆好惹味⭐️ 班蘭大菜糕 🍡椰汁配上斑蘭香好有熱帶嘅感覺🥥煙韌得來又唔會太甜太膩🤪⭐️ 泰式奶茶 🥤⭐️ 龍眼水 🧃泰式奶茶嘅茶香夠濃郁比起泰國嘅口味甜度岩岩好☕️龍眼水就比較清潤仲食到粒粒龍眼肉🐲

是日同媽媽來食飯，之前自己黎過覺得都幾好，員工態度親切。今次星期六過黎, 入面坐唔爆，門口收銀個女仔勁串勁差態度。到樓面，我地食完，但未飲完杯野（都有6成滿），個哥哥直接收埋，好趕時間？門口係無人排隊。我地都係食左30分鐘左右。

早排先同朋友講開去泰國幾正，一定要去食好野，朋友就即刻約話係香港都可以食泰國野。 今日同朋友黎尖沙咀呢間水門雞飯。 好彩早左少少黎，因為冇耐都好多人啦，佢又好多外賣單，真係好受歡迎。 因為佢係用QR code自己落單，所以可以慢慢睇。 第一樣更係要叫串燒啦。 佢有雞肉同豬肉，2樣都要。 通常串燒都係點佢既沙爹醬，但朋友話佢個醋汁都好正，試左，又真係另一番風味wor，又覺冇咁熱氣。 然後見到佢地既限量炸雲吞，即刻都唔放過，原來真係好正，皮脆多函，即炸好熱，果然係唔可以錯過。然後再叫左泰式炒通菜，同菠蘿燒雞炒飯，真係好好味，好夠火喉。 冇諗過佢個飯有咁多雞，而且通菜都炒得好爽脆。最後都係忍唔住叫左杯芒果沙冰，勁新鮮芒果。 呢餐泰國餐真係食得好完美。

好多時出尖沙咀都會嚟呢度食lunch係我至愛呀❤️佢哋杯泰式奶茶真係超好飲🤤今次試試新環境去咗厚福街間新分店質素同金馬倫道果邊一樣呀👍🏻-🥟脆炸雲吞 ($28)雲吞皮香脆薄身內餡充足加埋酸甜醬一齊食更加惹味😋🍗脆炸香茅雞翼($28)雞皮炸得脆身香口同時又保留到豐富肉汁唯一係唔算大隻有小小美中不足喔！🍜清湯魚旦魚片河 ($56)魚片厚身大塊咬落爽口有口感而魚旦亦有4粒非常足料呀！湯底升級咗做冬陰功湯 酸辣惹味加上麵底揀咗金邊粉掛湯力一流😋午市套餐仲包埋飲品好味又高CP值呀！🧋泰式奶茶茶味濃郁獨特口感順滑飲過真係番唔到轉頭😆每次嚟到都必飲呀！🥬馬拉盞肉醬芥蘭苗（午市套餐+$24）芥蘭苗新鮮爽脆面頭加咗馬拉盞肉醬味道帶小小辣👍🏻🍴泰式豬手飯($62)豬皮入口有彈性滿滿骨膠原感肉質軟腍而且好入味，撈白飯食一流！跟餐飲品揀咗凍美綠好抵食呀💕🍢豬肉串燒（午市套餐+$26）呢度嘅串燒燒得唔錯沙嗲醬更加係精粹所在非常惹味💯

水門雞飯(tst)泰式腩仔🩶，$52，價錢比我哋想像中嘅份量非常多，一開始以為淨係會得幾件，而且個皮做得非常香脆，完全出乎意料，豬肉嘅肥瘦亦都係選擇食材方面做得非常好，忍唔住食完一件又一件！肥瘦適中，亦都唔會太肥膩，我同朋友都幾鍾意！水門雞飯加雞雜下午茶tea set🩶，加雞雜大概係要$10，有雞腸雞血同埋雞腎，都唔算太少，餐廳係用傳統嘅海南雞飯做法，佢隻雞係非常嫩，份量亦都唔算太少，一眾男士都會食得飽，而且下午茶時間可以包飲品，我就加咗一杯泰式奶茶，喺出邊飲一杯都要廿幾三十蚊，呢個餐CP值真係非常抵，冇諗過呢一個價錢可以包嘢飲，泰式奶茶嘅味道亦都同泰國嘅做法非常類似，而且茶味非常香濃，飲落亦都有茶味嘅回甘，大家都不妨下午茶，試吓呢一個set，真係好抵！泰式豬手飯🩶，味道亦都同傳統嘅滷水泰國豬手飯味道非常類近，豬手嘅味道亦都非常濃郁，係用傳統嘅泰國味道！份量都非常多，我哋三個人share都差啲食唔晒兩個飯！餐廳普遍嘅價位都係60-70，喺尖沙咀嚟講呢一個價錢絕對唔會太進取！香茅特飲🩶，食泰國嘢飲香茅特飲，簡直就係絕配，餐廳係落咗檸檬汁，所以成杯特飲係會有酸味加甜甜嘅口感，味道嚟講同泰式

