正 麻辣·茶·雲吞 (已結業)

呢餐嘢真係好正呀! 我食咗麻辣雲吞雞扒麵，一啖一啖都好滑好入味。麵條唔算太軟，都唔算太硬，啱啱好。雞扒好嫩好多汁，仲有啲微微嘅炭燒味，真係好好食。雲吞又彈牙又唔會腍，麻辣汁夠辣夠香，啱啱好啦！餐廳氣氛非常舒適和友善，員工都好熱情和細心，而且用餐區域都好整潔。麻辣雲吞絕對係呢餐嘅亮點之一。佢哋嘅味道夠辣夠香，但唔會太過濃烈，裡面嘅餡料夠多汁，味道鮮美，而且雲吞皮夠Q彈，唔會太腍。雞扒亦都好出色，肉質鮮嫩，外面炭燒嘅味道好正，燒得剛好，食落非常美味。總括而言，呢度嘅餐飲體驗十分出色，如果你鍾意食好味又辣嘅午餐，一定要嚟試試呢度嘅麻辣雲吞雞扒麵！👍👍👍👍👍食物質素：⭐️⭐️⭐️⭐️⭐️服務態度：⭐️⭐️⭐️⭐️環境清潔：⭐️⭐️⭐️⭐️價錢合理：⭐️⭐️⭐️⭐️總評：⭐️⭐️⭐️⭐️⭐️我一定會再黎食呢度嘅！

雲吞皮變厚身麻辣撈面完全冇味，等同就咁食淨面同之前食既味差好遠，希望日後有所改善.係經app叫餐1. 韭菜餅(正常水準)2. 豬骨湯雲吞(只得鹹味，完全冇豬骨及其他味道，雲吞皮變厚)4. 秘製麻辣撈麵(好失望，完全唔推介，等同辣油嘉淨面)

小店吾太近地鐵站，而且店面只係坐到10幾個人，但店員十分友善，食物好食之餘價格都好相宜▫️餃子款式都有好多： 韭菜豬肉、香茜芹菜豬肉、粟米豬肉，香菇素，薑汁椰菜豬肉▫️可以淨雲呑或者配麵▫️另外都有擔擔面同其他小食川椒皮蛋 - $18份量吾少，切開有9件甘多，而且調味用心，少少醋加上大量蒜蓉，配上皮蛋獨特嘅味道，十分開胃好食，上面仲有芫荽同芝麻。脆脆韭菜餅（5件）- $33好似炸雲吞甘，係用雲吞皮包住韭菜豬肉餡拎去炸，上枱脆卜卜，熱辣辣，再配泰式嘅酸辣醬，十分惹味。麻辣湯雲吞 （7隻）$36選咗韭菜豬肉雲吞，雲吞皮薄餡多，口感十分豐富。麻辣湯唔算好辣，但係飲落味蕾十分刺激重口味撈雲吞 （7隻）- $47選咗今日特製雲吞-香茜芹菜豬肉餃，芫茜味比芹菜味蓋過咗，但入面芹菜、木耳等材料，令雲吞十分爽口，撈埋秘製重口味醬，十分滋味。雲吞十分黏醬汁，所以好入味。重口味腸粉 - $32其實重口味同麻辣嘅分別，主要在於多咗麻醬，令到口感更加滑同埋味道多一個層次。重口味腸粉每一件都有用麻辣醬煎香過，十分脆口，再點埋碟旁嘅麻醬，就係重口味腸粉，腸粉外皮香脆但入面仲好軟熟，睇得出廚師好用心煎🥰

本身自己都鍾意食麻辣嘅菜式同埋雲吞，俾我發現咗長沙灣附近有呢間小店，聽聞雲吞係店主自己一手一腳包嘅，又見到好多好評，於是就過嚟食下啦麻辣煎腸粉依個真係期待已久呀，腸粉煎得幾香，麻辣味都夠嘅，不過如果可以再多啲醬就更好炸韭菜雲吞因為男朋友勁鍾意食韭菜，於是就叫咗依款唔喺周圍都有嘅菜式黎試，係有少少失望嘅，因為外皮太多，而韭菜餡略嫌少咗啲，所以係食皮多個食餡既檸檬酸辣撈雲吞呢個都有少少失望嘅，因為個人認為韭菜雲吞配酸辣唔係好夾，韭菜味好搶，顯得酸辣好似冇咩味道咁，配麻辣應該會更好食，下次可以再試下個麻辣撈麵，應該更加惹味

