段純貞牛肉麵XChatime (MOKO新世紀廣場)

营业中

休息中

平日夜晚商場人流不多，經過就試下尼間台灣野，店舖大約一半係空，咁佢安排我地搭一張4人枱，左右都有人夾住，啲客既手袋都放係佢叫我坐既位。咁心諗點解咁多位都唔肯比人坐，咁我照佢安排咁坐，佢亦無叫左右客人拎開個袋，咁算啦照叫野食啦，一共叫3樣野，2杯飲品。飲品叫荔枝茶30%糖，但都好甜，似街邊嗰啲茶飲店咁上下，而珍珠奶茶就正常。另外叫左兩碗麵同一個小食併盤，但嚟齊既話應該唔夠位放，因為張枱係茶記4人枱中間加塊木既厚板隔開，左右大聲傾計完全係會好嘈嗰隻。咁問佢可唔可以轉位，因為間鋪一半空，同8點出面都無人再等位，咁問待應佢話可以。咁坐左另一張枱，門口待應就大大聲教新人係我地隔離講：「你地下次吖，唔好比人換位吖，兩個人唔係坐尼度。」，其實我全程都係食左半個鐘比三百幾蚊，你一半吉位，出面都再無人等位，點解要攪到個個都咁迫。不過野食okay, 雞湯手工麵係好食，牛肉麵就一般啦，但如果咁樣比說話客人聽，咁算啦，無下次又坐得唔舒服。

放工去左moko 買野順便搵食 太耐冇黎 好多食店都已經轉左手 今晚想食清d 見到呢間台灣野好似唔錯 就去試下 叫左個燉濃湯雞麵 佢既麵有分 刀削麵 同 細麵 叫左刀削麵 原來佢係好粗既寬麵 帶有少少既咬口 但唔會去到薯粉咁靭雞湯的確幾濃郁 雞件有兩大件 兩件都雞肉都好滑 朋友叫左半筋半肉牛肉麵 都係叫左刀削麵 湯底雖然清 但牛肉味好香濃 另外再叫左一個鹽酥雞 沾左薄薄既炸粉 炸得好酥脆 雞肉嫩滑 佢既飲品係同日出茶太聯乘 太耐冇飲了 叫左杯黑糖波霸鮮奶 +$4 要大杯 珍珠好煙靭 混左黑糖岩岩好唔太甜

去花墟年宵前先到MOKO搵食先, 好耐無食台灣野就試下呢間牛肉麵, 好似係台灣餐廳黎....等左15分鐘左右就入到去, 我叫左紅燒腱心半筋半肉牛肉麵, 男朋友叫左三寶麵, 兩款都係紅燒湯底, 我地分別叫左手工麵同幼麵, 試下有咩分別~~~等左一陣2碗麵就到了, 紅燒湯底帶有少少辣味, 我自己略嫌有少少咸…紅燒腱心半筋半肉牛肉麵有牛肉、牛筋各2舊, 牛肉、牛筋炆到好淋, 一咬就化開, 不過我略嫌紅燒湯底濃得濟遮左D牛味, 幼麵係拉麵的質感, 都算好食至於男朋友個碗三寶麵，內含腱心、牛肚、牛筋, 都係炆到好淋, 牛肚都算大塊同食得出係新鮮的, 非常掛湯~手工麵原來係厚+大塊版既刀削麵咁, 幾特別…但由於價錢我覺得唔算平, 所以可能食一次就算

好伏，超伏，劣食人生第一次食涼伴青瓜，居然會有廚師用雞粉來為青瓜調味？真係奇遇，到底有幾咁地獄先會調較得出呢種味道？食咗一舊太難食，實在頂唔住，需要立即影相為證，無論如何要為此餐留下食評。第二碟，是無味道的鹽酥雞，只係一份炸雞，點解都可以做唔好？我諗旺角普通小食店都會好過佢。來第三樣前，本著無期望就無失望，我就將標準首先降到最低先。侍應有禮貌地放低碗香蒽花生碎伴麵，個樣是旦算係正路！點知麵太淋，雞好鞋，而最主要就係又用雞粉做底味呀我實在太太太失望了，點可能無一樣食物係好食咖？？肯定無回頭客啊！

