正斗滷鵝

营业中

休息中

今日全日去咗HKU參加成果分享會，咁就簡單啲買外賣返屋企。🤗其實唔係第一次幫襯呢間外賣滷水鵝店，今次因為鵝肝賣晒，咁就買咗一盒滷水鵝肉飯，一盒滷水鵝腸飯+$15鵝片，兩件滷水豆腐同兩隻滷水蛋，一共$145，好抵食。👍🏻鍾意佢啲滷水雖然唔係好陳，但不過鹹亦帶鮮味，🪿鵝肉嘅質地亦幾好，唔會太硬太嚡，兼且亦都有少量鹹酸菜放盒內角位，🥣附上兩碗小例湯亦多料同無味精。🥚滷水豆腐同滷水蛋亦都正常操作。無論落單收錢嘅女仔，又或者師傅都係好有禮貌，唔介意我要多汁而有面色，仲好有禮貌添。👍🏻另外同場加映一隻可愛狗狗🐶，佢初時坐喺度唔郁，我仲以為係公仔，後尾佢眼瞓轉為趴喺度，我先知道係真狗仔。😜

【德記】應該都算係堅尼地城的奇蹟餐廳，屹立堅尼地城超過30年，儘管堅尼地城已經起了翻天覆地的變化，仍然有大把街坊(新舊)支持。小編搬離西環之前，每隔兩三個月也會同屋企人幫襯一次。雖然屬於街坊菜館、定價也親民，但斬料加餸始終不太方便；其實，堅尼地城一直也有其他潮州滷水店，但味道一般。直至幾年前，媽子話開了一間新店，味道不錯，小編吃過幾遍，的確幾好，今日探完媽子，一於去【正斗】斬料加餸。此間【正斗】其實係西營盤【正斗】的分店，總店開業也有十幾二十年，只是直到幾年前才擴展分店至堅尼地城。兩間店同樣主力做外賣，但分店裝修較為乾淨企理；可能因為由第二代主理，明白即使只是外賣生意，也懂得亮麗門面的重要性。門面玻璃窗內掛滿了一隻隻滷水鵝、滷水鴨、貴妃雞及巨型墨魚，還有一盤盤其他滷水食物。感覺乾淨處理、整齊吸引。滷水鵝、鵝腸、鵝腎都可以冰鮮送到香港，很奇怪原來滷水鵝紅都有冰鮮貨；同滷水鵝一樣，同樣都是將鵝紅送到香港，然後才在店內用滷水浸熟。吃潮州滷水，當然要食鵝，點會去食鴨？潮州人揀鵝棄鴨當然有原因，一來獅頭鵝大大隻、夠厚肉；而且鵝的油脂比鴨更豐富，用滷水浸煮時，鵝油會溶入滷水內，日積月累可不斷提升滷

< 正斗滷鵝 >返工最頭痛就係諗放晏食咩🤥 公司附近多野食已經執到 介紹下啲唔頹既頹飯😛 -鵝片飯（無骨）$50包左碗足料靚湯🍴 其實都有啲味精味 不過送既 要求唔好太高！個飯就大大盒 個鵝肉都幾滑 份量都叫多有8塊左右 唔算好肥但都有油香 滷水味好香又唔會死鹹🤤 加上每塊肉都有返啲厚度 送飯真係唔錯🍚 連豆腐都好入味 有夾少少酸菜 啲飯量都好足 女仔可能會食唔晒🤔 不過好似無位堂食🙈-📍正斗滷鵝西環堅尼地城北街14號地舖

之前買咗一盒鵝肉飯 即場當面同佢講話好多骨 佢就好唔客氣同我講你不如買鵝片飯 咁不如你取消咗鹅肉飯叫鵝骨飯啦 之後好耐冇幫襯 剛剛放工見有啲餓 入去買隻豬耳仔食吓啦 叫佢畀個汁我( 一時醒唔起叫醋) 佢畀咗個豉油我， 我話唔係呢個 ，跟住好串同我講呢個叫醋， 老細成日又唔喺度 ， 啲夥記以為自己係老細囉 請著呢啲夥記真係生意蒸蒸日上呀

平日經過堅尼地城呢間小店，黃昏時間好多時都人頭湧湧，都會有條人龍排隊買外賣，心入面已經記住有機會要來呢一度買招牌滷水鵝試吓😝今日晚餐時間經過，發現人不多，老公又想食滷水鵝，我哋就一人點一份滷水鵝片飯（無骨）外賣，另外，外賣飯盒附送仲例湯一份👍🏻鵝片飯份量好大，有八片滷水鵝，另外仲有三件豆腐，同埋少量酸菜，飯嘅份量都好多。滷水鵝片入味，酸菜非常開胃，滷水鵝片嘅汁好夾啲飯，成個飯盒都好好味😋另外，例湯係蕃茄蘿蔔湯，清甜好飲，感覺冇咩味精，下次會再試下呢度其他嘢食。

好耐無食過有質素嘅滷味啦😌今日行過堅尼地城嘅呢間小店真心覺得有大鋪嘅水準👍👍👍佢啲料真係足😁大大件鵝真係好大件架大大件雞🐔全部肥瘦適中油香十足仲有豬頸肉、魷魚、鵝腸等等俾您慢慢揀🦆🦆🦆我就咩都要曬因為我咩都想試好貪心呀！！！！蛋同豆腐都好新鮮唔會出水🥚🥚🥚夾落唔會散開睇下啲蛋圓鈷碌咁🥚🥚🥚幾飽滿🥰一間滷水店最緊要梗係啲汁啦放心💜❤唔會死咸仲食得出唔同香料嘅餘韻添🙈

Lunch唔想出外面食，同事話好想食滷水野，就係app度揀咗呢間餐廳。價錢合理，大約$50一個雙拼午餐，仲有餐湯餸添。我揀咗滷水鵝肉鵝片飯，然後叫多份滷水豆腐幾個同事share。好多飯啱晒我呢d好快餓既人，可以慳返下午茶😂鵝肉同鵝片夠肥美同嫩滑，好多滷水汁但又唔會太鹹，撈埋落啲飯度食好好味。仲有配埋酸菜就一d都唔漏。豆腐滷水味很重，一份四個人share每人都仲分到好多片，唔錯。附送紅蘿蔔青蘿蔔湯好足料，又唔算多味精，好抵食。

講真啦西環一帶稱得上系潮州菜噶勝地啦，呢間正鬥鹵鵝就好岩我口味啊，呢間店噶鋪面都好掂當，最中意就系呢度噶麻辣鴨舌啊，中意食辣噶朋友可以試試啊，鹵水鵝就緊系呢度噶招牌啦，真系好味！

西環係潮州勝地又點少得滷水鵝呢，正斗滷鵝，係潮式滷水鵝舖黎講算係好靚下，古式裝修，金漆招牌，買外賣都買得高興啲滷水野都係個啲，仲整埋麻辣鴨舌個啲，好正外賣四分一隻鵝，打開就知足料，鵝肉幾肥美嫩滑，肉質鮮美滷水汁係偏咸個隻，但好正，香料味又重食極唔停口，如果怕咸，即刻點埋佢個醋，中和晒，白醋加蒜加辣椒，好好味風味十足滷鵝到覺得貴既可以揀半隻鴨，唔係少好多，當然無鵝咁濃味，但仍然好夾到個滷水汁同白醋，肉質鮮嫩，風味都係好正佐酒無得輸係一間相當出色既滷水鵝店！價錢唔平但水準保持小食都好正架，師傅同收銀都好好笑容而服務態度一流#麻辣野其實都好正#成日見有隻老虎狗係度