檸辣雲吞雲吞係佢地店嘅招牌，老板娘話係自家製，有兩款口味，包括韭菜同埋椰菜豬肉。佢地餐牌上面如果係雲吞做主角嘅食物就可以揀味道，如果係麵食 另加錢加雲吞就只可以兩溝。我兩種味道都試過，比個人比較喜歡椰菜豬肉味。雲吞size 大隻，真就咁叫雲吞都飽，我加左個麵就太full。我覺得椰菜豬肉比例可以調整下，宜家豬肉比椰菜多，變左椰菜口感唔夠。第一次食檸辣，味道係酸酸味嘅醋辣味，幾開胃。配菜有青瓜。整體味道唔錯。我另外加左碟菜同埋雲耳，不過不失。湯佢地啲湯麵係用煲出黎嘅蘿蔔湯/其他湯做湯底。老闆娘見下午茶時段無乜客人，所以送左碗比我飲。本身諗住會係例湯味，一味真係好驚喜！！係好清甜嘅湯，一飲就知無落味精，係真材實料煲出黎。飲品佢地有2種招牌特飲，我揀左烏梅山楂洛神花茶。有少少苦苦地，我估係啲烏梅味，好解膩。最後，我建議想食得健康嘅人真係可以幫襯呢間！

👍🏻麻辣撈雲吞 $36/7隻 $46/10隻叫左薑汁椰菜豬肉雲吞，椰菜好爽口，食落少少薑味好特別🤩皮薄餡多，大大粒👍🏻撈雲吞混左秘製麻辣醬、醋、蝦皮 同花生碎，口味比較濃，岩哂重口味人士😎雖然叫麻辣撈，但食開辣既人應該會覺得香口多過真係叫辣🤣🤣整體好過癮都好好食😋味道：8/10性價比：8/10- 👍🏻秘製麻辣湯雲吞 $32/7隻 $42/10隻另一款叫左韭菜豬肉雲吞，都係大大粒🤤肉同韭菜比例一半半 ，算係偏肉多既韭菜雲吞，咬落好有肉感🤣不過肉比例咁多豬肉味都唔算出，豬肉可以再香啲就好啦😗麻辣湯食落唔算好麻辣，偏酸辣帶麻多啲，好開胃，忍唔住飲左好多🤪鍾意食辣嘅朋友，推薦叫麻辣撈🌶🌶🌶味道：8/10性價比：8/10-👍🏻重口味腸粉 $28腸粉即叫即煎，外皮煎到微脆又帶點煙韌，好香口😋重口味醬，即係麻醬混麻辣醬，麻辣醬係撈雲吞個款醬料，混係腸粉度好惹味！不過麻醬花生味唔夠重，俾麻辣醬個味搶哂味道：8/10性價比：7/10-📍#正麻辣茶雲吞長沙灣昌華街38號麗寶花園地下5號舖

偶然之下見到這店有很多好評，儲存後今天剛巧在附近，就找到這店試試。餐牌上的食物都有不同的套餐，花多眼亂，都不知道該點甚麼好。看見隔離檯的麵食幾吸引，就請教應該是老闆娘他們的菜式，然而她也耐心的介紹和推介。麻辣撈雲吞麵($44)，本來餐牌上是單點的雲吞，可加$8跟配麵食。我選了韮菜雲吞以及幼上海麵。自問都食到一點辣，不過甚少食麻辣，詢問店員後她說餐廳的辣度是偏辣的，我就保守一點要少辣好了。從半開放廚房看到店員會根據客人點的辣度，把不同醬汁配料撈在一起，所以原本米白色的上海麵也沾上了醬汁的顏色。不過一夾起麵，就發覺只有相片中的一堆，輕輕一夾就是所有，份量比較少讓我有點驚訝還要加$8😅剛放進口內，有點辣，但是麻的味道更突出，在口裡迅速蔓延，整體的麻辣度有中辣，並不如我點、想像中的小辣。麵沒有煮得很淋，即使是幼身都保留了少許咬口。味道方面麵則掛了了很多辣油，現場看到麵的表面可說是金光閃閃，因而味道就是麻跟辣。他們主打外型是水餃的雲吞，大大粒，皮不會厚。餡料的份量理想，質地結實。不過，韮菜的比例比我以往食過和想像中的要少。若不計麻辣味單純只食雲吞，是不怎麼食得出韮菜味，感覺是加入了青蔥兩條，說不

因為怕辣，所以平時都少食川菜😉今次朋友介紹來到長沙灣試呢間食辣既小店，都算不錯😂👉 香煎脆脆韮菜餅餐廳用雲吞皮包住韮菜豬肉🐽炸好一塊塊脆卜卜😆的韮菜餅，裡面炸得剛剛好有肉汁，最好加埋配埋帶有少辣的酸甜醬就一流😋👉 川煎麻辣腸粉整體少辣帶有麻香👍🏻，值得一提係腸粉並非平時街邊偏淋個種， 而帶有少少軟糯感，令口感外脆裡糯軟， 非常好食😍👉 重口味撈雲吞+米線重口味的意思原來係麻醬+麻辣😂 鐘意辣的人唔可以錯過😉

特色小店，跟店名一樣幾款不同主打，麻辣麵線，特色茶，手打雲吞，仲有各種不同小食這次試了窩蛋肥牛麻辣麵，生蛋伴肥牛提鮮的確是絕配香滑雞蛋配試剛熟肥牛麻辣湯偏香港人口味，算係適中麵線滑溜彈牙整體香港很少店做到的風味～價錢方面比同區來說偏高，不接近平民食堂價格但相對用料環境都比較優質仲有其他小食，涼伴麵，雲吞，手絲雞，特飲都值得一試窩蛋肥牛麻辣麵外觀：👍👍👍👍👍味道：👍👍👍👍*滿分=5👍

