正宗上海生煎皇 (已結業)

因為上網成日見到一直想試下個生煎包有幾好食，今日一家人去食，可惜大失所望。生煎包：唔係煎，覺得個底似炸，硬過石頭。麻醬冷麵：冇特別，麻醬太多。乾扁四季豆：一d都唔夠乾身，濕得滯，唔應該落蝦米，太咸。小籠包：個皮好厚，好耐冇喺一間所謂上海菜館食到咁冇heart嘅小籠包。菜飯：煮到d菜爛曬淋曬連普通茶餐廳水準都做唔到。豆漿：不過不失。衞生環境：有隻煩人蚊芝係咁飛，一路食一路要撥走佢。整體係一個差字，唔會再幫襯，希望老細可以監控下品質，如果唔係好快消失😆

✨✨正宗上海生煎皇Lunch食乜好？ 成日諗到頭都痛呢間成日報紙都見到，明星開今日一於試一試個實力😆上海厚切排骨湯麵🍜+灌湯小籠包Lunch set ($53)平時單點個麵都要$46set 叫抵好多，送豆漿🥛湯麵無乜調味，排骨不過不失小籠包無乜湯湯汁，肉餡多肥肉鍾意小籠包嘅我有啲失望☹️☹️生煎包2個 $18 一場黎到，點都試下。咬開好多肉汁，但肉餡同小籠包一樣，都太多肥肉。銅鑼灣番工 lunch 抵食之選但行街嘅. . . 建議食其他🙈 ..📍正宗上海生煎包地址:銅鑼灣登龍街41號地舖#happychillii銅

想食上海菜，朋友帶我來試這間店，大力推銷生煎包好快搵到位但位置其實不多，要早些到套餐豐富，上海生煎包，咬一口，湯汁爆出，超好味有雞絲雞皮～好香芝麻醬排骨飯和排骨麵都好好食配上一杯熱豆漿小食醉雞中翼，超香餃子大大粒，麵條彈牙好食好受明星歡迎

今日lunch同同事嚟到登龍街 經過見到生煎包 心郁郁就想試吓 因為係lunchtime的關係 都等左一段時間先入得😳😳我就叫左lunchset的四川擔擔麵 朋友就叫咗酥炸排骨菜飯 我地每人另外都過左招牌的生煎包試下😋😋😋等左一陣 野食就嚟到👍🏼👍🏼 四川擔擔麵有d麻辣 麻多過辣 湯底有d過油 但麵條軟硬適中 但就少左d花生醬味🤔 朋友就幾中意個炸骨菜 排骨炸得酥脆 又吾會油膩😛跟餐我地仲叫左杯熱豆漿 可惜吾夠豆味得個甜字😢😢😢推薦:⭐️⭐️⭐️

今晚ot 完好肚餓，去左正宗上海生煎皇，9點幾去到唔洗等位，但都好多人食。叫左個新豬肉素食套餐，餐牌內1，2，3項各選一款。我就點左胡麻醬三色冷麵，加埋新豬肉日式咖哩小籠包（2個）同凍豆漿 都係$68。胡麻醬三色冷麵有青瓜絲、粟米粒、菇絲，胡麻醬好味，不錯。新豬肉日式咖哩小籠包，內裡有薯仔，omnipork 植物肉，100%純植物製，小籠包好多汁，味道就一般，始終傳統小籠包最好味。凍豆漿，都幾好，正常。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

