段純貞牛肉麵XChatime (如心廣場一期)

营业中

休息中

今次已經是第2次黎，適逢今日凍凍地，所以想食D暖暖地的野，湯麵就是最好的選擇。台灣麵是一個唔錯的選擇，尤其是牛肉🍬底可以暖暖胃。兩個人叫左兩個麵同埋一杯熱頭漿。首先經典紅燒牛肉手エ麵，牛肉太腍，手エ麵份量足夠，但不太彈牙，湯底有少少麻辣味，不夠熱。薑糖有機豆漿不夠熱，只是暖。薑味淡，冇豆味，太淡。唔知係唔係有機都係咁呢？而燉蕃茄腱心半筋斗肉細面，餸及湯底可以但細麵份量少咗些，兩個女仔可以叫一個正常一個小麵。

以前每年都去一兩次台灣，而家因為疫情關係，唯有搵間台灣過江龍嘅牛肉麵食下。據我所知此店係曾經被台灣美食教父評為嘅牛肉麵。今次叫咗個招牌紅燒腱心牛肉麵，麵有得選擇手工麵或細麵。今次當自己去咗旅行，胃口大增，所以再叫多碟滷水拼盤，同加一杯秘製酸梅湯。碗麵一嚟到就已經聞到一陣藥材味，立即試吓個湯底，感覺十分濃郁，帶一點微辣，應該熬製咗好耐。牛腱心份量幾多，雖然厚切，但食落又軟又腍，而且好入味。還附上一碟酸菜，加埋囉加埋落去啲湯度十分匹配。跟住嚟個滷水拼盤，裏面有牛肚，牛𦟌，滷水蛋，豆乾，鮮菌。個滷水蛋居然仲係溜心蛋，好好味。最後試埋杯酸梅湯，聽講係沿用返台灣嘅秘製配方，開胃又解渴，食多啲都唔怕。食完今餐，去台灣嘅感覺返晒黎。

明知道台灣開咗間餐廳嚟香港，而家冇得去旅行，所以就去朝下聖，特別係食佢嘅手工麵。手工麵本身比較闊同厚身，比較有口感，放咗落啲湯汁嗰度嘅話就更加可以有「麵湯」融合嘅感覺。我自己本身叫咗一個三寶麵，裏面有齊晒牛展、牛肚、牛筋，材料本身都高質，因為一啲都唔軔，而且都幾彈口。個面仲非常香。朋友叫咗另外一款：嫩五花牛肉麵，牛肉食落去嘅感覺，真係有幾分似和牛，肉質肥美，幾可亂真。食麵仲會送埋配菜，呢個配菜真係一絕。小食方面，我哋特登叫咗一個麻醬涼拌豆腐，有非常香嘅四川口水雞嘅味道，再加埋花生🥜，作為涼菜，真係非常濃味👍呢度嘅面個湯底本身冇咩點落味精，所以食落去有少少淡，但就反而令我更安心。飲品最後我哋叫咗呢度嘅特製酸梅湯，甜甜地唔太酸；另外亦都叫咗令到嘅花茶，花茶少少熱亦都有好香果味，不錯。

無得去旅行，就黎試下呢間台灣名店段純貞，周圍都見到佢嘅廣告，所以平日兩點半黎到依然排晒長龍，睇黎好多人嘅思鄉病了。排緊隊已經睇定餐牌決定食咩，一坐低即刻落單，店員用手機下單，落完30秒內已經拎張單過黎，仲禮貌地叫我地睇下有無錯，高效率呀！自己點左麻辣蒜味腱心半筋半肉手工麵，賣相不錯喎。牛肉同牛筋都炆得軟腍入味，大大件有咬口，正喎。濃頭極濃郁，鮮甜的牛味呀，雖然係麻辣湯，但只係微微辣，飲晒碗湯無難度。手工麵有咬口，好掛湯呢。朋友點的燉濃湯雞細麵，制作需時都等左好一陣。雞脾大大隻，好滑呀～湯頭清甜，好有雞味。麵條要了細麵，都幾有咬口，吸飽湯好味喎。仲有鹹菜送上，正，有佢可以送到幾碗。仲點一個小食滷水拼盤，雖然話係小食，但一點都不少。牛展牛肚好軟腍，蛋勁流心，仲有滷水豆腐同杏鮑菇，吸了滷水汁真係幾正。食台灣野點可以唔點飲野，要左冬瓜薏仁檸檬特飲＆香橙乳酸飲料。前者係冬瓜茶加入薏仁同檸檬片，甜甜地有少少酸咁，幾得意呀。後者係橙汁加入乳酸，但乳酸味不濃，似飲緊橙汁，都唔錯㗎。麵食真係好好味，黎一解鄉愁吧。

