正宗山西刀削麵皇

营业中

休息中

尋日見到電視有介紹 今日特意去試下 果然無令我失望我叫左一個豬軟骨刀削麵 真係好好食豬軟骨非常入味 同我平時食過既好唔一樣刀削麵軟硬恰當 而且仲好大碗添 食都食唔晒之後就叫左一個生煎小龍包 有十隻咁多個底脆脆地 仲要有雞蛋一齊煎 真係好特別比平時食開蒸既更好味真係我係香港食過最好食 最正宗既刀削麵Ps:個老闆好nice 好好人

一直都知道有這間店.但是一直對刀削麵不感興趣,因為麵難以入味,好像吃麵粉似的.但當看到節目出街了, 更好奇想試一次.結果打破一直不良的印象.麵入味!!!不會越吃越爛!!!而且跟麵的配料足!同樣價錢,在外可能只有一兩件配菜.除了刀削麵外,還點了生煎小籠包. 有肉汁, 不過較喜歡清蒸版,或許個人口味問題. 總結味道不錯值得一試.

呢間刀削麵標明正宗刀削麵,遠近皆知,好味之選!之前有試過佢個牛肉麵,正!!上次試左湯面,今次就試下炒啦!叫左個乾炒牛刀削麵唔會好似出面炒到好油,岩岩好,牛肉唔un 都ok爽口只係我認為炒好似硬左d, 如果可以林d就好喇

它的五香牛肉是牛"月展"，真的非常好吃！夠稔，夠香，一片片切得薄薄的，賣相極美。另一個餸我要了鴨腎，不過有點奇異，它也是很稔，失去了吃腎那爽脆的口感，麻麻地。不過量是出奇的多，是有兩個腎在內嗎？！主角刀削麵也沒令我失望。恰好被安排坐在近門口的卡位，吃麵時可以欣賞年輕的製麵師父在揉麵削麵。像耍雜般，很厲害呢! 麵身稍稍硬了一點，若可以再多煮一兩分鐘就更棒了。這碗麵份量極大，若果胃口不是絕佳真的會吃不完。(兩餸麵餐包豆味香濃豆漿一杯，HK$36)除了吃碗刀削麵，在嘴饞的我的要求下還額外叫了生煎小籠包HK$38。蒸小籠包吃得多，煎的還是頭一回! 一份有10個，賣相也很討喜：鐵板上有薄薄的蛋漿，整整齊齊地放了底部香脆的小籠包，還可以聽到熱度的滋滋聲!雖然皮有點厚，但小籠包內也有湯汁，也不錯吃的。有去開荃灣不妨試試啊。

老婆今天要去荃灣有搞作, 咁當然就係番荃灣祭五臟廟啦.結果老婆建議去此店試試, 評價都不錯, Let's Go.星期四七點有多去到, 店內已經八九成滿.既然主打係刀削麵, 當然要試一試啦, 另外再加多一個小食.双併刀削麵 (豬腸, 金錢肚) + 豆漿 $36双併刀削麵 (五香牛肉, 菜肉雲吞) + 豆漿 $36生煎小籠包 (十隻) $38刀削麵麵質偏厚, 口感一流, 又有咬口夠趙頭.而且份量足, 一碗双併麵已經飽到上心口.至於材料, 豬腸 - 肥美, 金錢肚 - 爽口彈牙, 五香牛肉 - 炆得淋又入味, 菜肉雲吞 - 十分普通另外個小食 - 生煎小籠包, 係即叫即整, 所以差唔多到碗麵食哂先到.因為即做的關係, 熱辣辣, 上枱時塊鐵板仲 'ge ge' 聲.至於味道呢, 正常小籠包味, 但因為是生煎的, 而且再加上有蛋底, 食落香脆有蛋香, 又有另一番味道.埋單總共 $110, 下次去荃灣又有多一個選擇了.

