正潮樓 (富通大廈)

营业中

休息中

今日過嚟灣仔呢邊食飯，行過呢間潮州菜館，見到都幾吸引。裝修都古色古香，別樹一幟。有多張大枱一家人嚟食飯都方便。餐牌嘅選擇幾豐富，而且價錢都合理，灣仔來講唔算貴。《滷水灼鵝腸》鵝腸好爽好脆好薄，好好味，而且鹵得好入味，底底嘅酸菜甜甜酸酸，非常開胃。《黑米焗鮑魚》呢個菜式非常特別，黑米好似都係第一次食，原來口感係非常有咬口，煙韌，一定要試吓，至於鮑魚好大粒，好彈牙，汁底做得唔錯，入味。《川椒豬頸肉》辣辣地，加上有川式嘅調味，好香！豬頸力偏淋，似雞肉多啲，但係都好味。《番薯苗》裏面有豬油渣，好好味，令到番薯苗多咗種鹹香，唔單只係上湯咁寡淡，好嫩新鮮，好味。 總括嚟講我哋嗌嘅呢幾個餸都好滿意，服務都幾好，下次屋企人聚餐會再考慮嚟呢度。

今晚嚟咗灣仔食潮州嘢呢間正潮樓係地舖， 非常易搵👍🏻 menu好多唔好選擇，兩個人食都可以食到幾款唔同嘅菜式 😝 今次試咗二人套餐： 魚露浸花甲🦪蝦棗拼蟹棗🍤金瓜五穀羹 🥘糖醋煎伊麵🍜魚露浸花甲係生醃😍已經開咗半邊殼夠細心，非常易食👍🏻花甲飽滿多汁，醬卜卜夠曬爽口🤤先嚟少少鹹香，但又唔會蓋左蜆嘅鮮甜🥰抵讚蝦棗拼蟹棗 🦐蝦棗有啲似炸蝦丸 ，金黃色啖啖肉😆 外皮香脆內裏彈牙蟹棗一咬開之後就睇到啲絲🦀相對冇蝦棗咁彈牙，但蟹肉味夠出金瓜五穀羹 🥘素菜熱湯羹非常足料, 熱辣辣, 暖胃又飽肚糖醋煎伊麵 🍜估唔到食完三款已經飽飽哋 最後仲有個伊麵 😂 但係估唔到加咗砂糖同紅醋會咁開胃 ⚠️外表平平無奇，但食落我覺得佢簡直係今餐入面最正！ 落咗糖有啲似甜品薄撐嘅感覺添😆

☀︎ 𝗦𝘂𝗺𝗺𝗮𝗿𝘆：歷史悠久的潮州菜以五花八門的食材配合多種烹調手法為名風味樸實，以鮮為題難怪至今依然深受人們愛戴「正潮樓」由潮汕名廚陳澤嘉主理以精湛的廚藝炮製出多種傳統潮州佳餚絕對值得一試.◈ 滷水鵝肉 $138多種天然香料炮製而成嘅滷水膽汁獅頭鵝係滷水嘅浸泡下全身上下都盡吸滷水嘅精華再靜待風乾鵝肉肉質細嫩鮮美，入口柔韌爽滑入味之餘，又Keep到鵝肉嘅香氣底部仲有滷水豆腐同花生添.◈ 芋頭炒香飯 $128可以話係炒飯之中嘅皇者芋頭有特別處理過，口感粉糯軟綿加上蝦乾，蛋花，蔥花等炒飯粒粒分明又乾爽加上沙煲承載，鑊氣十足，仲有飯焦添.◈ 蝦棗拼蟹棗 $168蝦丸同蟹丸炸至金黃色口感彈牙酥香前者口感紮實，後者柔軟帶陣陣蟹肉香.◈ 五穀雜糧粽 $28粽子餡料超足，由十多種健康材料組成入口軟糯，淡淡的甜香，口感不錯.◈ 甜椰汁雪耳 $48湯水濃稠度高入口有粒粒雪耳，口感爽脆帶上陣陣嘅椰奶香，微甜不膩

