正品蕃茄湯麵店 (已結業)

蕃茄湯喺香港愈來愈多，但每間都各有唔同主打的菜色。呢間正品蕃茄湯特別在蕃茄湯底膽會配上5個不同的演釋方法，令本身平凡的蕃茄湯更多變化。今日試左個隊長肉餅要麻辣蕃茄湯公仔面，同墨魚腐皮卷黑椒蕃茄湯通粉。首先喝一口湯，接著就會再喝另一口湯，停唔到😂 呢間店稱湯底用豬骨餚成再加新鮮蕃茄湯煲，唔錯係幾鮮味，麻辣醬呢款就重味啲，多啲乾葱，味道複雜而刺激。肉餅比想像中大塊，而且仲有2塊咁多，肉餅厚而食到一粒粒冬菇碎，但肉就明顯係機攪的，肉質實但無乜口感。另外黑椒蕃茄湯，蕃茄味突出好多，而且有洋蔥帶出了甜味，黑椒就惹味，只係飲湯的話，黑椒呢款相對會好飲啲。而墨魚腐皮卷有4條，外皮煎香脆，墨魚膠口感好煙韌，亦有一粒粒墨魚肉。唯一不足是店內服務員的培訓，點菜後不會覆單，而且自己玩手機的喇叭調到極大聲，全店都聽到。

態度差是賣點首先澄清佢係荃灣有兩間店，係街市街果間態度是ok的。態度差果間係大壩街。外國有啲食店出名態度差，反而大排長龍，人客就是想感受被鬧的感覺同樣，如你有被虐狂，呢間蕃咖麵店你一定要試試其實食品是ok的，招牌蕃茄湯底有四款：傳統，黑菽，西芹，午餐肉粒等等，配以蕃茄麵相當醒胃，食物有肉餅，墨魚餅，魚肉春卷等，質素是不錯。值得推介。主角來了，一個是約45歲矮矮哋嘅大媽，做左成5年，黑口黑面行埋黎，餐牌一嘢飛落你面前，落單完全無耐性，你諗多幾秒，佢都比面色你睇，期後比餐具你同樣一嘢飛落你面前。平時你舉手叫佢就扮失明人士睇你唔到，叫三四次先同情你招呼下你。別一個係約25歲嘅女仔，黑口黑面係基本嘢，做左有4年，唔秋唔彩，好委屈咁。其他落單姐姐其實都好態度，係呢兩位性格演員係度趕客，如果大家想試下咩係劣質態度，呢間舖係你不二之選😃😃

簡直過分，點了一個墨魚餅番茄麵，墨魚餅竟然是生的🤮吃了一口，簡直呑也呑不下去🤮吃到吐了雞扒勁重雪味，係個豬肉餅叫做稍微入得口🤮以前喺另一間分店食過，明明質素都唔錯，依家依間完全係兩回事，劣食到極點！三杯飲品，全部有水喉水味，擺明係冇煲滾過，簡直地獄垃圾🤮🤮周圍環境污糟，員工都唔執拾！態度又差，感覺上好似完全唔想做咁。入去之前見佢冇咩客人，都心諗可能有伏，嘩食完，我終於明白點解佢無客🤮🤮

服務員完全沒有回應： - 入座後揚手很久才有人下單- 疫情嚴重下，沒有紙巾提供 , 也沒有紙巾出售🤦🏻‍♀️🤦🏻‍♀️🤦🏻‍♀️ 難度要客人把口罩直接放在桌上完全沒有衛生常識

正品蕃茄專門店平民價美食 主張手工墨魚餅雖其貌不揚🥰但又平又好味🦑墨魚餅蕃茄肉碎蛋濃湯墨魚餅又香又彈牙外表煎到少少脆邊 內𥚃浸透出淡淡鮮味如果另上就可以保持外脆內軟蕃茄肉碎蛋湯需要另加$6但絕對值得！層次會更豐富🦑墨魚餅拼隊長肉餅飯相比起蕃茄湯麵 呢個肉餅飯更讚👍🏻皆因肉餅好出色香口得黎好juice 仲夾雜住香草味好有特色🦑辣味蒜香雞翼又脆又香 既叫既炸絕對係魔鬼之作😈.縱觀食物認真唔錯只係服務都待改善 或者可以外賣嘅

