影片
寻日同屋企人出嚟食饭，作为普通午餐都冇乜要求，但求食饱，等候时间不算长，但入到去之后出品好慢，嘢饮算快，但食物好慢，最O嘴系炒粉面饭都可以炒九个字。而且服务员态度懒散，根本唔想So你。好啦，最紧要的重头戏九个字后经过黑面催促，终于到碟星洲炒米，好嘢食完之后去攞车已经觉得唔舒服，个胃顶住顶住，最后返到屋企肚疴。真心一绝，回想起饮到一杯的咖啡有一圈滑潺潺咖啡渍终于知道香港食肆点解挨唔住咁多执笠。真心此生不会再去，两日假日屙到虚脱。
继续阅读
连续三日假，留港消费。女友话要去黄金海岸个绣球花节。睇完花整个下午茶，周围都系人，最后拣咗呢间正好茶餐厅。知道呢度烧腊出名。两个人叫咗两个鸡饭：一个切鸡一个油鸡，果然有水准。
继续阅读
冇几耐之前第一次食烧鹅髀及烧味饭，烧鹅好肥皮不脆，今晚谂住俾多次机会佢，同朋友食2人套餐，包括葱油蒸咸鲜海黄花鱼、烧味双拼拣了白切鸡及叉烧，还有灼时蔬，老火靓汤及白饭。叉烧ok ，肥瘦度适中，味道唔错，切鸡唔得，冇鸡味，唔够滑；蒸黄花鱼偏咸蒸老左少少，还可以接受；整体性价比低，唔系咁值，老火汤普普通通冇特别。服务算正常，不过食物就有好大进步空间，改善下会好啲，不过就唔收加一服务费，也有多种电子付款方式！
继续阅读
80几蚊一个边炉，话平唔平，话贵唔贵，但都真系唔好太过份，初初食头几样，都冇咩，去到蟹柳，酸嘅。。再食贡丸，又系酸。。午餐肉，望见颜色都心知不妙，一试都系酸，最大镬系图入面只虾，我同老婆一人一炉，佢个两只冇事我就出事。。。跟住个底啲米线我地都唔想再食落去。其实初初食蟹柳，我地己经出咗声，当然佢地话成盆换过，但试问你仲点可以再去试呢。唯一系，佢地态度还好，我都唔系话想呃饮呃食咁，所以最后我地都有比钱。但请 贵餐厅真系注意下食材，只虾一眼望落去都知出事，你仲点会继续比啲客？我只系盼望今晚唔会有咩肚痛出现🙏🙏🙏
继续阅读
第一次食呢间餐厅，好后悔冇睇咗食评先帮衬，原来间野负评多过好评，试过一次就知点解。收银员的态度非常傲慢。出餐速度又慢，最过份系外卖做好咗都唔叫号码，搞到我等咗劲耐，嘥晒我啲时间。眼见成间餐厅安排十分混乱，明明有空位，又唔叫飞比客人入去，后入嚟既客人见有空位就坐，变相打尖搞到拎咗飞既客人呆等。价钱唔平但份量少，卖相又唔吸引，味道更加令人失望。好彩烧鹅正常发挥，不过都无下次。香港越嚟越难揾好食既餐厅。
继续阅读