段純貞牛肉麵XChatime (如心廣場一期)

营业中

休息中

台灣享負盛名的段純貞登陸荃灣，新開張當然有心理準備係需要排隊，但好好彩今次只需排十五分鐘便可入店進餐。首先有招牌紅燒鍵心牛肉麵，一上抬立刻呷一口湯頭先，湯頭帶有藥材味但不太濃烈，熱度亦足夠，麵底選擇了手工麵，麵質煙韌且掛湯，最後不得不提牛鍵心，碗上有三件，每件都非常軟淋及入味， 難怪會是這店的招牌另一碗點了三寶麵， 碗內有牛筋牛肚及鍵心肉，配上幼麵非常一般，牛筋及牛肚看上去很上色，心想一定非常入味，怎知道毫無味道， 好像只是食緊一些物體般…… 若不是搭上兩件牛鍵心， 老實說比較一般筋肚麵都較為失色……最後亦點了一款小食紅油抄手， 雲吞包得皮薄紮實，但略嫌味道不夠辣，稍微不夠惹味。疫情期間無得去旅行可以食下過江龍感覺都幾好嘅，但只能抱住期望不大的心態，否則都會有點失望……

最近好多人推介呢間過江龍牛肉麵, 所以就去試一試佢。夜晚去食都預左要等位，但係呢間鋪頭就冇得拎飛嘅，一定要係鋪頭出面慢慢排隊。7點3去到大約有十幾人喺到排緊隊，等到8點鐘左右終於有得入去食，如果唔係有防疫限制應該可以快啲入到去食。入到去望一望餐牌啲價錢，係比出面其他同類型嘅餐廳貴小小，平均90蚊一個麵、小食就50一份、飲品就30蚊一杯，所有野都係散嗌冇套餐。諗好食啲咩想落單果陣，舉左手好耐都冇侍應過黎幫手落單，再等多左幾分鐘終於有侍應過黎，果個侍應淨係寫低左啲order落張紙到，冇用佢個電話apps落單，之後再等左半個鐘見到隔離幾枱遲入座嘅客人都有野食到，於是再叫第二個侍應過黎跟一跟單。🙁: 啲野食仲有幾耐會到？💁‍♂️: (黑人問號)你落左啲咩？🙁: 半個鐘之前已經落左單，乜你地原來冇落單㗎？💁‍♂️: 係...係呀..你落左啲咩，我再幫你落返。前前後後由排隊開始等左成個半鐘先有野食。啲野質素中規中矩，但係啲侍應服務就真係嘛嘛，漏單要個客人等咁耐一句道歉都冇，值唔值得用咁多時間去食碗牛肉麵，真係冇下次。

之前有朋友看完報導想一齊去試，但時間就唔到而咁啱今日亞妹搵我去荃灣行街，咁我順利其章就不如去試吓啦⋯⋯😋😋可能今日係星期六啦，排隊排左半個多啲先入到去吃個牛肉刀削麵😆看上很精緻的一碗麵，牛肉牛筋的確很冧有味，手工麵有特色，但有點硬😅而個湯實在比不上，沒有牛肉麵的濃香😖淡茂茂😯反而最突出係個酸菜，好好味⋯⋯為淡茂茂嘅湯加點色彩。鹽酥雞同平時係台灣店食差唔多，冇特別但價錢都貴$78只有5舊😏

其實是看完報導才去試，看上很精緻的一碗麵，但有點言過其實。牛肉的確很冧，有味，但只是台灣麵應有的品質。手工麵有特色，但有些部分是未煮透，有點硬。但係個湯實在比不上，沒有牛肉麵的濃香，可能已經是晚上，湯已被溝希。另外兩碗麵應有兩碟酸菜，但侍應好似唔想俾咁。塩蘇雞都係賣相好，味度不值48大圓。兩杯飲品直頭難飲。另外唔明而家限聚令可以4人搭枱，我地已經坐底左，當侍應表明要幫我地換枱，個黑衫店長居然鬧個侍應，要换枱就要叫我地出去排過，態度之惡劣! 俾錢仲要受氣!我一定冇下次，咁嘅價錢，咁嘅質數，咁嘅態度。其他店員好好，不過應該揾定另一份工。

讚1.牛肉麵既牛係好味既，煮得到家，鬆軟入味得黎又有咬口；抄手既醬都開胃，調得幾有功夫2.坐得都算闊落既彈1.牛肉湯望落濃，食落淡，係淡到得番少少甜味果種，係咪因爲就閂門呢？（我係最後一位客），最大問題係面頭又有層油係面，想點呢？湯可以理解可能係健康，所以煮淡啲，但麵真係唔得，層層疊咁黏埋一堆，一兩條都算，成碗有超過一半都係咁，果舊麵橫切面厚到好似牛角酥咁，要逐條慢慢撕番開，食唔到呢；抄手既皮都係硬身既；排半粒鐘再加百四銀既消費，要做得更好嘛

過江龍，其實從來未聽過。試下牛肉面，湯底淡而冇味，粗面條口感一般，幼面比較好，豚肉餃子比較好。。。紅油炒手比其他上海店的不同。。。沒有辣的感覺。。但始終食不出好味之感。份量又少。。。價錢不平。。。2碗面加小食。。。已經400.....沒有飽肚之感。。。純粹個人口味和觀感。。。如果要排隊食。。。不會再嘗試。。。就算不用排。。。會選擇其他。。

