民華餐廳

营业中

休息中

星期日工作後，想要搵啲平靚正既麵，就最好來呢度啦環境：講真唔好預坐得舒服，因為人多關係，會無限的撘枱，所以不會傾到好多計食物：佢個沙嗲真的好食，不會太濃，又入味，麵既熟度又正價格：約40-50一位啦

夜晚上完堂嚟哩度食糯米雞同鵪鶉蛋燒賣。鵪鶉蛋燒賣比較乾身，但味道唔錯，不過一個人食3粒就好啦，膽固醇好高。😂糯米雞，好大隻，糯米蒸到好軟綿綿同埋幾有黏性👍 糯米入面有雞肉，叉燒，鵪鶉蛋，豬肉碎做涵，味道ok收貨，不過如果加埋咸蛋黃碎就更perfect。服務方面本來都無乜特別，但我食完無幾耐，前後都只係坐咗半個鐘就催我交枱，話有人我等緊枱……我都知你趕住做生意，但我都係客有俾錢，食完就催你走，感覺好差，你話坐喺度幾個鐘就話jer，香港啲茶餐廳嘅弊病。

西多士應該係大家係茶記數一數二受歡迎既食物，泥到民華梗係都要試一試啦平時泥民華食常餐盅頭飯就食得多，西多又真係第一次叫。細路平時食西多士最鍾意落好多糖漿，甜到漏之餘，仲講求咬落去先感受到一層好薄既油炸左既脆皮，再泥就係一層花生醬咸咸地中和番陣甜味。今次民華西多士認真麻麻，走醬之餘第一啖咬落去已經腍哂。之前試過因為落太多糖漿令到佢無哂口感，今次已經用類似「炒雪糕」既形式去撈暈，但效果都係麻麻。去民華都係食番常餐比較好，快餐店d西多士仲比佢高質得多。

茶餐廳是香港飲食文化的代表, 當中的常餐更是佼佼者,簡單的菜色卻組合出千變萬化的配搭. 作為一個常餐常客, 下午茶的首選自然是常餐. 因為Tony今日比較遲食下午茶, 下午5時入店, 人流偏少亦無需等候. 作為鏈鎖式茶餐廳, 民華的衛生及服務水準相當高.鮮茄牛肉公仔麵鮮茄湯底濃厚度不錯, 有啖啖茄味,但未至於茄蓉. 湯底亦不會只有純鮮茄般過酸. 上菜時公仔麵是偏向硬身, 剛好Tony比較喜歡硬身公仔麵. 大家下次光顧時不妨要求麵質(食常餐就是比較多要求). 牛肉不過不失.鮮茄叉燒公仔麵麵身湯底大致一貫水準, 叉燒的甜味與茄湯的酸.帶出對比. 不錯.火腿炒蛋牛油多士炒蛋質素比某大美國鏈鎖式快餐店, 蛋味充足,不過熟,但略微不夠嫩滑. 多士中的牛油適中, 同時已經溶入多士中, 烘底亦夠香口, 有驚喜!!  火腿略嫌太咸.香腸炒蛋牛油多士凍檸水民華特色: 常餐麵食款式比一般茶餐廳多.

晚上6:30pm到這裡，不用等位便可以直接入坐下單。這裡的常餐特色是多配搭，筆者選的是火腿炒蛋多士，搭叉燒通粉。叉燒份量不少，為怕通粉浸得太焾，先到先吃。通粉略幼身，中空位窄，入口會多帶了湯，幸湯味尚算香濃，叉燒下湯後仍香嫩，不錯。炒蛋蛋香足而且鮮黃，比麥記早餐的好味一點。火腿只得一塊，不過算是夠厚，略煎，口感足，味道香。多士厚身，牛油因為熱度已經熔在包裡，量適中，怕油可走油。一般凍咖啡在用餐中途已經變淡，難保味道。這裡的咖啡有即磨的味感，少量咖啡粉洒在冰面，感覺可令咖啡香味一直保持到尾。

星期六朝出太子食早餐想食滑蛋 但又唔想食set breakfast民華比較多選擇 就呢度喇一個人 好易搵位一來就叫個叉燒通粉 配 多士餐肉炒蛋跟熱飲 $37湯底幾creamy 唔會太稀 跟埋未完全淋嘅通粉放入口 口感很好叉燒肥瘦適中 份量亦算多個滑蛋 好滑好好味餐肉就較薄 普通煎香 未見脆身厚多士中間已查牛油 不過雖然係烘過但係欠脆 應該唔係新鮮烘出黎嘅

天氣一熱，人既胃口就開始下降，就好似我甘，依幾日既食慾都唔算好高。黎食茶記，平時鍾意食既野都冇食，就喊左一碗蕃茄叉燒通粉，夠哂正路開胃。蕃茄湯未算係食過最濃既,但都比一般茄味濃郁，可以嘗到蕃茄塊。通粉就係通粉，煮得腍滑，配合蕃茄湯酸甜的幾開胃。叉燒方面，正常啦，同街市買叉燒味道差不多，算是甘。整體都幾好食.