唔知係因為明星效應，定係真的是好味道，成日看見這店舖也是大排長龍。今天與舊同事飯聚，原來我們兩人也未嚐過此店，就一於去看看是否名副其實，今天非常好運，去到剛剛好有兩個位。午餐套餐必須是A和B各選一款，我同事要了韭菜豬肉水餃漡麵($40)，而 我要了外婆紅燒肉菜飯（$45)，B方面當然我倆也想一嚐生煎包（$16），我的菜飯味道跟普通白飯沒分別，菜的味道很淡，幸好紅燒肉味道很濃，同事則説整碗麵個湯底係冇任何味道的，麵質好普通，和我一樣只有韭菜水餃是好味的，我們同樣是要了熱豆漿，豆漿味也是偏淡。最好輪到主角出場，就是四個生煎包。枱上面有教人應該怎樣吃生煎包的四步曲，這個我就覺得非常貼心。原則上生煎包真的很juicy，但底部的皮較為厚，可能對生煎包期望過高，所以覺得不似預期那麼好吃！

近排見到，很多傳媒，都推介生煎包。本來想食下沙律，去對面間鋪試吓。不過路經呢一間舖，就跑入去試一試吧。中午時間，成條街都係人，難免間間餐廳都有人在門外等候。入去坐低一試。事實上，60幾蚊，一籠生煎包/小籠包，加1個麵食，仲送一杯野飲。現今社會，套餐價算係咁！相信賣點在於，小籠包和生煎包，都係即叫即蒸，所以事實上，嘢食真係新鮮。起碼你expect嘅，佢都整得上。生煎包固然多肉汁，底亦是煎出嚟的香口。小籠包真係同鼎泰豐嘅好似冇乜分別。皮薄，喊靚，肉汁多。其實真係冇得挑剔。叫咗碗四川擔擔麵，固然之擔擔麵，加咗劈花生醬，花生味濃郁。亦都食得出入邊有花椒，所以有些微辣嘅感覺。叫咗個豬扒麵，豬扒亦煮得非常好食，算係有豬肉味，有質感，香口，軟滑，好味。始終去邊度食麵都一樣，硬係覺得個麵比較硬。都係果句，$60零蚊一個套餐，質素算係唔差。亦可以見到周圍，好多人喜愛叫豬扒菜飯。

來到銅鑼灣其實真係好多嘢食，但想食生煎包，就來到呢度！望一望menu，價錢都合理喎，又唔使等，就入左去！填紙形式下單，叫左幾樣嘢食，加兩杯豆漿！豆漿豆味唔濃，勝在有得揀熱飲，熱養生啲！上海生煎包 ($18)呢個好食喎，外皮脆，裡面多湯，果然係招牌must叫item！雞絲粉皮($35)粉皮係滑嘅，但雞唔係手撕，麻醬味唔夠，感覺唔太正宗！又無加青瓜絲，口感欠奉！四川擔擔麵 ($48)呢個係麻辣版嘅麵，湯底有麻辣味，但一啲花生醬味都無，個湯勁稀，肉碎又少，麻麻地喔！外婆紅燒肉湯麵 ($55)呢個正常啲，肉入味個汁夠濃，不過肥膩左少少，中意嘅朋友應該覺得不錯！價錢合理，但同我地食開嘅味道有好大距離！

明星生煎包，終於都有機會試下銅鑼灣分店鋪面唔算大，星期日食晚餐都要等位的職員提醒我地要小心裡面的熱湯，小心地吃的我都是燙親了，不過有熱到煲嘴的湯汁才算是生煎包我覺得生煎包的形狀其實唔多靚仔。。仲幾難夾，又唔想用快子督住食，驚漏汁味道其實冇咩問題，但唔係話特別好食，同其他地方食既差唔多，對生煎包期望過高左因為難夾既關係（自問快子功算唔差了），我都係用快子督住食，結果都是漏汁了炸醬麵普通到不行了，麵已經林左，份量都唔多，呢個可以講句：不了不了

