正斗粥麵專家 (國際金融中心商場)

营业中

休息中

正斗粥麵專家 (國際金融中心商場) (中環)今個星期好想食雲吞河，但放工又想坐得舒服啲，今晚去左IFC行街順便試下呢間環境舒適粥麵店～🥢正斗鮮蝦雲吞河 （大）終於食到雲吞河😋 份量有小/大兩款，建議揀大size因為會多幾粒雲吞～ 雲吞大小岩岩好，皮薄蝦鮮，蘸紅醋同埋自家製辣醬好夾😋🥢滑蛋蝦仁炒飯 蛋好滑好香，蝦🦐仁好大隻，每粒飯粒被蛋黃漿包住，金黃色的～🥢蟹籽棉花雞即叫即蒸所以好熱辣辣～ 雞肉夠滑😊🥢南北杏清燉雪梨 （熱） 好清甜唔係死甜，呢排心火盛好岩清熱下火，好清潤❤️ 係用原個雪梨🍐燉製而成～*需加一服務費地址：中環金融街8號國際金融中心商場3樓3016-18號舖

嚟到IFC有乜野食? 真係唔係好知🤷🏻‍♀️太耐冇去 啲餐廳都唔同曬😂😂今次唔算太肚餓仲想食中餐就試吓呢間 裝潢幾典雅偏懷舊風餐廳入面非常寛闊 燈光幾柔和而且座位都幾好坐 夜晚2人俾卡位🥰💕Menu方面好多選擇 價格偏中上💰💰粥粉麵飯樣樣齊 任君選擇 晚市都仲有熱辣辣點心食🤤🤤雲吞麵 $52雲吞麵真係算幾好食 又甘香 份量剛好湯底好清甜唔會死鹹 鹼水味唔會好重麵條幼細微曲 麵質有嚼勁爽順雲吞大小得宜 味道唔錯👌🏻鮮蝦彈牙 味道鮮美又有汁滿滿饀料 滋味豐富😋😋順德佬鯪魚球粥 $82大大碗粥夠1-3人分享 啲粥好夠綿密真係屋企都煲唔到咁嘅質感鯪魚膠質沒有流失 十分彈牙✨味道鮮美 而且冇乜鯪魚刺影響口感拌入花生粒及幼蔥絲更吊起到鮮味👍🏻潮州蒸粉果 $48粉果大小適中 蒸後表皮光亮咬下軟滑 又有嚼勁韌度每啖都食到花生/韮菜碎/豬肉碎/米等為餡料調味適中不過鹹 風味十足🤩煎蘿蔔糕 $50蘿蔔糕幾堅挺 用筷子夾起都唔會散曬外層少少脆邊 內部柔軟👌🏻👌🏻帶有淡淡蘿蔔香 如果可以多啲臘腸/蝦米等配料口感會更好🤪

中環上班，近近地又想坐得舒服，吃得美味，那這店就能滿足了～羊城荔灣艇仔粥～粥底棉滑，濃厚度比例剛剛好，材料也豐富，有魚片、花生、豬皮、肉絲及魷魚等～正斗鮮蝦雲吞麵～雲吞入口尺寸剛剛好，一口一粒，蝦肉新鮮彈牙；而雲吞麵的麵質很爽彈，帶一點點鹼水味道，好吃～蟹籽燒賣皇～燒賣大粒又足料，豬肉感滿滿，肥瘦適中，頂上再加了蟹籽脆卜卜，口感豐富～原蜜味叉燒腸粉～腸粉皮像布一皮絲滑，夾上甜甜的叉燒，很美味，必食～

上湯銀絲麵。這道麵食以鮮美的上湯為基礎，麵條細滑有嚼勁。上面覆蓋著豐富的銀絲魚絲，增添了口感和味道。麵湯的味道非常鮮美，充滿了海鮮的香氣，讓人回味無窮。接下來是牛肉飯，這是一道經典的粵菜。牛肉切得很薄，口感嫩滑，搭配上米飯，簡直是完美的組合。牛肉飯上還有一些蔬菜和淋在上面的特製醬汁，讓整道菜更加豐富多樣。每一口牛肉都散發著濃郁的香氣，讓人胃口大開。最後是幼滑齋腸粉，這是一道傳統的廣東美食。齋腸粉以柔軟滑嫩的米漿皮包裹著鮮香的齋腸，再加上特製的醬汁，口感細膩，味道鮮美。每一口都讓人陶醉其中，簡直是早茶的絕佳選擇。

在中環番工的日常Lunch想食得簡單又舒服comfort food最鐘意去IFC正斗坦白講咁多年黎都算保持到水準啱哂香港人的胃口見慣左的待應姨姨們亦好好態度成日問我夠唔夠飽🤣今日兩個人去食午餐：🍜招牌鮮蝦雲吞麵 $72一碗大雲吞麵有六大粒啖啖蝦肉的雲吞個麵亦係特製 👍🏻名符其實的非常爽口彈牙🍜香辣京都炸醬麵 $72開始天氣熱亦鐘意重口味少少的炸醬麵一點點甜辣好開胃🤤🥢炸兩（推介！）$58真正做到薄皮內脆！好好味呀！每次都必點～ 一碟12件，兩個人食夠曬！🥢陳皮牛肉球 $52牛肉球大大粒，用陳皮懷舊得來夠香～

