正宗上海生煎皇 (已結業)

見無乜食評寫呢個麵，膽粗粗試了，好失望。第一次食咁唔煨麵feel的麵，同隔離的普通湯麵好似一樣咁，煨麵唔係麵同湯一齊煮，令個湯杰杰地有澱粉走出嚟，個麵好淋架咩？跟住d雞少到可憐，啲菜偏salty，總之成碗嘢如果當食青菜拉麵係ok既，但煨麵就唔係我杯茶。呢度都係生煎包最正😌

同朋友拎婚紗相順手食晚飯，係婚紗店隔離街見到呢間正宗上海生煎包門口好多人排隊開餐，見價錢幾抵食，就係咁排埋一份。等左唔係好耐，約10分鐘已就座，係等位期間侍應叫我地係門口揀定食咩畫定，入去一坐底就有野食。果不其然，真係坐底無兩分鐘已有野食送到。我地點左個上海粗炒、四川擔擔麵、上海生煎包(四個)，同一籠四只既灌湯小籠包，再搭兩杯豆漿。個上海粗炒炒得好入味，熱炒上仲出緊煙，每條烏冬都燒得著色匀均入味，牙白菜仔滿爽口，冬菇炆得好淋再炒，菇香味好出。枱面有樽辣醬，出乎意料的不辣反帶微甜香口，食粗炒點呢個醬一流。四川擔擔麵麵條好彈牙札實，湯底混合四川醬味濃，有點花生醬味，令香味提升，不膩濟，正。個上海生煎包不得不推，簡直係王者之選，外面煎得黃金色，外層好脆口，咬落去爆汁的，好燙口。有圖有真相，外層金脆，內裡肉汁味濃，必食之選。灌湯小籠包有四件，熱騰騰上枱外皮好薄包住內裡湯汁，可以點黑醋配食，但其實不點醋食都一流好味道。整體來說，價錢抵食&好味道，兩個主菜加兩個小食再黎兩杯豆漿，兩個人食都係兩百蚊雞有找，仲要飽到反晒艇，又抵又好食，係快靚正之選。

是日訂左衫要過海拎，拎完夠鐘到妟晝四點多，所謂妟可以唔食，下午茶真係不得不吃。行到近鵝頸橋呢邊覓食，方便食完行過一條街搭車番歸。登龍食街好多食肆，咁啱見到有生煎皇(係旺角新寶戲院隔離果間食過幾好味，價錢相宜)，就貢左入去。個午市套餐組合幾抵，揀左個A+B配，四川擔擔麵$38配上海小龍包$25。呢間店既上菜效率超高，好快有得食。四川擔擔麵湯味好濃，個四川混醬好有提味作用，係個麵既精髓之所在。擔擔麵質亦好滑，麵條好實在，份量亦多。好味，麵混湯一齊食，飲晒個湯底咁濟。個灌湯小龍包四個上，熱辣辣冒晒煙，皮好薄，內裡包住湯汁，一咬汁噴出黎，好燙口，令人又愛又恨既小龍包，真係做得好出色。枱面有張温馨提示，小心燙爆。仲有豆漿送，不死甜，濃黃豆味，埋單無加一，60元左右就食飽飽閃人，好味道又抵到核爆。

做gym之前嚟到銅鑼灣時代附近食晏，同男朋友決定嚟食上海生煎皇😛😛 之前有係深水埗食過，選擇都幾多嘅，價錢亦合理！平日仲有各種lunch set🤤🤤今次決定食呢個小籠包👀👀因爲係即蒸所以都要等around 10mins😜 小籠湯包漲卜卜，食之前要吹吹先，然後咬開上面，飲啖湯，之後再放薑絲同點醋，小小酸更帶到肉汁嘅美味😀 皮又好薄，湯汁味道剛好❤️❤️ 主食再嗌左個四川擔擔麵🍜🍜湯底有芝麻花生香，亦充滿麻辣味，食到流哂汗咁濟🍪🍪麵質幾彈牙，似黃色嘅油麵多d🍭生菜20幾蚊碟有d貴，不過夠爽脆嘅，小小蠔油可以調下味，食落冇咁單調！豆漿豆香四溢，解辣唔錯🥛🥛如果大杯d就好啦！

