民聲冰室

营业中

休息中

可能係全世界最正的鹹蛋蒸肉餅！😍民聲冰室超吸晴招牌肉餅塔😛Fullfoodie緊係要慕名一試啦～😎 招牌鹹蛋蒸肉餅 🥚 ($69)一上枱嘩嘩聲！好誇張呀！😳好似比薩斜塔上面放著鹹蛋黃😂賣相吸睛度爆燈！👀 原來大廚係用人手將五花腩剁至起膠🙏🏼增加硬度形成「肉餅山」🗻果然非常考功夫呀！😮 肉餅入口軟滑而鮮嫩☺️豬肉肥瘦佔半不膩👍🏻口感juicy絕對唔會乾！💦配上不會過咸的特製醬油🍶鹹蛋吊岀肉汁鮮甜🐷真係又睇得又有內涵呀！😛

Plum 每日都有唔同lunch 餐單， 今日有大坑名物民聲。 咁就download 個app 同幾個同事一齊叫啦。 我地叫左2款唔同既飯幾個同事share。呢個手撕雞都ok,但有啲油， 份量都算幾多， 都幾香。飯都好多。 拎到返公司都仲有少少暖。雖然送貨路程都遠，但係都暖過平時啲外賣。另一個叫左咸蛋肉餅山飯， 外賣一定冇堂食咁好味，堂食高啲冇咁乾。不過都一定好食過平時茶餐廳啲外賣肉餅飯。價錢當然比堂食同一般外賣貴啲。

呢間餐廳唔大，得幾張枱，一眼望哂，未必好坐，但呢度既咸蛋肉餅真係好好味！肉餅打得很鬆軟，外型似座山，淋上甜豉油，送白飯真係一流！（配一個白飯肯定是不夠的！）除左肉餅之外，呢度既叉燒炒蛋都唔錯架，凍奶茶亦都好飲！

< 蒸 肉 餅 • 手 撕 雞 // 民聲冰室 • 大坑 >聽講係全港最好食既肉餅!賣相幾正 撘高左個肉餅再加粒鹹蛋 肉質好嫩 醬油有點太甜 overall不錯 我比較中意佢個手撕雞 好滑 餐廳細細間 好有feel ☺️-(Possibly) the best steam minced pork in town! Appetizing appearance and good overall experience except the fact that the soy sauce is a bit too sweet for me. The shredded chicken is another plus with its tender texture. This little homey resto matches perfectly with the holiday sunshine ☀️

想吃較經濟的晚餐，此食店是不錯的選擇。不過，坐位較少，有時要等較久時間喔！幸運的是今晚不用等位😍今晚，我們點了梅菜蒸勝瓜$88及鹹蛋蒸肉餅$88味道不錯，但下次再點會要求少豉油，今天「重手了」😅整體來說是好的，而老闆也十分友善。

已經有一段日子無黎過民聲，今次帶朋友食返次😆由於得兩個人既關係，只嗌左咸蛋肉餅同羔蟹蒸水蛋。感覺上水準係比起以前下降左，咸蛋肉餅比較多肥肉，同感覺多粉左，無以前咁好食，但味道仍高於水平，而且份量都唔少👍🏻至於羔蟹蒸水蛋我覺得蟹羔都算幾好味，唔算勁多羔，但啲蟹羔幾夠味同蟹既味道幾鮮。至於水蛋係超滑，但啲蟹味無乜入到啲蛋度。本身同朋友打算share 一碗飯，不過肉餅太適合餸飯，所以最後一人一碗。其實民聲不算貴，份量也合理，依個價錢同水準黎講，已經不錯。

好耐冇去過民聲食飯啊今日難得去銅鑼灣做嘢就順便搭多個站去天后應該大約有兩三年冇黎食啦原來依家唔可以系出邊搭枱嘅去到有一堆人等緊位所以等左一陣等老闆執好張枱就可以入座冇嚟過嘅你地話你知餐廳只係大約得10個位左右老闆會叫你入左前睇定餐牌價錢方面比以前貴左少少不過都可以接受嘅咦有新菜式喎叫翻個手撕雞試吓啦坐低等左5分鐘左右已經有得食啦都係金字塔造型留意番係凍食“yip"得好入味唔少得叫返個馬拉盞炒通菜都係一樣咁出色keep到個水準重點黎啦⋯⋯金字塔肉餅因為每次都係即叫即蒸所以永遠都係最後先至嚟嘅味道都同以前一樣不過啲肉冇以前咁鬆同埋咁多肥膏每次都要加返一兩碗白飯餸煮一齊食先OK整體都有90分同埋好似食完都會令你懷念好幾日嘅

同一大班朋友去完山頂野餐，之後就梗係諗下食咩好啦，突然有一個朋友話，不如去試吓呢一間個肉餅囉，咁唔使講咁多，就出發喇，去到等左大約30分鐘先有位😅😅，其實喺門口已經一眼睇晒位置並唔多，好迫同好細，個肉餅都唔係話咁好食，反而個蒸蛋同手撕雞，我覺得可以一試，其他餸菜都係一般般，應該都唔會再去食架啦😂

知左呢間嘢好耐，唔知點解就係一直都冇食過，今次黎到大坑，一定要試下。我地星期六七八點到，等左大約十五分鐘就入得，算係咁！叫左佢地好岀名咸蛋肉餅，手撕雞，通菜😆靜係影左手撕雞咋，佢地啲餸都偏咸，啱配飯🤔 首先講肉餅，肉質偏"淋"，係好食嘅，咸蛋係夾嘅，分量都唔少，我地兩個叫左兩個餸一個菜都清唔哂。手撕雞係冷盤，同肉餅一樣成座山咁，好搞笑。好食，份量唔少。同埋係唔辣嘅，雞肉啲調味做得好食，芝麻好香。 最後通菜炒得好香！🤤但都係偏咸😳

