毫無分串陀地串燒酒場

营业中

休息中

能夠理解廚師一個人嘅時候係好辛苦，但係我只係想入嚟食一碗沙嗲牛肉公仔麵，都等咗超過30分鐘，我仲要係茶餐廳第二枱入嚟坐嘅人，真心好失望。下午差不多三點到茶餐廳嘅時候，我係全間餐廳第二台客，2:59入單食雙拼沙嗲牛肉公仔麵，加凍檸茶，檸茶係坐咗20分鐘先至有，侍應姐姐解釋廚房只有一個人，OK冇問題。但係我有問題嗰個位係計我入去之後大概嚟咗10個人，每個人都係嗌乜乜拼煎蛋飯。每一個人嘅餐都比我早嚟之餘，我個公仔麵度嘅時候已經有一台人走咗，三四枱人已經食完喺度碌緊電話。我係呢間餐廳幾乎最早嚟嗰個，我等咗七個字先至等一碗用出前一丁做麵底嘅公仔麵覺得廚師唔識得分配時間。其實煮個公仔麵⋯四個字我都比多咗你啦。如果侍應早啲同我講個餐廳只有一位廚師，咁我可以早啲走。或者侍應姐姐喺我催嘅時候，可以講句唔好意思，或者問多句我仲想唔想等落去，我個心會覺得好啲囉。講返個味道，面底呢就係出前一丁麻油味，煮得唔好食嘅。腸仔同沙嗲牛：腸仔煎得脆脆哋，沙嗲牛都夠味，但係公仔麵個湯好多水，基本上浸咗落去個牛肉就冇晒味了。

偶然發現的驚喜，到最後超級超級超級鍾意呢間舖頭！坦白說，如果你沒有經歷過香港最光輝的時代，可能你進到呢間店舖內，可能未必會有咁強烈嘅「時光倒流」感覺。不過，真心欣賞依間店舖嘅老闆可以咁用心咁去設計，小至大排檔桌椅設計，大至背景音樂及店舖裝飾，一個字：正！餐牌及食物都好有心思，仲要好好食！不過今次淨係叫咗啲有三粒星星嘅為主，加咗$68有半打燒蠔（仲要一啲都唔Hea，超好食！有蒜蓉、蔥及蟹籽，加埋一齊食超好味）燒牛胸爽效果好正，同燒雞皮一樣超脆，但係有濃郁嘅牛味；和牛炒飯同埋沙嗲牛肉麵都好好食，冇諗過沙嗲牛肉醃得咁好！下次我想試埋佢哋嘅混帳薯條！

有好多餐廳賣香港情懷呢間幾出色食到好多港式野而佢變左係燒物好有FEEL中意燒烤但唔中意自己燒既朋友表示呢間餐廳好岩佢心意我地叫左個二人set食左少少內臟既串物比如「惹味雞腎」、「邪惡燒牛腸」、「鹽燒牛舌芯」同埋「汁燒牛胸爽」等,樣樣都好惹味,中意食內臟既人真係唔可以錯過。我最中意既係「原塊黑椒牛仔骨」同埋「砣地薑蓉雞串」,平時食開黑椒牛仔骨,未試過咁樣食,原來燒完更加香。「砣地薑蓉雞串」每一口都滿載濃濃既葱,好食。「陀地醬燒豬頸肉」有好多片,豬頸肉肥瘦比例岩岩好，配埋個陀地醬食落非常之惹味。我地加左68蚊換蔥蒜燒蠔,有好多蟹子,中意呢個配搭。和牛炒飯既醬汁好味,飯都粒粒分明。唔L同既沙嗲牛肉麵真係同平時茶記果d好唔同,個沙嗲醬好濃郁,牛肉又大塊,即食麵又夠彈牙,好掛汁。我同朋友一人一杯勁量凍檸茶,真係好解膩又解渴!

