正宗山西刀削麵皇

营业中

休息中

今日下晝同阿媽同個仔嚟荃灣食刀削麵，店名叫正宗山西刀削麵皇，個仔食咗兩碗似乎好鍾意食，我就不嬲都鍾意食呢類型嘅麵食，面嘅質地我覺得好食過一般香港嘅任何麵食。呢個午餐叫咗一個溏心蛋牛肉刀削麵同雞翼豬手刀削麵，蒜蓉青瓜同泡椒豬手。1.牛肉溏心蛋刀削麵超正！刀削麵條勁有口感，麵皮厚薄適中。溏心蛋咬開蛋黃緩緩流出，牛肉軟腍入味，湯底鮮香，一啖落肚滿足！2.雞中翼豬手刀削麵掂！刀削麵質地煙韌，牛肉入味軟稔，豬手皮腍骨膠原滿滿，湯底濃郁鮮香，食完整個人都暖笠笠！3.Lee碟蒜蓉青瓜清爽過癮！青瓜切得幼細爽脆，蒜蓉香氣濃郁，加埋少少醋同麻油調味，酸甜鹹香平衡，好開胃！4.Lee份泡椒豬手真係正！豬手煮到軟腍又帶點彈牙，泡椒嘅酸辣味滲透每絲肉質，越食越上癮，配凍飲一流！有機會會再嚟嘅刀削麵館。

食山西刀削麵最推薦呢間。 係荃灣都係有名既小店。 份量大大份，湯麵，熱拌，涼拌，菜麵，小食都有，選擇都好多。蒜泥燻蹄刀削麵除左麻辣之外，蒜泥都係另一個選擇～ 蒜泥磨得好容，加埋醋做底汁。 又香又有帶到蒜既辣味。 燻蹄薄切厚度適中 撈埋汁醬涼拌好好食。 刀削麵湯底夠濃，而且刀功好好～全碗刀削麵既厚度都差不多而且唔會太厚。所以唔會有煮太淋或煮未熟既情況。熱拌牛肚刀削麵熱拌係另一個重口味之選。 炸醬加埋醬汁夠杰身。刀削麵夠掛汁。滷水牛肚都好入味。

今日同老公經過荃灣 天氣太凍想食麵食🤠 就決定食咗呢間幫襯咗好多年嘅刀削麵， 希望找尋返當年嘅味道，🤤老公入到去發現咗原來依家唔止刀削麵食， 仲有拉麵選擇， 咁就一人一碗不同款式試下其中一個人就叫咗豬扒豬腸拉麵， 叫咗辣味， 豬扒好軟熟， 已經分咗件， 豬腸鹵得好好味， 老公話配合拉麵好食😋😋當然我就叫咗 豬頸肉 豬軟骨刀削麵， 我超鍾意刀削麵嘅質感， 豬頸肉有少少脆身， 豬軟骨好腍， 我都覺得好好味呀😍😍我哋兩個都覺得最緊要多蒜蓉同埋加辣， 整體都好滿意， 報告完畢😉

冬天就係想食返啲熱嘢暖胃, 但食米線有時又唔夠飽, 呢日同朋友想食飽啲就揾咗呢間好似都幾出名嘅刀削麪menu好多嘢揀, 我選擇困難咗好耐, 隔離枱咗個酥炸豬排好香, 我最後忍唔住叫咗雙拼刀削麵, 要咗白菜豬肉雲吞同酥炸豬排。酥炸豬排好香， 份量都多， 不過係油啲，食完上面嗰層已經見到下面積咗一層油， 如果可以俾張紙索下油會好少少。另外白菜豬雲吞幾好食，唔熱氣之選　正，但唔知係咪因為叫雙拼，得3粒略嫌有啲少花雕醉雞刀削麵，醉雞係另上， 所以唔驚浸喺湯度會浸到淡晒。相反，紹興酒落得有啲太重手，感覺酒味濃到有啲苦，要浸返落湯沖淡少少會好食啲。但啲雞件幾滑，唔會骨charm charm 涼拌海蜇第一次見會落青瓜，雖然涼盤都夾嘅，但係比想像中少海蜇，呢個下次唔會再叫餐有包飲品，幾乎每枱都叫豆漿。甜甜哋幾好飲，佢啲豆漿係有落糖，唯一係我落熱嘅但姐姐無同我double confirm 俾咗杯凍嘅我，不過見好忙咁就費事換