聽聞這間小店出名蒸肉餅，一值想去試本人很喜歡食肉餅，今次突登揸車去食選了菜色必定首選鹹蛋蒸肉餅、手撕雞等左好耐先上菜，一泥就是手撕雞，好好味，味道調較到剛剛好，雞肉好滑食完手撕雞二十分中後再上蒸肉餅，可能等得太耐關係碗飯都凍哂，我都明白即蒸時間都會比較耐小小，最期待既主角出場了，食了第一味一定好期待主角出場，食一第一啖感覺好粉好難既感覺，一定不是新鮮手打肉碎，是冷藏既免治豬肉同一般茶餐四十幾元客飯冇分別佢依個價錢根本唔值，勁失望，不會再有下一次

突然想念住家飯，夜麻麻只想簡簡單單小菜兩味填飽行雷中的五臟六腑....叮一聲！突然諗起大坑民聲冰室，一間橙色的街角小店，街坊風味，小菜實而不華，大碟夾抵食。（正宗餐「牌」，字體好壞絶不影響食物質素🤣，特色與實際睇你點睇。敢棟呢個唯一的餐牌出門口，證明店主有自信，全靠食力💪🏼）（👍🏼長期榜首鹹蛋蒸肉餅，可以講係每枱必叫，吃貨小姐最愛，差一分爆燈，扣在豉油太鹹）講起火山肉餅，不得不提一下「太快活」曾幾何時亦主打過「A貨火山蒸肉餅」，笑料一則，不長談，網上借了張相來笑下😜有圖有真相，去相👇🏻（👎🏻説好的火山呢😂，好在嗰時未有商品說明條例，Lol。當然冇幾耐就被OUT左啦。太快活出品）講返民聲先，第二道小菜出爐👇🏻(勝瓜蒸得剛剛好，爽脆不油膩，梅菜加蝦米，得！）總結：呢個梅菜蒸勝瓜同鹹蛋肉餅各扣左1分，敗在豉油太鹹鳥。😢送飯都係鹹左DD, 但係好食嘅👍🏼值得一試，番試，再試！🤤👎🏻彈係白飯太乾硬，好菜需有好飯配😔老闆，下次來請賜我一碗好飯🙏🏻否則只能外賣回家配自家白飯來肉餅撈飯囉......

認識我嘅人都知道我好少食中菜，由其是茶餐廳。但係嗰日我有突然口痕想食下呢間慕名已久嘅小店。我哋兩個決定叫兩個小菜同飯送。首先係鹹蛋蒸肉餅，真係冇揀錯。啲肉餅好軟熟又唔會太咸，就連我都覺得好好味。送飯簡直一流。再叫左個馬拉盞通菜，d調味好正好岩送飯！唔算太辣😋😋😋

話說之前睇小儀金剛好似有介紹過，電視入面既蒸肉餅塔成塊面咁高，令我幻想左好耐....今次lunch落完雨，大坑都係得少少街坊幫襯，入到去就有位坐，好快咁點左肉餅同手撕雞（後發現個個都叫呢2款，個個都係）肉餅：如前言，真係無乜surprise仲有D失望... i mean 個size。我一個人應該可以食3﹣4個不等不過好在佢係嫩滑版肉餅，不是平時屋企or茶餐廳既蒸肉餅，果D會偏硬同多‘咬’口；呢隻肉餅攪得好碎、好滑，肥肉既功勞令佢疊起身蒸都唔怕會蒸唔熟中間or出面太鞋，而且我懷疑vertical設計令D油可以蒸到流落碟度，食落就唔會覺得好多油，外觀上又有噱頭；不過下面豉油放太多，肉餅偏軟身所以一拆就散落係豉油度，無得避；同埋本身肉餅己有味＋咸蛋黃，所以overall會偏咸。。。建議不防可以試下豉油另上，食客可以自己調味嘛。手撕雞：又係疊高既視覺效果，望落好似好大份咁，其實上面D肉都幾好食，調味又香（加左麻油咩都變到好得），但食到底發現都係雞胸‘骨’，同雞脾‘骨’，可能上面拆左D肉下面放番D骨做基礎起樓？但係會覺得有D 唔抵..先甜後苦喎。另外，白飯有D硬，可能我鐘意食軟飯啦xD 不過軟D

好中意食肉餅，但又唔係周圍都食到美味的，今日同朋友經過大坑，入左去民聲冰室，發現原來呢到專食肉餅😍點左肉餅同口水雞。肉餅熱騰騰，很鮮甜，很難得肥瘦相間，配合甜豉油，口感十足👍口水雞的雞肉肉嫩，嫩滑程度猶如bb的皮膚😬非常肥美!雖然坐位不太舒服，但食物美味，算是滿足。

有的朋友係約左好耐都未約到一齊食飯個種我諗大家都明啦香港地你忙我忙大家忙如果約到既話就緊係唔係食M記甘簡單啦今日係銅鑼灣做野朋友就話不如我地去大坑揾食啦對於我呢個九龍人黎講當然絶對同意啦一去到全場爆滿甘都因為間鋪頭係唔大既好彩我同友人都好耐無見可以吹下水大約等左半個中度就入到去啦呢個肉餅塔黎到已經香死左我雖然佢一座塔甘但煮開野食既應該知道蒸肉餅如果蒸耐左的肉係會好實但係呢個肉餅好好味有咸蛋香同肉汁重有最正既甜豉油撈飯一流呢個鹽水雞又係好正雞嫩肉滑平時食好少飯既我今晚食左一碗😍最後呢個馬拉盞通菜不過不失啦總括黎講真係唔錯又一想番黎食埋佢其他野既小店👍🏻👍🏻👍🏻