殿 大喜屋

营业中

休息中

呢間殿，係我食咗大喜屋系列最多嘢食嘅。尖沙咀店寬敞，樓底好高，環境都幾好！自助區種類都幾多，小朋友最鍾意嘅雪糕機夾餅，大人食嘅雪場蟹卷、海膽手卷，熟食區都有十幾款食物，沙律吧、甜品吧、大大個飲品櫃和雪糕櫃，多到睇唔晒！其他食物掃QRcode下單刺身: 最鍾意大吞拿魚腩和帶子刺身和三文魚，呢幾款切得厚身，入口肥嫩，encore咗好多次😄而且食物上得夠快，幾乎無等候時間！熱食方面，我哋鍾情串燒，今個月Menu新增咗鹽燒大頭蝦，即叫即燒，夠哂熱辣辣，微焦嘅蝦殼燒到香噴噴，入口鹹鹹地，肉質爽彈，回本之作😄另外放題都有燒乳鴿，呢一點好欣賞，入口皮脆肉嫩，好入味，唔使額外再加調味。

朋友揀咗呢間放題食生日飯🎂午市時段可以食足3個鐘😋慢慢嘆😌以下我覺得一定要叫🤭因為我都係咁encore╰☆岩鹽燒大頭蝦蝦肉好鮮甜，入口惹味鹹香，必點🤤╰☆和牛薄燒和牛肉質口感嫩滑，入口即溶，肥而不膩╰☆清酒煮鮮蜆蜆肉肥美勁大粒好鮮味，加上清酒經過煮熱後味道更加香濃╰☆刺身松葉蟹腳好鮮甜，拖羅肥美啖啖肉╰☆海膽手卷｜深海皇帝蟹肉手卷海膽新鮮甘甜 ，深海皇帝蟹肉超大條好鮮甜╰☆榴槤炸彈朋友最愛，榴槤餡滿滿，超級香濃

去尖沙咀食放題相約左媽咪去食殿大喜屋 殿係大喜屋中最高級數嘅放題店我哋食早埸五點都係$318 性值比高估唔到平日呢個時間都好多人等候入座非常受歡迎 一入座即刻Qr code落單叫刺生 壽司 熟食等再出外攞飲品同食物 攞咗碗蟲草花雞湯 湯好潤同甜飲品方面好多選擇 連珍珠奶茶紅 白酒。清酒梅酒 咖啡返到埋位熱食到 和牛薄片 易入口牛肉味重 覺得呢間擺碟都精緻啲阿媽最欣賞嘅木瓜燉雪燕清甜可口重有好多款甜品可供選擇H 字M字雪糕任食殿 大喜屋 (尖沙咀)尖沙咀金巴利道26號1樓

放題真係生日聚會真係一流，可以坐得舒服，又可以傾計💬材料新鮮既日式放題，除左刺身之外，仲有好多熟食既野食而為水準都不錯價錢於食物都合理，唔會覺得唔成正比所以都好推介大家一起去食

食物OK 但主要想講服務所以唔講食物 因為真係好嬲好聽啲講就係效率好高詳盡啲又難聽啲講1. 我一開始食個甜品 食到滴汁落下巴 想拎紙巾所以擺低個兜喺檯面（未食曬 仲有兩啖） 一擺低兜嘢 佢就行埋嚟問我仲要唔要 2. 魚生盤 店員會你快啲夾走埋嗰幾嚿 俾佢收埋個盤3. 嘢飲明明冇摙過冇表示係飲完 但店員會行埋嚟拎起你罐嘢confirm佢入面仲有冇 有就擺返低4. 擺低嘢食唔識叫人唔該借借/小心後面 啲座位好窄 店員會直接將啲食物穿過你隔甩底擺喺檯面5. 我食緊一兜嘢 店員會望實我等我夾埋最後一塊就即刻收 一夾起咗最後一嚿 佢隻手就收走咗隻碟食到我勁大壓力 雖然食物都算好食 但唔想再食