每年12月，各式各樣的原因下，飯局總是一籮籮 😂😂😂。是夜為慶生飯局，朋友鐘情潮州菜，選定了在灣仔的正潮樓，門面光鮮亮麗，著實有吸引力！內裏環境古色古香，座位舒適寬敞，另外有數間廂房可供選擇。吃潮州菜，滷水鵝當然例不可少。先來一客滷水鵝片，潮州菜的表表者！這客鵝片份量頗多，有點喜出望外。皮薄肉厚沒有肥膏的鵝片，肉質鬆軟，吸滿了滷水汁，着實令人食不停口 👍👍鵝片下還有滷水豆腐及花生，味道都能獨當一面的配菜！朥粕春菜煲 $118 ，比起平日吃到的春菜煲，這鍋炆得比較輕身，味道尚可。朥粕是潮州用語，即廣東菜的豬油渣，怕肥關係，都沒有積極試真朥粕，主力吃春菜罷了 😂😂😂梅汁焗豬手 $128，著實甚為驚喜！連本身不愛吃豬手的小妹，都吃津津有味。豬手去骨，剩下的都是軟腍香滑的，而且骨膠原豐富；連陪襯的生菜，也是通通是嫩葉；加上話梅汁的味道，可真十分完美！汕頭煎蠔烙 $108，蠔餅煎得香脆，蠔仔粒粒肥大飽滿，加點胡椒粉及魚露吊味，老少咸宜。是夜潮州家常便飯，以二人的用量，豐富致極。雖沒有壽包蛋糕，勝在心意搭夠！💞💞

呢間潮州菜餐廳簡單平民化，星期日坐滿人。好耐冇食潮州菜，一於過吓癮。我哋叫咗四款食物，坐低飲杯茶，食物好快就到。▶️魚露浸花甲魚露味唔會太重味，花甲分量幾多，而且都算大隻。唔會腥，亦都唔會有沙。▶️蝦棗拼蟹棗蝦棗一個丸狀咁，入邊有粒粒蝦肉口感。蟹棗方形，咬落去一絲絲蟹肉。兩款都新鮮炸起夠熱。▶️金瓜五谷羹呢個熱辣辣非常健康，入邊有好多穀物有口感，冬天飲暖笠笠。▶️糖醋煎伊麵糖醋麵面脆脆地，入邊林林地，點醋及糖食。

經過門口，已經被其古色古香嘅裝潢吸引，餐廳格局相當有特色並具氣派「滷水灼鵝腸」自從食過好食嘅鵝腸後，我鍾意左呢道菜唔鍾意肥膩帶蘇味的我，呢個完全岩哂我❤️師傅去除哂所有肥膏脂肪，口感非常爽脆又入味配埋酸菜一齊食，味道更有層次，有雙重脆感‼️「川椒雞頸肉」呢道菜式極度惹味川椒味道帶動後勁嘅辣味🌶️正～～雞頸肉原來係有肉汁㗎肉質爽彈有口感❤️「黑米焗鮑魚」呢個反而有啲失色，鮑魚煮得韌左，同埋醬汁浸住鮑魚嘅份量都唔少，唔知究竟係當湯飲定真係醬汁如果當湯飲的話，味道好濃味又咸所以我淨係食咗鮑魚就放棄咗啲汁‼️至於黑米…無咩特別「勞泊蕃薯苗」用左豬油渣炒，令蕃薯苗特別香「肉碎蠔仔粥」

想食潮州菜第一時間就諗到正潮樓😋， 之前都食過一次， 菜式傳統又正宗。 餐廳位於灣仔謝斐道117-119號富通大廈地下2號舖， 店內座位舒適， 有足夠的空間感。晚餐🥢 ～ 鵝三寶$268、 肉碎蠔仔粥$68、 煎韭菜粿$58、 糖醋煎伊麵$118、福果甜芋泥$48。 🔸鵝三寶 ～ 有鵝粉肝、 鵝掌和鵝翼， 三款都滷得很入味， 而我最喜歡鵝粉肝👍🏻， 口感細嫩，質感粉綿， 入口即化，甘香鮮味。 🔸肉碎蠔仔粥 ～ 粒粒肥美的蠔仔和肉碎🤤， 配上大地魚乾， 口感豐富，鮮甜美味。 🔸糖醋煎伊麵 ～ 麵餅煎得很香， 脆脆的麵條😋，蘸點陳醋和砂糖， 味道酸酸甜甜，很好吃。 🔸煎韭菜粿 ～ 滿滿的韭菜香味☺️， 煎得外脆內嫩， 帶點煙煙韌韌的口感，酥脆美味。 🔸福果甜芋泥 ～ 口感非常香滑，芋泥味濃，質感幼滑👏🏻， 味道不算太甜。 正潮樓是一間傳統又正宗的潮州菜， 價錢相宜，服務好，值得推介😉。🏷️溫馨提示～ 整個用餐體驗均屬個人分享意見， 只作參考😊。

