段純貞牛肉麵XChatime (如心廣場一期)

营业中

休息中

平日經過如心廣場一期一樓的段纯貞牛肉麵，都有長長的人龍。這源自台灣新竹市的麵店在當地享負盛名，很受歡迎。今天放假便慕名去試試。我們下午四時去，很幸運不用等候太久便有位。我叫了一碗招牌紅燒腱心牛肉麵。我選了細麵。麵大大碗有好多塊牛肉。牛腱心又香軟又有肉味，果然不同凡響。用23種藥材和香料熬製的牛骨湯香濃惹味，細麵沾滿濃湯好味道，濃而不腻，麵口感好，軟硬適中合味道。媽媽不吃牛，她選了燉濃湯雞麵。她讚慢煑的雞脾嫩滑有雞味，燉湯清香，幼麵吸滿湯汁又滑又美味，有營易消化。我們還叫了個鹵水拼盆，整體有水準。牛和牛肚都很入味。媽媽喜歡吃鹵蛋，豆干和鮮菌。鹵蛋糖心美味，豆干有豆味，鮮菌甜。飲品選擇多。我選的冬瓜薏仁檸檬特飲酸甜清新幾好味。媽選的香橙乳酸飲料也不錯。我們很享受這一餐。疫症不能去台灣，有空來吃這台灣的味道是生活的小確幸。感恩!

同男朋友去荃灣行街睇傢俬，咁岩去到如心廣場，見好多食店都無乜人，係段崇貞牛肉麵有好多人排隊，見啲裝修都幾靚，就一於試下啦！😆排左大概15分鐘就有位，等嘅期間見到店員清潔枱面會用清潔劑，對呢間食店嘅衞生信心大增。特別依家疫情，對食店衞生要求高左好多。我地order左2個麵同一份紅油抄手，份量都幾適中，岩岩好食得哂。招牌紅燒腱心牛肉麵 $80揀左粗麵，口感幾好，牛肉勁足料😋😋美中不足係個湯有啲咸，遮左啲牛肉湯味。燉濃湯雞麵 $78個湯好清有雞味，男朋友平時食野清淡，所以好中意😂無諗過隻雞髀咁大隻，超抵食，推薦👍🏿紅油抄手 $48有成7-8粒，唔算太辣，但香口，食完好滿足🤤肧芽珍珠奶茶 同 仙草奶茶本身淨係叫左一杯肧芽珍珠奶茶，估唔到茶味咁香👍🏿，同男朋友瞬間飲哂，最後要加單🤣埋單$284，台灣野黎講唔算平，但食物質素唔錯，環境又舒服，男朋友話可以encore😆

以往一年總會出遊幾次，奈何疫情限制，復飛無期… 這天到荃灣想看看聖誕燈飾，走著走著，去了如心廣場見到大大個的 Brown and Cony, 影完相發現已經晚上7點了，肚子也在打鼓了… 想要找點什麽吃的，但限制令下晚市禁堂食，唯有快脆買個外賣回家祭五臟廟… 盤算著晚餐吃什麽好，見到一間裝修古典的台灣麵店，搜了一下食評，原來本店在台灣很有名氣耶～好！今晩就試一下！今晩決定“飛一轉”台灣, 懷念一下台灣的味道！望住餐牌，所有東西都想試，一不小心就點了一枱滿的晚餐，再配一杯仙草奶茶，幻想自己去了台彎

