正斗粥麵專家 (國際金融中心商場)

营业中

休息中

This place is great for having dinner with people who are getting the airport express to leave Hong Kong.As well as dine ins, they do takeaways.For dinner we had the sweet and sour prawns which the expats loved. There was a very sharp taste to the sauce.Next was the steamed fish head with black beans.Basically I like anything with black beans and it was simply delicious with rice.We also had the curry glass vermicelli pot with prawns which had a nice spicy touch to it and a gentle hint of curry

天氣麻麻的晚上, 我們來到正斗粥麵專家的ifc分店吃晚餐. 來這裡, 有一個好處, 就是商場地方夠大, 可以讓小晴晴四處走動呢. 就算外面風大雨大, 在室內也沒有大問題.流汁叉燒包 $38小晴晴最愛吃包包, 當然要點一客流汁叉燒包給她吃. 熱辣辣而鬆軟的包包, 莫說是小晴晴, 我們大人也很喜歡吃呢.上湯翠綠浸油菜 $58CEO就一定要吃菜蔬, 老人家, 沒有辦法, 哈哈. 這次選來客菜心, 只是簡單的加上湯, 沒有炒, 沒有蒜蓉, 其實吃菜, 還是這樣子最健康.咖哩粉絲大蝦煲 $198主菜方面, 咖哩粉絲大蝦煲是別的分店沒有供應的. 是香口的菜式, 特別是那咖哩汁是很惹味, 辣勁十足, 粉絲索滿了咖哩的味道, 教人愛不惜手. 當然, 大蝦亦是新鮮的貨色, 也不能錯過.揚州炒飯 $108乾炒牛河吃得多, 這晚轉轉口味, 吃揚州炒飯, 原來水準也不錯, 不會太濕, 幾又火氣, 值得一試.滋潤湘蓮紅豆沙 $36糖水方面, 好像很久沒有吃紅豆沙了, 這晚芝麻糊賣光, 那就吃吃滋潤湘蓮紅豆沙吧, 最愛那甜美的紅豆, 天氣轉變得那麼快, 滋潤一下, 也好.南北杏清燉雪梨 $52說到滋潤, 南北杏清

最近，早肥先生跟KsMeow都很忙，晚餐也要快快的吃，好讓爭取更多時間回家繼續工作；身在中環ifc，粉麵類正合我意，貪其上菜快選擇多，不會太傷腦筋，吃飽飽才有工作的力氣。「鮮蝦腐皮卷」腐皮卷炸得香酥不膩，內里的蝦肉肉質爽彈，口感豐富；金黃的「蛋煎蝦米腸粉」以厚厚又柔軟的煎蛋蓋著每條滑嫩的腸粉，稍加醬油，已感美好。「黃金流沙包」軟綿綿的包包，內藏豐富而起沙的蛋黃濃漿，甜度亦不算高，令人吃得開懷。「爽脆鮮豬潤湯麵」豬潤又爽又脆，果真菜如其名，且沒有討人厭的怪味，可見處理得宜；配搭爽彈無鹼水味的幼麵同吃，稱心美味。感謝欣賞 KsMeow 小分享！

在IFC，要搵個地方食餐飯，絕對不便宜，除非你食老麥。筆者偶爾都會食麥記，不過在國金食，感覺又好像怪怪的。正斗大概是相對較便宜的了，而且款式不少，吃粉麵吃點心，甚或是食小菜，也可以。我疾惡如仇，若沒吃干牛河的話，必定是吃豬潤麵了，夠晒邪惡。麵條彈牙，豬潤爽脆，是穩陣之選。跟朋友分了半個流沙包，搣開，果真夠流，視覺效果理想，亦香，包身軟熟，蠻好。上次在圓方分店，見有人吃蛋煎蝦米腸，己心郁郁想食，今次有機會了。正斗的腸粉，總有保証，加埋煎蛋，又幾得意，混埋醬汁，比想像中好。很愛吃酸酸甜甜的東西，咕嚕乜咕嚕物，好開胃。這次來咕嘈蝦球吧，爽脆，我梗係連青椒都食埋。最緊要，可樂是枝裝的。

說到米芝蓮必比登推介的長勝將軍, 必定要數到正斗粥麵專家的ifc分店. 由米芝蓮開榜至今, 此店是唯一能夠連續八年入圍必比登推介的餐廳. 這天晚上, 又來到這裡吃晚餐. 店子依舊相當旺場, 有不少客人在搭乘機場快線前, 先在這裡進餐, 才趕搭夜機.流汁叉燒包 $38: 8.5分, 先來客叉燒包吧, 小晴晴的all time favorite. 包身鬆軟, 叉燒份量不少, 呈流汁, 蠻討好的.上湯翠綠浸油菜 $58: 8分, 我當然要吃點菜蔬, 上湯翠綠浸油菜, 上湯帶點清甜, 菜心很鮮嫩, 一客份量也不少, 好!咖哩粉絲大蝦煲 $198: 8.5分, 正斗有不少分店, 但這客咖哩粉絲大蝦煲是ifc分店當店限定的, 又好, 就來一客試試吧. 打開煲蓋, 熱辣辣, 內裡有六隻大蝦, 肉質爽口, 帶點微辣, 幾醒胃的. 粉絲大大的吸收了咖哩的味道, 更是惹味之選.揚州炒飯 $108: 8分, 澱粉質方面, 這次不吃名物乾炒牛河, 改為點選一客揚州炒飯, 炒得乾身, 有鑊氣, 飯粒分明, 也有水準.滋潤湘蓮紅豆沙 $36: 8分, 本來想吃芝麻糊, 怎知道賣光了, 唯有來一碗滋潤湘蓮紅豆沙,