之前經過好多次, 但一直未去食過😅今日過來荃灣, 突然想起😃不如過來試一下, 佢有不同款式的配搭, 可以配湯刀削麵, 亦可以要熱拌, 另外又有冷麵可選, 亦有麻辣系列, 也可以配菜飯, 也有些比較特別的類型, 例如花雕醉雞,蒜泥類同口水類😅😋, 也有其他小食, 揀左白菜豬肉雲吞同豬肚, 要左凍豆漿👍, 等左一陣豆漿先到, 夠凍少甜, 再隔一回湯麵也來, 豬肚絲都比得幾多😍, 似係鹵水味, 白菜餃餡料豐富, 塊皮都滑, 食落唔會好厚😃, 刀削麵份量十足, 食落都滑😁, 整體味道唔差😋下次可以試下配拉麵或米線🫶其實56元有雙拼有飲品還要分量唔少😃其實算係好抵食了

同朋友經過入去食估唔到又幾驚喜！特別推介麻辣系列小食辣得黎好過癮入面仲有好多蒜撈埋落個湯到超級加分朋友叫左熱拌有時食拌麵最怕唔夠味呢度既調味整得岩岩好🥰超級夠味✋🏻

🍜雙拼滷味豬手牛腩刀削麵吃完第一口我真的感動了… 兩道菜真的巨入味滷水味兒巨好吃 超對我的胃口 超值的配菜刀削麵超韌爽 湯底也好好喝！吃完整個人都暖暖噠🍜手撕雞冷刀削麵香港很少看到有賣冰的刀削麵看到後朋友馬上喊了哈哈 她不喜歡吃太熱菜上菜時已經看到芝麻醬滿滿的店家真的有塞爆的想法 完全夠量拌到全部的面手撕雞好吃量也巨多 冷的刀削麵感覺口感更韌了

今日約咗網友喺荃灣西交收，返嚟呢度，瞬間就勾起咗細個喺呢區長大嘅回憶。本來諗住食一間出名嘅米線鋪，但因為人實在太多，排隊會趕唔切交收。突然諗返起，係呀，呢度有間陪我中學時代走過好多路嘅刀削麵店，冇得諗，即刻轉身去嗰邊。細細個嗰陣，無論公開試考成點，成績差都好，都會嚟呢度叫碗麻辣肚絲刀削麵，喺嗰陣辣到出汗又淚流滿面嘅時刻，好似所有壓力都可以跟住眼淚散去咁。今日再嚟，感覺仲係咁親切，入到去見人唔算太多，唔使等位，我就叫咗一碗 麻辣豬頸肉刀削麵（$56），仲加咗一杯 豆漿。呢碗刀削麵嘅麵條係即場手工新鮮削出嚟，每條麵都帶有適中嘅厚度，入口煙韌有嚼勁。湯底嘅麻辣香氣即刻撲鼻而來，但試咗第一口發現，唔知係咪自己耐辣咗，今次嘅辣度冇以前咁誇張，不過味道仍然好好，麻辣嘅後勁仲係存在。湯底鮮而唔油膩，豬頸肉嫩滑，口感厚實，每一片肉上面都吸滿咗湯汁，配合刀削麵嘅勁道，成個口感相當滿足。碟 麻辣豬頸肉 另上，表面灑滿咗啲香脆嘅蒜蓉同辣椒碎，令豬頸肉嘅味道更加有層次。每咬一口，都感覺到肉嘅煙韌同蒜蓉嘅脆香一齊喺口裡爆發，好正。飲品方面，叫咗一杯 豆漿。豆漿順滑，帶有豆香，配搭麻辣刀削麵嘅時候，飲一口就可以即