呢日早放工，去咗如心廣場食呢一間人氣嘅台灣過江龍牛肉麵😎 平時經過都見到好長人龍，估唔到晏晝兩點幾都仲要排隊，不過好快入到，大約等咗15分鐘。我哋叫咗一人一碗麵再加一個小食，麵食可以選擇粗麵或者幼麵。🔸招牌紅燒腱心牛肉麵 - 粗麵一場來到就試吓個招牌牛肉麵啦，牛肉嘅份量超多，仲要厚切，估唔到咁大件都炆到好淋！我比較鍾意食粗麵，掛湯能力超強，好入味。湯底由多種材料熬煮，都幾濃郁，一上菜都聞到好香牛味。🔸三寶麵 - 幼麵 媽媽食三寶麵，三寶分別係腱心、牛肚、牛筋。如果想試多幾款嘅話可以揀三寶麵。腱心同我個碗一樣既，牛筋好大條，唔會過淋，咬落口有口感！特別一提係，每碗麵都跟一小碟酸菜，酸菜十分惹味，食完好開胃😍真係好好食，有啲想問佢有冇得額外買😂🔸滷水拼盤 有牛肚、牛𦟌、豆乾、滷蛋，都幾大碟，流心蛋最好食🤤牛𦟌好腍👍🏻👍🏻🔸秘製酸梅湯🍷鍾意酸味味嘅朋友就啱晒，覺得比起坊間嘅酸梅湯酸，冇加糖既感覺～🔸冬瓜薏仁檸檬特飲 🍹好好飲！唔太甜，有一粒粒嘅薏仁，加咗幾片新鮮檸檬🍋好清新好健康嘅感覺👍🏻食到三點幾條人龍仲長過頭先😆牛肉麵真係幾好食，份量又多，唔怪得咁多人嚟食啦😎真係值得一試！

本人非常鍾意去旅行，以前一有孖day off就會飛轉台灣食碗牛肉面食返籠小籠包………但而家唔好話搭飛機周圍去，就連夜晚坐低享受美食咁低既要求都做唔到，有見及此，兩口子多左去周圍搵啲好食既外賣自取…無意之間俾我地搵左間新開左無耐既台灣面鋪頭，重拾去台灣既感覺。我叫左個燉濃湯雞面，當我一打開蓋，不禁嘩一聲，大大隻雞上脾就在眼前我立即嘗一嘗湯頭配以店長推介既手工面，再嘩多一聲，香醇濃口且沒有肥膩口感，暖暖的一啖湯直達肚子，為依餐打響了頭炮……我再試一試雞肉，嗰個口感就好似食海南雞既感覺，鮮嫰有肉汁，食至師傅既功夫！係我食緊面既同時，我又俾眼前既叧一樣野吸引………登登登…登，滷水併盤！！！依個併盤不比湯面遜色，滷蛋仲係糖心架，而牛展牛肚豆干滷得非常入味，食完一夠要追食另一夠…一個人絕對可以食哂，如果配埋啤酒，正！！大家應該會好出奇我點解會介紹涼拌青瓜，留意下…外賣自取既涼拌仲有擺盤，咁細微既事都做到，值得加分啦！！！ 小插曲：本來我諗住食招牌牛肉面架，但張外賣自取單最底有行細字：湯底含蠶豆食份。我問過店員，他二話不説飛奔入廚房查詢，原來牛肉面湯底秘方有蠶豆的，我非常欣賞店員既反應，加分！

之前係Youtube見到有人拍左呢間新開嘅餐廳，條片影到D嘢食賣相唔錯，咁啱做嘢經開荃灣，索性就嚟試試佢。張相係我食完出嚟嗰時影嘅，我去到1點20分左右，已經有幾個人排緊隊，估唔到我食完出嚟2點反而條隊仲長左睇到嗰menu，主打就係一堆牛肉麵既選擇，有紅燒、茄湯、麻辣蒜味，亦有D嘢食係冇牛既選項，仲有一款炒飯。小食、小菜就更係有唔少，而飲品就正常選擇。咁當然一場嚟到又未食過，緊係嗌佢寫必點既牛三寶麵啦，一碗就有齊牛腱心、牛肚同牛筋，而佢麵底都有揀手工麵定細麵，我就揀左細麵。我食量比較大，所以就另外加左一份紅油抄手同一杯胚芽珍珠奶茶。嗌完等食就周圍望下啦，鋪內裝潢走簡潔現代mix古典味路線，防疫關係張檯面左右都加左一塊屏風。上面就掛左一幅類似簡介嘅字畫，寫到嗰湯底加左好多牛大骨、中藥材及香料，用左好耐時間先熬到出嚟，講到我嘅期望都大左唔少先嚟左杯嘢飲，味道正正常常，茶香奶香都有，不過我略嫌珍珠偏淋身，唔夠Q彈。話咁快碗麵都到埋，隨麵仲跟左一小碟酸菜。 一上檯緊係先呷一啖湯， 湯底唔錯，果然係香醇濃郁，我食完都幾乎飲晒嗰湯。三寶就每樣都有兩件，牛腱心相當大件啖啖肉，非常之軟嫩入味，一咬就化

