正和軒 - 同仁四季

营业中

休息中

👍🏻麻辣燒賣皇 $23.8聽講係招牌點心，果然好有驚喜豬肉唔會太肥，蝦肉彈牙，四粒大大粒😛👍🏻最緊要真係麻辣🤩🌶！個人覺得有譚仔3小程度添呀🤭完全唔駛點辣椒油都夠哂麻辣，過癮！味道：9/10性價比：8/10-👍🏻鴛鴦蝦餃皇 $16.8原味鮮蝦餃皮薄煙韌，蝦肉肉質彈牙，好足料大大粒😋👍🏻墨汁芝士蝦餃既餃皮真係有種墨魚味🤣幾特別！但就食唔出有芝士味啦🤭味道：8/10性價比：8/10-📍#正和軒 - 同仁四季荃灣青山公路荃灣段388號中染大廈中染新城1樓106號舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #荃灣 #荃灣美食 #荃灣打卡 #荃灣好去處 #點心 #茶樓 #酒樓 #愉景新城 #八咪半 #中染新城 #同仁四季 #蝦餃 #燒賣

好少係openrice留comment, 不過今次真係感覺太差,要分享下:因為限4人既關係, 一早已經打去book左6位. 當日去到分開左2張檯,一d都唔近, 可以話係無可能講到野, 侍應話坐住先,有位再調. 過左20分鐘 都無人再理我地. 咁岩見到有另一張檯有人走, 完全未執檯, 再問部長侍應可唔可以轉, 佢地只係好敷衍話幫我地睇下, 跟住見有侍應執檯, 跟手已經有檯新客入黎. 再問個肥既男部長, "唔係可以俾我地轉檯?" 佢d態度好差, 話佢叫左檯新客入黎, 唔會幫我地轉. 然後完全唔理我地. 你再問佢野, 佢都唔理你, 直行直過.我唔明白既然我問既時候連檯都未執, 點解唔可以幫我地轉一轉? 我地又未落單, 同埋我地book檯就係為左方便餐廳安排, 如果咁都做唔到, 咁唔好接受多過4人既客啦. d部長侍應態度又唔好, 完全無視你, 我唔覺得點解要俾錢去受氣, 我都好聲好氣問佢地, 而佢地要咁樣對d客? 可能唔憂做, 咁荃灣仲有好多餐廳選擇, 奉勸大家可以去其他餐廳. 睇返d comment, 唔係得一個留言話侍應態度有問題, 如果大家要去, 咁我祝福你好彩d, 唔好食到一肚氣

千揀萬揀就係揀佢！貪佢離地鐵不太遠和冇限時！openrice訂枱寫明要四人梳化但係都冇留枱畀我，只係walk in，因為好少客所以星期六晚都唔使訂枱。我問個知客點解唔留枱，佢話已經留咗㗎啦！但我唔見Reserve牌，我見梳化有reserve牌，問佢可否坐，佢話留咗畀七個人！跟住佢就話：“唔知你食小菜定係食火鍋”，咁我話：“喺openrice寫明係小菜啦”，佢就話：“冇顯示！” 我問染金毛部長有冇限時，佢答我十點要走囉！奇呢！正常應答“冇限時，但防疫要求十點要離開。”極上餐價錢$638，我計番比單點只是平30蚊。而且套餐唔係樣樣我想食，所以我就單點。(1) 花膠翅群燉雞：唔見有翅群，唔係花膠，係沙爆魚肚！仲有沙。(2) 清蒸沙巴龍躉好細條，好鞋！用個細碟嚟蒸，等我一落匙羹啲豉油標曬落枱。(3) 蒜蓉開邊蒸蝦唔新鮮。(4) 個高級部長叫個染金毛部長幫我收收張枱，佢就將我所有嘅快子收曬，我話仲有嘢叫左未嚟喎。應該換個骨碟又唔換，我自己喺隔離枱攞碟，梗係啦！得2個樓面，1个知客。(5) 酥炸桶蠔：正常，外面脆入面滑，大隻有7隻。(6) 粉絲蒸帶子：帶子仲係生嘅，粉絲索曬呢汁！染金毛部長仲話再蒸

屋企人勁鍾意飲茶今日又試新野（第一次黎呢間）蝦餃梗係必試啦佢自稱蝦餃皇 所以得三粒味道係唔錯既 如果皮再薄一點便perfect酥炸腐皮卷比平常的腐皮卷多左啲油所以冇咁脆 味道可以既喺餐牌見到鴛鴦麻辣燒賣有麻辣呢兩個字已經好想試麻辣味好好味😋另外果隻我冇試XO醬炒腸粉偏咸同唔似XO醬似麵豉醬多啲好耐冇見過淮山棉花雞呢個名好味😋 淮山好脆 棉花唔會淋pat pat鮑汁雞腳食落唔係鮑汁味 似滷水多啲都係偏咸我好多時都會叫蜆介鯪魚球好大粒 好彈牙 重陳皮味 好好味😋好似食炸魚彈咁麻香窩筍真係好香麻油味 好爽好脆 正燉椰皇都幾滑總括係好味嘅 不過偏咸如果淡返少少就好啦

