水門泰式海南雞飯專門店

营业中

休息中

今日好肚餓，所以適量特別大又食水門雞，叫咗泰式煎肉餅飯同埋半隻海南雞呢度個泰式肉餅好好食，所以次次都必點，幫我今次可能配飯嘅關係，所以個肉餅焗得有啲淋，冇之前齋叫小菜咁脆邊，不過味道依然好食，肉餅鬆軟，調味有魚露，好香好夠味，又唔會濺到好油，所以真係好好食，不過原來呢個係配白飯，就有啲失望，因為我好鍾意食佢哋嘅油飯海南雞一如以往咁嫩滑，雞有雞味，配埋佢個醬汁簡直係一流，半隻份量都好多，啖啖肉食到好滿足

今日試咗個泰式肉碎生菜包，呢個餸幾辣，不過好香，又好惹味，肉碎充滿着愚魯味道，仲有啲金不換嘅香味，配埋爽口嘅豆角，包入生菜，好爽脆，分量好多，略嫌生菜唔夠多，好彩我叫多個油飯，可以送埋啲肉碎食另外嗌咗個雞煲手撕雞併青木瓜沙律，青木瓜好爽口，呢個係用麻辣將手撕雞撈埋個沙律，所以食落又係比較香辣，手撕雞好滑，不過個麻辣醬係幾重手，蓋過咗啲雞味，配埋啲青木瓜食，個口感好正，香滑嘅雞配埋爽口嘅青木瓜，一流但係兩個餸都比較重口味，一盒飯真係唔夠

香葉肉碎煎蛋飯$50.佢開咗唔係好耐，之前一路都好多人，所以都冇機會去試，我星期五晚去，竟然出奇地冇人，所以就試吓，叫咗個香葉肉碎煎蛋飯，5分鐘就有得拎，個樣細細盒，本身以為得好少，估唔到嘅係佢肉碎份量勁多，搵咗好耐先搵到啲飯😂.而且嗰日勁好彩，佢俾咗兩隻旦，我相信有一隻係因為煎爛咗，所以順便俾埋我。就咁睇蛋黃嘅顏色相信佢係用靚蛋，隻色勁似蘭王蛋。😌.肉碎炒到非常之乾，而且幾香，但係個調味好似差咗少少咁，唔止係冇叫佢加辣定唔夠九層塔🧐.CP值及夠飽肉碎方面，比得幾多，飯嘅份量可以加返少少😝.翻啅下次再嚟食，要叫佢加辣，順便問埋佢可唔可以加九層塔😆

太安樓內食肆林立，要在這裏分一杯羹，都要有啲特色。多次經過太安樓，見呢度坐嘅人就唔多，但係好多人買外賣。舖頭細細，正式得三張長枱，前身都係泰國菜舖頭，轉手後第一次和家人來試吓。青木瓜沙律：稍嫌太多西芹及洋蔥，都幾辣。泰式燒牛肉飯：幾惹味，牛肉都嫩滑。泰式豬頸肉海南雞飯：炭燒豬頸肉甜甜地，點啲泰式醬好惹味。海南雞皮薄肉嫩，唔夠食，所以再單點多半隻。泰式炸雞翼：好普通，不試也罷半隻海南雞：偏少，應該冇半隻，但係好食的。整體唔算好好食，但係價錢平，邊個值得一試。

聽聞水門飯店也是一間能吃到有水準的海南鷄飯。今天刻意去碰碰運氣。記憶中，此店位前身是吃泰式美食。幸運地，不用等多久就能入座，因為這陣子多了學生吃午餐，開始四處也多了排隊等位的顧客。首嚐了這裡的海南鷄飯，鷄肉嫰滑，口感是啖啖肉。配合他們的廚房招牌"不正常研究禽類中心"，甚是相映成趣。不過相比起"泰國人海南鷄飯”，是略遜一籌。在美食林立的"太安樓"，新店是要多些時間站穩陣腳。此店飲品款式不多，座位格局平凡。期望有機會再臨此店，有更好的格局。

今日路經太安樓...知道好多人推介美食街，因此走入去發掘美食店。中午時間，有點肚餓想食飯，就見有海南雞飯，由於這間水門雞可以堂食，環境整潔，會有信心選此間店外有不少人等候。其他間要無得堂食不方便。試一試海南雞飯等了幾分鐘，就有無骨海南雞飯🍗，雞油飯好香，已經好難到這種味道，個底有些少油多，可以改善...正雞胸肉超滑，有些少改善是雞唔夠味。份量是足夠，啖啖雞肉...讚配個海南雞汁點，絕配喎，味道幾特別好夾配雞食。正體感覺唔錯，環境舒服，下次可試豬手飯

第一次寫食評係因為間野由落單到出餐，到食埋，比我嘅體驗都十分之差！！！落單淨係sell你加錢要多啲野，嗌個海南雞飯要等成十五分鐘，但成間鋪只得兩三個客。返到屋企，成份外賣，個膠袋、飯盒全部都係油，啲薑蓉同辣汁又係倒晒出黎。仲要無比餐具🤬🤬個海南雞飯係凍冰冰嘅，啲飯同雞都係無味！$45唔係貴，但一啲都唔值囉！

很久沒有去西灣河，今天經過太安樓才發現這間店新開🤪店外有不少人等候,起初以為要等很久才可以入去堂食，詢問店員後才發現原來外面等候的人是等外賣，我們立即去收銀下單付款後，便入店內坐下。我們大約七時左右入去，堂食食客不多。本來想試的燒牛肉飯已賣完😢所以叫了一個豬頸肉煎蛋飯和海南雞飯。之後再叫多一杯可樂和西檸梳打🤪等了大約幾分鐘，西檸梳打和豬頸肉飯就到了👍🏻👍🏻雖然西檸梳打附送一盒糖漿，但杯梳打真是好好好好酸🥲🥲🥲🥲建議要兩盒糖漿才夠😅豬頸肉香味十足，配上豉油真心吸引😍個豬頸肉有幾片好厚，有少少韌🥲可能我無牙力？青瓜片好爽口👍🏻👍🏻海南雞是男友order,他等了十五分鐘都未有🥲幸好有店員主動問我們欠什麼，才發現廚房miss了單🥲之後都很快補上👏🏻男友覺得海南雞好滑，可能因為雞的脂肪多，所以雞肉好滑😆果然是海南雞專門店👍🏻另外餐具都是獨立包裝，非常衞生👏🏻雖然晚市有部分食物都賣光，例如牛肉和豬手，但食物質素還可以，算是經濟實惠😂如果糧尾手緊的話值得一試🤪