殿 大喜屋 (尖沙咀)尖沙咀金巴利道26號1樓-有一段時間冇食過日本放題了，今日見得閒就同friend去咗尖沙咀食殿大喜屋，殿大喜屋雖然貴過其他大喜屋，但係食材方面都高級啲，有多啲選擇😋除咗有拖羅，海膽手卷，日本直送深海皇帝蟹肉手卷之外，最近仲有上湯龍蝦伊麵，同Häagen-Dazs雪糕任食，選擇多到揀唔到🔥-刺身種類繁多，全部都好新鮮，個人最推薦拖羅，仲有赤蝦🫶🏻手卷方面仲有海膽手卷提供，海膽顏色金黃，新鮮又鮮甜，完全冇腥味🥹熟食方面有香草燒羊鞍、和牛薄燒、黑松露蒸蛋等，個人最鍾意食和牛，油脂豐富，而且分布均勻，入口即溶-出面仲有自助區，提供沙律、甜品、酒、無酒精飲品等食物，任君選擇🔥🔥

表妹由外國返來，緊係帶佢去食日式放題盡情放縱咁食啦！今次同佢來到尖沙咀的殿 大喜屋日本料理， 佢見到呢到刺身壽司款式多樣化， 連熟食炸物都咁出色，佢都話大開眼界呀！新菜式有章紅魚薄切和上湯龍蝦伊麵，前者甘甜清爽，後者伊麵索哂上湯汁好滋味，龍蝦夠彈牙。食放題緊係來一大盤冷盤刺身啦，有松葉蟹腳、三文魚刺身、油甘魚刺身、池魚王刺身、拖羅刺身、北寄貝刺身、北海道帶子刺身、赤貝刺身、象拔蚌刺身、希靈魚刺身、海赤蝦刺身和甜蝦刺身。呢到壽司卷物款式配搭都多有三文魚花之戀、雪昆布芥末和風吞拿魚、魚子醬龍蝦沙律多士壽司、魚子醬鮑魚拖羅蓉杯、海膽拖羅蓉魚子塔、拖羅海膽壽司、香蔥芝麻拖羅小卷、蟹肉蟹膏蟹籽軍艦等等。。中菜炸物串燒都有架，避風塘炒蟹、花雕醉鮑魚、黑椒蜜汁一口牛、燒牛舌、牛油燒翠玉瓜、燒溫室甜菠蘿、鹽燒雞軟骨、燒七味鱈魚干、鹽燒鯖花魚、燒香草羊鞍、西京燒比目魚、蒲燒鰻魚、黑松露蒸蛋、和牛薄燒、清酒煮鮮蜆、皇牌燒乳鴿王、芝麻雞翼、天婦羅蝦、一口甜蕃薯、溫室南瓜、皇帝蟹棒天婦羅和麻辣酸菜滑魚鍋。聯合國食物咁款， 食放題最開心就係每樣都可以點一件，自己鍾意食幾多就叫幾多唔會浪費。甜品雪糕櫃都好多選擇，

平時食放題都係首選大喜屋，食物高質之餘選擇多，甜品有我最鍾意嘅haagen dazs 同Mike top 雪糕，由前菜到甜品真係大滿足.當日去到已經有好多人等緊入座，人氣超高，特別推介鹽燒大頭蝦，肉質爽口又入味！另外和牛薄燒都係必食推介，肉質冧身，蒜香味十足！估唔到放題都有龍蝦伊麵，質素都唔錯，龍蝦肉爽甜✨.雪糕有Milk top 沖繩海鹽味，淡淡嘅海鹽味加上奶香，值得再encore ❗️.📍 殿 大喜屋 (尖沙咀)尖沙咀金巴利道26號1樓

Lunch time 好多人去食，好彩地方非常大及寬敞，唔洗等位就直接入去！午市都係$308一個人，可以任食3小時(12:00-15:00)晚市都只係$358-$388就食到，放題嚟講係抵食！🔸刺身刺身種類的選擇非常多，基本的刺身例如三文魚、油甘魚等等一定有，估唔到仲有松葉蟹腳、拖羅、赤貝、象拔蚌等等都有！最surprise的是拖羅、赤貝和北海道帶子，因為拖羅超鮮甜肥美，出面食拖羅都要幾百蚊，而家放題任食🤩赤貝就好爽口，食到颯颯聲！北海道帶子好夠肉地厚身，而且係鮮甜，有啲似北海道食嘅感覺！🔸壽司壽司款式都好多，例如有創作壽司、江戶前壽司、火焰壽司等等，20-30款壽司，每樣一件都食到你飽😝仲有黑松露系列例如黑松露油甘魚壽司、黑松露帶子壽司、魚子醬伴紋甲魷魚壽司等等，個松露味好香好突出！我好鍾意柚子胡椒和牛燒壽司、滋味皇帝蟹棒壽司和鵝肝帶子壽司，3款都好好味道👅🔸手卷出面可以排隊拎日本直送限定二款手卷，深海皇帝蟹肉和海膽，佢個深海皇帝蟹肉好大條好多肉好甜😍🔸花雕醉鮑魚- 呢個好食，好有酒味，凍凍地好舒服🔸一品花膠盛呢個好足料，好大舊花膠，加上有魚翅，成件事好豐富又高級🔸蒲燒鰻魚- 個汁好

