民聲冰室

营业中

休息中

👧🏻好中意嗌餸食飯，即係幾個人叫唔同既餸一齊開心share個隻呀🤣今日要介紹既係一間超正食小菜既小店，仲俾👦🏻👧🏻發現到一個著數優惠介紹俾各位朋友仔🤩客家鹽水雞有大半隻雞既份量，雞肉好滑同好夠味，送飯同就咁食到好正；鮑汁螺片生菜既螺片好大塊，生菜既份量有好多，啱晒好似👧🏻中意食菜既朋友仔；👦🏻一早做定功課話一定要食呢到既鹹蛋蒸肉餅，呢到既肉餅特色係好似一座山咁，鹹蛋好綿同好香，加埋甜豉油好味到可以撈到幾碗飯呀🤤介紹完野食就講下個著數優惠啦，而家download app，去呢間小店，每增值$100就送$10，增值左嘅錢就可以keep住係個app入面，下次再去食，無帶銀包，拎個電話scan下就俾到錢，好方便🤤

今日去咗民聲冰室食晚餐。呢間冰室好出名，相信唔少人都聽過啦，今日經過大坑，決定試吓佢啦！叫咗兩個主菜，一個係椒鹽豬扒，一個係手撕雞。椒鹽豬扒份量都幾多，剪得金香而且仲好有肉地，表情仲灑上少少椒鹽吊味，但唔會太鹹，剛剛好。至於手撕雞，原來係凍食黎既，一條條嘅手撕雞多到好似一座山咁樣，又唔跌落嚟，好靚㗎！雞肉沾滿左手撕雞嘅秘製醬汁，非常入味。另外叫咗兩碗白飯配兩個主菜，非常滿足！而且侍應（係老闆娘？ ）都非常好服務啊。

久違了的民聲，疫情下去了一次外賣自取。疫情底下，價錢變貴，份量變小已是意料中事。以前的大肉山，明顯瘦了不少。在我已付錢的時候才發現，收錢的老闆沒有載上口罩，口罩掛在下巴。抬頭看看半open kitchen 的兩位廚工，分別也只掛一邊口罩在單耳。完全沒有掩蓋口鼻半點難道飲食業經過這半年還未學到半點公共衛生意識嗎？奉勸各位不要光顧了。還有3座人在堂食呢。又要油麻地茶餐廳的翻版嗎？每個人出一分力，社會才會更好。

今日黎到大坑食出名食肉餅山既民聲冰室😍😍，大坑平時人山人海，但疫情既關係，人流少左好多，但呢間民聲冰室就反而仲係咁多人，足證佢質素之高，唯有繼續外賣自取今日叫咗鹹蛋蒸肉餅同豆豉鯪魚油麥菜，佢本身冇包白飯，要另外加，雖然價錢偏貴，但質素就真係好高你個肉餅山除咗打卡一流之外，味道仲好好食，肉餅好林，有肉味十足，英國豉油都特別好食過人，完全唔知佢點解會做到😂😂豆豉鯪魚油麥菜走都唔錯，豆豉鯪魚唔會太少，油麥菜又差都好入味又唔會太林整體來講質素好高，尤其係個肉餅山，鍾意食肉餅嘅朋友不用錯過

民聲N年前已經好出名，最特色嘅菜式就係佢嘅肉餅山～而家雖然冇晚市堂食，但係都可以買外賣返屋企食，我就叫咗鹹蛋蒸肉餅$98，客家鹽焗手撕雞$88，價錢其實都有啲略貴，午餐嚟食會平好多，不過唔緊要啦想食就買～鹹蛋蒸肉餅啲肉夠淋但係又唔會散開，豉油汁好甜好入味，成個山咁樣嘅造型又大份又奇特，兩個字形容美味！手撕雞都好好食，有一陣咸香，啲雞都好有雞味。整體來講，真係抵佢出名！經過會再買來食～(外賣嘅外表唔係太好睇，不過味道都係不變的）