今日嚟到銅鑼灣行街，行行下有d餓就到登龍街附近揾下野食，見d生煎包好吸引就入左去啦！好彩係2點左右所以唔太full-house⭐️⭐️ 餐廳比較細，如果人多都有d逼，食物種類繁多，我地先點左個生煎包🌹🌹 好大粒呀每個都，size基本上都一樣嘅，而且做到肉餡夠大粒🐽 一咬落去d熱湯就咇哂出嚟，要好小心呀！吹一吹再飲啖湯，肉汁豐富，又唔過咸！包皮厚厚剛好，包底煎得香脆❤️❤️實在係要encore encore🤑 之後再點左糖醋排骨菜飯😍排骨都幾多件，又夠淋，唔會攝牙！個汁酸酸甜甜，撈飯食好開胃☀️☀️菜飯份量剛好，帶小小油，幾香下！

同一班朋友準備去大球場睇Rugby 7，去前諗住係附近醫下肚先，係cwb行行下就去左燈籠街果頭，由於朋友們對食都相當有要求，又唔鐘意西餐，所以今次就揀左間中式既。今次嗌左生煎包，小龍包，麻醬雞絲涼皮，仲有紅燒外婆肉菜飯。小龍包幾出色，皮好薄，入面啲湯好足夠，會爆汁出嚟。相比之下，生煎包就一般，湯比較少，個底煎得有點硬，但味道係okay既。平時我比較少食菜，所以好鐘意食菜飯，可以無意中食到菜，但今次呢個紅燒外婆肉菜飯就比較少菜，但肉係好食！

今日行行下街肚仔餓，經過登龍街，有間上海野就入去試下啦！入到去，雖然鋪仔細細，但坐得都算係咁啦，起碼唔洗手肘撞手肘嘅。睇睇餐牌先，食咩好呢？小籠包有三款小籠包可以選擇，我選了原味，味道幾好，熱辣辣！皮薄湯多！銀芽炒鱔糊鱔肉份量多而且十分厚身，重點係有超多銀芽。銀芽爽口又可以中和炒鱔嘅油膩感，好味！！豆漿都幾大杯，飲埋杯豆漿就岩岩好啦！我見有好多人叫雞絲粉皮同五層肉，睇落都好似幾好味！下次有機會要試埋麻辣雲耳tim呀！

星期六日出沒銅鑼灣人又多又唔知食咩好行到登龍街，是但揀一間Yo~hoo 又係上海嘢回鍋肉比起小菜館果啲唔夠火喉🔥爭小小菜飯一入口咸之後又唔咸勁神奇飯嘅口感好特別唔似普通菜飯上海粗炒普通，一樣唔夠火喉醉雞一般唔多入味水餃麵一般全餐嘅重點係小籠包同生煎包由於一上枱掛住食嘅關係我係唔記得影相！！！！小籠包勁熱勁多湯肉係啱啱好唔實唔鬆拋拋生煎包都係好熱又多湯好juicy 好正！！！！呢2樣嘢比起香港好多上海餐館好好多可能專門食包嘅關係其他嘢麻麻地

食完誠記嘅生煎包，就想試晒全香港嘅生煎包黎比拼下，銅鑼灣呢間上海野午市見過好多人排隊，一於繼續探索下上海野！我哋嗌左外賣，12粒生煎包、四喜烤夫，另外再嗌左青瓜～啲生煎包真係超驚喜，驚就驚在啲汁不斷爆發出嚟，咬落去個下啲汁係第二個位爆出黎，噴到成塊面都係；喜就喜在啲肉汁好鮮好香。成個包唔係急凍貨，係真係即場包好再煎，不過就唔係脆既包皮，同埋啲皮都有啲厚另外四喜烤夫同青瓜就係朋友食既，自己食咗一兩舊，覺得普普通通，同一般嘅齋菜冇分別，所以唔特別推薦啊

今日經過登龍街已經唔會好似以前咁再食拉麵或者龍蝦包 因為前排都食得太多 都想抖下 行到一個位見到有個開放式廚房 見到有班師傅喺度包緊生煎包 感覺好新鮮所以就決定同朋友就算食飽左都要再試吓呢度嘅生煎包我哋嗌左六隻外賣生煎包 佢哋好整齊咁排咗喺個外賣盒度 面頭有啲黑芝麻同少少蔥 食落去個皮其實幾煙韌 個底都煎幾脆 咬落去嘅時候真係爆曬汁 我嗰陣啲汁彈到隔離個朋友 真係多得我唔少 個肉質唔似係後期間落去嘅啫喱咁 類似係嚟自肉本身嘅汁 所以都幾好食另外仲嗌咗個考夫同埋青瓜 考夫送飯好食啲我用來做小食就覺得麻麻地 因為太濃味同埋鹹咗少少 青瓜都好脆但係就冇乜味覺得下次可以試吓堂食食下其他嘢😛😛