家姐話這間酒樓的點心好味，所以來試下。點心選擇唔算好多環境幾好，好鍾意d燈蝦餃好大粒，啖啖蝦的，好爽口，好食叉燒包，好味的，叉燒唔肥。燒賣， 都好大粒，有兩種味。好味唔肥。准山綿花雞，這個魚肚好新鮮，仲有准山，雞夠滑燕窩椰皇燉鮮奶，呢個好正，夠晒熱，鮮奶夠晒滑，椰皇好易就食到，燕窩好多，好滿足又唔係好甜。一個一人套餐，有一個炒麵，一個湯羹，一碟菜，炒麵都好多魷魚，好多芝麻，好味蜆蚧鯪魚球，好大粒，好味道，又夠熱

叫左個四人火鍋餐，吹再一陣上菜，第一樣野上來居然係烏冬同公仔麵。黎完坐多一陣再吹上其他食物，就來牛肉，丸之類。最重頭既海鮮盤係吹左3，4次，食左個半鐘先黎到，有位女待應極不承認問題所在。一句講晒- 冇人期望食火鍋會麵係食最先，而海鮮係食飽晒先黎既。成1388既套餐，4個人，話平又吾係，到最終係食麻啲平嘢打飽晒，最差係女待應話我哋轉枱所以出現問題，我都想問番佢，一入嚟冇問過食小菜定火鍋就安排左去冇火鍋爐既枱，甘係邊個問題食物質素就中規中矩啦，火鍋想料及湯底吾萛有驚喜。

今早十時左右，去到正和軒打算飲早茶，當時門口已有數位客人等入座，而站在門口染金髮的黑衣女部長，態度傲慢，十問九唔應，好明顯是不愁無生意，不在乎客人去或留，似想趕客走般，算了吧，還是改去別的地方，反正附近5分鐘路程內有其他洒家。記得上一次去是剛剛實施限聚令丶埸內並不滿座時，是午餐時間，當時客人與客人之間遠超過政府要求，侍應有時間跟客人聊天，談談市況，街坊共渡難關，當時自己也想支持班員工，多點光顧。真是此一時彼一時。

上午8點幾去到，可能有部分人已經走，所以搵位吾難。正面的- 即蒸，熱辣辣- 環境好舒服，比較其他酒樓寧靜-有部分點心好似鴛鴦蝦餃一籠2粒，一個人去飲茶都可以叫，-有晚上表演時候的錄影，好特別，系聲音太小。要改善的-其他點心可以考慮蝦餃小份的做法，例如一碟腐皮卷可以選擇數量。-入酒樓無人度體溫，剛進入搵位的客人無戴口罩。鴛鴦蝦餃（16.8）5分-一黑一白，裡面應該有兩份蝦，爽口好好味山竹牛肉球（$15.8）4分-碎牛肉好像不是搞拌機搞，有牛肉粒，有咬口。馬拉糕（$26.8）3分-好鬆好有糖香，但味道比較甜，兩個人食比較大份，可以考慮點樣改細改便宜。黑松露腐皮卷（$23.8） 2分-價錢吾貴，問題系食吾到黑松露味道，仲太多油。

週六到荃灣8咪半 中染大廈「正和軒」跟友人一聚，我哋叫了幾個點心及一個孖寶套餐。孖寶套餐有「金蒜粉絲蒸元貝」和選一個指定的麵食，今日不約而同大家都選了「野菌炆伊府麵」，元貝有4隻，蒜蓉香口，元貝新鮮，味道不錯👍🏻，好少午餐吃元貝哦。炆伊麵 好乾身，足夠味道，麵身黏上野菌韮王香味，爽口好吃。香茜牛肉腸粉粉皮很滑，牛肉加上香茜味好誘人。蝦餃彈牙爽口，叉燒包也不錯，飲茶好地方。

星期日，想同屋企人飲茶。路經愉景新城，決定試吓呢一間酒樓。入面位置尚算寬躺，點心種類都算多，並非一般酒樓食開既點心，點心多選擇令到人哋都揀得開心。佢嘅燒賣同埋流心奶黃包，都係好好味

