殷悅

营业中

休息中

殷勤服務，擺碟精美，味道欠奉酒樓在酒店的30樓，有電梯直達，去到接待處，只是提供了性氏，接待員都沒有看記錄 ，已經知道系邊枱，有無人來左，算是厲害，有可能因為我們是我們最後一枱到吧。仲未過來之前，問過套餐最低要7000以上，看了餐牌，再睇返openrice，原來不同時間的套餐和價錢都不同。昨晚13人去慶祝啊媽生日，叫了一個10人餐(HKD3100)加一隻香妃雞。可能因為太開心，沒有拍太多照，但好簡單的綜合下面幾點1。套餐除了魚是固定，其他有10幾個菜，可以選6種，算是不錯2。 招呼肯定比酒樓好，可能因為人手足夠。3。 地方寬敞4。 餐具清潔5。所有菜都非常大碟，拌碟也很好但所有菜，不管是古老肉，香妃雞，蝦球，魚。。 都是1。超級少調味，比家裡還要清淡，古老肉不酸，燒鵝沒有味，湯好像是清水。。。。2。 可能和其他大酒店一樣，距離廚房太遠，所有菜都不夠普通酒樓熱。3。 所有菜都沒有鮮味。4。 肉類加工不好，雞肉好"林,"蝦肉不爽，燒鵝皮不脆，唯一比較好的是叉燒，肉質和味道都好好。

希望貴餐廳會有人睇 ... 真心為你好食物質素冇意見 價錢比出面貴我入門口前已經接受不過如果你要用米芝蓮li個名 .. 1. 杯唔好爛 爛到個杯喺裂痕流d茶出黎2. 食物入面有頭髮 .. 10+cm長3. 坐到入去連點心紙都冇比 唔問就剩坐4. 叫人冇反應 ... 人好多咁喺到企埋一齊5個點心+1個粉麵都接近$600 價錢有1定程度都比返1定程度嘅服務質素茶杯爛度出面都見到裂痕都仲用 .. 咁會唔會太過份 .. 食到大半先見到頭髮我都已經冇說話可以講因為中間我揾經理都揾左3次 我已經唔想再揾 .. 好希望你地有機會睇到會改進下 ..

今日晏晝同同事一齊去飲茶，有同事提議去熊貓酒店上面嘅殷悅飲茶，我第一次黎依度飲茶，裝修環境好優雅而且寧靜，觀景亦都好開揚，不失為一個放鬆嘅好地方。點心好精緻，燒賣爽口彈牙，而且個賣相好吸引，一放上枱已經急不及待放入口啦。佢既點心全部都係即叫即蒸，上到嚟都係熱辣辣嘅，叉燒包好鬆軟，而且唔會太甜。棉花雞好入味，而且材料都好豐富有冬菇同唔少嘅魚肚。蝦餃絕對稱得上係皮薄飴靚蝦肉爽口彈牙又鮮甜。層皮煙煙銀銀又唔厚身，做出來的蝦餃晶瑩剔透蝦腸十分之軟滑，每一隻蝦都十分之爽口彈牙，又大隻，而且佢層皮唔會好似棉胎甘厚煎釀三寶新鮮炸起，但一啲都唔油膩，肉滑好爽口。雖然呢間酒樓比一般嘅酒樓係貴咗啲但絕對物超所值，服務員嘅態度好親切，環境又舒適，而且最緊要食物嘅水準真係出乎我意料之外

朋友推介這家餐廳，便相約一行三人一起去吃。位置在酒店30樓，餐廳兩邊是落地玻璃窗，居高臨下，看到不一樣的荃灣景色，單單是這市區景色已很好。點菜，朋友是常客，由她發板。 烏金麒麟乳豬，真的要給這菜色十個讚，皮脆肉薄，燒得剛剛好，又不太油膩，不愧是車胎人星級美食，必吃之選。燒腩仔一樣皮脆肉嫩，皮不及乳豬的薄，但不硬；肉也不硬，脂肪比例相比其他餐廳為少，也好吃。這個芒果粒蝦仁配上魚子醬，酸酸甜甜的，底部再來一片蜜瓜，夏天吃開胃。如果能夠醬汁可以再酸多一點更合個人口味。人蔘烏龍茶，茶味甘香，而且茶葉充足，泡了多次仍然很濃。另外還有一個離菌黑松露羹也好，清淡。羹的份量不少，足夠六個人每人一碗，如果只兩三個人就多了一點。甜品來了一客湯圓，不太甜，湯很清，三個人兩碗剛剛好。可能客人不算多，加上朋友是熟客，招呼很周到。適合三五知己輕鬆安靜地聊天，食物、環境都享受。真心推介。

酸辣汤很赞，剩余的黑松露牛柳、烧鸡都很一般，特别是牛柳，绝对没有米其林的味道，估计厨师早走了。蒸鱼火候可以，不过酱油少了。乳猪不错。酒单也不错，不贵。不过真心的以后不来了，失望的荃湾仔。

Very disappointed with the service in here, we ordered for a set dinner for 12 people, the portions were really small. They changed the menu without informing us and did not appeared to be apologetic at all when we pointed out that was not we ordered and refused to offer us other options.