小朋友放學後，帶咗佢哋去MOKO動樂園度玩，玩完之後去咗呢一間台式餐廳食晚餐。我覺得呢間幾好，有啱大人同小朋友食嘅嘢。大人就主要嗌辣嘅麵🍜小朋友就食清淡啲嘅雞麵👍同埋呢度好好，麵嘅質地可以request煮腍啲，咁小朋友都會容易入口啲。同埋呢度有小朋友餐具提供，匙羹叉碗杯and high chair 🪑 都會有。嘢食我超級推介❤️‍🔥麻辣牛筋牛腩麵(中辣)牛筋牛腩炆得勁腍，手工麵勁有咬口，配埋個麻辣牛肉湯超正😍燉濃雞湯麵(幼麵）🍜雞髀肉超滑，小朋友爭住食，最後成碗超快食晒😏青花椒香手撕雞乾拌麵& 蒜香手撕雞乾拌麵呢兩個都好惹味，而且配嗰隻溫泉蛋都好好食👍小食仲叫咗鹽酥雞，都可以👍總結:最推介—->麻辣牛筋牛腩麵(中辣)🌶️

旺角新世紀段純貞，我品嚐了他們的招牌鹵水拼盤和半斤半腩手工麵，真是極上之選。鹵水拼盤讓我驚艷。盤中擺滿了各種精選的滷味，包括滷牛腱、滷牛肚和滷豆腐等。每一種滷味都入味鮮嫩，散發著濃郁的滷香，令人垂涎欲滴。半斤半腩手工麵更是讓我驚喜連連。這道麵條彈牙有嚼勁，搭配上濃郁的湯汁和鮮嫩多汁的半腩肉，建議食完之後飲埋濃郁的湯汁，哪種應覺帶來了超大的滿足感。其他紅燒牛筋、嫩五花腩、犇四寶也十分吸引眼球。雖然只有清水提供，但本身食物較濃味，如有需要可以點餐日出茶太的台式特色飲品。

我很吃牛肉麵而台灣麵當然要吃正宗的所以就特地來到新世紀廣場吃一碗台灣過江龍—段純貞牛肉麵🐮🍜.在手工面和細麵選擇了一陣子最終選擇了經典的紅燒腱心半斤半肉牛肉麵拼細麵湯底微辣，帶有藥材味（不過略嫌鹹了一點）牛肉煮得很嫩口麵條亦很彈牙兩者皆吸滿湯汁 👍🏻.這個價錢吃到高質素的牛肉麵CP值高值得推薦.另外看到店中有段純貞的介紹他們說，希望帶給每位客人最香艷的口味、安心的食材及用心的感動🩷很高興在香港也吃到段純貞的堅持👍🏻

🎀段純貞 這間台灣過江龍是最愛吃的牛肉麵店之一以前在家附近常常光顧可惜後來分店結業就很少有機會再品嚐了今天在新世紀廣場偶然看到這家店二話不說就決定進去試試看看是否還能保持著過去的水準✩‧₊紅燒腱心半斤半肉牛肉麵ʀᴀᴛɪɴɢ: 𝟾/𝟷𝟶每次來到這裡都會點選最經典的牛肉湯麵湯底濃郁微辣中帶有藥材的味道牛腱和牛筋煮得軟嫩滷得入味麵條可以選擇手工幼麵或刀削麵選擇了幼麵感覺剛剛好唯一美中不足的是牛腱不算很大片✩‧₊燉濃湯雞麵ʀᴀᴛɪɴɢ: 𝟾/𝟷𝟶 這道菜在餐牌上也是推薦之選雞湯香濃但不會感到油膩雞肉嫩滑份量也很合理搭配上幼麵非常搭配是一個健康又美味的選擇⁡⁡⁡ ⁡⁡

