正斗粥麵專家 (國際金融中心商場)

营业中

休息中

五月七日星期日中午11:30經過中環IFC📌趕時間但肚餓🫠要搵嘢食，見到♠️正斗粥麵專家♠️反正未試過中環店，即刻取飛試吓先😋門口企左兩三個人👫唔太多，心諗應該好快有枱🥂點知望入去，係有三至四張枱無人坐，頓時覺得奇怪🤔咁點解要客人外出等? 想搵人問吓，見到灰色西裝男部長👨🏻‍💻行過幾次，望住我哋冇反應，直行直過🏃🏻我正接行去收銀櫃枱，有一位黑色西裝束馬尾女部長👩🏻‍💻我問她點解有位都唔叫入坐，她比我嘅答案簡直係經典😱😱😱我從未係食店聽過，她答我：📣入嚟都做唔切，你係出面攞飛等啦📣嘩😰今時今日，仲有生意都唔想做嘅食店，真係匪而所思。難為電視成日出現話無生意的老闆，又話生意回復唔到疫情時的一半，原來♠️正斗♠️啲生意多到唔想做，哈哈😆.講番食品🥘🥗🥟楊州炒飯🥢無乜餸，似炒白飯，正常味道，唔難食但冇驚喜蝦餃🥢大大隻，蝦肉🍤爽口彈牙，但偏鹹棉花雞🥢魚肚🥠份量算多，雞肉🐔冇雪味，新鮮炸兩🥢卜卜脆，粉皮非常薄.大家仲要留意，枱上面冇茶壼🫖全靠每次職員為你添茶🫗起碼叫三次才添到一次茶☕️如果想飲多兩杯就千祈唔好嚟啦.整體上，價錢係合理嘅，以呢個價格🤑🤑食物都可以接受❤️‍🔥但全無服務可言，重要事要講多一次，全無

五月一日晚上七時無粥賣! The first of May, Monday, seven oclock. Tasty Congee Shop has no congee to sell and Yang chow fried rice has no taste! It is a disappoint dining experience. Even the flat rice noodle was sold out later that night.

係中環呢個美食天堂覓食絕對唔係一件難事，但要係甲級商廈入面搵啲平民食物又坐得舒服既，仲要收費唔貴就一定唔容易！而正斗絕對就係附合呢三個條件既餐廳。😆餐廳入面非常寛闊，燈光光猛。(1) 晶瑩鮮蝦餃  $48每一咬一啖都係蝦，非常足料，蝦餃皮整得好薄，相當出色。(出面啲酒樓好多蝦餃皮整得好厚)(2)正斗鮮蝦雲吞麵 (大) $64雲吞麵非常爽口彈牙， 蝦有4隻，湯帶有蝦味，好鮮甜。(3)香油條腸粉 (炸兩) $46一共有12舊， 每人食到6舊，非常飽。配上甜醬食十分惹味!總括而言，想食一碗靚既雲吞麵，唔一定要去九記，麥奀記，大家可以黎試下正斗。

Throwback 食評✍🏻正斗@ifc mall試食指數⭐⭐⭐⭐⭐店舖衛生⭐⭐⭐侍應態度⭐⭐⭐⭐⭐((每項5⭐️為滿分)) ·年初一食正氣食品正斗粥麵最合我心意我哋點了1️⃣魚腩粥粥綿魚腩滑2️⃣大蓉大時大節都冇失準勁3️⃣炸兩皮薄滑油炸鬼香脆配埋混醬(甜醬麻醬)正👍🏻4️⃣蝦餃正常5️⃣叉燒包正常6️⃣追加福建炒飯好大碟(4-6人份量)我哋兩人ko 晒餐廳加送賀年小食笑口棗Bb食到唔停口好飽好滿足的一餐都係5百幾抵食👍🏻店員親切有禮難得初一都可以保持一團火咁serve客實在難得讚💗

今日同朋友選擇左嚟中環正斗食lunch，大概等10張枱，15分鐘左右已經可以入座。職員安排咗卡位位置，入到去見到拎住個斟茶茶壺叫佢斟茶佢竟然講話等等先😱但佢斟咗俾隔籬枱，so funny 咁斟茶期間就叫佢麻煩一陣落埋單，但係職員態度並不友善，淨係話等等先啦，斟完茶先再講。。。過左無耐嘢食就到，咁我叫咗碗牛腩麵，想要個辣椒油叫咗兩個人先記得俾我。。。。其實真係唔係幾好嘅用餐經驗，員工態度散漫，又冇禮貌牛腩麵牛腩麵味道唔錯，半根半牛腩👍🏻係叫咗好耐先至有辣椒油可以配搭到流沙包呢個真係有啲失望，價錢唔平，但係塊皮極厚，同朋友食咗一半已經食唔到落去黃沙豬膶腸粉腸粉味道反而唔錯，但係豬膶唔夠多，好似肉碎咁整體而言價格對唔住質素，員工服務態度亦都有待改善，希望貴公司可以正視下員工態度嘅問題

deep fried noodles with sliced beef in preserved bean sauce was SUPER SALTY, the taste was good but way too salty...the deep fried glutinous ball was SUPER OILY and not crispy, we were not able to finish itonly the steamed rice flour roll was up to standardreally disappointing, maybe we should have ordered congee only

$48 棉花雞，只有3塊半有骨的雞外賣份量會特別小，已經發生過幾次！你們這樣對待十年熟客？不會再幫襯———————————————————————-///////

The best yum cha place after a half day of workChill and eat with your friend foods are super tasty