天氣凍冰冰，一定要食返d熱嘢暖下，聽到台灣新竹市段純貞牛肉麵喺荃灣開左分店，即刻去食～招牌紅燒腱心牛肉麵$80湯底用牛大骨同23種中藥材同香料慢火燉左幾個鐘，入口非常濃牛味！雖然有中藥材但唔會飲到藥材嘅苦味；牛肉夠厚，入口彈牙牛肉味濃，但唔韌，牛魔王好滿意！手工粗麵彈牙有咬口～手工麵墩濃湯雞麵細麵$78朋友唔食牛肉，於是食雞麵，估唔到咁有驚喜！雞肉用雞髀～雞肉好嫩滑，最驚喜係個湯底，飲落杰杰地，配幼麵掛湯一流，啖啖香濃雞肉味滷水拼盤（牛肚/牛腱/滷蛋/豆干/鮮菌）$78滷水滷得軟淋入味，好有台灣夜市嘅風味，同朋友分享好滿足台式飲品唔少得，甜度適中，畫上完美句號冬瓜薏仁檸檬特飲少冰$30秘製酸梅湯$28

新開左一間正宗嘅台式菜手工麵，就即管去試吓原來晏晝時間都好多人個喎仲要排隊添等到一陣終於可以入到去✨招牌紅燒腱牛肉麵腱心牛肉麵用咗牛骨、中藥材同埋香料慢火細燉幾個鐘而成，湯底非常濃郁味道啱啱好唔會過鹹牛肉用咗長時間炮製，肉質嫩滑而好軟腍腍到沒法形容呢個係必食之選✨鹽酥雞台灣食嘅嘢多數都係香炸嘅鹽酥雞呢個即叫即做嘅鹽酥雞裏面份量比較多咬落去肉質外脆內嫩滑嘅感覺炸過香葉食落去更加香味✨桂圓蜂蜜薑母茶薑母茶冬天飲最好㗎啦因為佢可以驅寒保暖潤喉微辣刺激味蕾蜜糖再加桂圓少少甜味

台灣過江龍段純貞已經登陸香港了，店舖位置荃灣如心廣場，店舖人頭湧湧很多人在排隊🙈。環境不算太大，但坐得挻舒適的，餐牌上有很多選擇😍，也有自家製飲品。💥麻辣蒜味腱心半筋半肉麵 HKD$84，這個選擇幼麵，幼麵不會腍身挻入味的。湯底味道濃郁不咸☺，這個味道不會很辣。牛肉和牛筋也是很腍身，口感煙韌入味。💥燉濃湯雞麵 HKD$78，這個選擇手工麵，大小不一的麵口感更豐富🙈。雞湯的味道鮮甜濃郁😋，不會感到口乾挻好。當天吃的是雞肶位置，所以肉質鮮嫰，口感不會油膩。💥鹽酥雞 HKD$48，這個份量不過不失，而且很很多紫蘇葉😍。鹽酥雞很大件🤤，外皮酥脆肉質煙韌，這個小吃用來拌麵挻好的。💥冬瓜薏仁檸檬特飲 / 凍頂冷泡烏龍茶 HKD$30，吃東西當然要點杯飲品，飲品味道各具特色，前者味道濃郁而不甜膩，後者茶味濃郁不苦澀。