台灣排名Top5 的牛肉麵店終於來到香港在荃灣如心一期開幕啦！開張三天趁住有假期便與家人來試試這間過江龍的真味如何我哋一行三人 12點半到已見到人龍便跟著排隊限聚令下入面每枱限兩人大家都心急試食好快食完就走所以排隊都唔洗太耐20mins 就排到同店員說我們三人她也特意安排一張中間有隔板的四人枱給我們坐下看menu 也有簡單介紹店的招牌菜及麵底的分別我哋就試吓佢三款的牛肉麵 同鹽酥雞先上鹽酥雞炸得香口但雞肉未夠入味 食落有台灣夜市雞塊的感覺之後上麻蒜牛肉麵（細麵）先飲湯 有濃厚蒜味帶少少麻辣 湯味醇厚 果然有用心製作細麵與湯很夾 也較手工麵入味些牛肉軟冧好吃 對得起個價錢及網評之後上燉蕃茄半筋半肉牛肉麵湯底略為失色 蕃茄與牛肉味唔夠濃厚手工麵 與湯 各自為政 未能做到相輔相成最後上場三寶牛肉麵（手工麵）牛肉湯醇厚美味 牛肉牛筋牛肚都入味有咬口加埋手工麵及酸菜 出色 做到佢所講既相輔相成， 名副其實！以上麵食價錢當然是貴啦！但都叫物有所值，不妨一試！

今日難得偷閒食午餐。新店開張，好多人排隊呀。第一次食，梗係試下紅燒牛肉細麵啦。呢個湯底幾濃，但有啲牛肉蘇味，扣少少分。另外個細麵煮得太淋，又冇揚開佢煮，又扣少少分。第二碗試麻蒜牛肉麵。有麻辣同蒜味，係好濃同香。但我覺得就冇左原先牛肉麵的味道，同呢碗牛肉麵有啲唔太夾。呢碗揀咗手工麵，煮麵又係冇揚開佢同太淋，扣左啲分。紅油抄手，都可以啦。整體來講，都可以一試。尤其係荃灣區冇咩台灣品牌餐廳。由於新店，大家來食要有心理準備排隊啦。

尋日(1/12)開張，今日即刻仆黎試🤣真係好L掛住台灣丫！ 下午三點半黎到，唔駛等位，直入。 叫咗三寶麵(細麵；腱心，牛肚，牛筋) 同 麻辣蒜味腱心半筋半肉手工麵。 上菜速度快；6，7分鐘左右有得食。 三寶麵(細麵；腱心，牛肚，牛筋) ：1件腱心，2件牛肚，1件牛筋，半條菜； 湯望落去見到好淡色，撈勻之後個味先濃返少少，係少少； 麵質極唔討好，咬落去鞋身兼似漿糊😨； 腱心同牛筋夠淋，牛肚正常水準。 麻辣蒜味腱心半筋半肉手工麵：2件腱心肉，2件牛筋，半條菜； 牛筋硬到咬唔開...腱心肉夠淋； 麻辣蒜味湯底唔會太濃，有鮮味👍；麵質比細麵好少少，不過都係唔討好， 頭一兩啖咬落去係平時闊面嘅口感，然後咬咗兩啖就係鞋身兼似漿糊🙄 暫時唯一最好食嘅係酸菜， 可以請店員拎畀你。 食淨一半埋單走人，有得去台灣先再試過🙈 ＃自費 ＃不是業配文 ＃SamsungNote20相機直出

見朋友介紹依間台灣進駐既餐廳今日就去試下，朋友話係台中食過好好食，6點半抱住期待既心情去試，等左15分鐘就入得去，裝修ok，坐位都ok，叫左個麻蒜半筋半肉，小食除左菜同豆腐之外，我叫哂1. 鹽酥雞 （ok la）2. 雞湯餃 （個湯不錯）3. 排骨 （油膩但都ok la)4. 紅油炒手 (唔需要叫)5. 滷味拼盤 (個滷菇好食)小食介紹完到重頭戲 牛肉面優點:牛肉同筋好食缺點:面煮太淋湯完全似辣油水全單食左4百幾食完返到屋企係咁飲水完全一餐失望到極點既餐廳睇得岀係無準備好既餐廳員工對公司既落餐手機唔熟岀餐流程唔熟希望疫情後會大有進步一個對食有要求既港仔

見到新開張，之前係台灣食過覺得超好食就黎試下。六點半左右到等左15分鐘到就入得， 裝修ok好靚好舒服。可能因為新開既原因， 感覺成個運作有啲亂，落單既staff用左好耐先幫我地落到2碗麵，2碗麵前後上，中間等左15分鐘先上到第 2碗麵。 叫左三寶寬麵， 湯底好淡味同賣完全無中藥味， 麵條冇彈性煮到好冧，完全同台灣既段純貞差太遠。如果有食過台灣既段純貞想黎食呢間唔好抱太大期望，會失望。CP值不高，加賣一，一個麵差唔多要一百。