#跟住我食唔中伏.段純貞牛肉麵是來自台灣新竹市是當地最人氣的牛肉麵餐廳現於香港荃灣如心廣場都可以吃到了🤩.主打木系古風裝潢，風味又大方沿用台灣總店秘方✨包括牛肉麵的牛骨湯底😌🤤湯底用上牛大骨及23種中藥材及香料慢火細燉8小時，夠油香又不會膩👍🏻麵食可選配搭刀切手工麵或細麵，另會配一碟酸菜.招牌麵食［三寶麵］可以同時試勻牛腱心、牛肚及牛筋招牌［紅燒腱心牛肉麵］紅燒腱心肉質非常軟腍，十分入味😍超好吃！.［滷水拼盤］有牛肚、牛腱、滷蛋、豆乾及鮮菌這個感覺有點偏油，味道沒有驚喜🤭.招牌［秘製酸梅湯］沿用台灣總店秘方炮製✨酸酸甜甜的，跟牛肉麵十分搭🥳....#ca師奶餐廳_荃灣#超多人排隊#超人氣 #台灣

逛如心廣塲見段純貞門外有人排隊，是食台灣牛肉麵，我估應該好吃😋所以我都排隊。我們點左麻辣蒜味腱心半筋半肉手工麵，牛筋夠腍滑夠入味，牛肉夠腍牛肉味香濃，手工麵口感彈牙，索左濃香湯底，超美味可口，滷水拼盤，有牛肚、牛𦟌、滷蛋、豆干、鮮菌。牛𦟌好腍滑，牛肚很腍，全部都夠晒入味，真不錯👍👍三寶手工麵，有牛腱心、牛肚、牛筋，湯底味香又濃，很好味我飲晒湯，碗底見到「獨門二十三香以香傳鄉」真有趣很特別。秘製酸梅湯，酸酸甜甜，味道濃香。香橙乳酸飲料，橙汁和益力多味道，真不錯👍地址：荃灣楊屋道8號如心廣場1期1樓105-107號舖

人氣過江龍段純貞終於開到嚟香港啦，新店坐落荃灣，當然就要約朋友一齊去食喇，除左有牛肉麵外，仲有各款小食，選擇非常多，想當吸引_經典紅燒牛肉麵 $80食牛肉麵最緊要就係湯底，所以上枱時就飲一口湯底先，味道非常濃郁，再加上麵質彈牙，同有嚼勁既牛肉，係絕配呀麻辣蒜味腱心半筋半肉麵$84牛肉麵我哋都叫咗手工麵，湯底有麻辣香，亦有配上酸菜，牛肉嘅份量都足夠，半筋半肉就較為軟淋，容易入口_柚子蜂蜜綠茶 $26味道唔會太甜，仲有淡淡柚子香冬瓜薏仁檸檬特飲 $30留意番飲品係需要單點，今次就叫左其中兩款嚟試吓，冬瓜薏仁檸檬飲落清新，仲好潤喉_香麻醬涼拌豆腐 $48小食方面有多款選擇包括鹽酥雞、紅油抄手等，今次叫嘅呢款涼拌香麻豆腐，食落口十分惹味，小食黎講，十分之開胃

去荃灣諗住行Donki，去到附近12點鐘左右，就係如心廣場到覓食，食飽飽再慢慢行。好耐冇食台灣菜，咁啱見到呢間段純貞牛肉麵，12點門口已經有4,5個人等緊，心諗啱啱開午市都有隊排，就試試佢有幾勁。等左10分鐘左右，就可以入座。睇完嗰menu，心血來潮想點D次熱門選擇，就點左 燉蕃茄腱心半筋半肉麵、酥炸排骨同冷泡凍頂烏龍茶3樣嘢。趁嘢食上嚟前就望下環境，設計都有D中式庭園風，枱同枱中間仲有塊有膠板嘅木屏風仔隔一隔，感覺都做足防疫措施。坐左一陣，嗰麵好快就嚟左先，上面有一整嚿蕃茄，仲有牛腱同牛筋各兩大嚿，賣相唔錯，隨麵仲跟一細碟酸菜。先飲啖湯底，一開始以為係純茄湯，估唔到佢嗰湯底都係紅燒湯底為主，一落口係濃郁嘅紅燒湯頭，再飲蕃茄味亦開始浮出嚟，微微茄酸同微微紅燒嘅辣融合埋一齊，不但令濃郁湯頭加一D清新嘅感覺，仲多一層次。再嚟試下肉，牛腱同牛筋都燉得好腍，一咬即化，亦都好入味，正。嗰麵底有得揀細麵同手工麵，我揀左手工麵，食落感覺有D似厚少少嘅刀削麵，有咬口又掛到湯。食左幾啖再試試嗰酸菜，味道幾濃，好開胃。食緊途中嗰冷泡烏龍都上左，佢係一個樽仔咁上，店員會倒一D落杯再上枱。一樽可以倒到2杯左右