餐廳裝修有懷舊古典味， 是台灣人氣牛肉麵過江龍， 主打 牛肉湯底麵 ， 湯底用大量牛大骨及23種中藥材和香料， 細燉8小時而成 ， 香濃而不膩， 真材實料 ， 俘虜不少粉絲的心。招牌紅燒腱心牛肉麵(配手工麵) $80招牌紅燒腱心牛肉麵， 深褐色的湯底， 上枱時，香氣十足， 先呷一口湯， 湯底味醇厚、濃郁，牛腱心，厚切大件， 啖啖肉，輕輕已經好容易咬開，軟嫩入味， 牛味香濃 ， 十分吸引。 手工麵粗身，充滿彈性，煙煙韌韌韌， 掛汁力強， 每條麵掛上香濃的湯底， 別有一番滋味。三寶麵(配手工麵 )(腱心、牛肚、牛筋)$88牛腱心軟嫩入味， 牛筋煮得軟稔、滑溜，充滿骨膠原，我的 至愛 ，牛肚爽口帶嚼勁 ， 與手工麵一起吃， 令人樂在其中。鹵水拼盤$78鹵水拼盤， 十分豐富， 足兩人份量， 有牛肚 、 牛展 、 鹵蛋、鮮菌及豆乾。 牛肚和牛展軟稔入味 ， 豆乾嫩滑，滿滿迷人的豆香， 鮮菌新鮮爽甜 ，金黃色的流心蛋， 滑溜吸引。冬瓜薏米檸檬特飲$30、 秘製酸梅湯$28 冬瓜的蜜甜正好中和檸檬的酸，剛剛好， 不會太酸也不太甜， 底部有煙煙靭靭的薏米， 增加口感， 十分欣賞。 秘製酸梅湯 ， 入

段純貞牛肉麵 (荃灣)-係好出名嘅台灣過江龍牛肉麵🤤 估唔到就係喺荃灣開咗第一間香港分店！荃灣咁近梗係要即刻去試吓啦😍 啱啱新開無耐，已經專登揀喺下午茶呢啲諗住少人啲嘅時間去食，點知都有好多人排隊，果然大受歡迎😋-🔍 招牌紅燒腱心牛肉麵 $80🔍 原味牛肉麵 $80牛肉湯底好吸引，好濃郁嘅牛肉湯味，紅燒牛肉麵就比起原味帶有少少辣，兩個面都叫咗幼條，果然係手工麵，食落彈牙，好有咬口😋 牛肉方面，煮得好好味，而且咬落肉質軟嫩🤤 -🔍 鹽酥雞 $48炸得香脆嘅鹽酥雞，肉質鮮嫩而且唔會太多炸漿，食落好香口😋-🔍 桂圓薑母茶 $28天氣咁凍梗係飲番杯薑母茶🥰 有桂圓肉同杞子配搭，飲落暖胃又養生🥰-📍段純貞牛肉麵 (荃灣)荃灣楊屋道8號如心廣場1期1樓105-107號舖

-🔸三寶麵 $88🔸滷水拼盤 $78🔸冷泡凍頂烏龍茶 $30-冬至難得早收工，同朋友去咗荃灣行街，喺如心廣場見到呢間台灣餐廳好似幾吸引，就入去試吓啦～原來大有來頭呢，係台灣嘅過江龍啊，質素實有返咁上下啦！三寶麵包含咗超滑溜嘅牛筋、大大舊啖啖肉嘅牛腩、同埋牛肚，想講個湯底勁濃郁超有牛味，麵底揀咗幼麵而且質感係我鍾意嘅QQ口感啊！另外試埋豐富嘅滷水拼盤，有齊牛𦟌、牛肚、溏心蛋、豆腐、同雞髀菇，滷得入味但又唔會太鹹，好味啊～ 最後飲埋冷泡烏龍茶，茶香而且有回甘，好飲，仲有個好靚仔嘅玻璃樽𠻹！