毫無分串新開張無耐，見個名玩味十足，我又幾鍾意食串燒，同朋友都有興趣想試，今晚就嚟咗，幾有特色，串燒小食都幾高質幾抵食打頭陣嚟嘅係蔥蒜燒蠔，大大隻肥美燒蠔，同濃郁嘅蔥、蒜同蟹籽味好夾，新張期間嗌夠10串串燒加$68就有半打，好抵食，原價$145唔L同嘅沙嗲牛肉麵 - 真心唔L同，沙嗲夾雜喇沙味，味道豐富，麵好掛湯好濃味，經典用心之作滷水牛舌勁入味，做到濃而不膩，牛質軟腍得嚟一絲絲，加埋芝麻香蔥更香口，蘿蔔入晒味亦無根，口感好好菜乾皮蛋豬骨粥好足料，大大骨豬骨，煲到入晒味，口感綿密串燒好高質，一食就知燒得好用心，老銅牛叉燒好高質，香濃嘅牛味，叉燒嘅口感，又特別又好味；另外牛舌芯、牛仔骨同豬頸肉燒得好香，爽口彈牙；菠蘿鎖到汁，甜甜酸酸又夠濕潤；其他雞腎、牛腸、牛胸爽、雞皮同薑蓉雞串亦好好味黑牛、大檸樂兩款經典飲品，食串燒飲汽水就最夾，大大杯由頭飲到尾好爽裝修同佈置好有心思，滿滿嘅香港地道特色，摩登同懷舊嘅感覺並重，整體乾淨整潔闊落，性價比幾好，服務唔錯，值得一試同回頭

銅鑼灣這間港式串燒店平日晚上到訪都要排隊，皆因他們有着超強性價比！餐廳食物超過70款，串燒最平$12有交易，而且調味做得超好，非常美味🔥 個人最愛陀地醬燒豬頸肉，滿滿蜜香又爽口🍯 串燒比較特別的有老銅牛叉燒及汁燒牛胸爽，鹽燒牛舌芯及菠蘿亦非常推介🍍 澱粉人可點和牛炒飯及唔L同沙嗲牛肉麵，惹味又飽肚🌶️ C9時間：每枱點夠10串串燒便可以$68(即是半價)加配半打蔥蒜燒蠔，每隻都肥美還加上蟹籽，這麼有誠意絕對是必加🦪🤣

首先今日只係下晝經過了去食左個下午茶，不是食佢哋夜晚嘅串燒服務，同埋唔記得咗同雞髀影相…😂內𥚃裝修是舊港式風格和用好多文字表達一切，職員都係d 青年人為主⋯⋯播放d 九十、二仟年代的廣東歌，正👍兩個人都係叫咗下午茶中的炸雞脾加薯條，另外叫咗個side😂， 多士腸仔午餐肉…sor, 唔記得影雞髀🤣服務就小小求其，食野來了，食具都冇，叫幾次先到，但冇mind 嘅….. 但雞髀就即叫即生炸，出來熱滕滕，好喜歡佢哋個炸法同個炸皮👍👍👍好味吖… 個薯條都好食，叫做啤酒薯條🍟⋯⋯睇其他食評原來晚市是食串燒，如果有機會我會試吓啦⋯⋯

超級鍾意食沙嗲牛麵朋友話銅鑼灣這間餐廳係隱世高手，今日約埋黎試一試餐廳係一間串燒店， 唔睇餐牌真係唔知竟然真係有沙嗲牛麵沙爹牛麵真係好驚艷湯底係所有都係沙爹濃湯，每一注麵都完全掛汁， 唔似平時茶餐廳只係得面嗰少少沙嗲汁， 每一啖麵都係隆隆嘅沙嗲湯， 湯底濃稠好適中， 牛肉又大大塊係拍得住好多出名嘅沙嗲牛麵名店對得住個名 「唔L同沙嗲牛肉麵」串燒店點都要叫啲串燒燒牛舌芯- 好厚切， 爽口嘅感覺邪惡燒牛腸- 煙煙靭靭有口感老銅牛叉燒- 有啲似牛肋條， 啖啖肉燒雞皮- 香口爽脆燒菠蘿 -真係鮮菠蘿 酸酸甜甜砣地姜蓉雞串 - 薑汁薑蓉配雞肉好有日式串燒感覺特別推介呢個牛胸爽， 食落齒甲留香，牛味濃鬱原塊黑椒牛仔骨好耐冇食過牛仔骨， 黑椒汁帶甜味， 肉嘅比例多個骨，有媽媽整的味道陀地醬燒豬頸肉有啲似叉燒但係又冇叉燒咁肥， 啖啖肉見到餐牌上方有寫 可以加68蚊有六隻燒蠔， 咁平又冇理由唔叫啦就叫嚟試下估唔到又幾大隻喎隻隻都好肥又冇腥味調味都好適中，唔會畀啲配料掩蓋咗蠔嘅鮮味食串燒係一定要叫燒矮瓜一梳梳真係好正最尾加多個和牛炒飯餐廳都幾細心，炒飯係碗仔一人份量，唔使驚係淨係食飯食到飽曬，食唔到其他嘢

