民生小食 (已結業)

如果貴店看到這評論，希望好好認真改善，否則好快汁。今天早上上班大約上午九點，經過貴店。因為每次經過都感覺貴店衛生很差，又沒有人氣，所以從未幫襯過貴店。突然今天撞邪了想試下買個早餐吃。看見牌上寫三文治即叫即做，於是話要碎牛雞蛋熱啡。店員小姐話冇熱只有凍。原來係雀巢罐裝，心諗都算，跟住嚟手唔知係邊度，拎出嚟一份三文治，唔係即做咩。。。。算，預做你都要包好先至衛生，唔係，竟然得個吸油紙袋咁大把，重要係吸到油晒。。。。應該擺咗好耐，又凍晒。以為自己男人老狗百毒不侵，我膽粗粗照要，最多冇下次。點知我今日係公司肚屙到七彩，腳都軟晒，多謝你幫我減肥。

今日係附近番工，係openrice搵到呢間小間 好耐冇食雞蛋仔就想買番個黎試下！今次試左粒粒朱古力雞蛋仔 出乎意料之外好味！記得我係open rice 落單係$28去到就即刻有得拎 吾洗等好耐！拎左上手仲熱熱地 雖然佢吾係脆卜卜style既雞蛋仔 但佢既粒粒朱古力竟然係我最鐘意食既明治個隻士多啤梨朱古力粒！（如果我冇食錯既話😂）食落有陣士多啤梨味 而個朱古力又好好食私心希望佢可以放多幾粒🫣🫣🫣如果有再經過 一定會再買！

Oreo雞奶仔$28第一次買，整完出黎勁淋，完全唔ok，同店主講佢好好再整過第二底比我同我交換返，可惜都係一樣，我仔食過北角出名的雞蛋仔脆卜卜好好味，呢間比佢都唔食😰，期待下次會有進步

今日lunch 行過想搵小食，見到黎間就試吓。唔洗等好耐，價錢合理，可以散叫亦可以叫套餐。佢哋嘅自家餃子🥟好好食，我個人鍾意白菜同韭菜。雞蛋仔都唔錯。下次有機會希望可以試埋格仔餅

我喺附近返工咁啱lunch時間口痕想搵格仔餅之類魚蛋燒賣之類嘅嘢食🥰😍😍😍行行吓鰂魚涌附近發現到裝修好有懷舊嘅風味所以我就試咗個朱古力格仔餅店員即叫即整所以收到朱古力雞蛋仔超多餡熱辣辣真係幾好味😋店員都好有禮貌 仲問我地飲唔飲奶茶 店員話佢嘅冰鎮奶茶好好飲試完冰鎮奶茶之後之後再試咗個咖喱魚蛋燒賣估唔到撈麵食🤩不過真係太飽食唔落撈麵🤣嗰個咖喱醬調味好好食好有香料味價錢都算親民 下次會去試埋其他嘢食

咁啱係公司附近見到呢間小食店, 見到有餃子🥟賣, 就嗌左粟米豬肉同白菜豬肉餃試下, 食過都幾好味, 下次可以再食~同時都嗌左瑞士雞髀, 好入味, 值得一試～另外仲有雞蛋仔, 魚旦燒賣, 可以下次試試～～

平日食好多好西，但因為太懶所以冇寫過食評。但今次體驗非凡，令本人大開眼界，決定要將人生第一個食評獻比民生小食。由我落單起，去到小食店之後，等咗超過半個鐘先齊嘢食，耐過去任何地方dine-in lunch，更何況你只係整小食 (燒賣、瑞士雞髀、煎餃、茶葉蛋、雞蛋仔、格仔餅 - 絕大部份都係預先整定，店員本身話5分鐘就得)格仔餅 - 評論唔到個味道，因為等咗半個鐘，佢都整咗3次都failed，都係黑色嘅。雙重芝士雞蛋仔 - 又凍，又淋。點知原來入面都係黑色嘅！見到有芝士，但食落去完全冇芝士味，好神奇。煎餃子 - 凍哂，完全冇煎過咁，仲要痴住張紙。咬咗一啖之後就食唔落去。。。有陣怪味，似係壞咗嘅肉同菜茶葉蛋 - 冇茶葉味，都係咬一啖就扔咗。啲蛋有臭味，又係壞嘅燒賣 - 唔好食，但算係食得落瑞士雞髀 - 唯一正常發揮

今日和同事來試一試公司附近的小食店作午餐瑞士雞翼撈麵套餐 - 套餐有瑞士雞翼兩隻, 腸仔一條, 營多撈麵和飲品。瑞士雞翼的瑞士汁香濃, 甜生的十分醒胃一口黃金蟹餅 - 一份有十份之多, 最適合作為和同事分享的小食。黃金蟹餅口感軟腍, 混了七味粉, 十分惹味煎粟米豬肉餃 - 一份有八隻, 即叫即煎, 熱騰騰的每一隻餃子都十分飽滿, 餡料有豬肉, 粟米和紅蘿蔔, 十分健康阿華田脆脆格仔餅 - 同樣都是即叫即整, 熱騰騰的。格仔餅吃起來鬆軟，是金黃色及帶有蛋香。配上阿華田脆脆有多重口感, 而且不會太甜這間小食店所有食物都是即叫即整, 非常新鮮, 而且價錢合理, 是作為午餐的好選擇

路過想買小食，民生小食免費送你一肚氣😮‍💨想食魚蛋問你要燒賣好唔好🤡想俾八達通問你俾現金好唔好🤡想俾現金問你俾散銀好唔好🤡啫係咁，如果唔想做生意可以收檔，唔駛開門扮做生意🙏🏻最後我可以俾現金獲得啱啱係雪櫃拎出嚟嘅魚蛋。結論係店內嘅八達通機係裝飾用，個招牌啲嘢都係，睇你好唔好彩，加埋個陣店主心情如何🥱想測試自己底線嘅人歡迎一試👍🏻包你滿肚氣而歸🥰個陣只不過係5點幾，但已經有閂舖嘅感覺🚫