早個月的荃灣美食札記，只寫了覺得驚艷的雞蛋仔後，其他的，我任性的把它推置在一旁。醜婦終須見家翁，好好醜醜還是快手快腳完成比較好（最多寫短一點，笑），懶得給人又說有頭威無尾陣。晚飯選址山西刀削麵皇，單靠Openrice的排名推薦被吸引。但我完全不懂為甚麼荃灣區有好多間刀削麵店？？？刀削麵高手只聚集此區？？？大師OS：分散一下投資比較好嘛。。。看過餐牌，放棄了套餐。久逢來次荃灣，完全按自己喜愛下單較好。主食只點一個豬軟骨刀削麵。一路吃一路看師傅在前方親手抱著個小嬰孩大的粉團削削削，很過癮呢。刀削麵呈粗幼不一狀，而且好有趙口！！！亦沒有咬下只剩麵粉團之感。湯底也好喝，但硬是覺得有下味精。而且份量不少，分到四小碗呢。醉雞呢。。。。可以不點，嗯嗯。吃剩很多，要強迫醉雞擁戴者包底吃清光，免得浪費。小籠包。一般家庭式經營小店，跟正統的川滬菜是不同派別喇。只要接受小籠包欠缺爆湯汁效果，這店還算肉質新鮮，價錢便宜，抵吃之選。（悄悄聲：但下次還是不點較好）麻辣雙拼，牛舌拼牛肚。總結整餐飯點的菜式，這雙拼是最好吃的喇，看到汁醬上混有大量生蒜頭，就知惹味。辣度只點小辣，本人極限狀態（弱）。但都抵不住，極速喝掉

雖然住係荃灣~但好少出去食野~近來開始想試下荃灣出名既餐廳~而今次就係正宗山西刀削麵皇~其實我無食過其他地方既刀削麵~所以我真係唔知正唔正宗~入正題~食物去相~豬肚刀削麵+豆漿套餐$33單叫豬肚刀削麵$28單叫豆漿$8節省了$3 金錢肚刀削麵加豆漿$33單叫金錢肚刀削麵$28單叫豆漿$8節省了$3東坡肉刀削麵$30加豆漿+$6食評：刀削麵好有咬口，我好鐘意=v=提示：唔好叫套餐d刀削麵，d"食送"無咁好食。其他刀削麵跟番豆漿都只係+6蚊，都係叫好"食送"既好。口水雞$35叫錯左=.="呢間野出名既係醉雞。不過都唔差，只不過我覺得唔辣囉。發現例牌既份量，不過比跟麵的"食送"份量多。建議：大家如果係一大班人食不如叫醉雞刀削麵及口水雞刀削麵share 食仲抵。生煎小籠包$38叫小籠包先搞笑，隔離台食完既客叫我地唔好叫，話唔好食。佢食既係蒸既上海小籠包無湯汁。我見openrice食友們說煎小籠包很香口，專登點黎試。始終係正宗山西，上海野唔係好掂，奉勸大家真係唔好叫小籠包!!!

對於刀削麵的認識實屬不多，只在數年前在九龍區食過一間...近排見雜誌上有關刀削麵之報道，原來荃灣區也有一店、所以今日特來潮拜好一個茶餐廳格局，一入大門開放式厨房正正就在眼簾、操流利國語口音的師傅跟同小師傅正忙於手上工作眼看手起刀削，原來大燈箱內之（即叫即做）真係冇花假、眼見入單才削，而且時不時更要搓按著麵團、好專注哦（原因我坐位比較靠近厨房位子、所以時常八卦所致）眼濶下叫上兩道菜做晏就...麻辣雞絲配刀削麵$36.分湯上之麻辣雞絲輕而微辣，麻辣味亦僅屬於較較較軽量板、味道則來得偏淡，一絲絲的雞肉亦較嚡身，（我想今次選錯了配角）刀削麵湯底尚濃，一條條的削麵來得濶度一致、不粗亦不幼，比上次食刀削麵之味道來得要好口感不會太厚身像食粉團一樣，厚薄每條很是準繩、師傅>>>好功夫醉雞$35.比想像中來得要好，酒香之餘亦不見過於濃郁而帶酒苦味道咸度也來得適中，但回家看上照片才覺雞骨附近帶點生、現場又不大發現總括以言，刀削麺功夫來得不俗、口感好味與否，其實亦很個人化努力...讓碩果僅存下之刀削麵繼續伸然下去。

以往在青衣上學，放學後常常與同學到處逛，同學帶我來這裡吃刀削麵，當時覺得很美味，而且可以見到師傅即時削麵，好像看表演似的~到現在還唔中想吃刀削麵，就襯到荃灣一於再吃~叫了餃子刀削麵($3x)，非常之大碗，但刀削麵即是食麵粉，而且有些麵條過幼，索了湯後變得淋了，更糊了，不好吃了~而且餃子只有四隻，又沒有肉汁，又是差了~餐飲:熱檸水，味道正常~我不知是食物差了，還是回憶總是美好的，好像以前與同學一起吃的都較美味

This place is really cool, had some very tasty dishes. Most people come here for the noodles of course. When ordering, the waitress will give you a choice of regular ramen noodles, or 'knife cut'. Knife cut noodles are when you see the big fat chef with a ball of noodle dough cutting noodles off roughly with a knife. They go straight in the boiling water and are flash cooked. Very delicious The noodles themselves aren't to everyones tastes, they're made quite al-dente, and they're very thick and