又快要出發去台北了！下午在百年換好錢後，雨還是下個不停，真想念陽光的歌... 反正點心癮起，索性約開完會的好友在這裡晚餐。正斗在IFC三樓算不顯眼的位置，但人氣卻非常強勁；當然啦，在高貴地段、高貴場內，有著襯得起商場的貴氣靚裝，價錢卻沒有貴上很多，絕對是抵食之選啦。還好我們來得早，遲一點分分要等位呢。首先一來就點了 晶瑩鮮蝦餃 ($40)，成品飽滿、蝦肉爽甜，澄皮也做得薄身多摺，不過這次稍為腍身，可能蒸得久了點。還有每次來必吃的 黃金流沙包 ($38)，一籠三隻的包身軟熟，中間異常流心，必須非常小心撕開才行！同行老友是食肉獸，也來一份 炆豬手 ($108) 吧！菜式可選大或小，這份小的也有4件之多，肥瘦均勻多富膠質、炆得軟腍挺美味，連同健康的芥蘭上檯，我們可是不客氣吃到一乾二淨。來到這裡，怎說也要來碗粉麵，就選 豬膶湯麵 ($65) 吧。豬膶我沒吃多少，但那湯鮮甜清徹，麵條爽滑彈牙又沒多少梘水味，單是吃麵已經滿足。其實還心思思想飲糖水，不過最後還是決定下樓吃雪糕。那一家？慢慢猜囉～

依家個社會好紛亂，好多嘢都糾纏不清，是夜嚟到「正斗」嘆茶，唔喺搞咩龍門陣，純粹嘆一盅兩件，同朋友傾吓偈。平常飲茶食點心都喺晌早市或午市多，夜晚嚟食點心就比較少，感覺其實真喺有啲唔同！不過，唔好糾纏於日頭嚟，定家夜晚嚟嘆茶好，最緊要喺啲嘢食好！中環店真喺好耐無嚟過，附近寫字樓多，下面又喺機鐵站，所以，印象上經常見佢塞滿客，午市就更加唔使講啦，就算晚市，門口一樣擠滿人等位。始終位處IFC，室內環境自然唔失禮，裝修雅致，服務亦都好到位，侍應都禮貌周周，就算枱上備有壺茶，佢哋都不時主動為你斟茶添水。題外話，茶位收番$6個，另加一服務費。餐紙墊上仲有介紹雲吞麵嘅故事，有好多歷史嘢，其實都幾有趣味，唔喺單單一張餐紙墊啊！今期講到明嘆一盅兩件，焦點就放晌點心一頁。不過，之前都知佢啲酥炸鯪魚球正，所以，依個又喺好想試嘅食物之一。酥炸蜆蚧鯪魚球 $68人少少就當然叫份細啦（6粒），粒粒好似乒乓波大細，炸得均勻，以個「雀巢」盛住，擺樣都寧舍多份心思。鯪魚球一定要趁熱食，熱辣辣放入口，外脆內軟，再咬落去好彈牙，睇到打得好細緻，而鯪魚味突出，慢慢滲出果皮香味，沾一點蜆蚧，更鹹鮮惹味。晶瑩鮮蝦餃 $40尺寸比較

星期六冇咩野做，出去中環搵老婆食LUNCH，順便之後去APPLE STORE睇埋部新電腦。諗唔到有咩特別野想食，就不如試下國金正斗。嚟到門口已經有人排緊隊，等咗10分鐘就已經可以入座！細蓉，正斗必食之選，韭黃香味撲鼻，麵底冇咩鹼水味，湯頭如果大地魚味再濃 D 就 PERFECT 喇！呢度嘅蝦餃明顯比出面嘅細隻D，但係真係做到皮薄餡靚。乾炒牛河，條條色澤分明，唔會黏埋一齊，非常美味。唯一缺點就係佢哋辣椒醬唔係用余均益。咕嚕蝦球 , 酸甜汁調教得好好，蝦好新鮮爽口。

OT食咩好呢!?? 想食粥, 就正斗啦叫左3料粥 ($78) , 點左皮蛋、豬潤同豬肚 (本身想叫魚片唔係豬肚, 未收線想更正已經話入左單, 無得改 ) 粥好足料, 仲有食剩左, 但價錢好貴, $78略有不值碗粥都幾大碗, 亦都好足料, 豬肚豬潤各3片, 皮蛋應該係半隻第一口食粥好綿都又好似無米粥, 味精味重左少少, 食到最後碗粥已經好"水"皮蛋, 好透 唔係好咸, 好味食豬潤好怕有異味, 好彩係幾好味爽口, 味道沒有很重, 可以接受!豬肚, 好怕個豬肚色已經變黑, 亦好彩都好爽口芝麻糊($36)比到驚喜我!!!平時去酒樓, 相若價錢既芝麻糊都係粉開, 而且好稀但正斗芝麻糊一粒粒黑芝麻磨粉既口感 (影出黎真係一粒粒粉磨!), 亦都好"結"甜品黎講, 芝麻糊甜度正常 

