民華餐廳

营业中

休息中

民華也不是第一次食，印象中三十幾蚊一個常餐，現在已經加價至四十了。之前好中意食常餐，個炒蛋都唔錯，但係今次食已經差左了。沙嗲牛肉公仔麵好咸啊！豬潤得三塊，仲要甘既色... 見到都唔開胃但係西多係正既！真係好邪惡啊！不過幾肥都要食多士唔炸過又點會好食呢？民華的多士入口不會太油膩，加煉奶或糖醬，切開九粒好細心，一啖一粒厚厚的西多，大滿足

有一日上網睇完關於香港茶餐廳文化嘅post，心血來潮好想去茶餐廳食tea於是就行咗去旺角近太子我地諗咗陣，揀咗民華。雖然店內都幾多人，但好彩都o岩o岩好有兩個位！我地叫咗一個常餐，一份西多同一個菠蘿餐肉包share常餐叫咗蕃茄湯叉燒米粉，叉燒好淋好好味，湯底少少蕃茄味幾清新。西多士有得揀糖漿/煉奶～菠蘿餐肉包幾特別，不過菠蘿皮唔夠脆，但整體味道都幾好！

每次想食番茄又想飲咖啡就一定會來這間茶餐廳，而每次都必叫豬潤番茄湯公仔麵加冰咖啡。豬潤每次食都有不同，有時煮得剛剛好，有時則會過老，好想它每次都keep到個水準！冰咖啡是必飲的，非常濃郁，每次都會叫多奶，苦澀味會少D，好好味。好開心最近去這一次終於見到我夢寐以求的組合！叉燒終於可以併番茄湯啦！雖然這個當餐有點貴，不過食得飽又有滿足感都值回票價。

我好鍾意去茶餐廳同冰室，今日朋友帶我去民華餐廳食野一坐低即刻叫左個常餐，餐肉炒多士茄牛通配凍檸茶走甜民華餐廳的常餐係跟厚多士，唔似其他茶餐廳咁比兩片白方包就算，厚多士烘得好靚，而且有兩塊，食多士都飽左一半啦！炒蛋好香好滑，仲食到牛奶味，餐肉煎得剛剛好，係薄左少少，茄牛通份量好多，湯底好濃郁，我仲見到有新鮮蕃茄，好天然，至於牛肉就不過不失凍檸茶茶底夠香，檸檬都幾多片，唔錯！整體黎講都好好食，食完仲飽到夜晚添呀！

第一次寫食評，只為姐姐服務態度好係太子教會聽完分享會就幾個人去咗食嘢。一行五人，姐姐就比咗張六人枱我哋。當時差不多十一點，姐姐們仲好有禮貌招呼，應真唔話得因為有兩個朋友單點糯米雞，無叫嘢飲，姐姐仲主動比咗兩杯水，真係好貼心。然後大家都叫咗常餐，蕃茄叉燒通拼炒蛋多士。蕃茄味濃+幾塊蕃茄，叉燒都有五六塊，炒蛋嫩，多士略嫌軟身，不過有牛油香。糯米雞料足，夠大隻，美中不足係無鹹蛋黃，得隻鵪春蛋。總括嚟講唔錯，有下次～有個姐姐特別好人，戴眼鏡，好欣賞，希望下次幫襯仲會見到佢啦～PS大家都餓到傻無影相～餐牌上嘅圖都可信嘅～

一間普通的茶餐廳，之前食過幾次都無咩特別，但有朋友講過佢招牌咖哩係一個驚喜餐廳唔算好大，有4人枱，但大部分係闊既2人卡位，坐得都算可以，不過冷氣開得好大，坐低未開始叫野食就已經吹到打冷震，怱怱又要轉去另一張無咁大風既枱，但係仍然係吹住個頭餐牌有一般茶餐，炒粉麵，同埋點心蒸飯，款式都幾多。而牆壁就貼哂咖哩牛筋腩係皇牌推介，好，就要試試有幾皇牌咖哩牛筋腩飯 餐茶熱檸水 56蚊熱檸水 有5片檸檬，值得一贊，有好多茶餐廳得兩三塊薄到傻既檸檬片，而佢呢杯有5塊，想酸唔酸自己篤，可以自己話哂事咖哩牛筋腩飯賣相幾好，牛筋腩分開上，個碗既口係一邊高一邊低，易啲畢啲咖哩落個飯度。入面有3舊牛腩，2條牛筋同埋1舊薯仔，份量算唔錯。咖哩汁比其他稍黑，但食落口好香咖哩味，少辣但唔啃口，而且牛腩炆得好惗，咖哩味入哂舊牛腩，牛筋都牛入味，係淋身果種，煮得非常好食白飯份量適中，而且有隻煎蛋係面，好驚喜，而且係流心蛋黃，餸咖哩汁一流，而且咖哩汁唔啃口而又足夠餸飯，食哂成個白飯都無問題總括黎講，餐廳既選擇足夠多，而份量亦足夠。咖哩的確有驚喜，牛筋腩夠惗夠入味，又有煎蛋送，一定會再食

人工今年沒有加,看來接下來的日子不會吃貴東西了同事都是唉聲嘆氣,大家都放工後找個地方發洩一下來到民華餐廳,也不敢叫貴東西吃,點了一個蕃茄通粉蕃茄湯底算濃,味道不錯通粉軟熟,入口1流牛肉不夠多汁,靠的是蕃茄味道補敷不過份量充足,可說是飽肚