幫襯過2次明明唔多客，但都要等勁耐店員好有禮貌，不過效率就麻麻始終大家趕住買完早餐就番工，小店要諗諗點改善呢樣野陳皮魚蛋好彈牙沙嗲汁幾好味！推介！燒賣正正常常炒麵可能放得太耐，焗到淋淋地唔推介

今日公司做咗成日文件，放工去坐巴士返屋企，先發現原來巴士站旁，最近開了間新的小食店。（平時趕時間唔坐巴士）除咗有腸粉、魚蛋、燒賣、雞蛋仔，仲有自家製手工餃子。仲有拉麵、泰式小食。我本身都喜歡吃餃子，無論煎餃定湯餃都愛吃。肚餓到打鼓，見仲未有巴士，嗱嗱林叫咗一份湯餃子，一份咖喱魚蛋，同埋一份雜錦炸小食。可以拎返屋企同仔仔下午茶。本來想各一份煎餃和湯餃，不過煎餃要等耐啲，以免走巴士，所以今次只好食湯餃便算。湯餃子ok 好味，皮薄餡料新鮮。咖喱魚蛋有陳皮魚蛋和普通魚蛋兩款。兩款都彈牙。咖喱汁唔算太辣。呢間小食店真係好多嘢食選擇，仲有不同套餐，早餐、午餐、下午茶又可以有多一個另類選擇啦。

餐廳位於鰂魚涌，鄰近地鐵站，路程需要七至八分鐘左右，還算方便。這家餐廳是以小店型式經營的，十分有親切感，這天和朋友一同光顧，我們選上了一些香港地道的食物，當然也吃了一些相信是餐廳精製的食物。小食方面我們選擇了雞蛋仔，絕對充滿香港的特色，最重要價錢相宜，又合理，外皮香脆，內裡鬆軟。另外，我們還點選了餐廳自家煎餃子，外皮香脆可口，內裏餡料豐富，最重要吃起來感覺不含味精，絕對是超水準之作，這就是我最喜愛小店的原因。

我都好少寫評論。呢間嘢D野都幾難食，再加上佢哋D姐姐冇乜禮貌。我俾錢嗰時俾咗$100, 食物$25, 佢哋俾返$85 - 俾多咗。我好心返轉頭話俾返佢，佢哋唔出聲，拿返岩數就算。乜嘢都唔講，冇多謝，冇禮貌。下似唔再係到買嘢。I don't write reviews very often. This place not only has horrible food, the staff are also very rude. I paid $100 for food that was $25, and they gave me $85 in change which was in error. Being the honest person that I am I went back to tell them. They just took the right amount back and didn't say a thing nor say thank you. Very rude, I will not be returning.

今日真係好熱平時唔多叫救命嘅中島行出街兩分鐘已經標晒汗所以連正餐都唔想食😅—————————————————————去到鰂魚涌見有間小食店之前新開又有中島好鍾意食嘅煎餃子順理成章地入去叫一堆小食🤣老闆娘好熱情推介自家製嘅韭菜餃小店地方唔大但所有食物都即叫即整所以每樣食物都好新鮮熱辣韭菜煎餃熱辣辣同坊間韭菜餃唔同𥚃面除左有韭菜豬肉仲有爽口馬蹄當然煎餃以外仲有湯餃啦湯餃叫左白菜餃試吓大大隻放湯多左陣鮮甜真心覺得啲餃子做得唔錯👍🏻之後叫左個椒鹽墨魚餅+魚旦每樣都有5件椒鹽帶辣粉 正墨魚餅彈牙配上椒鹽有啲台灣夜市小食感最後整個雞蛋仔做結尾先🥰香脆到裂開兩半🤣有心思嘅小食店大家真係要幫襯下啦—————————————————————❈ 韭菜煎餃8隻 $34❈ 椒鹽墨魚餅拼盤 $30❈ 湯餃+時菜 $42❈ 原咪雞蛋仔 $18

位於鰂魚涌一家學校附近新開的外賣小食店，前面剛好有幾個學生在等候。主打各款港式街頭食物，如牛肉球、腸粉、雞翼、燒賣、魚蛋、腸仔、炒麵，還有自家人手包製的餃子，有點心或撈麵套餐可供選擇，每款不同配搭，餃子配點心、腸粉或撈麵。小店廚房有兩名員工，忙於烹煮食物，有些食物如三文治、雞蛋仔、格仔餅、餃子、椒鹽燒賣等都是新鮮即製，所以等候需時。招牌小食：秘製咖喱陳皮魚蛋+魚肉燒賣魚蛋細細粒，彈牙，微辣且帶陣陣的陳皮味。燒賣則不過不失。招牌小食：豉油皇炒麵港式炒麵，以豉油作為主調味。大大盒，有火腿、雜菜、韭菜、洋蔥。不算油膩或太鹹。三文治系列：即製雙拼三文治三文治裡夾著剛煎好的荷包蛋，兩塊厚厚的煎蛋疊在一起，很澎湃。不過若然是炒蛋，會更吸引。自家手包餃子：韭菜豬肉餃三款不同餡料的餃子，其中一款已經售罄，有湯餃或煎餃選擇。湯的沒有煎的熱氣。餃子皮不薄，浸著熱湯也不易破掉。韭菜豬肉餃入面不只有韭菜及豬肉，還有馬蹄，提升爽口的口感。