同幾個vistors 係中環睇完摩天輪, 又唔太餓~我地約左拎一個朋友食飯~ 朋友見我地都係想試野食, 而唔係真係餓~就介紹左呢間,去到又咁岩有位wo~~叫左visitor 係香港一定要係既蝦餃~再加左幾左幾樣野黎shareoh wow! 個蝦餃細細粒, 但個皮好chewy! 蝦好新鮮~好爽口鮮蝦雲吞麵: 又係蝦~ 因為visitor 聽講香港既wonton好出名~ 所以黎左碗每人一粒, 冇"簡水"味, 同樣好爽, d 幼麵好彈牙~ 真心好食! 如果唔係太飽 真係想自己食哂佢~鮮蝦芝士炸春卷: 見佢感覺好fusion 所以我想試..oh well..炸得好脆~但係冇想像中咁cheesey原蜜味叉燒腸粉: 我好少食腸粉, 只係夾左少少as politeness~ 佢既叉燒, 雖則切左絲, 但仍然充分肉同蜜汁味, 都幾驚喜流沙包: 比較 "水", 但可以接受~最好笑, 係食完之後先知佢地米之蓮一星! 真係唔錯~ 不過of coz比一般茶樓貴少少~ 但再有visitor我都會冇佢地黎, 因為水準好好, 侍應既服務都唔錯!

聽正斗大名好耐，一直揾唔到機會試，今次係IFC終於食到，叫左個三拼粥，四式腸粉皇，粥就名不虛傳，三拼豬潤，生腸，皮蛋，粥好綿，豬潤同生腸都夠大件，口感好，四式腸粉就差啲啦，腸粉太厚，同埋米漿水太多，得蝦腸同叉燒可以，雞同豬肉唔得，服務差係最大問題個個waiter都忙到死，碟腸粉上得超慢，叫距去check態度差到鬼咁，食完啲碗碟又唔收唉

朋友們個個都食埋野先出黎…一個人黎到中環揾食…想揾間唔好咁貴又唔駛排隊嘅真係好難…黎到正斗附近…間間都人頭湧湧…想揀間經濟d嘅就只有正斗…一個人都足足等左半個鐘呢…叫左個南乳豬手撈…味道一般~反正只係想填飽個肚…所以都無咩所謂…但唔會有下次…連埋加1價值$77…但其實同我出面任何麵檔嘅南乳豬手撈都無分別…點解要俾多差唔多一倍嘅$$去食呢…仲要等咁耐位…除左味道一般之外…佢地嘅服務態度都真係有待改善…我明白太多人問野真係會令做野嘅人燥底…但話晒我都係一個顧客…點解俾錢食餐飯仲要受返氣呢…

中環中午用餐人頭湧湧，習以為常，大批中外客人乖乖拿取號碼等待位置，令我氣憤是有一些客戶，可能是經常光顧，在門口向負責帶位的女侍打個眼色，笑笑口，便給帶領進入，在我等待的時間內，有約七批食客如此入內，門外等位的客人看在眼內，轉身離去，我最終發火才停止，相信我以後都不會再於膳食時間到這店

內臟這回事，愛它的人會趨之若鶩，不愛吃的朋友就大唱「小生怕怕」，我自己就百無禁忌，間唔中吃一次，過過口癮也是件蠻爽的事！「白汋腰膶」$100䝎腰帶爽，沒有那股令人卻步的怪味，䝎膶剛熟起沙，用來點辣椒豉油就是最正斗的吃法。若有杯啤酒就更完美！「滑蛋蝦仁炒河」$128若果白汋內臓是男人的浪漫，這溫柔的炒河可算是女人的浪漫吧！炒得滑溜分明的河粉，淋上滑蛋獻汁，亮晶晶，蝦仁大粒爽彈，就像一位美少女塗上閃亮的妝抹，亮麗啊。「晶瑩鮮蝦餃」$36吃蝦餃的神髓是一定不可以太大粒，要一啖一隻連皮連餡吃才能嚐到箇中滋味。蝦肉帶筍粒，皮薄，嗜辣的朋友可以加點附上的「余均益」辣醬同吃呢。「香軟馬拉盞」$28迷你版的馬拉糕，香甜軟熟，氣孔蠻多，是個很輕盈的飯後甜點。誰說「正斗」只有粥麵？！

今天去正斗叫了一個肉片飯待應來了肉線飯。肉線好像不是豬肉，好像鱼蛋線或雞線。我吃了兩口覺得很怪，整体水準很差，那個飯不可吃，我放下$114便走，待應還再笑真可怕''