一肚氣！同朋友去飲茶，張單有5蚊捐款同茶位用信用咭係冇得折，得食物有折，明白，唔緊要，但張單唔清楚，咁咪去問囉。 問個黑衫(經理掛)唔知唔想解釋定唔識解釋，跟住帶我地去收銀，收銀用計算機同你計，話原價加一…，我知原價加一，但你話捐款同茶位冇折咪得囉，跟住又話俾張單你慢慢睇又話電腦出單，(如果你係每抬，每張單，每樣食物，每個折扣都用手計我就服你，不過相信佢唔會)我咪話緊係電腦出啦，唔通你續樣打咩。跟住隔離有個夥計仲多口，佢話係囉，攞張單返去慢慢睇，我…！

一年裏面中秋、冬至、團年幾餐大飯最困擾大部份人，屋企有地方嘅煩餸菜與份量，屋企無地方嘅煩地點及時間。今年冬至响殷悅食得好自在。因為除咗坐得舒適唔洗迫迫夾夾，仲可以食得滋滋悠悠無趕第二輪。是晚只有兩份餐牌，一份六或十二人套餐，一份散叫菜式。因一桌大小共八人，比較之下散叫顯得更合適。值得一提餐牌標明所有菜式不含味精；加上餐館獲得米芝蓮三年連續推介，頓時對是夜冬至晚飯有所期待。薑蔥霸皇雞，節日晚飯食雞是常識吧。雖然味道不至特出，但蔥香雞嫩的走地雞，肉香又彈牙，已經是很多中菜館水準之上的味道。話梅豬軟骨，肉淋骨軟，話梅唔太酸比咕嚕肉酸味更自然，因非油炸感覺亦較健康。南瓜炒雜菌，南瓜甜美無炒至難熔熔，雖為素菜但油較多而且份量略為不足。翡翠黑松露帶子，翠綠蜜豆青爽脆口，帶子彈牙新鮮甜美，毋須任何醬料提鮮， 一啖一口大小恰到好處。黄意竹笙燴冬蓉，青淡冬蓉加再入青香竹笙伴以雞湯餵煮，味道青新甜美。清蒸海班，魚鰭見企起，新鮮不在話下蒸煮時間剛好，肉離骨不過火，味鮮肉滑，家人均讚口。海鮮賽螃蟹，蛋白香蟹肉足，驁喜加入帶子粒提升鮮味及彈牙口感。飽肚之食干燒伊麵值得一讚，很少可以食到如此爽身伊麵，美味異常。最

夜晚6點半去到，立即可以入座。叫左6個餸1個炒飯1個湯：燒肉好味皮夠脆；白菜﹑牛腩﹑素鵝全部都好好味；炒飯味道正常；海鮮湯預先落左胡椒粉，試唔到個湯嘅原味。環境寬敞舒適，雖然旁邊有其他客人，但都唔會覺得好迫。用openrice優惠券更享7折優惠

嚟到"熊貓酒店"多數去3樓食自助餐今次得自己就 hea吓 嘆嘆茶續🐼會又有Coupon + 回味煎釀三宝 新價單有微調……笑咗 (啲高官成日咁講)招呼好好 有禮貌餐前小食~唔係花生豆咁簡單 用心有驚喜係…迷你燒肉炒青瓜粒 good $18煎釀三宝~ (百花煎釀三宝) $58用虾膠 釀青紅椒茄子 各2大件虾膠唔會太多肥肉 虾爽味鮮 再嚟就必食酥炸美國蠔~ $98 4隻中size 咬口似沙井蠔 蠔香味濃冇腥味 炸粉皮唔厚 肉質實唔嚡茶壺 ~好靚 但很重…好很重 小心要就住用力香片茶 ~ 茶唔算香 $18位茶

呢間餐廳係米之蓮一星 又唔算太貴，就嚟試下! 飲茶啦！點左人蔘烏龍茶，特有嘅😆 冇嗌錯！成餐最正嘅就係尼個茶！！回甘架！好好味 狂飲飲到之後要係咁去廁所🙈皮薄，魷魚新鮮 雖然個叉燒要＄188 真係好貴，但又真係幾好味喎！燒得啱啱好，半肥瘦 我連沙律菜都食埋過錯有啲怪 白灼時菜都要＄58 ，咁細碟🙄 义燒腸好味！個腸皮好滑黑松露帶子燒賣 就唔覺有松露嘅味，但都好味，平時最怕啲燒賣好油，但呢啲滑得來唔肥大大粒～嗰個冬菇蝦滑物體 其實係待應落單錯左，本來嗌金錢肚～不過算啦見個樣有靚靚哋 要左佢～ 最後我一個人食晒成籠！覺得好足料！重點係唔油平時啲鯪魚球 牛肉球都可能撈左油，但尼個我食得出清好多！正 又有啲蝦味服務都OK 唔會有好似茶樓嗰啲冇人理嘅情況，環境都好寬闊 啱來傾野仲有佢個甜品都好靚，不過我個碗糖水超級甜甜到唔想飲整體vy gd,會再嚟食

