水門雞飯 (厚福街)

营业中

休息中

水門雞飯 $54（轉雞髀肉+$10）唔使去泰國都可以食到正宗嘅水門雞飯 🐔雞肉肉質嫩滑，撈埋特製醬汁配合埋油飯，極度開胃份量都好足夠仲有兩片青瓜仔👍🏻😋搭配埋一碗胡椒湯 香辣鳳爪$52前菜小食必點酸酸辣辣鳳爪都偏大件食落爽口辣到微微辣都OK泰式船粉（牛）$50泰式牛肉湯 牛丸 生牛肉我哋選擇咗粉絲 粉絲滑流加上朔晒牛肉湯嘅汁 湯底好濃郁，感覺用上好多配料熬製而成 ,生牛肉薄片肉質軟腍腍,入口即化,牛丸有兩粒爽口彈牙燒原只魷魚🦑有兩串每串都好有份量 ,魷魚經燒過小小脆口食落又煙煙韌韌加上小小辣汁味道唔錯👍🏻份量剛剛好炸黃鱔魚皮$36小食推介, 唔同出面一般炸魚皮 佢係原條黃門鱔魚皮高溫油炸卜卜脆嘅脆漿算啦，好似食緊薯片,不過魚皮帶小小魚骨,食落要小心👀

第一次嚟呢間分店食感覺上好似多啲款式揀🫡估唔到而家出埋涼拌牛舌推廣價 跟餐都係加$10咋！呢個價錢份量都唔馬虎足足有四片好大塊嘅牛舌個汁酸酸甜甜又有啲澀 有啲似泰式辣醬幾好食 出邊食唔到嘅涼拌牛舌味道👅水門三寶飯呢個係每次必點❤️小孩才做選擇雞雜、水門雞、炸雞有齊三樣我最鐘意食既組合雞雜唔會太咸/太鞋，洗得好乾淨 食落爽口水門雞舊舊都好滑炸雞炸到好脆口 juicy d就更perfect畫龍點睛一定係個雞油飯！粒粒分明 充滿油香嘅雞油飯就咁食都已經好正水門雞飯送既冬瓜湯有幾次係特登為咗個湯而入嚟食雞飯超重胡椒味，仲有好大舊冬瓜飲完個人暖笠笠 飲到停唔到口泰式船粉（牛）牛肉湯，牛丸，生牛肉 另外加左豬粉腸同豬潤牛丸係自家打 偏細粒 但係好有咬口彈牙同好有胡椒味👍🏾生牛肉份量勁多 重牛味 唔鞋仲要唔係比cheap肥牛👍🏾👍🏾豬粉腸洗得好乾淨 非常彈牙😻豬潤份量又係好多 起碼有8-9片片片都又厚又大塊 一樣都係煮得好爽口唔粉唔鞋🫶🏽👍🏾蝦頭膏炒雜菜呢個比較重口味同油咗少少不過最貼心係可以係落單時揀少油同少鹽下次識揀😻泰式凍奶茶好味，重奶味 好正宗每次都一定會叫返杯止癮泰式凍咖啡叫左少奶走冰啡味會

尖沙咀有勁多泰式餐廳，但係想食雞飯嘅時候，都會想起，雞飯好味又唔貴，其他食物同樣出色。水門雞飯 $56.-雞皮有層薄薄的油脂，口感滑溜爽脆，雞肉又嫩又滑，肉味香濃，配埋秘製甜醬汁一齊食，更加好味🥰。跟湯有陣勁香嘅胡椒味，飲完感覺身體都暖笠笠。水門炸雞件 $54.-雞排表面炸十分鬆脆乾身，肉質保持濕潤嫩滑😍，肉味鮮香，惹味又香口，好食到停唔到口。燒完隻魷魚 $47.-魷魚燒至表面焦香，口感軟腍嫩滑，點埋特製辣汁，非常惹味香口。泰式腩仔 $54.-五花腩仔肉肥瘦相間，皮脆肉嫩，肉味濃帶陣陣油脂香，脆卜卜，一口一件，好快清倉🥰。泰式船粉牛肉湯 $52.-牛肉片口感軟腍，牛丸爽口彈牙又juicy。河粉滑溜柔韌，牛肉湯底十分香濃，滿滿的牛肉香味🥰，十分好味。