今晚和家人食晚飯，選擇的是一間位於灣仔的中菜。中式的裝潢，主要以啡色為主調，座位亦舒適。鹵水灼鵝腸 🦢鵝腸洗得很乾淨，沒有多餘脂肪，口感很爽脆。配有鹹菜和芽菜，鹹菜帶少許甜味，加上爽口芽菜，增加口感。黑米焗鮑魚 鮑魚大大隻，經過精心烹調，很香腍，帶有少許嚼勁，再配上秘製濃湯，滋味無窮。而黑米口感有少許黏彈。川椒雞頸肉🐔雞頸肉外脆內軟，肉質嫩滑，配上川椒，有些少許麻辣，令人回味無窮。朥泊蕃薯苗 🥗蕃薯苗色澤翠綠，很可口，又滑又嫩，還有豬油渣香。

今晚天寒地凍，朋友帶我去食潮州野，佢話食過好正好好味😳好彩佢book左位，黎到坐滿人咁濟，所以想食嘅朋友記得book位啊🤟🏻鵝粉肝半份：果然好粉嫩，滷得入哂味！一咬就化👍🏻👍🏻下面放咗兩塊豆腐都依然咁好食😋脆皮九肚魚：必食推薦！同出面食嘅好唔同，外面層炸粉好酥脆又薄，再配埋佢專有嘅蜜糖汁，一流😍老菜脯炖豬肚:入面好足料，豬肚有好多塊，而家炖得好林，湯帶有少少甘甜味😉肉碎蠔仔粥同干貝海鮮粥：朋友真係無介紹錯🫡超好味，尤其天氣凍食好暖胃！入面無論係蠔仔定干貝同魷魚都有好多，完全係無得彈！好鮮甜美味❤️

這間位於灣仔的正潮樓，晚市主打多款的潮州傳統菜式，而且款式甚多，除了海鮮、滷味外，還有多款小食、飯麵及甜品等。煎韭菜棵煎至表面香脆，入口煙韌，中間有陣陣韭菜香。五穀雜糧糭用了十多款的花生、白果、紫米等殼麥包製而成，入口軟糯有咬口，帶淡淡甜香，而且不算飽滯。肉碎蠔仔粥蠔仔粥新鮮熱辣，裏面有很多飽滿大隻的蠔仔，每張脹卜卜，加上烤過的方魚片，十分鮮甜又飽肚。汕頭煎蠔烙蠔餅煎至表面略脆，蠔肉鮮甜大隻，中間帶點彈性。滷水鵝肉鵝肉去了大部份骨，滷得入味又不會過咸，鵝肉嫩腍，沒有雪氣味，下面墊了香滑的滷豆腐及花生。梅汁焗豬手豬手已去骨，炆至入口溶化，膠質豐富，帶淡淡梅汁酸甜味，旁邊還有些生菜伴碟，份量十足。

呢間餐廳位於灣仔謝斐道附近,朋友帶我黎呢度食潮州菜，呢度座位舒適，好多卡位，餐牌食物款式選擇好多，小食，小菜海鮮都有，我地叫左一碟呢度最出名既滷水鵝片，滷水入味鵝片入面仲有豆腐食點埋醋食好開胃，之後我地叫左一碟大大碟既沙嗲牛肉炒河粉，沙嗲醬味道香濃加埋芥蘭，花生碎，牛肉一齊炒，香濃入味，牛肉好厚身，蝦棗拼蟹棗炸到金黃香脆，沾上甜醬味道可口入面仲有蝦肉同馬碲碎好有咬口鼠殼粿小食外脆內軟涵料好足，芋泥白果潮州特色甜品小編推介。

