影片
更多
2010-11-06
30 浏览
這間正品的鋪位，我其實一直覺得係死位，無人流，近醫院，以前北京拉麵店做得長，但始終敵不過時代洪流，轉手成為依家的正品。是日同老婆聽過講座，諗食乜之際醒起呢間新店，所以來一試。黎到正好九點半，店子竟然空無一人，靜得可憐，其實已經諗緊食唔食好，最後都決定入去試下。招牌是蕃茄，內裡裝修都係以紅色為主，但餐牌其實無特別，配料尋常不過。最後我地叫左一碗蕃茄米線套餐，一碗燒雞扒蕃茄湯米線，留意到晚市加$6可多一碟油菜，就另外加左。點好之後，等呀等，煮兩碗米線差不多用了20分鐘，要知道成間鋪空無一人，咁既速度，如果滿座會點？當然亦都睇得出全店人員都是新手，也是家庭式經營，看來以前並不是做開食肆，這一點絕對要改進。蕃茄米線套餐，配料有雞肉、豬肉、午餐肉、火腿、蟹柳、豆卜、腐竹、素雞、金菇、百葉條、麻辣雞翼尖、芽菜、蕃茄、蛋鬆，聽落好多，但其實大部份都係兩件。重點有雞肉幾嫩彈牙；蛋鬆即係平時炒蛋炒耐左，黐住鑊邊既蛋花，的確有創意；麻辣雞翼尖真的幾麻辣，只三隻已令蕃茄湯底多左辣味，湯底本身蕃茄味應該無味精，但其實不算很濃，早排吃過的生龍可能更好。普通一碗蕃茄湯米線連一餸賣$23，加餸$4，但如果要燒雞扒要
是日同老婆聽過講座，諗食乜之際醒起呢間新店，所以來一試。黎到正好九點半，店子竟然空無一人，靜得可憐，其實已經諗緊食唔食好，最後都決定入去試下。
招牌是蕃茄，內裡裝修都係以紅色為主，但餐牌其實無特別，配料尋常不過。最後我地叫左一碗蕃茄米線套餐，一碗燒雞扒蕃茄湯米線，留意到晚市加$6可多一碟油菜，就另外加左。
點好之後，等呀等，煮兩碗米線差不多用了20分鐘，要知道成間鋪空無一人，咁既速度，如果滿座會點？當然亦都睇得出全店人員都是新手，也是家庭式經營，看來以前並不是做開食肆，這一點絕對要改進。
蕃茄米線套餐，配料有雞肉、豬肉、午餐肉、火腿、蟹柳、豆卜、腐竹、素雞、金菇、百葉條、麻辣雞翼尖、芽菜、蕃茄、蛋鬆，聽落好多，但其實大部份都係兩件。重點有雞肉幾嫩彈牙；蛋鬆即係平時炒蛋炒耐左，黐住鑊邊既蛋花，的確有創意；麻辣雞翼尖真的幾麻辣，只三隻已令蕃茄湯底多左辣味，湯底本身蕃茄味應該無味精，但其實不算很濃，早排吃過的生龍可能更好。
普通一碗蕃茄湯米線連一餸賣$23，加餸$4，但如果要燒雞扒要另加$2。因為唔想同套餐撞餸，所以我地點左燒雞扒。唔知係咪錯覺，第一，單併既湯多過套餐果碗；第二蕃薯湯味道比較濃，推論是因為套餐的餸會出水，變相會溝稀左ｄ湯。
燒雞扒細得可憐，老婆講左一句中晒point：「佢係邊度買到咁細塊既雞扒？」如果咁都要加兩蚊，未免太低估了精明的香港消費者了。雞扒尚算彈牙香口，如果唔駛加錢或大塊ｄ是可以接受的。
加$6多碟油菜，我地叫左菜心，數埋都應該有六條，計番都要成蚊一條，正價更係$12一碟，連蠔油都好似配給咁只供蜻蜓點水，雖然味道尚算可以，但除了「搵笨」，我真係搵唔到第二個更適合的形容詞。
坐左咁耐，水都無杯，等碗米線也在乾等幾個字。開業之初，總要調整，但如此價錢如此質素，真的不成比例，我想我應該不會再幫襯了。
张贴