eatwhat.hk·之前係ig見過呢個肉餅山，就即刻bookmark左～💛舖頭比較細，大概得12個位雖然小菜lunch同dinner都有但係lunch set比較平～而且佢星期六、日都有提供嫁😍只係會少左杯飲品，啱晒上班族.兩樣野都好好食🥰唔好睇份肉餅好細咁，個份量夠晒送飯🤩手撕雞係凍食，啱晒咁熱嘅天氣☀️·鹹蛋蒸肉餅 $55客家鹽焗手撕雞 $58———不專業評分💯食物指數🍴: 💛💛💛💛🤍環境指數⛱: 💛💛🤍🤍🤍抵食指數🤑: 💛💛💛💛🤍推薦指數👾: 💛💛💛💛🤍———📍民聲冰室 (大坑)大坑浣紗街16號地下———#ewhk銅鑼灣 #ewhk大坑 #ewhk茶餐廳 #ewhk港式 #ewhk黃店 #ewhk #ewhk甜品 #黃色經濟圈

五一·勞動節話哂假日真係好好好彩，喺大坑泊到車🙃大坑有好多名物，相信大家不其然會諗起果兩間，不過今日時間唔早，都已經三點半下午茶時間又未食飯！所以行到民聲門口，都好耐冇食肉餅山✨Menu冇下午茶set㗎，都係午市嘅飯餐，不過對於未食飯嘅我哋，要一個late lunch😎仲叫咗個客家鹽焗手撕雞 $58，店員推介⭐️雞肉咸咸哋，好麻香又嫩滑！😋咸蛋蒸肉飯 $55有別於食開嘅蒸肉餅，民聲以肉餅山見稱！口感唔會過實依然嫩滑配合埋甜豉油，真係裝多碗飯🍚

就算五一黃金週已經完結，任何時候都要繼續支持黃店。今晚到大坑一趟，本來想去「前座飯堂」飯聚，但由於人太多，唯有改去另一黃店「民聲冰室」。「民聲冰室」門口貼有米豬連認證，同時有參與良心飯券運動，手足有經濟需要可在此吃飯，收據之後貼在門口，由路過的家長找數，絕對是一個良心小店！來到「民聲冰室」，當然要試最出名的蒸肉餅。當我們猶疑再吃什麼時，老闆即熱情推介手撕雞，大讚非常好吃！鹹蛋蒸肉餅（$88）果然名不虛傳！手刴肉餅非常稔，但口感絕不覺爛！加上秘製甜豉油，送飯一流！客家鹽焗手撕雞（$88）老闆果然沒介紹錯，同樣是堆到塔形的手撕雞，每一絲都勁滑溜，雞味香濃！最後，想一讚老闆為人熱情友善，難怪人人都讚大坑這小區充滿人情味。

讀u嘅時候成日食呢間出名嘅巨塔肉餅☺️原來佢都好黃💛有派野飲野食支持手足👍🏻⁣⁣. 咸蛋蒸肉餅 . $98 (晚市)⁣巨塔肉餅整到一座山咁, 但佢跌左落黎😹以前整得實淨d, 有少少失望, 肉質一般撈埋甜豉油同咸蛋送飯都ok ge, 不過覺得以前好食d🙆🏻‍♀️⁣⁣. 馬拉盞炒通菜 . $88 (晚市)⁣炒得幾靚, 個汁幾好食😋份量都好多, 可惜唔夠鑊氣⁣⁣午市平d仲送野飲, 都有好多街坊叫外賣, 但感覺無以前咁多人🙈個舖位都細疫情關係都可能少左生意, 大家得閒支持下黃店💛⁣⁣推介: 🌟🌟🌟(最高5星)⁣⁣