點了牛腩河。食物送到的時候嚇了一跳，2塊牛腩（其中一塊小得可憐）加1塊牛筋。平時也會來吃午飯，今日的份量實在太少，所以請侍應同師傅確認。結果送返嚟嘅時候，連大塊嘅牛腩都不翼而飛，換了一件牛筋。實在不能理解，所以向經理查詢，經理堅持沒有做錯，每碗嘅份量係會有四件牛腩。無論怎樣找，我們也只找到一件十分細嘅牛腩和兩件牛筋。我們點的是牛腩河，得到的卻是這樣的食物質素和服務質素。正斗在網站聲稱努力不懈，把雲吞麵提拔到更高的層次，登上國際麵界的舞台。希望正斗繼續努力不懈，令食物質素同服務質素不會言過其實。

一間由大排檔做到廳麵檔由街坊麵檔到大商場大品牌可見其用心香港尚有的老字號不多了能立得住的有呢間。是日選了牛腩麵加潤潤的糖水木瓜雪耳。。。有時間在忙碌的日子，要好好照顧自己，獎勵自己值得優質食品及服務環境優靜，沒有酒樓，茶記的喧鬧，可以靜靜地放空，品嘗食物。秋冬要潤一下，清甜潤喉，認真處理，份量足夠，令心靈得滿足。麵依舊彈牙：牛腩又軟又入味，食指大動。#中環#環境舒服#服務員體貼#食品有質素#果然係大牌子

今日想食得簡單啲，就去左ifc食吓雲吞麵。我食野鐘意多選擇，所以叫左一碗細雲吞麵加一碟蘿蔔糕。今日午餐餐單：雲吞麵 $52煎蘿蔔糕 $50茶位 $9正斗嘅雲吞麵真係無得頂，麵質好爽，湯底好清甜，雲吞大大粒好好食。不過為咗可以有肚食蘿蔔糕，所以我只係叫咗細碗。蘿蔔糕又係好正，不過如果想要麻醬同甜醬，要自己另外同侍應講，佢哋就會俾你。蘿蔔糕煎得好香，配料恰到好處，真係好食到停唔到口。雖然要加$9茶錢，不過杯茶又真係幾好飲，我都覺得值得嘅，因為真係坐得幾舒服。

平日吃正斗都係吃點心，今日試吓小炒。正斗的裝修一如以往，滿有氣派又不失現代感。這鹹魚雞粒煲超有鑊氣，豆腐索哂味，有著鹹魚汁的鹹香，口感香滑；雞粒細細粒，十分惹味軟滑，送飯一流。西蘭花炒得香脆爽口，帶子嫩滑鮮美，加上爽口蝦仁，清爽又有鑊氣，唔會好油膩。白粥看似很素，但質地綿滑，有著瑤柱的鮮甜味，又有米香，怪不得是米皇白粥。

侍應服務態度太差 好似要客人求佢哋先肯做嘢 幾個年紀大嘅男侍應叫左都唔應 同不同人講左好多次嘅同一個小小要求 最後都被忽略 到埋單嘅時候侍應反而鬧客人。 幾個菜全部非常鹹 唔會再來。

中西區周圍都係西餐，要搵間中式餐廳有啲難。咁啱去開APPLE就喺IFC搵食，遇到正斗啱晒口味，想食粥清清腸胃，結果好有驚喜。男朋友要食澱粉質所以叫咗碗雲吞麵，佢話味道唔錯，鮮蝦彈牙，最鍾意食細細粒嘅嘢。我就食咗田雞粥，係呀，因為唔係好多地方有田雞粥，所以想試下。啲粥好綿好綿，仲有兩粒冬菇調味，田雞都唔似急凍貨，清清地都幾好。跟住叫咗兩個點心，一個流沙奶黃包一個馬拉糕。都幾有懷舊味道，似係用咗黑糖或者庶糖，微甜。流沙包放凍咗少少食都仲流心，超有奶香味。包身好軟，值得一試。

我食個麵嘅時候發現，唔知係夜咗冇晒用開嗰啲麵定係點，啲麵重咗好多醶水味，又硬咗好多，到食個杏仁糊時真係忍唔住要登此貼文，此杏仁糊只係即食杏仁粉开水加少少油再加糖，實在太過份。希望正斗管理人員正视品質問題，謝謝🙏🏻

真的好難吃，花錢浪費我的胃。服務態度和茶餐廳一樣，那個經理服務員點單非常著急，不知道的以為她要去趕飛機。我以為這個牌子還挺好吃，結果還不如吃m記。以後不會再來吃了。

门口穿西装的女服务员，服务太差。从我们进门，就一副爱理不理的态度，我们到哪都算很nice的客人，但一进门就被不耐烦对待，也影响食欲。点菜的时候，我点菜名，对方不耐烦讲:你直接讲编号吧，否则弄错。稍微再看了下菜单，对方一刻都等不了，说那我下单了。。。。。。。。真的是多不欢迎客人来吃饭

特別去完外國，要返𤉷回味⬇️港式粥面鯪魚球粥好好食，香港冇邊夠佢好，粥綿得來剛好，仲有個炸兩保持水準，但一半太炸，太脆，冇入口慢慢溶既感覺，但係就係回味無窮，下次會試多啲