冬蔭公湯底無冬蔭公味，豆卜雞肉營養不良咁，之前食過一次有晒配料湯底，而家同普通蕃茄湯無分別。只話係轉左餐牌，咁樣名不符實，求其一個hea回覆，不如直頭唔好出，大家自行決定試唔試啦。叫返個蕃茄湯應該會最穩陣

位於荃灣海霸街一帶，食肆林立，也不乏特色食物。今晚八點多完成工作，來逛一下填肚子。天氣漸涼，想食麵。此店門未關，也見有特色，試吓無妨。見其肉餅自稱隊長想必拿手，挑起想食肉的癮。店名是蕃茄，湯底全是蕃茄再作調味，點了風味辣，小辣開開胃。再配蕃茄麵，營養滿分的宵夜。後來又追加小食，蜜糖烤雞扒一塊。肚子餓起上來，就是如此。先上麵。肉餅兩塊，面積不大但厚實。面頭放辣醬，花椒辣椒味，配蕃茄本來就很搭配。肉餅厚實彈牙，調味添加了百里香去肉燥味，算有心思。而且以香草搭配蕃茄湯底，是很有概念的。麵說是自家製，是掛麵一類，呈現紅色，沒有特別味道，無法考證是色素蕃茄粉還是什麼，稍嫌太糊口，沒有勁道。湯底算有心機，蕃茄薯仔，也下了罐頭茄肉取色取味，湯底濃稠，有俾時間，可以。雞扒敗筆。輕輕煎過，輕輕炸過，淋少許蜜糖，調味單調，可以不點。碟底的蜜糖水。整體而言，肉餅可以一試，湯麵也可，但以蕃茄作底味，估計其他味道也是面個一層，點一款最簡單的一定不會失望。

今朝兩個人去食早餐，不過我一個人先去到餐廳先所以叫定兩份早餐。當我講到第二份早餐時，佢面口變得勁衰去拎紙再落過單。因為我一路講第一個早餐時佢都冇mark低，所以好似勁唔滿意咁！我明明落單要煎熟蛋，但又俾左太陽蛋我。要牛油多士又俾左烤多！ 茶走冇煉奶，都唔知佢地點落單。另一份要雙太陽蛋（本身個餐跟火腿煎蛋），竟然嚟得一隻太陽蛋囉！員工態度一個比一個差，唔會再食囉！味道係唔差嘅，價錢都可以。可惜員工黑口黑面，對住都冇心機食🤬🤬🤬

同朋友做運動之前想食小小野朋友推介尼間細細麵店，繁忙時間要同人搭枱記得好耐之前黎過食物比以前多左好多款但仍然主打係🍅蕃茄湯麵🍅既然主打蕃茄，當然要試可以揀既定既麵餐or自選配料有4種湯底揀，另加錢可升級濃湯底墨魚餅湯麵-香芹湯•蕃茄湯底比想像稀左d如果有多d蕃茄肉會更鮮甜更濃郁但麵條口感都ok彈牙墨魚餅咬落去都幾煙韌，味道很好👍🏻腐皮墨魚卷-酸菜湯•好中意個腐皮春卷腐皮浸泡係湯入面，滲入左蕃茄酸味味既味道好開胃，肉質都彈牙食得出有墨魚既味道，而且份量也多本以為酸菜湯會加入酸菜作配料但沒有，有點失望，似湯加入左醋般的而且有啲過酸，搶左蕃茄既鮮味整體而言蕃茄既湯底唔夠濃郁&鮮甜但這樣的價錢相當大眾化都係多一個搵食既選擇吧😛

一值好欣賞呢間蕃茄麵店，自家製麵，新鮮係重點。大大份隊長肉餅💓係必食之選。平時堂食比較多，今次試買外賣回家食，原來質素都keep到！ 真係有驚喜。是次光顧隊長肉餅面酸辣蕃茄，腐皮墨魚卷面楜椒蕃茄湯，茄湯魚腐浸時菜。因為外賣湯面的關係，餸面同湯分開放，令肉餅同個墨魚卷的香脆都力保不失。叻！魚腐湯應該都係自家製作，大大粒，爽口彈牙。咬開真係發現有豆腐😌