周日與食家到處遊，一想起荃灣大家便嚷著要吃刀削麵。一年前來吃過，驚為天人，將相片放上facebook原來好多荃灣新界朋友對呢間麵店都推崇備至，以其出品，實屬有理。口味與去年一樣，一碗豬頸肉刀削麵，一碟醉雞，再加個麻辣牛展，兩個人吃。刀削麵依舊彈牙煙韌亦滑溜，細嚼下有麵粉香，即叫即削即煮，極美味，豬頸肉炸得香脆，配上灑上的麻辣料及蒜粒，惹味熨口，正。醉雞都幾大碟，雞肉花鵰酒味香濃，入味滑溜，$40的價錢比很多大酒樓餐廳也要做得好。麻辣牛展，$20碟有十來片，牛展軟熟，不過重點是在面頭的麻辣料及蒜粒，又辛又麻，汗開始如雨下，追著吃，過癮。加多兩罐汽水，大滿足，一人才$50，超抵吃﹗

在open rice荃灣區留意到這間標榜正中刀削面的食店，馬上引起我的興趣。話說第一次認識刀削面是在三潘巿灣區的一間北方小館。那時已愛上它。可惜在香港很少這類小店。上次碰到刀削面就在沙田凱逸中餐廳。不過價錢實在太貴。估唔到在荃灣找到一間好味價錢又大眾化的刀削面店。我哋二人叫咗：口水雞拉面+凍奶茶 $44；上湯刀削面 $22；香煎小籠包 $38凍奶茶先上。要求少冰少甜。點知依然非常甜 茶味也一般。不過呢個不是重點。面先係...之後送上拉麵。但只見幾條菜而不見口水雞。我就問店員，佢先講＂口水雞另上，隨後上＂既然口水雞未到，就先食拉麵啦。都幾滑, & al dente。至於啲唐生菜，就太淋嘞。而且湯底太咸。口水雞終於到了。不過原來係冷盤。而且都幾辣。於是靈機一動，就將啲雞同青瓜絲浸入啲湯面里。口水雞即刻變暖了及不太辣了 我哋不是麻辣的專家。就不作評價了。不過，咬感方面都可以，不會覺得＂鞋＂。青瓜絲都幾多。當菜食之後就係我碗上湯刀削面。呢個係無肉的。只有幾條唐生菜。不過好可惜，又係過淋。至於刀削面就... 正！無論面的闊度定係煮熟的程度都剛剛好。果然有水准！而且仲大大碗。一碗只賣$22（$28

成日聽媽咪講話呢間野好味有晚終於係佢帶領下, 試左一次~我地坐左係近門口對住師傅拉麵既卡位坐定定, 再望兩望個內鋪如果唔係媽咪勁力推介我真係唔會特登入去~好~唔講咁多~去相~睇下果晚食左咩先涼盆叫左一份醉雞, 一份鹵水雙拼個雞一d都冇酒味, 失望鹵水個牛肚就好入味我冇食豬腸, comment唔到仲叫左2碗刀削麵手絲雞果碗好好味~本來係男友叫ga, 我叫肚絲最後都係掉轉黎食wahahaha ...... 再黎再黎2個小籠包1個蒸既一個煎既~2個都好味, 不過個人比較中意煎香口d麻~

2 日前食咗個不太滿意的刀削麵，http://www.openrice.com/gourmet/reviews.htm?userid=13216#review2232619搞到我好想食返次好味的刀削麵。最後決定去荃灣這一家 - 正宗山西刀削麵皇。天氣太熱，實在不想吃湯刀削麵，點了個麻辣肚絲冷刀削麵，加個凍豆漿。刀削麵煙煙韌韌，因沒有湯，不會浸淋，而且個辣椒醬 (接近泰式甜酸醬) + 花生醬 ，甜甜辣辣好開胃。而且一碗的分量真的好多，盡晒力都只是吃了三分二。大滿足。

係一次既機原巧合之下，我就睇到佢門口大大隻字寫住<刀削麵>所以就行咗入去，一入到去第一果感覺就係...多人好唔容易先有兩果位，結果我地叫咗一碗醉雞刀削麵、一碗五香牛肉刀削麵、一碗豬肚拉麵同一碟小龍包，因為係坐係門口位，所以睇師傳煮麵時的功架睇完「表演」就有得食lA~果然係好好食D麵(刀削麵+拉麵)好彈牙，五香牛肉肥瘦平均好香，值得一試!!醉雞都OK，btw我覺得D酒都係唔夠入味，豬肚都係一個唔錯的選擇，小龍包好多汁like~