正好燒鵝茶餐廳

营业中

休息中

點餐qr code 裡面餐牌唔齊，無得跟餐野飲，問職員態度勁差，話無餐，我話寫明有，佢先話有，亂咁答，垃圾之中既垃圾，叫佢執枱完全唔想理，希望大家都唔好幫襯，第一次食野咁嬲

之前覺得口水雞好好食，但搬咗入嚟食第二三四五次，就覺得水準真係普通咗好多😅 同埋服務態度真係真係好差😦 下午茶時間嚟拎位，好晦氣😅 但無可奈何呢度得一間茶餐廳，價錢唔係特別平，味道我真心講句我覺得okay嘅，但係不斷聽到：『未執枱就要等等，唔夠人』等等嘅字句，真係聽到有啲躁😂味道就正常嘅，下午茶嘅燒鵝飯，賣相好靚，但無乜肉食🥹 不過上次嗌半隻，又真係幾好食嘅😂 整體來講，用呢嗰area嘅茶餐廳嚟講佢絕對okay嘅，但係服務態度真係麻麻地😂

話說同男朋友去呢間餐廳諗住食個快飯先去翻工，我叫咗個叉燒切雞飯，佢叫咖喱牛腩飯，個叉燒切雞飯真係好難好難食…啲雞得骨仲要啲肉勁韌勁咸，叉燒有7成都係肥膏🥲仲要都已經食哂飲埋杯凍檸茶，我男朋友個咖喱牛腩飯都未嚟…等咗成半個鐘都未到…最後都係冇到 已經等唔到 嬲到走咗🥲平時都唔會特登咁得閒寫評論，呢間野係我唯一一間會嬲到寫評論嘅餐廳。唯一係有個男侍應態度好好，會幫我地積極處理問題。認真唔會再幫襯第二次。

講多無謂，這間餐廳存在只是為了騙遊客，完全冇想過留客。希望這種餐廳早點結業，讓真心想做飲食的人做生意。1.牛油果沙拉得10粒指甲蓋大小的牛油果，叫餐廳加多d，加完都係少得可憐令人失望。侍應直接叫我地取消話係公司政策，叫我們不要再「爭拗」。2.椒鹽豬排飯全部都係粉，菜心都冇一條3. 冬瓜粒湯飯，我喺屋企煮嘅頹餐冇乜分別。

呢度啲燒味唔好食不特只，服務態度又差，試過幾次要咗碟灼菜都要追幾次先至有得食，又試過啲燒肉肥到食唔落要換第二樣！本身碟燒味飯連條青菜都冇，得啲酸菜，真心係好唔掂👎🏻👎🏻👎🏻食下午茶等隻炸雞脾都試過等咗40分鐘，晚飯叫小菜又唔多選擇，叫外賣又甩甩漏漏，簡直不知所謂😤😤，所以越嚟越少人幫襯，因為大家既容忍力始終會耗盡，希望佢如果冇心做好間舖，不如早啲結業，俾D機會其他行家，等大家多個好啲既選擇！

今次過開嚟黃金海岸行下，本身想望住海食嘢😂 但原來星期六日都真係幾貴，人均消費無$300都未必走到😂 所以嚟咗呢間茶餐廳食嗰便飯算😂嗌咗燒鵝半隻 $278 - 好好食，皮脆多肉🤗 口水雞 $80 - 呢個係今日最最最好食嘅，佢除咗口水雞做得出色之餘，佢仲有蓮藕伴碟，我本身係完全唔食蓮藕，但佢加埋口水雞嗰啲汁好爽脆😋 我成功清哂成碟🤭水蜜桃咕嚕肉 $88 - 呢個都好食🤤秘製咖喱牛腩飯 $78 - 呢個佢唔係難食，純粹係佢性價比比較低，但佢入面嘅薯類係薯條🍟就真係有啲失望同無誠意😗四個人食咗$524，人均消費$131，雖然只係茶餐廳，但我俾佢嘅性價比好高，坐得都舒服🤭 嚟黃金海岸又多嗰選擇

冇王管我們一行五人叫左4個小菜餐，其中一款是雞，自己攞左一碟薑蓉，佢話薑蓉唔可以自己攞，又話我碟薑蓉「誇張」，要收錢，我叫佢收走，然後再叫待應比碟薑蓉我。之後佢見到我枱上有薑蓉，又眼啤啤，又話薑蓉只係比切雞，我話睇完成個餐牌都搵唔到薑蓉要收錢，同埋點解你話誇張就要收錢，不是劃一收錢，薑蓉係你地比嘅，跟住佢就話好多野都冇寫餐牌，我要求佢寫投訴電話、佢個名及職位比我，佢比左張卡片我，，係餐廳經理負責這餐廳，我再叫佢寫低係卡片上，佢死都唔肯。之後我看看卡片，上面只有餐廳電話，真搞笑，即係打去餐廳搵投訴。我再叫佢，同佢理論，佢話我騷擾佢D客，又話自己唔係態度差，食物已到，我叫佢離開，唔好阻住我食嘢，佢就話叫我唔好再叫佢，我話我係客，你返緊工，有事點解唔可以叫你，佢竟然叫我以後唔好再嚟。一個打工經理，服務從業員，竟然可以叫客人唔好再叫佢做嘢問嘢，叫客人唔好再嚟幫襯，呢度佢話事。有差的經理，就有差的員工我點了水煮魚，來錯了酸菜魚，我問另一名老女員工這是否水煮魚，她隨口說是便轉身走，我再問她水煮魚跟酸菜魚有什麼分別，她說一個辣些，敷衍了事。因我名知是錯，再問另一名男員工，他答這是酸菜魚，而且立即致歉