今晚探完病，一行四人去正和軒晚飯，玄米茶很清香，朋友要求經理賣了一樽给她，經埋爽快答應，服務也很友善。疫情關係，晚市有85折，因為已經晚上九點，我們叫簡單海鮮為主，剛好這幾款有特價，抵食又好食!好耐冇去大陸， 酸菜魚癮起，幸好正和軒的酸菜魚也別有風味，油及味精相對較少，我還喝了2碗湯，如喜歡酸的可要求加酸加辣一點，不過我們喜歡清淡一些。原來這裡平時周末有歌手駐唱，只是疫情期間暫停了，希望疫情盡快過去，香港復原正常，一定會再來一邊聽歌一邊晚飯。

今日約咗兩個長輩去飲茶，疫情下大家都好少接觸，今日就出嚟傾吓計大家問候一番。兩位老人家都好鍾意食炒河粉，今日叫咗一個涼瓜斑頭腩炒河，味道相當不錯，涼瓜切成長長薄薄的一片片，走了油令質感非常之滑及完全冇苦澀味，雖然這是唔夠健康的處理方法，但是相當好味。斑頭腩有很多肉，雖然是雪藏的但也處理得非常好，這個河粉相當不錯。脆皮咕嚕肉惹味香脆，每件肉都唔係好大件方便進食，而且肉質不錯，上桌時每件咕嚕肉都脆卜卜的，吃到最尾那一件還有香脆的感覺非常好。鴛鴦麻辣燒賣一籠有各兩件，麻辣燒賣其實都不錯，花椒味很重有麻香，但我都係較喜歡食傳統的燒賣，這兒做得不錯，有口感。叉燒包每人一個，熱辣辣，包皮鬆軟餡料不太多，趁熱食好好味。但我都係較喜歡食傳統的燒賣，這兒做得不錯，有口感。叉燒包每人一個，熱辣辣，包皮鬆軟餡料不太多，趁熱食好好味。老人家喜歡懷舊的芝麻卷，一碟有四件，這一個甜品就麻麻哋，味道不濃而且比較硬身，有少少失望。但總體而言這裏飲茶是相當不錯，疫情前疫情後服務員的態度都是很好的，值得一讚。

火鍋配以Live Band是何種玩法呢？既驚喜又好夾的餐飲感受。這中菜廳所選用的食材非常新鮮，侍應生送上海鮮盛盤定必相機先食，擺盤浮誇大增食慾。生猛美國龍蝦鮮甜入口即溶，美國肥桶蠔真的非常肥大啖啖肉，海蝦新鮮彈牙肉質厚。海鮮配上椰子文昌雞火鍋底出奇搭配，雞湯清甜，濃濃的椰香另海鮮鮮味更突出，好味😋餐廳早上提供飲茶點心，晚間設有Live Band現場演唱，食客更可隨意點歌，是夜有2枱客人齊歡唱慶祝生辰，歡樂戲氛遍布全場，完全是非一般的火鍋體驗！

朋友遠渡回港約埋飯局，由佢揀咗呢間回味軒， 我哋從來未食過。不過首先講服務就已經唔係好滿意！ 因為我哋想帶支威士忌去，所以打去問下要收幾多錢，但係打電話去冇人聽，佢有個whatsapp熱線，咁我响食飯當日下午一點幾留言查詢，但要等到第二日嘅四五點先覆，仲一句唔好意思都冇！講到食物，我哋四個人叫咗個四人套餐， 一千三百幾 ，裏面包括有西班牙豬、和牛同埋海鮮拼盤，麵、烏冬、菜、餃子等， 首先講和牛一般般水平，細細碟，西班牙豬ok啦，當然冇日本 豬咁好食 ，海鮮拼盤個賣相係ok嘅， 但係帶子係冰鮮嘅，個殼係裝飾㗎咋 ， 蠔係一般桶蠔 ，蝦係新鮮嘅，不過都係普通貨色， 波士頓龍蝦係新鮮嘅，不過啲肉好削， 麻麻地！全餐飯最好食係嗰幾隻餃子，其餘火鍋嘅嘢，最緊要新鮮啫 。埋單四個人連埋加一1500幾 ，你話係咪貴又唔算太貴 ，但係係咪好好食我又唔覺囉！ 會唔會再幫襯？應該唔會呀！

長者正日生日，近近地去食個魚頭火鍋，湯底味道很濃，很地道，魚頭份量也足夠，長者說味道不錯.另外單點了半份牛肉安格斯，量很足，一份帶子有四隻, 一份鴨血，水餃,炸響玲，炸魚皮，牛柏葉，8:30前入座、送了一份黑毛豬，材料都很新鮮，味道. 推介豬和水餃！有個四眼服務姐姐，好nice, 會主動加水換碟我也了解餐廳的特色是有人唱歌，可以點歌，但是歌手都不是專業的，然後水平也有參差，不是每個人都喜歡，有時候會偏嘈，聽不到對方講話，要大聲講話對方才聽得到，這個會有點尷尬⋯⋯