行開尖沙咀就想食水門雞，尖沙咀地段來講真係好抵食。椰青：好甜好大個 平時飲幾啖就冇晒，呢個飲足全餐飯都仲淨一半，份量大。溫度啱啱好，夠凍夠甜好飲。水門雞飯：招牌必嗌，雞冇骨好啱懶人，啖啖肉 正。有配一個汁，酸酸甜甜好惹味。油飯份量夠大，調味適中，唔會好油，係每次都唔會失望嘅菜式。凍泰式奶茶：正宗泰色奶茶，茶底夠濃，嗌少冰真係有少冰👍泰式乾炒辣牛河：呢個鑊氣十足，泰式調味料配搭好好。河粉都唔會好油，份量適中，牛肉好多好抵食。嗌咗少辣，辣度剛剛好。芥蘭苗-追加： 想食少少菜就$10加咗碟，正正常常水門炸雞件：呢個有驚喜👍👍，$50幾蚊好大碟。雞件配一碟醬汁 但唔點醬都夠味。雞肉炸得剛剛好，炸皮偏厚，口感酥脆。

今日出開尖沙咀 經過呢間好耐冇食嘅 水門雞飯 見佢出咗下午茶好抵食 即刻入去食一食先😬 下午茶套餐好抵食 仲要都有唔少嘅選擇 再包埋嘢飲😍 仲有限時追加嘅小食 好快就用咗QR code自助落單～ 水門雞飯 $54呢間店最出名必食嘅水門雞飯😋 今次揀咗雞胸 份量多 啖啖肉又唔會柴 雞皮爽口 油飯粒粒分明又唔會油膩 配上佢獨有嘅醬汁 仲有熱辣辣嘅胡椒湯 真係絕配！大推👍🏻 串燒 $42叫左1串雞2串豬 兩樣都燒得岩岩好😋 雞好滑 豬燒完仲有肉汁 兩樣都唔會燒到乾哂 配埋沙嗲醬好出色😍 泰式船粉（牛） $50第一次食嘅泰式船粉 揀咗牛肉湯河 入面有生牛肉同埋牛丸 生牛大塊配上熱辣辣嘅牛肉湯 浸一浸食好鮮嫩😋 牛丸彈牙 仲有炸豬皮 脆口唔油膩 配埋一齊食都不錯～ 我哋仲追加咗三個小食 全部都係加$10好抵😍 脆炸香茅雞翼- 炸得香脆唔油膩 唔會勁重香茅味 咬落肉質嫩滑 唔會炸到過乾👍🏻脆炸炸春卷- 推薦呢個春卷😋 香脆熱辣辣 入面仲食到蝦滑 真心好食！芥蘭苗- 估唔到追加小食都可以有咁大碟菜🥹 烚菜再加少少炸蒜調味 食落健康又好味😇 鮮油咖央多士 $28見到咁大塊牛油 真係超邪惡😈 但真心大

以前出開尖沙咀，經常都會幫襯萬勤商業大廈嗰間水門雞飯，而家喺隔籬厚福街又開多咗一間，大大縮減咗等候時間今晚二百幾蚊，已經叫咗兩個主食、一個沙律同5串串燒，好抵食！水門雞飯$56（+10蚊脾位）雞肉嫩，油飯香得黎唔會太油，仲配左好重胡椒味嘅冬瓜湯香辣紅咖喱牛肉飯$52唔會好辣，倒出黎都有唔少牛肉片，好味😋和牛串燒$20/串上次堂食好食d，外賣翻熱完有少少韌，要咬多幾啖雞肉串燒、牛肉串燒 $14/串每次必叫！好惹味！好正宗！青木瓜沙律$50食左咁多濃味餸，緊要食返d清爽d嘅中和下，木瓜好爽脆，醬汁調得剛剛好，好fresh~整體嚟講，每一道嘅性價比都好高！會encore 再encore!!!!