晚市2人套餐有蒸黃花魚，其他燒味雙拼、灼生菜、白飯、飲都已經食完飲曬，但侍應話蒸魚要等45分鐘。。。。。。當然唔明點解要咁耐，就算有千萬個理由，老闆係咪要諗吓點處理呢？其他蒸排骨、肉餅情況一樣，枱枱都催食物，如果無法應付，建議乾脆取消（蒸）菜式，免得令食客留下負評，功德無量🙏

今日同friend 出海玩獨木舟，划到黃金海岸上岸食個晏，見佢幾多人食，點知係「可一不可再」。 -常餐(火腿牛乳炒滑蛋、牛油厚多士、叉燒湯河) $56叉燒河嘅湯底清淡，叉燒偏瘦，唔韌但唔夠香。炒滑蛋出色，多士夠脆。-乳豬四寶飯(乳豬、叉燒、切雞、鹹蛋)$95乳豬真心燒得唔錯，切雞肉嫩，但認真唔值呢個價。-招牌酸菜魚配絲苗白飯 $68可以叫做「拆招牌酸菜魚」，酸菜勁多但個湯底竟然可以冇酸味，辣味同花椒應有嘅麻感都冇，惟一可以讚嘅係魚片嫩滑，魚味十足。-凍鴛鴦+$3、熱奶茶另外一提嘅係，上菜嘅侍應哥哥仔應該職場新人(？) 其他人嘅飯都到左仲食緊，得我一個未有嘢食，佢上菜嘅時候竟然係放喺一個冇人坐嘅位，仲叫我自己拎，明明我隔離有大大條路可以將個餐送到我面前。

早上非凡忙時段。入咗半小時，不斷叫人唔好入單，因為入邊出唔切單，但係坐滿晒人，得壹個收銀，一個負責出菜。個老闆係咪應該思考下發生乜事，賺咁多錢，座無虛席，員工做到死死下，咁樣淨係令員工陣間冇禮貌。嘢食更加冇水準。

叫半隻燒鵝，上碟得1/4 隻份量，太離譜！投訴也沒有反應！半隻燒鵝嘅份量係咁樣我都係第一次見，鵝胸得細細三舊，沒有腩骨位，成碟最大就係嗰半個鵝頭，睇相已經知道有幾多！太離譜啦！

本身我同老公間唔時，都會嚟呢間茶餐廳食晚飯，一直都相安無事，但今日我叫咗個「燒鵝」四寶飯，用得燒鵝做排頭，收人$92嘅四寶飯，居然得四粒，係呀！我冇形容錯啊！係四粒燒鵝！都明白四寶飯有機會係啲雞翼位啊、瘦叉，總知冇乜人食嗰啲就會搭落嚟，但係你打響旗號用燒鵝做排頭，啲燒鵝係咪可以做得好睇少少阿？你間餐廳名都用燒鵝做排頭，呢4粒燒鵝真係影衰哂！另外我一坐低嘅時候，嗌完個四寶飯堂食，我再叫咗個炒河粉外賣，係同一時間落單，居然我食晒成個飯，都未出到，仲要問極啲員工究竟出到未，無一個人可以答到我，一個外賣要等成40分鐘都出唔到，真係好誇張！

餐廳嘅嘅出品其實味道都算錯，都幾好食…只係外賣嘅話就千祈唔好要熱飲！！！因為幾乎每一次外賣嘅熱飲都一定會漏到成個袋都係，變咗得返3/4杯嘅飲品……因為外賣紙杯同個杯蓋嘅設計問題，杯蓋喺無辦法完全蓋實個紙杯，所以喺拎外賣嘅時候，就算已經拎到四平八穩，又或者就算個杯蓋有一個飲用口都好，每一次飲嘢嘅時候，杯嘅飲品都會喺個杯蓋邊度流/滴返出嚟，所以個杯蓋係 CUP 唔實成個杯，漏到成身/成枱都係……結論係餐廳出品嘅味道完全問題，係外賣盒嘅設計需要改善！

叫咗個燒味雙拼飯，侍應嚟到嘅時候係掉落枱，嗰隻已經係膠碟嚟嘅，但係唔知點解落台可以勁大聲。叉燒嗌咗半肥瘦，但黎到瘦到乜咁。同啲職員講，就話代表廚房同我講聲唔好意思就算。都冇話想去幫我換返我本身想要嘅嘢，咁我諗住算啦都出咗嚟啦就照食啦。🙄🙄🙄🙄🙄🙄🙄🙄🙄🙄🙄🙄見到佢哋lunch time都好似好忙咁，所以杯凍檸茶可能要遲啲，點知一遲就遲半個鐘，唔催佢都唔知仲要等多幾耐。👎🏻👎🏻👎🏻👎🏻

不知所喟！揾位已經冇人理，最後坐下不斷叫落單，她們視而不見，最後等了十五分鐘也見周圍有很多人不滿！職員也沖滿怨氣，最後走了，香港仍有這種店舖絕對影響香港旅遊業😒