星期日行過見好多人排隊，星期二收舖前未夠六點就試吓，點咗招牌三寶麵，初初都唔知咩係腱心，比其他牛肉麵啲牛𦟌更soft又有膠質，牛筋炆到好淋好好味，反而牛肚就麻麻哋，湯係有少少辣好啱口味。仲有order 小食煎餃，但應該唔似即叫即煎，只係少少暖，又無乜汁。紅油炒手同上海紅油炒手唔一樣，有牙菜同炸脆黃豆，但都幾辣。還有叫咗杯香芋珍珠奶茶。

雜誌介紹， 被台灣美食教父評為『五顆星牛肉麵』的段純貞，在荃灣如心廣場一期，開設了首間海外分店，令人引頸以待，最近終於正式開業， 吸引我和先生中午時分過去品嚐台灣味道。段純貞，源自店主已故祖母的名字。來自四川的段純貞，為了幫補生計， 在台灣，以單車售賣豆瓣醬，獨創出川式牛肉麵， 在異鄉打響名堂。麵條，可以選擇手工麵或細面，我和先生也選擇了平日少見的粗身手工麵，口感煙韌得來， 掛汁力強。麻辣蒜味腱心半筋半肉麵$84切得厚身的牛肉份量十足，一半是腱心肉，一半是牛筋，腱心肉妏的時間剛好，肉質軟淋而不爛，油脂分佈均勻，肉香醇厚， 口感有點像牛展， 啖啖肉， 湯底花椒味突出， 濃郁不太辣，配上滑滑手工麵同食，令人十分滿足。三寶麵（腱心，牛肚，牛筋）$88先生說用上23種藥材慢火熬製8小時而成的牛骨湯很美味，湯底帶點藥材味，香甜而不苦， 說罷便一飲而盡，很識補。每天用新鮮牛脂，提鍊出天然牛油來煮湯底；選一頭牛只得2塊的牛腱心來做主打牛肉麵， 餐廳對食材的堅持，令人動容，著實是食得安心又放心。

本身都鍾意台式既食店🥢喺香港試過好多間牛肉麵🍜如心廣場呢間算係比較高質，有台灣風味😋星期六大約1點鐘黎到，食飯時間加上開張無耐，自然會人多。我地排第二組，加埋第一組大約30-40人。見到有人離座之後，好快就安排新客入座，我地等左大半個鐘終於可以入座。服務員都好有耐心同禮貌咁安排客人入座。店內裝修有懷舊既感覺，亦都乾乾淨淨，舒適闊落。（滿分10隻手指公）🔷麻辣蒜味腱心牛肉面（手工面）$80湯底濃郁，但蒜味可以再重啲，辣度就剛好！手工麵有啲似山西刀削麵，好有口感，煙煙韌韌，好掛汁，值得一試！牛腱心，好多同好大舊，燉到好軟嫩入味，易咬，有小小入口即溶既感覺！牛肉麵隨附一小碟酸菜，可隨意加落牛肉麵一齊食，加添香口。🔷三寶麵（幼麵）$88店舖推介必點！因為第一次食，所以叫左一碗手工麵，一碗幼麵。三寶包括腱心、牛肚、牛筋湯底辣度好適中，味道其實同麻蒜差唔多，只係小左蒜味😆幼麵都好掛湯，不過就較稔，無手工麵咁有口感。如果下次再食都係揀手工麵😋腱心：上面講左，唔重覆牛肚：稔得黎都爽口，好易咬，唔怕韌牛筋：好稔好大舊，好有骨膠原🔷鹽酥雞 $48呢個價錢黎講，真係大件又抵食。外脆內軟，好香口，但炸粉略為厚