今日係尖沙咀放工，好想食泰國野，見呢間招牌新淨，入面地方又闊落，就入去試下🍴鳳尾蝦炒金邊粉炒得好有鑊氣，醬汁果住金邊粉，每啖食落都好惹味，鳳尾蝦亦都好爽口彈牙，辣度算係小辣，怕辣嘅朋友都可以試🍴胡椒單骨雞翼炸得夠乾身食落唔油膩，仲好香胡椒鹽嘅味道，而且單骨雞翼食落非常方便👍🏻份量仲好多添，計埋有7-8隻雞翼🍴斑蘭大菜糕好濃嘅斑蘭香味，滑捋捋嘅大菜糕再配上香甜嘅椰汁，作為一餐終結嘅甜品非常好🥤話梅茶酸酸甜甜好開胃，而且又解膩，非常驚喜好飲📍 水門雞飯 (厚福街) (尖沙咀)尖沙咀厚福街3號華博商業大廈地下2-3號舖

今日有事要去尖沙咀，有時間可以試之前無試過的食市。去找東西食，一定想起厚福街。行下行下，有小小雨，便不找太多時間，去試這間泰國菜吧～見到這家的招牌菜是水門海南雞飯，可以一試，我便覺得一般般，不是很滑。唔知道點解這家海南雞飯有這麼多的like 沙田的泰國菜好d［想知那一間，便要看回我之前的食評了～］湯很胡椒，不是個個喜歡的，我便是例子了個泰式奶茶是ok的。但是，可能不是很多人加珍珠，所以珍珠便而且不qq了。可惜可惜。。。

📍 水門雞飯 (厚福街) (尖沙咀)尖沙咀厚福街3號華博商業大廈地下2-3號舖啱啱去完泰國冇食到水門雞飯，所以返香港食飯😂😂，因為今日中秋節，所以就決定買啲外賣返去同屋企人分享😆😆👉 水門半隻雞💰$108😋😋😋😋.8/5呢個正！！去骨嘅水門雞食落啖啖肉又嫩，雞皮脆爽，仲附上雞腸、雞腎同雞紅，正👍👍必叫👉 香辣鳳爪沙律💰$54😋😋😋😋.8/5鳳爪肉夠爽脆，雖然係辣，但酸酸辣辣得黎好過癮，食到停唔到👉 香辣肉碎沙律 💰$70😋😋😋😋.8/5生菜包，肉碎上面嘅豬肉味好勁，而且調味好夠，食得出有香茅，蒜蓉，辣味。😆😆👉 烤麵包💰$16😋😋😋😋.8/5烤麵包好香麵包好鬆軟點買咖喱醬食就一流回頭: yesYesyes!!!好似真係返左泰國食咁💓🤭🤭

今日去海門雞飯，就要叫「海南雞飯」，而且連湯都有，湯裡面唔單止有濃郁嘅胡椒味，仲有一嚿嘅蘿蔔，湯頭濃郁而清新，開胃又滋味。而海南雞好滑，同個醬好夾。之後叫左「泰式燒腩仔」，係我最鍾意嘅菜式之一。豬腩燒得剛剛好，香氣四溢，每口都充滿著香甜的味道，一點也不油膩，搭配著泰式的獨特調味，令人回味無窮。再來是甜品「芒果糯米飯」，一道清爽的點心。糯米飯軟糯香甜，芒果新鮮多汁，入口即化，甜而不膩，是夏日消暑的最佳選擇，好吃到停唔住。最後來一杯「泰式梳打水」，清新的氣泡飲品，清涼解渴，帶有淡淡的檸檬香，喝完後口感清爽。