新張期內每枱叫夠10串即可+$68換蔥蒜燒蠔（半打）😍蠔肉飽滿，蒜蓉香味突出，有鮮味鹽燒牛舌芯牛舌芯厚切夠軟嫩，鹽燒簡單帶出肉香，食落有少少嚼勁汁燒牛胸爽薄切牛胸肉脂肪位爽口唔肥膩，咬落脆脆地邪惡燒牛腸牛腸外層焦脆，咬落有油脂香但唔會膩，口感彈牙好惹味老銅牛叉燒牛肉用叉燒嘅方法燒得微焦帶蜜糖甜味，肉質鬆化唔黏牙，邊位焦脆有炭香，甜甜鹹鹹幾特別陀地姜蓉雞串薑蓉鋪滿雞肉表面，雞肉燒得滑嫩，姜油香味令雞肉更惹味惹味辣雞腎雞腎爽口彈牙，辣辣地好香口燒雞皮脆到似薄餅乾嘅口感，燒到完全唔油膩，入口先脆後化，有淡淡雞油香燒菠蘿表面焦糖化鎖住果汁，表面微脆咬落爆汁，酸味平衡咗燒烤油膩感原塊黑椒牛仔骨連骨牛仔骨肉質燒到剛好離骨，黑椒襯托出牛肉味好濃郁陀地醬燒豬頸肉豬頸肉厚切彈牙有肉汁，燒到邊緣脆口，油花分布平均鹵水牛舌鹵得入味唔死鹹，牛舌厚切軟淋得嚟有彈性，墊底嘅白蘿蔔索晒啲精華幾好味和牛炒飯飯粒炒得乾爽分明，和牛粒帶油香，整體鑊氣十足唔L同嘅沙嗲牛肉麵沙嗲醬濃稠掛麵，花生香突出唔嗆喉，牛肉片嫩滑唔黐牙，公仔麵煮到啱啱好大檸樂x2極大杯檸樂，冰涼感同檸檬嘅清新即刻解到串燒嘅油膩，夠哂爽口

改個咁串嘅名應該都對野食質素好有信心 最特別係分左陀地燒同埋出糧食豪啲嘅選擇😂😂一分錢一分貨 食豪啲果然係高汁啲🤑以下詳細講🍢串燒惹味辣雞腎($18)邪惡燒牛腸($28)鹽燒牛舌芯($48)老銅牛叉燒($32)燒雞皮($18)菠蘿($18)呢堆係陀地燒 比較平民價 其中雞皮同菠蘿可以揀辣唔辣 菠羅都係鍾意食番原味唔辣 夠曬甜 雞皮略嫌細左少少🤭牛舌芯呢個價錢黎講厚度算唔錯有口感 牛腸都幾稀有 勁煙韌 少啲牙力都唔得🙃🤑豪食原塊燒黑椒牛仔骨($88)陀地醬燒豬頸肉($68)鹵水牛舌($38)換蔥蒜燒蠔（半打）(原價$145 叫滿10串串燒加$68)豪食真心又係另一個層次 牛仔骨一咬就咬得開 又腍又多汁 有大約三塊 每塊郁幾大 推介🤓豬頸肉燒得好脆 最想講個蠔 個蠔係加$68就有半打 但超大隻厚肉 mvp!!!!😆呢個鹵水牛舌同燒牛舌又好唔同 炆得腍好多又好厚 入味🙂‍↕️🤤飽肚和牛炒飯唔L同嘅沙嗲牛肉麵另一個mvp一定係呢個沙嗲牛麵 係沙嗲溝喇沙味 超級惹味 少少辣 食唔停 我願意黎淨係食呢個麵當一餐😉😉🥤特飲白雪公主($42)大檸樂($42)特飲超大杯 白雪公主係雪糕溝七喜 大檸樂檸檬大

