影片
帮衬左好多年，估唔到嬲到要写食评，第一次写食评，只因太嬲一肚气。帮衬过早，午，晚，下午茶，熟客都呃，唔怪得愈黎愈少人光顾。事原，今早去买2个外卖早餐，一个沙嗲牛肉公仔面加炒蛋加肠仔，另一个同佢讲要猪扒包拼薯条，野菜沙律，店员话，无薯条改左煎蛋，都奇怪，改煎蛋，门口大大个餐牌写住薯条，店员话机出系煎蛋，我哋问佢改炒蛋可以吗？店员话早上太忙炒蛋做唔到，我哋听后觉得真搞笑，另一个餐又炒到蛋，都唔紧要，照买，出单后，发现收40蚊，另加盒钱，门口大大只字写住35，我哋问店员为何收多了，店员说，门口系错既，我哋睇餐厅入面的餐牌，9月1号改了，我们追问为何门口误导人，她说不知道，亦不会退钱，也不会取消张单，我们无奈接受。不知道他们欺骗了多少街坊完全违反商品说明条例之后回家打开发现漏了沙律，打给刚刚的店员，店员说要check check，然后直接cut线，真的火都黎。之后过了几分钟再打给她，她说询问后是同事忘了，最嬲之后我哋下午去取回沙律，原本沙律用长方形外卖盒，店员叫厨房用小型的圆形盒，最少少一半的分量，离晒大谱！
继续阅读
上菜有少少慢，非繁忙时间约15至20分钟，味道不如以前但还可以接受，但计返成15至20分钟就有啲唔值😟😟门口派飞部机系冇用嘅，客人就算有冇拎飞都直接入餐厅同经理讲几位入座，并没有清晰嘅带位同派飞。😞😞😠但胜在有个黑衫女经理都几热心，会帮手跟客人叫嘅嘢到未，有熟客到，佢都可以对答，相比之下，其他侍应就大多无视客人举手落单。🤔🤔总结而言，有时间同耐性嘅不妨可以试吓，但不太适合得短时间食lunch 嘅人。🤔🫠
继续阅读
叫左个两𩠌饭，见个卖相ok，一闻落去少少臭，一食完个肚开始唔舒服，一头以为食太饱，冇留意，瞓瞓觉突然肠胃不适，又肚泻，肚泻左五六七次到，演变左肠痉挛胀气，持续放臭气，每一刻劲痛苦，完全瞓唔到，真系唔该做好啲衞生先。😖
继续阅读
开开心心食紧个早餐既时候，食到一半发现入边有虫，即刻冇晒胃口。我都明白厨房呢啲嘢好难避免，但出现虫喺兜面入面尼件事已经唔系第一次半次，系第三次。究竟卫生环境系有几差先三次都喺食物入边见到。多谢唔会再食
继续阅读
先唔好讲好唔好食. 但茶餐厅早餐唔包餐饮.落单时候唔同你讲净系问你饮咩. 一杯奶茶最后埋单要另外加21蚊.个面餐先37蚊.成个餐要58蚊痴线. 我估区内啲居民都应该知.所以冇乜客. 不过提醒好似我呢啲第一次去嘅. 小心啲睇清楚价钱先落单.
继续阅读