知道有好多香港人都好鍾意食肉餅 但係個人來說絕對唔係一個肉餅人完全唔係刷自己母親對鞋 但係只係鍾意食母親大人自家製嘅肉餅 從來喺街都唔會嗌肉餅飯嗰啲 因為唔係有鬆肉粉 滑潺潺 好似假肉咁 就係啖啖肥豬膏 油淋淋 一係就乾爭爭鞋sepsep但係呢度整嘅係肉餅山喎 幾咁有創意有gimmick絕對值得我拋棄一次母親大人肉餅泥試試嗯。。。。 知道唔係㗎肉嚟嘅 有肉味嘅 但係依然冇食緊肉嘅感覺😅 完全唔使用我啲牙🥱 好軟熟鹹蛋加肉餅加甜豉油加飯一啖過 味道一流嘅 但係質感wise 就唔係我杯茶啦所以好唔好食就見仁見智啦🤪味道：5/10民聲冰室鹹蛋蒸肉餅 $88📍大坑

今日介紹下我好鍾意食嘅民聲肉餅飯 ❤️❤️❤️鋪頭喺大坑 好大個招牌好易搵 最出名就係佢個鹹蛋黃蒸肉餅飯😍😍 配埋個甜豉油真係不得了 我可以食幾多次都仲係覺得咁好食 👍🏻👍🏻👍🏻 一食起碼可以食一大碗白飯 另外佢嗰啲蒸蛋啊帶子豆腐啊我都覺得唔錯 蝦仁蒸勝瓜亦都好鮮甜 😊椒鹽豬扒呢我覺得略嫌有啲乾 味道就好香口嘅 呢度價錢好相宜👍🏻每樣餸都只不過係幾十蚊 街坊價格 用料味道俱佳🙆🏻‍♀️呢排肺炎搞到好多餐廳都執笠😞😞希望咁好食嘅民聲唔好執啦

中午時份又來到大坑, 縱使大坑附近有唔少選擇, 最後都係簡左民聲冰室。唔係第一次食了, 佢地既鹹蛋蒸肉餅山幾時都係咁好食! 熱熱既甜醬油加上剛好熟透既鹹蛋同肉餅, 就咁食已經完勝, 送埋飯係想再叫多一份。師傅整到個肉餅成個塔咁, 每次一見到一定認到係民聲, 次次黎都係必叫, 不過而家座山比之前細左d。每次食, 都唔捨得將佢訓低跟住仲叫左個手撕雞飯,  芝麻加埋少少麻油香既手撕雞係第二個一流送飯既菜式。佢唔係乾身既手撕雞, 所以食落唔洗瘋狂咁咀嚼, 好味道。

最近因為疫情都沒有去遙遠地方，想去吃肉餅，看到民聲很有名，就坐巴士蔥九龍到香港，店名真的小，價格都不平，一個大概80到90蚊，肉餅味道還不錯，不膩，椒鹽排骨味道我不喜歡

同事話黎大坑一定要試民聲，今次係第一次食。午飯時間都好多人，要排隊~就算好忙老闆都好nice！JoyJoy子一行五人安排坐出面張細檯，迫係迫但為左美食冇辦法啦！本來叫蒸魚，但係冇晒叫左五個小菜，都算上得幾快~大家都清晒d野，食得好飽啊！總括而言，口水雞同蒸豆腐唔輸俾肉餅，下次可以再encall

天后人氣鹹蛋蒸肉餅，聽之前公司的同事，說了很多次的肉餅飯，終於我有機會吃到了，哈哈哈！ 我們來到餐廳的時間​​已經出現了人龍了，但大家都有好好配合，餐廳的翻桌率很快，食客大多數都吃完便走了！ 要齊人才可以入坐，有大枱空就人數多的先入座。我們點了手撕雞跟鹹蛋蒸肉餅，再配凍奶茶。很久沒有吃過手撕雞了，滿滿的芝麻，很合我的心意。鹹蛋蒸肉餅很像聖誕樹，真的很好吃配上甜甜的豉油，鹹蛋很多油脂，很邪惡但超好吃，吃完之後真的念念不忘，真的跟平時吃的鹹蛋不太一樣。