非常感謝女友說她的歌迷朋友要為紅伶做生日叫埋我去意想不到的下午在家南方電視台就重播梁兆明在湛江劇團演蘇秦的舊片真是雙喜臨我當然食也很重要一邊兆明在台上談笑風生我一邊偷看餐單黑松露蝦仁相當新穎也好吃😋跟著粗糙的豆腐蝦粒湯無味的蝦豆粉開一個獻之後鮑魚菇原來將貨就價一條蒸魚女友說麻麻地我覺是是日最好一菜色我總愛吃邊邊魚皮魚尾魚膠即較能吃魚也不會太吃虧炸子雞樣好味道普通蛋白炒飯好過無圍餐食用普普通通趕上聽到新晉靚仔莫華敏唱liveOk 😌

第一次來這裡午飯, 入門就跟其他酒樓感覺好唔同, 枱與枱之間有些距離, 坐得好舒服, 而且茶有茶香, 跟一般酒樓的茶葉最少高兩個檔次. 我們先叫點心, 三文魚撻香脆加了芝士有些溜, 但可以接受,  蟹肉妃子笑味道一般而且只見豬肉, 蟹肉欠奉, 煎釀三寶蝦膠彈牙味美, 豉汁珍珠帶子蒸豆腐, 豉汁夠香, 豆腐夠滑, 最後蒜茸荷香蒸龍躉頭腩飯惹味可口, 魚亦剛剛好, 只後食到最後飯涷咗就覺得溜. 總結尼到比一般酒樓貴d, 但食物的質素、環和服務都好好, 對比起晚市是好抵, 連 +1和茶位每人都是$120, 比西餐食得多好款, 是可以再來.

本人與內子深感榮幸得到 悅來酒店 的邀請 , 有幸出席是次的 廚皇夜宴 ~ 是次晚宴的主題為 廚皇夜宴 , 乃是 入行超過二十年的 悅來酒店 中菜行政主廚 梁耀基師傅 曾在多項國際廚藝比賽中屢獲殊榮 , 成績斐然 , 因而設宴款待之 , 以把高層次的中菜展現給我們 ~ 近年來 梁耀基師傅 勇奪的獎項包括 : 2016美食之最大賞 (蟹組至高榮譽金獎)、世界廚皇台北爭霸賽2016 (職業團體組亞軍)、第六屆金蘭盃國際廚藝競賽2016 (至尊金獎) , 等等 ...... 足以證明其廚藝實力之高 , 而且 梁耀基師傅 堅持選用新鮮及時令的食材 , 並堅持不加味精及人造色素 , 烹調出來的每道菜式 不單色、香、味俱全 , 而且營養豐富 , 符合現代人的健康飲食標準 ~悅來酒店 的 殷悅中菜廳 , 榮獲多項國際級殊榮 , 包括 米芝蓮指南推介餐廳 2015 - 2017 , 粵港澳藍帶推介餐廳 2012 及 2014 - 2016 殷悅中菜廳 的裝修風格 , 既典雅亦時尚 , 用餐環境舒適雅緻 , 乃是家庭歡聚 , 浪漫晚餐 , 設宴的不二之選 ~當晚 廚皇夜宴 之菜式如下 :紅寶石

黎左呢度飲茶咁多次第一次黎食晚飯，因為有家庭聚會，加上有悅來張會員咭有張7折coupon 所以就黎左呢度食晚飯。但因為我冇睇過份餐牌所以唔知d餸名同價錢，不過真係好好味。我地係叫一席12位用嘅8道菜。第一道係：炸帶子，好特別嘅一道菜，平時食開嘅係蒸嘅，佢將粒帶子分成2部分：帶子肉同橙色嘅部位。佢炸出黎好香脆，但又唔會話好厚粉，上面有照燒汁，帶子底有炒過嘅洋蔥，仲有條帶子裙邊。海皇翅：入面有蝦同蟹肉，份量都幾多，但唔知係咪因爲上一道菜嘅照燒汁比較濃味，食到呢碗翅時就好似好淡咁。翅嘅份量都算多。杏仁片炸蝦球：熱辣辣上檯，面頭嘅杏仁片夠乾身，中間蝦球夠彈牙，又唔會話太咸。佢又唔會炸到令人食到成咀油，再配上沙律醬就一流。螺片鴨掌炆冬菇：螺片唔會話硬到咬唔開，係真嘅螺片唔係一罐罐嘅，鴨掌夠淋，冬菇夠入味，下面仲有生菜。蒸魚：都幾大條，生熟程度剛好，夠滑身，一流。茶葉燻雞：全晚我最鍾意呢道菜，佢用茶葉煮雞，每一片茶葉都有糖包住，令到碟雞帶有少少甜味，雞嘅肉夠滑，令我食完再食。蒜香蝦球荷葉蒸飯：好香嘅蒜味，蝦球爽脆，明明都已經食到尾聲開始飽，但令人停唔到口想再食多碗。芒果糯米慈：夠凍，入面芒果夠大粒