喺尖沙咀，想食海南雞飯，我一般會諗起#水門雞飯 ，呢度原來有兩間分店嘅。點解我知？因為上次PO 社交平台唔係食呢間嘅，隔一條街有另外間水門雞飯。今次再去，見到大牌長龍，職員都唔確定幾時有位，仲話成日都係咁，結果放棄。去到呢間分店都要排，但接近兩點，好似容易左，就食返原本想食嘅嘢。都係用QR Code落單餐湯都係一叫完嘢食，就即刻俾個招牌嘅胡椒雞湯，胡椒味濃，又有一塊冬瓜，食落好暖胃。午餐4. 泰式豬手飯Thai Pork Knuckle Rice  多飯 $52次次都喺呢度食雞，所以特登試下其他口味。豬手炆得好腍，但肉唔鞋。甜甜嘅豉油味有其他香料嘅感覺，雞以外都唔錯。呢度滿足左另外一個條件，就係呢度嘅餸嘅飯，都係油飯啊！D28.蘋果雪梨水(凍)Snow pear n apple(iced) ＋$10呢杯飲品，就算係凍都係用熱飲杯裝，同埋無冰。一個字，潤。仲有南北杏同蘋果雪梨粒，甜得非常天然。胡椒單骨雞翼Deep fried chicken wings $26因為生炸，所以時間比較耐。呢間單骨切得好碎，適合送酒🍻可惜呢度無。雨露同其他香料味重，不過今次胡椒味唔濃，係一個特別嘅味道總數：$

啱啱晚市9pm左右諗住快快食個飯 我就快手落單嗌咗個水門雞飯堂食 現場並唔忙 唔係爆場好好呀 套餐個湯好快就上咗 好飲嘅 胡椒辛香味但係我唔小心跣手 倒瀉咗大半碗湯 倒到成身成褲都係湯 濕爆我問：「唔該 有冇紙巾呀」女職員背住我講句：「紙巾$3包」我話：「但我倒到成身都係喎😥」女職員繼續背住 較為細聲同um chum講咗句：「係你自己倒瀉咋喎」然後就好唔好老皮脾咁過嚟擺低咗兩張餐紙就走開咗當時張枱仲係滴緊熱湯落大髀度之後我用餐全程勵住嗰個女職員 而該女職員亦冇同望過我嗰枱而家咩事啫紙巾$3包 你可以問我買唔買而唔係就咁得一句話「係你自己倒瀉」，然後就唔好老脾對個客我用個大脾接晒 我冇倒到成地都係我問你攞紙巾 又唔撚駛你抹做乜啫你？ 咩態度？包紙巾你收commission?清耗公司餐紙你會扣人工？定係俾塊布我抹下吓你會俾人炒？我完全理解唔到點解佢係咁嘅反應真心 嘢食味道幾好 雞夠滑 量正常價錢香港地嚟講合理但係呢個品牌嘅食肆就成日會聽到話班職員態度差我聽唔少都冇理今日只係路過想食個快飯點知就一次中招唔該 該餐廳經理 管理層 好好檢討吓你哋嘅請人準則 僱員培訓 客戶服務嘅問題做客戶服務唔係

1. 牛肉湯牛丸生牛肉湯麵：這道菜結合了嫩滑的牛丸、鮮嫩的生牛肉和濃郁的牛肉湯，口感豐富。湯麵的麵條應該是彈牙的，而且湯的味道應該鮮美。2. 生薑蜜(熱)：生薑蜜是一種熱飲，具有溫暖身體和促進消化的功效。如果你喜歡生薑的辛辣風味，這是一個不錯的選擇。3. 雞油蒸飯：雞油蒸飯是一道傳統的中式飯菜，雞油的香氣能夠讓飯菜更加香濃4. 水門半隻雞和水門炸雞飯：這兩道菜品都是以雞肉為主，水門半隻雞應該是新鮮雞，而水門炸雞飯則是將炸雞搭配飯食用。如果雞肉保持嫩滑多汁，且外皮酥脆，這兩道菜都會非常美味。5. 1鮮檸梳打和1凍泰式奶茶：鮮檸梳打是一種檸檬味的汽水，清新怡人。凍泰式奶茶則是以泰國風味調製的冰涼奶茶。這兩種飲品都是很受歡迎的選擇，取決於你對於檸檬或奶茶的喜好。6. 泰式腩仔和泰式炒通菜：泰式腩仔是一道以豬腩肉為主的泰式菜品。泰式炒通菜則是以通菜炒製而成，應該有一種香辣的口感。如果這兩道菜能夠保持泰式獨特的風味，應該非常美味。7. 芒果糯米飯：芒果糯米飯是一道以糯米和新鮮芒果為主的甜點，口感黏軟且甜度適中。如果芒果成熟多汁，糯米飯Q彈，這道甜點應該非常美

夜晚路過厚福街，見到入面都幾熱鬧，決定入去食下呢個泰國的雞飯。招牌雞飯，要了雞胸，不用特別加錢，雞唔算特別滑，甚至其中有一兩塊有啲韌，整體正正常常，醬汁甜甜酸酸，雞本身沒什麼味道，比較寡淡，叫做對得住50幾蚊價錢，不算特別驚艷。泰式炒金邊粉好食，乾爽不多油，風味充足，蝦新鮮爽口彈牙，比雞飯出色。青木瓜沙律失敗，調味太辣，木瓜太硬崩牙程度，不好吃，不值得order。整體平價可以一試，期望值不用太高。