新年假來到港島開心逛逛拍拍照，行到下午餓意忽至，專程兜到銅鑼灣覓食，偌大登龍街僅剩這間生煎包開市，看網上評價不錯，二話不說立即入座！四川擔擔麵芝麻醬味與麻辣醬味並重，擔擔麵湯底才稱得上鮮香惹味！可惜這碗卻流於普通，湯料帶辣卻少了麻香，賣相亦較單調。惟麵質適中，入口不算過咸，吃完不會膩滯。上海生煎包想當年食過上海的小楊生煎，底脆皮薄、肉質四濺，一試多年難忘！相較之下，這份生煎包明顯失色，雖然肉餡多汁滾燙，但肉湯未覺鮮香；包面夠薄鬆軟，但包底卻稍硬，沒有香脆口感。好壞參半，未見特色。後來網上看看，發現老闆好像是某明星老公，開業至今收獲不少好評。未知當日是廚房表現偶有失準，還是新春假期沒有大廚坐鎮，味道令人失望。縱然有明星效應加持，亦需要持之以恆去堅持好味道，期待未來有所改進

係 Time Square 行完街，就去附近揾嘢食，今次試上海生煎皇。門口等位時，已派order纸先選擇心水菜式，地方雖細，但整潔有序，侍應有禮，由於預先✔所以好快便落好單。点了店的推介生煎包、咖哩素猪肉小籠包和蟹粉小籠包。煎得脆卜卜的皮底加軟棉棉的皮身，一口咬落去，湯汁爆出，加上鲜甜肉味，不錯👍輪到咖哩小籠包，未咬先聞到咖哩味，咬下去，有清淡咖哩汁，素肉味卻被汁遮概了，但也不錯。最後是蟹粉，相比之下，它就差了一点点啦，比期望也差了一点，因為它只有小籠包頂有一点点蟹粉，其他同一般小籠包分別不大。忘記了，還有一碗阿婆燒肉麵，麵的份量不算多，以女仕來說，剛好，相反它的餸就有4件大大的五花腩，充滿色澤令你很想食咗佢，咬落去，雖然不算入口溶化，但也夠霖，入味，值得再食👍地方雖細，但整潔，代客有禮，晚飯每人平均$65，我會再來試其他菜式。

依間生煎包，暫時係我香港食過最好食既生煎包，外脆內多汁，真係要小心d食，如果唔係辣親個嘴，所以佢係有教學教你點樣食，首先係咬個窿再慢慢啜d湯汁，咁先係最正宗，都係圍番唔駛10蚊隻，算係咁

好適合自己一條友食既餐廳，叫左兩粒生煎包($18) 同一個糖醋排骨($38). 店員會好細心提你小心熱燙咀。都幾juicy,但個皮可以再脆d.糖醋排骨...好有保留。個醬/汁多到呢....可以飲咁濟.個肉麻麻地。下次食其他算！

曾經屋企人買給我的外賣生煎包，好味得要命～ 熱辣辣，皮脆又多汁～ 今次在銅鑼灣分店打算回味一番～ 午巿時段價錢貼地。 平均50-60 元已有麵飯加小食一份。Ordered 午餐 set 上海厚切炸排骨麵加生煎包2 隻。炸排骨是甜的😅，而且是早早炸好後反熱上枱，乾，很乾，乾得像肉乾般。上海麵普通，很普通。 重點生煎包， 要讚的是，的確很熱辣辣。 不小心吃會燙口。 很多肉汁。 但肉汁和肉味道完全不是那回事， 和以前的味道差很遠。 餡料亦沒有其他配料。 包皮厚度很好， 但皮不脆反而是很硬。 失望😞

呢間位於登龍街嘅上海生煎皇係由小明星江若琳嘅老公Oscar所開之前喺上海食過生煎小籠包一直念念不忘今次就特登嚟試下點知情況真係有少少令人失望首先店鋪真係比較迫夾而且地下有點滑戲肉生煎小籠包易令人有點失望等咗十分鐘至有得食還以為新鮮滾熱辣點知食落包皮帶點硬而且金黃色嘅底部亦唔夠香脆一啲都唔似即叫即煎裏面嘅豬肉餡料亦是一般肉汁唔多相對之下另一生煎包品牌祥x 嘅質素就比較高啦希望佢可以越做越好啦始終用明星來做生招牌客人的期望會相對較高