毫無分串陀地串燒酒場 銅鑼灣新開串燒店！店內裝修好特香港特色處處打卡位📸好靚啊！好有80年代感覺！新張期間每台叫到10串的串燒可以用$68換購半打蔥蒜燒蠔⭐️原價$145😋真係肥美又抵食串燒款式真係好多👍🏻肉類、蔬菜、海鮮都有梗有一款啱食👅串燒全部都係由廚師即叫即燒💕上碟更有熱盤保溫惹味又香口！我叫以下幾款串燒⭐️仲會配埋特製醬汁！惹味辣雞腎、邪惡燒牛腸、鹽燒牛舌芯老銅牛叉燒、汁燒牛胸爽、燒雞皮、菠蘿原塊警黑椒牛仔骨、陀地醬燒豬頸肉花地姜蓉雞串、原條蒜香燒茄子、汁燒白鱔另外仲叫左兩款主食😄🥢和牛炒飯新鮮熱辣即叫即炒和牛炒飯！真係非常濃郁🥢唔L.同嘅沙嗲牛肉麵⭐️店員推介招牌菜真係同平時食開沙嗲牛肉麵唔一樣沙嗲牛肉嫩滑入口微辣好惹味！飲品🥤大檸樂+勁量凍檸茶兩款都勁大杯👍🏻慢慢飲😋毫無分串陀地串燒酒場 📍銅鑼灣謝斐道526號地舖

本身諗住開開心心，見到社交媒體網站成日彈出嚟去到先發覺伏（本身入嚟以為冇乜人都已經好驚）首先個生蠔同個殼係分離的 食完仲一陣臭腥味四個人諗住六隻生蠔點都食得晒 點知四個人試完都覺得好難食 剩低兩隻嗰個和牛飯 得浸豉油味 一嚿牛都見唔到每一串嘅價錢都可以震驚到 完全係同之前好評啲人嘅相唔同 諗住簡簡單單嘅串燒例如豆卜啦會正正常常點知一係就燶 根本食落肚俾人講到好好食嗰個沙嗲麵 啲牛肉又係腍啤啤豬頸肉人哋有八件收到實質得五件嗰個飯人哋啲相就好滿 我個飯就得一半茄子又等咗好耐….四個人食咗$700 一啲都唔飽🙂

Ooo銅鑼灣港式串燒ooO元宵節係港島放工 想食串燒當慶祝一入餐廳已經好多舊式燈牌 仲有港人最喜歡既麻雀做display最鐘意係佢播返90年代既歌 好有feelOooooO🔶鹵水牛舌濃濃的鹵水汁 牛舌好入味 精華係舊蘿蔔 必點OooooO🔶勁量凍檸茶 & 勁量檸樂超開心 大大杯 好滿足 食串燒就係要飲凍野大大啖 爽OooooO🔶陀地醬燒豬頸肉肉質爽嫩 配埋泰式汁 正OooooO🔶黑椒牛仔骨 調味非常好 勁惹味 肉質都唔錯 有驚喜OooooO🔶腐乳多士幾特別 很有香港特色 腐乳味香之餘帶少甜 OooooO🔶蒜蓉香蔥燒生蠔 (半打) +$68餐廳優惠 叫10串即可以$68半價換購6隻燒生蠔好抵食 即叫即燒 上檯仲出緊煙 幾飽滿 一口一隻 幾好