去MOKO 動樂園玩完之後，周圍搵食。BB最鍾意就係食麵，所以雖然要等一陣位，但係都打算試吓大約等咗15分鐘，就有位俾我哋，仲係一個卡位，再加多張BB凳啱啱好夠5大2小坐自行QR code 落 order，叫左個雞湯麵俾仔仔 share ，大人各自叫咗唔同款式嘅牛肉麵本來對呢間餐廳冇乜特別期望，但估唔到食落非常之有驚喜。首先味道一啲都唔太鹹、牛筋亦都煮得好林、牛腱亦都好入味。反而杯茶就不過不失，冇乜特別驚喜。

📍 @duanchunzhen.hk in Mong KokTaiwaneseFood: 💛💛💛💛🤍Décor: 💛💛💛💛🤍Service:💛💛💛💛🤍Price Value: 💛💛💛💛💛Price :💰 $800Favourite:💖 Sichuan paste in beef shank noodle soup------------------------------✅ Located at MOKO, linked with Mong Kok East MTR station. Super convenient.✅ The menu offers a wide variety of mouth-watering Taiwanese street food, noodles, snacks, dessert and drinks✅ Food is flavourful and delicious. The food quality is comparable with those that I had in Taiwan.✅ Good value for money✅ Portio

如圖所述，價錢與食物質素及份量不成正比，這讓我對這家餐廳的食物感到相當失望。特別是他們的口水雞，以84元的價格只提供了5件，這讓我感到相當不划算。平均下來，每件口水雞的價格竟然高達17元，這讓我感到相當驚訝。另外，他們的牛肉面也讓我大失所望。雖然牛肉的質素還算正常，但手工面的口感卻非常差。就像想像一下平時煮公仔面後，浸泡了超過一小時的口感，讓人難以接受。唯一值得一提的是，他們的牛肉質量還算可以，可以媲美一般街邊的牛腩質素。不過，考慮到整體的食物體驗，這並不足以彌補其他方面的不足。總而言之，這家餐廳在價格、食物質素和份量方面並不令人滿意。我不太建議前往品嚐他們的菜色。

叫咗個午餐，有麵和小食+一杯飲品$138經典紅燒牛肉麵（揀咗手工麵），麵條好寬，口感煙韌；個湯勁濃，有少少辣，顯得野味；牛𦟌大塊又入味，唔錯。新鮮豬肉鍋貼（5件）個皮好薄，煎得夠脆口，肉饀味道剛好，好食😋招牌珍珠奶茶🧋飲道正常。

我在暑假一頓午餐吃了燉蕃茄腱心牛肉麵，我選了細麵。紅色賣相刺激味蕾，上菜就想吃。牛肉新鮮，質感爽脆，搭配酸甜的湯底，面條更加美味，讓人回味無窮。我吃了三星蔥肉鍋餅，它很香，吃完很暖胃。

今天放假就嚟試下呢間段純正試午餐，點知原來同食食評講既真係有太差別！呢間試一次就夠了，服務態度好差，對我而言用餐除了食物的品質外，服務態度都好重要的！先講食物，叫咗一碗紅燒腱心半筋半肉牛肉麵，另一碗就口水雞湯麵。份量：好少，即女仕們或食量少既人較適合。味道：無特別且偏咸。服裝：無服務可言，因為沒有水提供。（但要收加一）食用時間：限時60分鐘（平日）整體而言，平日都要限時食太不合理不會再光顧，因為太不值！

冇啲人講到咁差 去叫咗個牛五花麵 麵底超級無敵闊 食落都幾香 牛本身都唔錯幾香 湯底帶少少辣味同埋香料味幾好唔錯 都似喺台灣食過嘅一樣 另外叫咗杯珍珠奶茶茶底都幾香滑 珍珠煙韌