最近去咗灣仔一間中式餐廳正潮樓食飯環境好舒適、雅緻， 座位之間都好有空間感，坐得好舒服鹵水鵝片切得厚薄均勻焦糖色外皮，鵝油四溢， 鵝肉味濃，鮮嫩多汁淨係講下，已經好回味 有豆腐同花生墊底，吸曬鹵水汁， 千祈唔好錯過糯米雞翼外皮酥脆，去骨雞翼肉香不斷糯米入面有少少臘腸、蝦米、花生食落更香口， 呢啲真係手工菜，出面好少有得食！豬油炒蕃薯苗都係岀面少有，豬油香真係同花生油無得比！最後食埋反沙芋頭做甜品！反沙芋有一層雪白嘅脆糖皮， 手指大小嘅芋條入口粉嫩， 為晚飯畫上完美嘅句號！

📍正潮樓(灣仔)灣仔謝斐道117-119號富通大廈地下2號舖好耐無食過中菜喇，今晚揀潮洲菜食下先。呢間中菜館環境舒適，雖然地方不大，但檯與檯之間有點距離，食得舒服。另外有包箱位👉滷水鵝片(例)💰 $168😋😋😋😋.3/5上而下，左至右，整齊咁排列好，排得靚靚，唔捨得夾嚟食。滷水鵝片係潮洲菜必食之一，師傅刀功巧妙，切到每塊大小一樣，剛好一口一塊，鵝味好濃好香口，沾上酸醋就更開胃，呢個例牌都唔小，食極都仲有咁，而配菜滷水豆腐都好出色，好滑好入味，必食🫶🏾👉川椒雞頸肉 (例)💰 $148😋😋😋😋.3/5份量都係唔小，聽到川椒好似好辣，但食落係微辣，小小辣，幾香口。肉質好彈牙，好有口感。而伴碟嘅炸菜都好好味，油炸過嘅菜，唔係太油，食落脆脆地，個感覺幾得意👉勞粕春菜煲💰$118😋😋😋😋/5春菜其實我都唔知係咩嚟，我就覺得似芥菜，但又無個種苦味。成個菜煲熱辣辣咁上台，春菜又鮮又甜，煲到個菜湯都甜埋，有炸蒜頭同勞粕(即係豬油渣)配料，食埋蒜頭飲埋湯，成身興合合👉沙茶牛肉炒粿條 (例)💰 $148😋😋😋😋/5嘩，超大碟，比平時嘅炒粉麵份量還要多。唔只係粿條多，係牛肉同沙茶醬嘅份量都好多，牛肉好林好滑，

平時好少食潮州嘢，覺得唔係好啱口味，朋友介紹呢間，又幾特別喎成日以為潮州食品只係有滷水同埋打冷， 原來有好多選擇。 今日揀左 魚露浸花甲、蝦棗拼蟹棗、金瓜五穀羹、糖醋煎伊麵。 魚露浸花甲 原來係冷盤 花甲肉質鮮甜 juicy , 凍食好有趣都係第一次試。 蝦棗拼蟹棗炸到外脆內軟，熱辣辣。 蝦、蟹味道非常鮮明。 金瓜五穀羹素菜湯羹，清清地，飽肚又有口感。 糖醋煎伊麵糖醋麵成日都聽人講，都係第一次食，煎麵混合醋同埋湯一齊食，酸酸甜甜又脆脆地口感多樣化， 仲幾開胃添。

從灣仔地鐵站A1出口，轉入謝斐道，就見到兩條長燈籠高掛在「正潮樓」門前，燈火通明，甚是吸睛。今晚和朋友來到「正潮樓」食潮州菜，身為潮州人的我，對潮州菜當然有一定認識啦！店內裝修雅致，有幾間大房間，服務員遞上沖好的潮州茶，濃淡相宜。「鹵水鵝肉」$138大大碟鹵水鵝肉，味道醇香，肉質嫩滑，想必滷水的膽汁一定有多種材料調製而成，底下的滑豆腐也非常好吃。這碟「鹵水鵝肉」是必食之選。「煎九肚魚烙」$138經常食蠔仔烙，今日轉下口味食九肚魚烙，九肚魚不常在街市買到，而且價錢不平宜，這碟「煎九肚魚烙」真材實料，有很多九肚魚，煎得香脆可口，充滿魚香和蛋香。「肉碎蠔仔粥」$68「干貝海鮮粥」$68兩種口味都想試，所以叫了兩碗粥，粥的味道偏淡，蠔仔洗得很乾淨，完全沒有沙粒，海鮮粥鮮甜。「厚菇炆芥菜」$138有4粒大而厚的花菇，加上蝦米和芥菜，是潮州的特色菜，湯底清甜，芥菜軟腍，讚。