最近去咗一間本地串燒舖，試咗佢哋嘅二人套餐，內容豐富，總共15款菜式。佢唔知好食之餘仲要裝修同埋餐牌裏面啲菜名都好特別。新張期間每台嗌夠10吋可以加$68係半打蔥蒜燒蠔(原價$145)。惹味辣雞腎口感爽脆，辣度適中，幾惹味。邪惡燒牛腸牛腸燒得香脆，帶啲微微焦香，油脂豐富但唔會過膩。邪惡程度滿分，配埋啤酒就更正！  鹽燒牛舌芯牛舌芯切得厚薄適中，唔會厚度嚼唔開，口感彈牙，牛味極濃，非常好味！  老銅牛叉燒嚟呢款牛叉燒真係大熱推介，唔使點汁已經有肉汁味，外面仲要甜甜地。燒得剛剛好，外層微焦，內裡保持多汁。  汁燒牛胸爽牛胸爽咬落有啲嚼勁，帶有少許煙燻香氣。燒雞皮（辣）雞皮燒得香脆，辣味係一個亮點，唔會太嗆，反而帶出雞皮嘅油脂甘香。  燒菠蘿燒菠蘿係酸中帶甜，口感獨特。  原塊督黑椒牛仔骨牛仔骨厚切，黑椒味十足，燒得剛剛好，肉汁鎖得住，係整個套餐之中嘅亮點之一。  陀地醬燒豬頸肉豬頸肉肥瘦比例完美，配埋個陀地醬食落非常惹味。陀地薑蓉雞串薑蓉味道濃郁，超多薑蓉埋咗呢條雞肉串。雞肉嫩滑，燒得啱啱好，薑嘅香氣未試過呢種食法，非常推薦。  鹵水牛舌牛舌入味程度適中，鹵水味唔會太重，口感細膩，但相比燒

喺銅鑼灣附近收工聽講附近開咗一間新嘅串燒舖今日一於同朋友過去試吓佢店舖地方唔算大當日係平日夜晚成間舖都坐滿晒店舖非常有香港特色貼滿香港特色牌入到舖頭已經聞到好大陣好香嘅串燒味我哋嗌咗幾款唔同嘅串燒嚟試吓特別推薦牛舌芯有口感得黎又多肉汁另外牛肉叉燒都非常有特色超級多肉汁 而且調味都好唔錯燒牛仔骨都非常特別調味超正 而且都好大塊食串燒當然要食埋燒菠蘿解油膩又多汁又鮮甜👍🏻而且新開張期間只要叫滿10串串燒 就可以加半價$68叫半打蔥蒜燒蠔😍蠔肉非常飽滿其他小食都非常唔錯我哋叫咗燒豬頸肉肉質鮮嫩多汁另外呢度亦有特色嘅腐乳多士鹹鹹地好香 而且食到底層仲有花生醬味添非常有特色佢嘅沙嗲牛肉麵都好唔錯沙嗲非常香濃飽肚之選👍🏻飲品我哋就叫咗大檸樂超級大杯，而且好解渴👍🏻

位於銅鑼灣嘅「毫無分串陀地串燒酒場」，裝修風格幾本土，充滿懷舊香港既感覺~充滿霓虹燈裝飾同大排檔擺設，令人一踏入就有種回到舊時生活嘅親切感~美食之旅由 惹味辣雞腎 開始，雞腎經過精心醃製，辣味適中，真係好惹味跟住係 邪惡燒牛腸，牛腸外焦內嫩，出奇地香，配上特製醬汁，食到停唔落嚟~鹽燒牛舌芯 係另一道好值得推介嘅菜，牛舌芯肉質嫩滑，保持咗肉嘅原汁原味，簡單卻味道十足!至於 牛叉燒 就更加係經典，叉燒既味道甜而不膩，肉質軟嫩，食完真係令人想再叫多一份!汁燒牛胸爽 嘅醬汁濃郁，搭配牛肉嘅鮮美，出色燒雞皮 香脆可口，雞皮香氣四溢~燒菠蘿 則為整頓餐點增添咗一絲清新，甜中帶酸，幫助平衡肉類嘅油膩感!黑椒牛仔骨嘅肉質鮮嫩，黑椒醬汁提升咗整道菜嘅層次感燒豬頸肉 同樣有特色，肉質多汁，入口即溶，令人驚喜!另外，姜蓉雞串嘅香味令人食指大動~而鹵水牛舌嘅獨特風味更係為整體餐點增添咗豐富口感。最後叫左和牛炒飯，香氣四溢~好有鑊氣!而沙嗲牛肉麵嘅濃郁湯底都非常惹味~值得一提係，餐廳開張期間有優惠，只需加 $68 就可以享用半打蔥蒜燒蠔!蠔都燒得剛剛好，好滑好埋淋，都好新鮮～對海鮮愛好者嚟講，真係一個好吸引嘅選