果然如食評所講，真係要排隊㗎。既然係咁，一場來到，即管排吓，好彩都唔需要太耐就有位喇。慕名而來，就點咗两個麵，一個係招牌紅燒腱心牛肉麵，聽講牛腱心好矜貴，一隻牛嘅牛腱心只可以做5碗麵，事關好大件好足料，畀少D咪可以做十碗八碗囉，牛腱心牛肉香濃，啱晒我朋友。另一個係三寶麵，三寶有牛腱心，牛肚及牛筋，呢個係我點嘅，因為我好鍾意牛筋嘅口感，呢度嘅牛筋整得好好，軟腍腍易入口，而牛肚就彈牙爽脆。以上二碗麵嘅湯底都係由23種藥材及香料熬製而成嘅牛骨湯。另外見圖的滷水拼盤好吸引，内有牛肚，牛腱，好爽的鮮菇菌，溏心嘅滷蛋同埋豆乾，两人share啱啱好。飲品因個人喜好嗌咗一凍一熱飲品，熱嘅『桂圓杞子薑母茶』適合怕凍的佢，而『冬瓜薏仁檸檬特飲』就係『火星人』我飲嘅。

今日親做冬放早，同朋友去食咗個午餐，嚟到呢間台灣過江龍嘅牛肉麵其實佢一開舖就已經好想幫襯，但係真係太多人排隊，所以就揀呢個時間嚟食，但其實呢個時間都係要排隊，好彩都唔算等得耐呢間餐廳座位唔算多，但環境都幾舒服乾淨企理，食物方面有幾款牛肉麵，各種嘅台灣小食，仲有一啲特色飲品我同朋友就叫咗兩碗面一個小食同兩杯嘢飲冷泡凍頂烏龍茶：呢個個樽好靚係用玻璃樽裝嘅，烏龍茶有啲甘甜嘅味道冬瓜薏仁檸檬特飲：酸酸甜甜，仲有好多薏米，好好飲三寶麵：揀咗細麵，入面有腱心，牛肚同牛筋，真係超足料，每樣食材都好大件，腱心炆得好淋又夠入味，牛筋就好似一層啫喱咁，個湯味道好濃麻辣蒜味腱心半筋半肉麵：揀左手工麵，姐係粗身嘅闊麵，呢個湯個辣度啱啱好，唔會太辣，冇搶到牛肉湯既味，配合得好好，仲有都係要讚下佢嘅食材，又足料又好味滷水拼盤（牛肚，牛𦟌，滷蛋，豆干，鮮箘）：個糖心蛋真係一流，蛋黃勁流心，其他食材配滷水汁都好出色呢間台灣牛肉麵餐廳，嚟到香港真係保持到台灣嘅味道

一間餐廳用自己個名做生招牌一定要好有信心先會咁做呢間係台灣過江龍牛肉麵店原來係台灣已經有17間分店香港第一間店就開咗係如心廣場睇到介紹，湯底用上23種中藥材熬製，再用慢火8-9小時加入牛骨高湯所以食個陣都有啲期待嫁招牌紅燒腱心牛肉麵濃郁既香蔥、薑、蒜等等既牛骨湯底濃而不膩腱心肉質軟稔，索哂中藥材既味道面底可選粗或幼既手工面一條粗面真係好闊呀煙煙韌韌既口感面條掛滿湯汁而且湯底不味精雖然湯底有小小油膩 應該係牛湯精華黎既忍唔住飲咗幾啖滷水拼盤牛展牛肚滷蛋滷豆干及鮮菌花椒八角既香味滷得幾入味，顏色都好靚仲叫咗三寶面三寶面都係牛骨湯底三寶分別有牛腱心、牛筋及牛肚帶點微辣既湯底牛筋滷得軟腍呢款面揀咗幼面 幼面亦爽口彈牙檸檬🍋蜂蜜綠茶綠茶特別清新冬瓜檸檬薏米水想唔到可以加入冬瓜茶味道好夾