而家天氣好熱，有時又落雨，唔想係街行，決定揾一間可以食得耐d嘅餐廳，殿大喜屋就完全符合要求，午市放題12點可食到3點，每人$308，重點係地方寬敞，夠光猛，冷氣又夠！沙律小食區、飲品區同甜品區都好闊落，唔怕人多逼狹！QR code落單，圖文並茂，上菜速度快！以下係特別推薦:👉🏻岩鹽燒大頭蝦好驚喜，大頭蝦好多膏，除左有鮮甜嘅海鮮風味，加埋微微嘅岩鹽鹹香，好正！大頭蝦肉質彈牙，非常好食！👉🏻海燕窩椰汁燉木瓜濃郁嘅椰香加上木瓜嘅清香，有清淡嘅甜味同清新嘅椰香，木瓜口感柔軟，入口即融，清爽不油膩，夏天食啱哂！👉🏻鵝肝帶子壽司鵝肝嘅豐潤同帶子嘅鮮美相互融合，絕對要encore!👉🏻西京燒比目魚魚肉嫩滑，微微焦香而不失鮮味！👉🏻皇牌燒乳鴿王好滋味，肉質細嫩，帶有些許醇香，好少放題有得食乳鴿，真係好抵！👉🏻花雕醉鮑魚鮑魚好入味，口感柔軟，鮮甜濃郁，有淡淡嘅花雕酒香氣👉🏻魚子醬龍蝦沙律多士壽司龍蝦肉好爽彈，加埋沙律同魚子醬，口感豐富！而個多士勁香脆，食落有爆谷味，讚！

📍殿 大喜屋上次食尼間已經係一年前嘅事了，今次再試過🥰🥰自助區有好多種類，竟然有涼拌魚皮🫣🫣有松葉蟹食，好香甜，唔會話好腥，會跟埋柚子汁，加啲柚子汁又另添一番風味。蟹唔會好難㩢，用鉗夾下好快就開到，唔洗驚一直㩢蟹而無時間食其他野。鐵板燒牛肉片，好嫩滑。加啲蒜片配埋汁，真系超好味，落左3次Order，完全唔會食到唔想食👍🏻👍🏻👍🏻👍🏻木瓜燉牛奶：美容養顏🤣黑松露蒸蛋：好鮮，有好香嘅黑松露味，又唔會太鹹

見自助區有前菜、冷熱飲品、熟食、炸物、湯、糖水、甜品、沙律、雪糕等等，每樣食d個肚都唔夠裝。咁我地梗係埋位scan QR code睇有咩食先再出去自助區攞野食啦！正想埋位好眼利見到期間限定帝皇蟹棒手卷、海膽手卷，排左陣隊攞左返去先，紫菜仲脆，海膽鮮甜，呢個回本嘅～呢個品牌sell高質多款，所以基本上同食buffet真係無咩分別。好似新鮮刺身咁，都有好多款 - 松葉蟹腳、拖羅、北海道帶子、赤貝、海赤蝦，特別鮮甜嘅象拔蚌、劍魚腩、正文魚、油甘魚、池魚王等等。東南亞美食同地道美食都有，order嘅泰式虎蝦新鮮兼有泰國風味；避風塘炒蟹一客好多肉，炒得似模似樣，有大牌檔風味；黑椒蜜汁一口牛同蒜蓉露荀炒珊瑚蚌有酒樓嘅鑊氣，而呢個價錢食到和牛薄燒亦係bonus point之一～亮點嘅特式壽司首選柚子胡椒和牛燒壽司，配搭創新味道又好夾。日式料理我個人比較鍾意蒲燒鰻魚、芝麻雞翼、芝士年糕等等，尤其是芝麻雞翼嘅香脆惹味真係食唔停口～香氣撲鼻嘅中式燒乳鴿、大隻厚肉日式清酒煮蜆都比到surprise我！