放假出外，想吃的店找到但原來結業，亂逛之下找到這家蕃茄店在附近，試一試腐皮墨魚卷麵，選了濃厚蕃茄蛋湯底，的確非常濃郁，蕃茄蛋絲都很多，還有些肉碎，d蕃茄湯蓋著麵，一拉麵絲出來，就一陣陣熱騰騰既蒸氣飄出，伴隨蕃茄的酸甜氣味，實在開胃，吃到停不下來，份量蠻足料，但一會就被我吃光光。墨魚卷 外脆內軟 材料實在 浸在湯裡還有滋滋聲~讓人食指大開蕃茄蛋肉碎 ，一點都沒有省，真正的湯底。店鋪也裝修乾淨 環境也讓人吃得很舒服值得一試！

星期二（29/10）與媽媽到荃灣百老匯看電影。 發現戲院對面一間粉麵店有素食選擇。 是正品蕃茄湯麵店。 便和媽媽吃個快餐。店子的面積大。 燈光充足。我們點了自選番茄湯麵套餐。 一款配料和兩款配料都是$46。湯頭有四款口味︰香芹番茄湯、風味辣番茄湯、黑胡椒番茄湯和酸菜番茄湯。 都是沒有肉的。我們選了酸菜番茄湯。 有番茄和自家製酸菜。表面的細末是酸菜。 味道不是太酸。 湯頭的味道有酸味，但都是輕微的酸味。我選了素雞和木耳。 另有腐皮、豆卜和金菇選擇。我取了媽媽的腐皮來吃。 她的湯麵內有很多腐皮。 薄薄的腐皮口感軟。麵條是番茄麵。 略粗的麵條有口感。 質感軟，容易咀嚼。麵條可改成米線、米粉、通粉或公仔麵。 但番茄麵比較特別。 所以不用改了。原來另有一款素食湯麵 — 田園樂園湯麵，$48。 有時菜、雜菌和素雞。另看到牆上的海報。 有紅豆豆漿冰（$20）。 茶餐廳的都有奶。 這裡的可以一試。

荃灣有兩間正品蕃茄麵，一間千色店附近，一間喺荃灣廣場對面，建議大家去荃灣廣場果間，地方大啲、檯同檯之間冇咁迫，最重要人唔多，次次去幾乎都係兩人坐四人檯，感覺食得舒服啲😉（不過夏天會多啲烏蠅，拍極都唔走😅）店內有飯、麵同常餐揀。麵方面有套餐，亦都可以好似車仔麵咁揀餸。蕃茄湯底有4款，西芹蕃茄、黑胡椒蕃茄、風味辣（有少辣到大辣）同蕃茄肉碎。麵方面，佢地推介手打蕃茄麵，但都可以轉常見嘅米粉、米線果啲。每次我都會揀炸墨魚卷蕃茄風味辣(中辣)米線。個湯因為落左好多蕃茄煲嘅關係，蕃茄味非常濃，但唔係濃到杰撻撻果種。你會食到好多蕃茄蓉同原隻切塊蕃茄，間唔時仲會食到洋蔥同薯仔添。雖然冇揀佢招牌嘅蕃茄麵，但個米線我覺得比平日麵店嘅好食彈牙。墨魚卷即炸好脆身同熱辣辣，而且一碗有4條，同人share黎食都得。油菜方面，同一般麵店油菜差唔多，千色店果個就冇腐乳通菜揀。之前都試過嗌小食，見佢地墨魚卷炸得幾好，就叫左個炸魷魚鬚，點知炸得好老。炸小雲吞就幾好味

唔好賴經濟差所以飲食業出事，自己未做好無得怨人！星期六諗住快食個早餐，準備忙碌嘅一日，就腳去咗附近呢間蕃茄麵，第一次幫襯，門口睇落都ok乾淨，10:51am落單，過咗10分鐘連杯水同野飲都提供唔到，出菜慢都諗住由佢，點知嚟到碗火腿湯通粉，食咗兩啖就發現，佢哋嘅食物質素同衛生環境原來有好大嘅進步空間，然後黯然地放低枝匙羹同叉，未食飽就離開間餐廳；至於係咩問題，勇者們不妨可以自己親身去體驗一下，但我就唔會再去喇，Sayonara👋🏻👋🏻

這店位於仁濟醫院附近，一大廈地舖，位置並不當眼，但朋友提過，這店的蕃茄湯好味，所以今早試下這裡的蕃茄湯通粉。蕃茄湯都幾清，唔杰，飲落、有甜甜蕃茄味，有啲似媽媽煮的蕃茄湯整個早餐，最有驚喜的係，這片烤牛油多士，好香牛油味，入口，包面烤得好脆，其他部分都好軟，好濕潤（唔似多士，冇晒水份）