影片
早几日我去香港大学附近揾朋友食晚饭，朋友提议食羊腩煲+小菜，于是我地黎到石塘咀熟食中心望下，我地经过呢间水上人家，个店员就热情推介呢间餐厅的招牌----羊腩煲、黑醋骨，我地谂住一试无妨，就坐低叫了羊腩煲、黑醋骨、柚子蜜猪扒、翠玉瓜炒猪颈肉。我地等左阵就先黎个羊腩煲，𫔰头我仲担心羊腩会膻，点知我食落口唔止唔膻，仲好腍好入味，食完当堂暖笠笠。黑醋骨、柚子蜜猪扒酸酸甜甜适中，都几开胃，搞到我地都食多碗饭!翠玉瓜炒猪颈肉都系好正，猪颈肉好惹味又腍!我觉得呢四样都系必食，估唔到熟食中心都有好野食，我会再黎食架!
继续阅读
网上看到这家店新开，就来试试！叫了秘制黑醋骨，柚子汁鸡翼，羊腩煲，其中黑醋骨超好味，送饭一流！羊腩煲好浓，细煲158，抵食啊！老细还会出来询问食客意见，证明有心去做！下次会再光顾~
继续阅读
我哋成班friend经常去石塘咀熟食中心食嘢。 今晚一入到去，见到有一间挂咗幅好大嘅banner，好有艺术feel。经店员介绍，知道间舖原来系新开张，见价钱唔贵，所以坐低试下。呢间系食中式小菜， 有唔少煲仔系列，价钱唔贵。 首先叫咗秘制猪软骨煲。呢个猪软骨同出面嘅唔同味道。酸酸甜甜，好开胃，饭都食多几碗。 同埋，啲猪软骨好林，下次可以带埋小朋友嚟试下。天气冻冻地， 特登叫个羊腩煲。成班friend一齐十下十下，超开心。个羊腩煲味道唔错， 甜甜地，配埋佢𠮶腐乳一齐食， 味道好夹。而且可以加其他配料食（ 生菜、响铃、 滑牛、 枝竹) 正! 食到一半， 店员即刻帮我哋加番啲羊腩汤水，服务一流， 抵赞！其中有个朋友想食清淡啲，老板推荐台式肉燥豆腐。个豆腐好滑， 连埋个肉燥一齐食，个效果出奇地好，朋友大赞。食完之后，老板特登出嚟问下味道点样。原来老板就系主厨，负责我哋今晚嘅所有𩠌菜。佢之前原来喺唔少大酒楼都做过，经验丰富。 呢次系佢第一次创业， 我哋都好支持佢。因为而家做生意需要嘅勇气真系好大。 希望佢嘅生意越做越好。
继续阅读