同朋友好耐冇見今次特登過嚟尖沙咀食呢間日式放題，正所謂一分錢一分貨呢間放題價錢比較貴但係質素亦都比較好嘅,建議大家過嚟一定要預約位置如果唔係walk in要等好耐，今次佢俾左卡位我哋兩個人，位置比較寬敞首先刺身比較新鮮,唔同於其他放題店嘅質素,推薦大家每日都點幾塊試下薄燒牛肉，個燒牛肉本身比較乾但係肉味比較濃郁都係推薦呢個要點佢嘅醬汁蒲燒鰻魚,每次食放題都會叫鰻魚但係唔係每個放題店都會有鰻魚，而呢度嘅鰻魚亦都同埋醬油唔會太多唔會食到太滯,每次食鰻魚都食幾十塊，非常推薦呢度嘅鰻魚醉鮑魚：醉鮑魚大家都可以試下,味道都正常

之前一大行好友吃過這間日本放題，高質到讓人念念不忘，終於等到Early Dinner的機會，再度Encore！ 晚市放題 | 早鳥優惠時段 $318多款刺身都很出色，絕少放題看到連拖羅都有提供，實在是驚喜，而且質素不錯，色澤粉嫩，油香合格有餘。此外，大大隻赤蝦也絕對可以Encore，鮮味爽甜。魚油控最愛的火灸壽司中，火灸三文魚腩和左口魚邊都很滿意，特別是左口魚邊，帶一點厚度的切法，除了享受到魚香爆發外，口感也更好。一些特式創作也有驚喜，魚子醬鮑魚拖羅蓉杯和海膽拖羅蓉魚子塔賣相一流，小小份量但材料豐富又精緻，完全有居酒屋的質素。自助區不時也有限定項目，店員會親自到每桌介紹，這天吃到新鮮製作的海膽手卷，薄脆的紫菜包住暖烘烘的壽司飯和鮮嫩的海膽，放題中可算奢華！熟食選擇也非常多，自助區以海鮮最出色，鮮蝦和青口大大隻又鮮甜，也是熱門項目。和牛薄燒還有炸蒜片的加持，細緻又認真，牛味、油香都交足貨。清酒煮蜆每顆都飽滿Juicy，惹味無沙。當然不少得要Order個人最愛的燒物薄切牛舌串，爽脆的口感加上黑椒調味，大滿足！ 這裡也算是日式放題店中，我到過甜品選擇最多和最高質的其中一間。中、西、台、日式、

正記聯盟一班好友嚟聚餐成日以為以前同佢哋嚟過點知原來第一次可能食飯次數太多到唔記得 個幾月之前已經諗食乜嘢好 每個人都有自己喜好同埋避忌唔食得嘅嘢 唯有揀放題自助餐應該係人都啱訂位訂咗七點鐘 6點45分上到去 人頭湧湧以為自己排緊隊檢驗核酸 原來佢分時間係每一輪一輪兩小時一定要夠鐘先會帶位 七點鐘應該係最貴最繁忙嘅時間收費三百六十八蚊 喺門口逼到癲咗之後終於可以帶位入座一坐低瘋狂叫咗一大輪 食放題指定動作一大盤魚生 所有人都用手機點單 唔知點解魚生竟然係最後先上 一出就係兩大盤鮑魚先嚟咗兩大盤鮑魚 係日式嘅磯煮鮑魚 白鹵水汁以及清酒嘅香味非常芬芳馥郁 各人忍唔住不停叫咗七八次 竟然全部到齊 一晚食咗六七八隻鮑魚仔 已經值回票價 食放題嘅指定動作梗係要叫一大盤魚生亦都當然係相機食先 可能實在太多人魚生竟然係去到放題時間中段先至上到嚟 雖然慢咗啲但係非常新鮮非常美味可口 尤其是個金槍魚竟然食到有酒店水平 竟然冇筋帶甘香油花 整晚體驗非常良好名牌雪糕有任食 日韓啤酒任飲 仲有大量各式其式飲品多數都飲唔切 所以只係影咗好少照片因為實在太忙啩住食