呢間水門雞飯位於尖沙咀厚福街,店面不大但清潔整潔,裝潢簡單但有特色,營造出同泰國水門雞一樣既氛圍招牌水門炸雞飯,雞肉外表金黃酥脆,入口即化,肉質鮮嫩多汁。調味恰到好處,配料的青瓜也新鮮爽脆,同雞肉形成對比，令人唔會覺得太鹹或太油膩。飯都煮得恰到好處,飽滿Q彈,每次黎都黎到必食！烤豬頸肉外表焦脆,內裡肉質鮮嫩多汁。調味溫和,不會蓋過肉本身的味道。烤得岩岩好，一啲焦糊味都無。中意燶味啲既仲可以點埋個醬汁，勁香口！炸黃鱔皮相當吸引,炸得金黃酥脆。鱔皮質地爽脆,唔會太乾硬，配上胡椒湯浸一浸就更加香脆。作為一道小菜,呢個炸黃鱔皮幾有特色。沙嗲雞肉串表皮微焦但內裡依然鮮嫩多汁，食落一啲都唔會話好硬。沙嗲醬調製得相當不錯,既有香料的香氣,又唔會太濃郁,仲食到有花生味，完全真材實料。

呢個白切雞拼炸雞飯組合相當實惠。白切雞肉鮮嫩多汁,入口柔滑回甘。炸雞外酥內嫩,咬下會爆出雞汁,極之鮮美。飯質地清爽,沾埋雞肉嘅醬汁十分美味。份量十足,性價比高。店家服務親切,環境清潔舒適。

去泰國必食嘅水門雞飯，依家喺香港都可以食到，尖沙咀仲有兩間分店添🤭想堂食或外賣都相當方便，除咗有經典水門雞飯，仲有泰式船麵、多款泰式街頭小食，任君選擇。甜品同飲品都有非常多款式，花多眼亂😎😆🐔去骨半隻水門雞水門雞可半隻/整隻買，已去骨嘅水門雞食落啖啖肉，雞皮脆爽，加上嫩滑雞肉好滋味，另外仲附上雞腸、雞腎同雞紅，一次過可以食到幾款添🐷🐔沙嗲串燒（豬/雞）必食推介，除咗水門雞外必點串燒，即叫即燒串燒焦香味十足👏🏻豬肉同雞肉任配任搭，但要3串起跳，我地本身叫咗半打豬肉串燒，之後再外加兩串雞肉🍗一次過試哂兩款👏🏻小妹更愛嫩滑雞髀肉串，沾上花生沙嗲醬真係食唔停口🤭🍬班蘭大菜糕$32有3件大大件嘅斑蘭大菜糕，小妹買嗰陣已經係最後一盒，突如其來嘅小確幸令美食更美味🤤一打開盒就已經聞到濃濃嘅斑斕味，大菜糕滑嘟嘟，得3件都唔夠喉😆

今日晏晝去咗尖沙咀食水門雞飯，厚福街同隔離金馬倫道都有分店，好方便。。嚟得水門雞飯就一定要叫個雞飯，見到好多做gym大隻佬都嚟食雞胸飯😂雖然係雞胸，但係肉質都幾嫩滑，油飯唔會太油膩，再加埋泰式辣醬，健康又好食。另外叫咗個冬陰功湯金邊粉，餸大推薦叫牛肉，有4大片，牛味重肉質鮮嫩。炒通菜有得揀少鹽少油少辣，食落健康好多，但係都有泰式風味。串燒試咗烤魷魚，好香魷魚味。泰式奶茶雖然冇得揀少甜，但飲落都唔會太甜啱香港人口味。另外芒果冰嘅味道勁似細個成日食嘅芒果糖。

天口慶，最好食香口嘢開胃。在尖沙咀見到水門雞飯，二話不說入去當走轉泰國。先來青木瓜沙律，爽口不過辣，特別加有不少生蒜蓉，開胃惹味。必點的雞飯，可以雙拼，海南雞嫩滑，炸雞香脆，油飯啖啖班蘭香。醬油微辣，神還原。跟餐馬拉𦾟芥蘭爽脆惹味。香茅特飲清爽小甜，解暑之選。小食燒魷魚鹹鮮嚼勁十足，送酒一流。太座點的冬蔭功海鮮金邊粉亦值得推薦。湯底偏甜不油膩，海鮮足料肉質不霉，有青口，蝦仁等，豐富惹味。這裏食物種類豐富抵玩，食得過癮。