約了一班友好一同購買相機鏡頭，先來個下午茶，因為稍後不知會逛多久。友人提議到此，走過多次卻未進入過，坐下看看裝修，有點不一樣的感覺，新鮮感非常。友人說非常肚餓，不管三七二十一，先點了一個蒸飯，加上一杯奶茶。北菇蒸雞飯，想不到在茶餐廳也可吃到，有點另類，友人說雞很滑，飯也很新鮮香口，只欠北菇香味不足。隨後再上魚蛋魚片河，送來時原送上幾片魚皮，雖然小的三兩片，卻脆脆可口，並不是因為送的而馬虎。再來就是火腿滑蛋牛油多士，配沙嗲豬潤通心粉。牛油多士太香了，被吸引下忘了拍照才吃，沙嗲醬非常香，星加坡風情的感覺，可惜豬潤煮得熟了一點，所謂老了。坐了好一會後，飽餐就出發購物，離開前卻想想，這會否成為我的下午茶食堂？

有一段時間沒有來到太子旺角這區，在金魚寵物閒逛一陣，就到民華餐廳食個簡便的午餐。基本上不用看餐牌，已經知道想吃甚麼，皆因在取籌等候時，已經看過餐牌吧。近期少吃盅頭飯，就點來一個鳳爪排骨飯。排骨飯上有兩隻大大隻的紅椒，但不辣，鳳爪排骨入口都幾惹味的，皆因除了紅椒外，還有豆豉在內，排骨肉質軟腍，鳳爪夠宲，但是略嫌醬油不太夠吧。熱咖啡是今餐的餐飲，香濃的咖啡，略帶苦澀味道，為今天提一提神吧。在茶記食飯，可以簡單一點，不用太複雜。

十一月真是全個月都很black n blue，每每受挫折，遇到不公平對待, 等等 等等,煩事一大籮....剛剛又喊咗一大輪，完全不能正面思想，有啲嘢係強迫唔到。但諗返起，琴晚好high玩得很忘我，就是苦中一點甜了！琴晚去左睇Supper Moment x 欣宜 Live Show, 我去主要係睇Supper Moment的，一向喜歡他們的正面加鼓勵性强的歌，有盼望似的。而一向對欣宜認識很少，她的歌除了你”瘦夠了嗎”和Supper昨給她的新歌“分手是常識吧”，其他都係第一次聽。但Joyce的歌聲很美妙，清脆，最重要的是她昨唱歌似有種story telling 的魔力，她連唱兩首慢歌，第一次聽都令Monkey 淚流滿面………，喊完又要又跳又叫又要接Sunny "插水”，之後又要玩跪低等等，encore encore 再encore 玩到大家唔捨得走！走之後，同朋友s坐van仔去旺角食啲嘢先返屋企，落車後去左附近的茶記食。本來想食常餐嘅，但我見到佢地都叫菠蘿包餐，我就心思思！朋友食左菠蘿油，紅豆冰。他啲們說菠蘿包面咁夜仲係有少少脆，但係凍左，佢地建議包要翻熱啲啲才給客人會好啲而牛油份量剛好。

Go with colleagues at lunch time. 5ppl split into 2tables..Ordered the set lunch, asked for one glass of hot water, asked 5 staff all replied pls wait pls wait, of course no water supplied. Finally granted us one glass of water at our 6th call.The waitress are all mid aged women who like to shout to each other loudly.I saw a waitress grab a pair of chopsticks from the cutlery bucket, falled on ground. She just pick up place back to the shelf..Missed order of drink.We almost done, a waitress aske

次次黎親旺角食tea既時間就會中意黎呢度食常餐，就算一個人黎同人搭枱都會照食。Menu都唔洗睇，餐炒多士茄牛通凍檸茶，仲快過啲呀姐寫單最中意佢既厚多士，麵包夠鬆軟又唔會hong到燶哂。炒蛋好滑，通常我會溝埋落個麵度食，餐肉煎到少少脆又唔會太咸，茄牛通份量都好多，而且茄湯味好濃郁，有新鮮蕃茄，牛肉有少少韌，通粉都幾好咬口唔會太淋。由第一次食好似係$34加到依家$43，價錢真係貴左啲了。

普通，普通菠蘿火腿炒蛋包: 菠蘿火腿炒蛋包的菠蘿包唔鬆脆，蛋炒得嫩滑, 火腿薄无味，建議用厚切午餐肉。但係我古都唔會！西多士：西多士唔好食！好一般的茶餐厅!!  普通，普通！

2015年9月22日，我原本係想去康x飲佢杯奶T，朋友見有豬肝面入咗呢間，牛肉無味嘅～pat沙嗲另上，不是和牛肉一起煮的，奶T唔滑無乜茶未，，，，，，，，，，，，，，， ，，， ，，，，，，，

今日一個人行開旺角，想試下新野，所以就黎左呢開一直都有興趣既茶餐廳食飯時間都有幾個人排隊，不過我得一個人，所以即刻有位入到黎睇餐牌，先發現餐廳主要得常餐同盅頭飯兩種選擇，種類比我食開既茶餐廳少好多我見周圍既人都叫常餐，所以就試下，午餐時段要$41等左10分鐘到就有野食啦先黎既係餐肉炒蛋+多士餐肉係普通白豬仔午餐肉味，薄薄地味道尚可炒蛋好滑，正！多士就真係冇咩味，唔太脆之餘又少牛油，普普通通跟住到好多人試既茄牛通份量唔多，女仔應該覺得啱啱好湯底唔錯，濃郁的蕃茄味，唔會好甜奶茶就夠滑，茶味好濃，幾正！午餐$41有少少貴，不過鍾意食通粉既話都可以試下既