『重口味麻辣煎腸粉・神奇在於食完唔口渴』𖣘正 麻辣·茶·雲吞, 𝑪𝒉𝒆𝒖𝒏𝒈 𝑺𝒉𝒂 𝑾𝒂𝒏⠀⠀那天跟媽媽在長沙灣隨便openrice找到這一家就直接過去了～幸好食物質素都不錯，沒有失望呢ʕ •́؈•̀ ₎⠀⠀꧁川煎麻辣腸粉꧂⠀𝐒𝐢𝐜𝐡𝐮𝐚𝐧 𝐒𝐭𝐲𝐥𝐞 𝐏𝐚𝐧-𝐅𝐫𝐢𝐞𝐝 𝐂𝐡𝐞𝐮𝐧𝐠𝐅𝐮𝐧⠀這個雖然只是將自家製麻辣腸粉一起煎，看似容易但其實很花心機呀。麻辣味不算很辣，但很夠麻，而且偏鹹，重口味人士會很喜歡。腸粉煎得外脆內軟，好想encore這個呢！♡´･ᴗ･`♡⠀Definitely recommend this pan-fried cheungfun in spicy sichuan sauce!! Crispy on the outside and soft inside with very strong taste of spices. ⠀𝑅𝑎𝑡𝑖𝑛𝑔: 7.75/10⠀𝑃𝑟𝑖𝑐𝑒: $28⠀⠀꧁秘製麻辣湯薑汁椰菜豬肉雲吞꧂⠀𝐆𝐢𝐧𝐠𝐞𝐫 𝐂𝐚𝐛𝐛𝐚𝐠𝐞 𝐏𝐨𝐫𝐤 𝐖𝐨𝐧𝐭𝐨𝐧 𝐢𝐧 𝐒𝐩𝐢𝐜𝐲 𝐒𝐨𝐮𝐩⠀麻辣湯底好像是豬骨湯底加上麻辣醬，同樣小辣不算辣的，感覺沒下味精。雲吞大大

此小店係公司附近，意外下發現。D雲吞超正！好明顯係自家制，飽滿又爽口，配麻辣燙一流！另麻辣腸粉又係正到暈！香口又不失滑溜！超好食！一定會keep住返來食同試吓其他嘢食。唯一係佢哋鋪頭位置唔太起眼，好容易miss咗。同鋪面位置唔太多，一大班人嘅話未必有位。希望佢哋客似雲來，長做長有。強烈推薦！題外話...事頭婆好靚女！

路經這家小店, 給它那舒適優閒的鋪面吸引, 但看到店名叫正 麻辣·茶·雲吞 ??? 名字也點長, 反正愛吃雲吞和麻辣, 就走進去了,  坐下有個靚靚女子來介紹雲吞, 是日有芫荽雲吞? 蠻特別, 坊間很少聽到有用芫荽做雲吞, 便叫了一碗十隻, 東西來了, 看賣相其實像餃子, 都幾大隻, 用芫荽做的雲吞(餃子??)真的很香, 豬肉也很新鮮, 至於要贊的是湯底, 細問下, 靚靚老闆娘說原來是每日新鮮豬骨煲湯, 這簡直可以食完雲吞當湯飲.  真係好好食, 全再來這小店. 

今次輪到四川麻辣了！小店位於長沙灣接近荔枝角的臨界點，傻傻的我從荔枝角搭一個站去到長沙灣，怎知揸住google map又回到近乎荔枝角的位置😂😂小店位置隱蔽，環境其實都頗清優！店舖小小，看裝修簡約度，相信老闆是年輕人。我於bar檯坐下來，便有個靚女跟我說是日雲吞是西洋菜豬肉餃，看她教導員工如何包好餃子，相信她便是這裡的年輕老闆😊我個人偏愛西洋菜，感恩剛巧碰上今日有，當然要點上，所以便來一碗西洋菜餃麻辣麵。麵一上檯嚇了一跳，總共有七顆雲吞，而麵的粉量也不少，用的是油麵。麻辣是四川風味，辣得來帶點麻。西洋菜餃正宗皮薄餡靚，西洋菜味濃，與豬肉混合的份量剛好，湯有點越食越鹹（可接受）的感覺，但食完返到公司又唔會覺得口渴，所以此店應該沒有用上味精之類的調味料。大大一碗、精心製作的雲吞麵也只不過是$40，真係好抵食。感覺好耐無食過一餐那麼便宜的午餐了🤓

位於長沙灣橫街店子小 但乾淨整潔招呼有禮 殷勤雲吞新鮮 有特色 非一般市面配料豬骨湯鮮甜 無味精 麻辣湯 香濃麻香無味精飲品 自家製有特色煎腸炒 香軟價錢 合理係香港 已經好難可以搵到物有所值的食物

My favourite place to go to for fresh dumplings made daily! The cabbage dumpling is my favourite in soup with medium spicy. Staff are very cheerful and friendly. Also their spicy fish soup is very good also . I come here a few times a week. Store is a little small.