毫無分串陀地串燒酒場

营业中

休息中

12點半入座餐廳大概八成滿，即刻落單等左廿幾分鐘淨係黎杯野飲，催一催單，店員都唔係好想理我咁，最後1:05分先上菜附近啲枱都係等上菜等好耐，見有客人最後都等唔切要走人午飯時間呢個上菜速度，點幫襯呀 唔係人人有2個鐘食飯時間咁都未夠精彩，突然間門口張枱一班人大叫，原來有隻曱甴飛左落佢地張枱，全部人嚇到彈起店員仲要慢慢過黎處理，好似見怪不怪咁既態度食物味度正常，價錢都還好，但發生呢啲事，好難再幫襯下一次

✨邪惡燒牛腸，冇諗過係呢一間串燒酒場都食到牛腸，牛腸嘅清洗好考功夫，所以餐廳做到佢完全冇異味，我都覺得非常有驚喜！牛腸非常好食，而且咬落去仲係非常有油香我同朋友都非常鍾意佢呢一個口感！嗰邊燒得香香地非常好食！✨鹽燒牛舌心，去到食串燒點樣可以唔叫牛脷？！我同朋友都好鍾意食牛舌，所以我哋就叫咗呢一個牛舌，笑得好香，而且鹽燒嘅味道令到成個牛舌嘅味道更加突出！一定要叫！✨黑椒牛仔骨，牛仔骨喺串燒嘅過程火候控制得非常好，絕對冇太熟嘅情況出現，所以成個牛仔骨都唔係好硬，牛仔骨嘅味道非常好，整體都唔錯.✨原來舖頭新開張，如果叫咗10寸串燒就可以用優惠價$68叫半打薑蔥燒蠔，本身原價都好似要$145，而家都非常抵食，所以就叫咗，啲蠔非常新鮮，而且大大隻好飽滿，加埋薑蔥嘅味道非常match! 鍾意食嘅朋友不能錯過.✨唔L同嘅沙嗲牛肉麵, 餐廳特別改咗個食字名有趣味嘅沙嗲牛肉麵係餐廳自家製嘅沙嗲牛肉，沙嗲牛肉非常香，同出邊食到嘅沙嗲牛肉絕對不同，本身都非常鍾意食沙嗲牛肉，所以我覺得佢呢一個面非常好食，再加埋沙嗲嘅味道，簡直冇得輸！✨和牛炒飯，炒飯粒粒分明，充滿鑊氣我同朋友都非常鍾意食呢一個炒飯，而且份量都

今時今日出街食飯得一個目標，以最小資本達至最大效益，三個字講哂，性價比！一張單我300蚊同500蚊落樓，而所得到既服務、食物、環境，都係一樣既話，咁我無理由同錢鬥氣咖？所以呢間「毫無分串陀地串燒酒場」絕對係king of抵食！👇🏻📌人 氣 推 介 -▪️ 陀 地 燒 -▫️「惹味辣雞腎」爽口彈牙，staff用火爐㷫住保持溫度，呢下細心體貼。▫️「邪惡燒牛腸」食落煙煙韌韌，果然名不處傳，夠哂邪惡。▫️「老銅牛叉燒」叉燒食得多，牛既叉燒真係第一次食，入口濃香惹味，面頭脆身，帶點焦香，值得一試。▫️「雞中翼」裡面保持到相當juicy，肉汁豐富，雞翼控一定要嗌！▫️「原條蒜香燒茄子」茄子入口即化，夠哂腍身，相當入味，好食！▪️ 出 糧 食 好 啲 - ▫️「陀地醬燒豬頸肉」份量十足，夠哂誠意，肉質爽嫩，完全唔乾身，加埋醬汁一齊食，惹味到極致。▪️ 暢 飲 邊 少 得 小 食 - ▫️「脆炸雞軟骨」呢d小食真係要送下野飲，粒粒脆卜卜，過足口癮。 ▪️ 粥 麵 飯 包 -▫️「和牛炒飯」首先炒飯夠鑊氣，入口係熱辣辣，而和牛既油香吸收哂係炒飯裡面，成個飯都充滿住油香，我幾鍾意！▫️「唔L同沙嗲牛肉麵」真係同平時食開沙嗲牛好大

琴日收工經過銅鑼灣搵嘢食先知原來開左間新既串燒店🍢個名睇一次一定記得叫做«毫無分串陀地串燒»😂一於試下有幾無分串店內有啲霓虹燈同麻雀裝飾🀄️好有香港風情 店員好nice 安排左卡位俾我地 食物款式好多 無論串燒定係熱食都好多選擇👍🏻我地試左：🔹燒菠蘿🔸唔L同沙嗲牛肉麵🔹惹味辣雞腎🔸邪惡燒牛腸 🔹鹽燒牛舌芯 🔸老銅牛叉燒 🔹汁燒牛胸爽 🔸燒雞皮 🔹原塊黑椒牛仔骨 🔸醬燒豬頸肉🔹陀地薑蓉雞串🔸滷水牛舌🔹和牛炒飯整體來講串燒水準都好高👍🏻夠味同夠熱 仲有孜然粉同醬料提供🫙邊估到串燒店會有沙嗲牛麵食 係好好食既沙嗲醬！牛舌整得得好淋又入味 串燒特別推介薑蓉雞串好特別嘅配搭 幾過癮🐤新張期間 每枱嗌夠10吋可以+68半打蔥蒜燒蠔‼️好多蒜蓉同蔥 超惹味鮮甜 隻隻都好大隻🦪咁抵無理由唔試下🤩🤩🥤黑牛同大檸樂都係$38 大大杯 另外仲有多枝支裝可樂飲到一半可以倒埋落去 大滿足😋下次食串燒又多一個選擇📍毫無分串陀地串燒酒場 (銅鑼灣)銅鑼灣謝斐道526號地舖