今天中午和同事一起開車去了荃灣吃刀削面，這間刀削面很正宗，我點了麻辣肥牛刀削面，配生大蒜一起吃確實很正，生蒜有一點點辛辣，有點像吃芥末的感覺。可能是雙拼的原因，我那一碗刀削面份量是比單拼的量多，吃得很飽。個人喜歡先喝湯，吃了大概一半的時候會把整碗餸倒入面中，一面兩吃。這樣吃起來感觉比較豐富，好像吃了兩碗面一樣。雲吞比水餃好吃，比較大顆，也比較多料。凍豆漿是必點的，真材實料，也能解辣。說真的，多吃真的會上瘾

話說今日好猛太陽又落雨，行過見到依間刀削麵，入嚟試吓囉，嗌兩餸$56加杯豆漿，冷氣夠凍值得一讚，不過老實講我去咁多間餐廳，最憎啲侍應收我杯嘢飲，又唔係好多人，唔係想趕我走呀嘛，嘢食好唔好食唔係咁重要，收嘢飲姨下真係忍唔到，下次唔會幫襯，同埋有個阿嬸講嘢都唔正都唔知佢講乜落單嘅時候真係好難溝通，而家係咪真係好難請人呢，定係啲鄉里嚟嘅呢！！！其實荃灣唔係淨係依度好食㗎，我可以選擇其他，嘢食款式又唔多！

個人覺啊依間嘅刀削麵麵質最好，夠煙靭，食到最尾都唔會林晒；湯底夠味又唔會太咸，麻辣好香夠辣但唔涸喉。員工落單執檯都好有禮；食完離開咗十幾分鐘後，懷疑自己漏咗野，打去問職員，佢好認真幫忙，未有發現物品但主動留我聯絡電話，非常好，一定會繼續支持！

叫外賣等左半個鐘，同收銀個呀姐講等左好耐喎，點知佢話唔等得就唔好等，咁我唔等就叫佢退錢，態度差到話退未退囉，叫個外賣要受佢氣😡😡😡😡幫襯左路德圍間分店咁多年都冇發生過呢啲事件，唔想做生意就執左佢啦

前排出開荃灣嚟咗呢度食刀削麵，平日12點幾嚟到一個人即刻有位～我坐最入面環境比較昏暗，衛生一般👅麻辣豬扒刀削麵湯底正常唔算好重味精刀削麵比較薄但口感尚算煙靭配料嘅豬扒炸得太乾有啲柴🙈佢嘅麻辣係偏辣唔夠香口跟餐凍豆漿唔香豆味整體係一般不過香港唔太多刀削麵專門店，下次如果經過而咁啱又想食都可能會嚟，但就應該會揀其他非油炸配料😅#荃灣美食 #香港刀削麵 #正宗山西刀削麵 #刀削麵推介 #炸豬扒 #麻辣豬扒 #豬扒刀削麵

朋友介紹我去食，見喺附近我就去左🙏🏼雙拼刀削麵拼豆漿 $55餸揀左滷水雞翼同五香牛𦟌👍🏻兩個餸都好食但個刀削麵望落就唔係好有刀削嘅感覺湯個味入口冇咩味麵還麵 湯還湯 兩樣好似分開食咁😂豆漿比較甜回頭率：👅👅性價比：👅👅👅打卡值：👅👅

今日就嚟到沙咀道嘅一間刀削麵店「山西刀削麵皇」依間出咗名嘅刀削麵都好好食嘅，今日一個人嚟。環境就逼啲啦一個人坐我就叫咗碗麻辣牛展刀削麵午市套餐呢仲有杯凍豆漿餸嘅坐低冇耐就上咗杯凍豆漿凍豆漿夠凍豆味濃好味之後上咗牛展刀削麵麻辣牛展係分開上嘅麻辣嘅意思係蒜頭再加啲辣椒油鋪係鹵水嘅牛展上面牛展有鹵水味加埋牛筋同牛肉夾埋一齊好食仲有蒜頭再加辣椒油刀削麵湯底我覺得係用醬油嘅刀削麵彈牙爆落有根度，刀削麵亦有麵粉嘅香味今餐一個人食咗55蚊