又係中環搵食艱難系列。今日想食熱氣得來又濕濕地嘅嘢，就諗起炸兩。本身個人有d懶，唔想行咁遠，又唔想等咁耐，我又用手機APP落單，過一陣就搭lift落去餐廳取餐。因為唔想咱倆等我而搞到淋晒，我早咗少少去餐廳。唔知係咪最近天氣差令外賣單多咗，去到職員已經同我講咱倆要等耐少少。等咗一陣，個職員仲見到我企係到等緊，就主動幫我跟單，好細心。另外，餐廳有一個櫃檯專門處理外賣。不枉我等咗咁耐，返到Office個炸兩仲係脆卜卜同熱辣辣。而俾的醬料都好足，有豉油、甜醬同麻醬，份量都好足，唔會食食下覺得無醬。價錢：$55 (炸兩一份，貴）食物：好味道 (炸兩係脆,有俾足醬料）服務：唔錯（雖然要等一陣，但職員好主動幫我追單環境 : N/A (外賣）

多年來都喜歡吃正斗的田雞粥和雲吞面，假期間一家人前往，晚上六時許，空位很多，我們對門口一個瀏海highlight金色的女帶位說，想坐卡位。，她語氣生硬地一邊走開一邊說"執緊要等喎枱", 全程沒看我們一 眼。我們說沒關係可以等。遠遠看到有卡位已經執好正在鋪紙，但等了好一會，也無人帶入座。另一邊有卡位客人亦已離開，枱面都清左，我一名長者親戚在門口張望，一名態度很好的男經理說，如果我們想可以先入座，再鋪紙。咁我地坐低啦，桌面放著menu, 此時一個名牌寫CHU的阿嬸員工，拿著鋪枱紙和碗筷過來，非常惡劣態度喝令我們：拿開啲野佢！我把menu拿起方便佢鋪紙，佢仲未完，居然鬧我地話未鋪紙坐咩低，又質問我地人數，我地完全俾佢嚇親，而果個女帶位仲加入一齊陰陽怪氣話我地。或者佢地係唔憂做，客人越少仲唔洗辛苦，所以努力去趕客。佢地好成功地趕走左我地，食左十年，全家以後都唔會再黎食。

由於時間尚早，食客唔多，感覺安靜舒適，吊燈配上中式圖案的牆飾和屏風，帶一點現代的中式氣魄。今日試下新出的小菜，由$118-$198。鹹魚雞粒豆腐煲$168這豆腐煲味道濃香，豆腐十分嫩滑，吸收了鹹魚的咸香，加上爽嫩的雞肉，惹味又有鑊氣，醬汁濃郁而不過份鹹或油膩，送飯一流。馬拉盞通菜$128這通菜炒得夠鑊氣，通菜爽脆，十分油潤，馬拉盞醬汁惹味又帶丁點辣，鹹香微辣，好下飯。鮮竹卷這鮮竹卷啖啖蝦肉，沒有肥膏，味道鮮美爽彈，加上腐皮唔會好乾，吸收了湯汁的鮮味，加上鮮味的蝦籽，好味道！這一天的小菜午餐很滿足！

已經長久沒外出用膳，今日到訪，格外高興。店子一如以往的光猛舒適，然而時間尚早，沒有太多食客。鮮蝦豆苗餃晶瑩通透，餡料有豆苗和鮮蝦，蝦肉爽口，味道鮮美又有汁。鮮竹卷的蠔汁不太咸，味道剛剛好，腐皮加上蝦肉和豬肉饀料，加上蝦籽，十分惹味，最愛它滿滿的饀料，啖啖滋味。叉燒包十分香軟鬆化，叉燒饀真材實料，沒有太多肥肉或醬汁，是香甜的蜜味，滿好吃的。白粥又綿又滑，還有米香和瑤柱鮮味，吃到底也沒有水汪汪，正！

晚餐專登去正斗外賣南乳豬手撈麵，幾舊豬手有毛唔特止仲未炆霖，好硬好硬，食到差啲甩牙，仲唔消化，一碗麵90元，唔係平，比之前堂食時貴咗，但質素差咗好多，唔會再幫襯！

剛剛在正斗叫了外賣，那個涼瓜排骨煲簡直是經典，一拿起手輕飄飄已經覺得出奇。回到家一打開只看到涼瓜和純骨頭，有幾粒碎肉點綴一下。馬上打去問他們經理，他竟然說排骨當然只是骨沒有什麼肉啦。他說會去問問供應商。什麼供應商？不是用新鮮排骨嗎？原來他們告訴我他們竟然是用雪藏一份份的排骨。只是隨便地加了一些涼瓜變成了涼瓜排骨煲。如果是幾十蚊，我或者可以接受，但百幾蚊喎！俾咗啲咩野人食？感覺上好似人哋食淨然後打包俾我攞錯咁！

今日都正斗飲茶。週末的人不太多，座位也有一定空間，十分舒適。這白粥不得不吃，香綿又滑，吃到尾也不會水汪汪，滿有米皇風味，加上瑤柱鮮味，不錯。鮮蝦豆苗餃蝦味濃，啖啖爽口蝦肉，又有清新的豆苗，健康風味。叉燒包十分香軟，叉燒包皮鬆化可口，叉燒餡料雖然份量唔多，香甜又有汁，好滋味。鮮竹卷啖啖蝦肉，十分爽口彈牙，沒有肥豬肉，加上蠔汁腐皮和鮮味蝦籽，正！