位於銅鑼灣Tower 533附近的新串燒店，位置方便，啱曬同朋友行完街食嘢吹水。店內以港式風格裝修，融入麻雀及港式招牌元素，營造出新潮又具經典感的氛圍。 餐廳除咗有下午茶套餐之外，亦都有串燒菜單提供。菜單上面選擇非常多，我同朋友都各自找到自己嘅心頭好。🍖鹽燒牛舌心：牛舌肉質鮮嫩，鹽香撲鼻。🍗惹味辣雞腎：辣味適中，雞腎彈牙。🍖老銅牛叉燒：叉燒外焦內嫩，甜味濃郁，搭配特製醬汁，令人讚不絕口。🍖邪惡燒牛腸：牛腸香脆可口，口感層次豐富。🍖牛胸爽：肉質滑嫩，搭配簡單調味，保留了肉本身的鮮味。🍗雞皮：外脆內滑，雞皮的油香味十足。🍗陀地薑蓉雞串: 薑蓉的香氣與雞肉的鮮味交融，清又開胃。🍍燒菠蘿: 甜蜜的菠蘿經過燒烤後，果香四溢，令人驚喜。我哋叫滿10串，仲享有新張優惠 ! 加$68可加配半打蔥蒜燒蠔(原價$145)燒蠔大大粒，上面鋪滿蔥蒜，鮮甜又香口。除咗串燒外小菜及主食都很有特色。🍖燒黑椒牛仔骨：牛仔骨肉質多汁，黑椒醬香濃厚，令人食指大動。🍖滷水牛舌：滷香濃郁，牛舌軟滑入味，令人一試成主顧。🍖陀地醬燒豬頸肉：豬頸肉鮮嫩多汁，陀地醬的獨特風味令人難以抗拒。🍖和牛炒飯：炒飯粒粒分明，和牛的香氣增添了整

話說有晚經過呢頭，咁啱見到開左間食肆，見餓餓地，加上門口個menu有碟頭飯叫，見人少少就衝左入去坐。點知坐低叫嘢，先知道碟頭飯係午市套餐，夜晚係主打串燒，叫飯的話就只得一味「和牛炒飯」。 唉！我見肚仔餓就是旦啦，串燒加碗飯當一餐都可以嘅，咪坐低無走，叫左兩三款串燒同個「和牛炒飯」醫肚。D串燒，印象中其他嘅唔需要等10分鐘，結果我餓住個肚等左20分鐘先開始上第一款⋯⋯可能我見識少啦，原來係要等咁耐先整好。碗炒飯，開頭唔冀望個「和牛炒飯」會足料，咁上到台之後，果然無令我「失望」嘅，因為用眼都好難睇到d「和牛」係邊，食落去都唔知有無「和牛」。呢一餐，咁樣埋單二百幾，其實有啲唔想俾。同時我亦都明白點解間野係「人少少」⋯⋯如果有月光寶盒去時光倒流，我果晚一定食快餐算數。

本來一心諗住食“船皇”嘅湯麵，點知去到見到佢執左，變左呢間串燒，見肚餓就入去試試。點知食完只覺得伏😰落完單，15-20分鐘都未有野食。係，燒烤係會耐d，但明明就唔多客，個燒飯糰仲要最遲先到（足足燒左1個鐘），人地燒烤店上菜都無咁耐呀。。。食物質素同價錢唔成正比，無咩特別，服務正常。每人$241但唔覺得超飽。。。睇返信用卡收錢嘅公司同前身“船皇”嘅名係一樣，有理由相信佢地覺得多人食“任食串燒”有錢賺，所以索性只做串燒，但就逐串計。無下次！😤

呢間在銅鑼灣TOWER 535和世貿中心對面新開餐廳，晚市主打串燒，中午有燒豬、牛、雞飯嘅午餐。試食惹味燒雞扒飯，雖然碗上，但份量十足，一定飽肚。面鋪一層三眼(即三隻煎蛋)，仲要煎到燶邊，蛋黃流心。中間雞扒係燒出嚟，唔係茶記嗰啲半煎炸做法，肉質咬開有肉絲，唔係出面好多鬆肉粉、超彈牙嗰種。伴有幾大條菜芯。成個飯都係熱嘅，即叫即製，唔係預製叮翻熱。套餐連一杯熱飲，都係62，好過去食茶記多多聲。裝修以本地文化和廣東歌為主題，只播廣東歌，好有親切感。待應都好友善。

下雨天的星期一晚，朋友有事出銅鑼灣，又知我係港島人就叫咗我去食嘢，此串燒店位於銅鑼灣謝斐道世貿中心附近，店內各種霓虹光管裝飾，好logo好街頭feel，而剛好本人也喜好食串燒，我哋仲要係佢晚市第一臺客，入去之前都忍唔住問聲店員開門未😂串燒：燒冬菇、燒雞腎、燒雞翼、燒茄子、燒生蠔、和牛叉燒、燒粟米、燒菠蘿、燒五花腩、蒜蓉金菇拼蘆筍、炸春卷（送）、和牛炒飯原來佢哋只開業幾天，喺Google根本search唔到店名（同一位置前店名叫「船皇」 ） ，整體食物質素可以，當然不能同國內嘅串燒店的水準及價錢相比，如果人人都放棄喺香港消費，放咗工後仲可以去邊呢？係咪只能夠叫外賣？

環境舒適✅好有個種港式復古feel 可以打吓卡設計都好有特色食物質素唔錯✅由其係秘製牛叉燒 牛舌芯超正🤤🤤想嚟多次添😗服務質素好好✅侍應好friendly好傾得🤩🤩🤩