我係衝住生煎包而黎😆❤️估唔到其他食物都幾有質素正宗上海生煎皇的生煎包係即叫即製，黎到時候姐姐提醒小心湯好熱～🔥🔥🔥外皮好煙韌👍🏻入面爆汁🤤 肉質鮮嫩💕 一個小小挑剔，個底可以再脆身一點會更正！上海生煎包 $18/2隻 $35/4隻芝麻醬五彩冷麵 $45火腿絲、青瓜絲、雞絲，再加滿滿的芝麻醬這種涼拌冷麵應該沒有人能抗拒灌湯小籠包 $34/4隻這裏的小籠包也不比生煎包差皮夠薄，肉夠鮮，可以encore 10隻btw 枱面貼左張生煎四部曲要先用誠懇敬畏的心欣賞一下😂溫柔地咬開個包，再用力吹，以免燙傷～然後品嘗下濃滿的鮮湯😍最後可以開懷大吃

銅鑼灣上完堂就去搵食，一見到有小籠包就心心眼!! 小店格局，而當晩無虛席！但等數分鐘就有位子...位置方便，食物價錢合理!!生煎包底脆又熱而湯汁又多建議不要心急，要小心湯親紅油抄手味道濃稠而肉餡嫩滑，推介比喜歡食辣嘅朋友灌湯小龍包必點嘅點心，皮薄餡靚，肉汁澎湃做得好有水準, 大滿足上海粗炒炒得好香同埋麵有韌性而加上冬菇，肉絲同菜令味道更加豐富紅燒肉湯麵清湯麵配上紅燒肉平衡了肉嘅油膩感紅燒肉燉得非常入味而肥瘦均混

復活節長假趁著幾日紅日，當然要去行下兼食野啦！！銅鑼灣實在太多選擇啦，今次試下向登龍街嘅上海生煎皇，因為近住時代廣場，行完街食佢都好就腳好方便！首先，叫左兩隻生煎包。職員提醒進食時小心生煎包入面有熱湯汁，幾貼心~生煎包上層都算薄，下層較厚身但係香脆~枱上有「生煎四部曲」提示～～d公仔又幾得意麻辣無骨鳳爪，鳳爪食落好爽口，無骨食起來好方便，帶少少麻辣香，仲配少量青瓜絲，好味!擔擔麵分量都幾多，有肉醬，帶少少辣，建議上枱盡快食，唔係會凍左同d面會焾左架。

銅鑼灣登龍街出名多嘢食，呢日同朋友睇完戲就過嚟覓食，上海生煎皇算係消費指數唔高，非常抵食嘅選擇，所以我哋就揀咗呢間。上海生煎包（2個） $18貴為店內嘅招牌，當然要試吓啦！店員會好細心提醒你小心熱，事關包裏面嘅湯汁真係好燙口！外皮香脆，肉汁滿瀉，令人一試難忘！灌湯小籠包（4包）$34小籠包同樣皮薄餡靚，入面多汁到會標出黎，唔想浪費精華就要小心啲食啦，而點醋食味道更佳呢！四川擔擔麵 $45朋友點的擔擔麵，佢話好好食。外婆紅燒肉湯麵 $48麵質係上海麵，粗身得來非常彈牙，份量亦很充足，唔錯！川麻雞中翼（四隻） $30豆漿 $12

原來唔同分店既味道有不同上次食完旺角分店，覺得普通，之後媽咪推介話食過銅鑼灣呢間好食就再同媽咪呢食今次點左兩個生煎包，芝麻醬冷麵，紅油抄手仲有糖醋排骨呢間既生煎包果然好食d，個皮無咁厚，但食既時候要小心d佢d汁幾熱，店員都會細心地提提你芝麻醬五彩冷麵都唔錯，麵質幾爽配上芝麻醬同青瓜，食落幾清唔會太甜，幾開胃紅油抄手我覺得普通，醬汁味道唔太岩我口味最後糖醋排骨係估佢唔到咁好食，個汁甜甜酸酸，肉質軟淋好易咬，加上有少少軟骨，正另外叫左兩杯豆漿，賣單$159，價錢都唔算貴