段純貞是台灣牛肉麵過江龍， 招牌紅燒牛肉麵作招徠，牛肉湯底以新鮮牛大骨熬煮，經過慢火燉數小時，匯聚牛肉汁精華。三寶麵 $88配料豐富，有腱心、牛肚、牛筋，適合貪心的我。 牛腱心厚身軟嫩，入口細滑無筋，再呷一口溫熱湯底，帶藥材香氣，香氣十足。牛肚口感Q彈，牛香醇厚；如啫喱狀的牛筋，充滿豐富膠質，煙韌滋味。跟配手工麵，粗身、厚薄不均勻，每條麵掛上肉湯精華，濃郁鮮味。燉濃湯雞麵 $78雞腿肉嫩滑，黃油雞皮滑溜、緊緻，加上香蔥提升，令人胃口大開！配上濃白湯底，嫩雞炮製出彈牙口感，手工麵吸收了鮮甜雞湯，十分窩心。滷水拼盤$78鹵水拼盤有牛肚、牛展、鹵蛋及豆乾及鮮菌，牛肚和牛展質感軟嫩，肉味濃郁。流心滑蛋，金黃色的蛋黃流出，配上滑溜鮮菌，和充滿滷水味的豆乾，十分吸引。冷泡凍頂烏龍茶$30烏龍茶入口清香，冰震的茶香，清爽解渴。柚子蜂蜜綠茶 $26蜂蜜的香甜，配上幽幽的柚子，調配出清爽快感。

呢間段纯貞店舖位於荃灣愉心廣場!係一間台灣手工麵嘅舖頭!主打食牛肉麵!這間店舖雖然唔係好大!坐落都算幾舒適!人流非常之多!睇到D客人一枱走!好快就有一枱客人入座!非常之旺!.麻辣蒜味腱心半筋半肉麵燉濃湯雞麵(手工麵)鹽酥雞冬瓜薏仁檸檬特飲桂圓蜂蜜薑母茶.麻辣蒜味腱心半筋半肉麵呢碗半筋半肉麵!賣相都好吸引😮😮😮!睇見都好想食🤔🤔🤔!去嘅牛筋十分之腍身!咬落都好彈牙!同時D牛肉食入口好有口感!又夠哂腍身!牛肉入哂味味道好好味😋😋😋!去嘅麵咬落都算好烟韌!咬落都有口感!湯底味道好濃郁😙😙😙!湯底真係唔錯👍👍👍!.燉濃湯雞麵(手工麵)去嘅濃湯好香雞味!味道十分之香濃😙😙😙!飲到入口感覺好好味!去嘅雞肉都好嫰滑!咬落去感覺雞味都好鮮!都算唔錯😋😋😋!尤其是去嘅手工麵!食落好特別比起其他嘅麵類!好食好多好有咬口!.鹽酥雞賣相都好吸引!外酥脆內嫰滑!咬落去夠哂酥脆!雞肉味道恰恰好!.冬瓜薏仁檸檬特飲!飲入口味道都唔錯!味道好特別🤔🤔🤔!清香檸檬嘅味道😙😙😙!又飲到冬瓜同埋薏仁嘅味道!兩者加埋味道唔同哂!我覺得好好飲😋😋😋!.*價錢一般!食物都好有水準!值得試吓*

我與女友都是台灣特色食品愛好者，聽聞朋友介紹位於如心廣場的段純貞牛肉麵，故在百忙之中抽空前往光顧! 因不是繁忙時段，無需等候便能進入店內。店內半復古的裝修風格可被輕易察覺，段純貞牛肉麵的歷史更被刻在牆上，為店舖增加了不少氣派!餐牌上的食品均附有精美圖片介紹，讓食客增添幾分食慾及期待。餐牌食品款式十足，除了牛肉麵外，更設有飯類食品，小食及飲品種類亦多不勝數，再附上幾款特色甜品，可見餐店食品種類樣樣皆全!最為深刻的食品實屬麻辣蒜味腱心半筋半肉牛肉麵，麻辣湯底首先俘虜了食客的舌尖，濃湯中的牛腩更是口感軟滑，一試難忘。最讓我意外的必定是店員的服務態度，店員細心為顧客解答餐點問題，以禮待人的態度應為之仿效!!!

人氣過江龍段純貞終於開到嚟香港啦，新店坐落荃灣，最近趁得閒少少同朋友嚟咗食午餐，估唔到牛肉麵都幾多選擇仲有多款小食同飲品，同朋友都食到飽一飽先走😊_經典紅燒牛肉麵 $80麻辣蒜味腱心半筋半肉麵$84牛肉麵我哋都叫咗手工麵，一上枱已經聞到湯底非常香，亦有配上酸菜，牛肉嘅份量都足夠，小編就比較鍾意半筋半肉，牛筋非常入味，佢個面底其實都幾多下🤔_柚子蜂蜜綠茶 $26冬瓜薏仁檸檬特飲 $30留意番飲品係需要單點，今次就叫左其中兩款嚟試吓，柚子蜂蜜較為清新，配埋牛肉麵一齊食能夠解膩💜_香麻醬涼拌豆腐 $48小食方面有多款選擇包括鹽酥雞、紅油抄手等，今次叫嘅呢款涼拌豆腐醬汁非常惹味，作為輕食啱啱好