連續2日有工見,唔知係咪好兆頭,起碼有機會先今日係朗豪坊見工,見完去對面民華食個下午茶先食左菠羅油,菠羅包好脆,牛油好厚,所以好肥美好正蛋撻岩岩出爐,熱辣辣好好食,好脆,食到成地都係奶茶又係好夠味,佢用既茶膽好靚,所以沖出黎一D都唔澀

出開街,有時好難就到話去邊度食野,所以茶餐廳會係一個唔錯既選擇今日行完街就黎左民華餐廳食左個餐蛋治,好食過返工附近果間三文治舖好多,個包夠軟,餐肉煎得岩岩好,唔會太濃個強又係炒得唔錯,幾好食19蚊既西多士先係最值得食,大塊牛油查落好大塊既西多,好肥膩但係又好正呀個多士又係好脆,唔駛落甜醬都好好食有時候食返依D細個成日食到既野先係最開心

現在開始瘦身，不過要跟朋友出去吃晚飯，只好去茶餐廳較經濟又算是輕食。點了常餐，有多種湯底如薑絲、蕃茄等，我點了蕃茄叉燒通粉。蕃茄味夠濃，叉燒算瘦有點香口嚼勁，可能是自家制，不過美中不足通粉較硬身。腸仔炒蛋配牛油多士，腸仔及炒蛋用很粉油去煎，很適合我，而多士即焗出來，鬆軟脆口。

很久沒光顧茶餐廳，這天一鼓「常餐癮」發作，於是在旺角近太子一帶隨心搜索茶記。在芸芸茶餐廳中，筆者就被這裡的常餐招牌所吸引。常餐是正常的一濕一乾一茶，選擇亦不少，一共十二款：有豬潤、叉燒、牛肉等配料，可選蕃茄、沙嗲或薑汁湯底，亦有雪茶肉絲、炸菜肉絲，火腿等通粉，都足以令筆者心思思了好幾分鐘！ 最終筆者點了蕃茄豬潤通粉，配火腿炒蛋和牛油多士，友人則選擇了蕃茄叉燒通粉，配午餐肉炒蛋和牛油多士。最先來的並非多士或炒蛋，卻是通粉。大概是烘多士需時吧！皆因這裡的多士並不是用輕輕烘過的白方包，而是烘得香脆、暖暖的厚身白方包。那微溫鬆脆配合溶掉了的牛油，趁熱入口，十分好吃！ 至於炒蛋方面，味道微咸，蛋質亦算嫩滑，不過不失！牛餐肉和火腿則被認真地煎香，尚算誠意之作。而主菜方面：蕃茄湯底夠濃！細細粒的通粉更能讓蕃茄湯底滲入其中。不過豬潤品質就差一點了，好像不夠新鮮，也有點「老」。叉燒味道濃郁，不似是尋常茶餐廳的叉燒，而是偏向正式茶樓燒味的感覺；叉燒肥瘦7:3比例，喜歡肥瘦平衡的人應該會很喜歡。總體來說食物質素不錯，只是餐廳的集團味濃、加上個別員工無心工作（那位姐姐隨手將3碟不屬於筆者及友人二人的餐肉炒蛋扔

去開港式茶餐廳，無論係早餐，午餐定夜晚果餐都會order 常餐來食，因為仲意佢份量唔算多，又可以百搭配菜。 今次試左呢個民華茶餐廳既滋味常餐，質素覺得都唔錯。沙爹牛肉公仔面: 有好香濃既沙爹湯底同花生醬，牛肉好滑唔會煮得太韌，公仔面煮得爽口彈牙，頗好。餐肉煎蛋拼厚多士: 多士烘底唔洗另外加錢，烘得好鬆脆。至於餐肉就比較細塊同薄，麻麻地。餐飲好立克好滑好濃味，用厚身的瓦杯裝，飲落口感超棒，超好喝!

兩個人行過附近，唔知食咩好，諗住搵間有噤上吓質素保證嘅，結果入咗去民華~餐牌總類感覺幾多款揀，除咗一般套餐，常餐等等外，仲有蒸飯同點心~~但由於我哋兩個都想食清少少，所以叫咗鮮茄火腿通粉同鮮茄牛肉通粉嘅常餐蕃茄湯底味好濃，鍾意食蕃茄嘅朋友可以去試吓

今日自己一個行花園街...行行下肚餓記得呢到好近太子民華餐廳...所以黎番兜...嗌左個【常餐】配左沙爹牛肉麵..加多士炒蛋再配火腿。成日都覺得佢呢間啲炒蛋加多士,火腿都超讚好!次次都嗌烘底!佢個麵包仲要係厚底果隻...炒蛋落左牛奶去煮....滑身到不得了...唔知點解連凍檸茶都好味過人 .....重點係佢呢到一個餐食到你飽飽..又好味都係只需46而已~

今日去左附近茶餐廳同同事食飯,大家一星期一聚,好難得嫁我食左個漢堡扒意粉,估唔到咁好食漢堡扒好夠肉味,加埋焗芝士,夠曬惹味食落口感仲唔錯,唔覺係冷藏野,真係好好食個意粉唔林,食落好過好多意粉專門店,估唔到咁好既出品$41,都抵既