正和軒 - 同仁四季

营业中

休息中

之前都食過這間食肆的點心，由於疫情關係，所以好耐沒幫襯！今日心血來潮，又想到此再食下！其實這裡的裝潢不是一般酒樓，可能是因為大廳正中，有一些音樂設備，live band, 但可能🤔️只係夜晚先有？因為我早上來，並未曾見到有人唱歌🎤！講番點心水準。蝦餃，兩隻色都好食😋！醃得入味，蝦都大隻，味道不錯！第一次試這個一人套餐，有一碟菜，有湯。有主食（星洲炒米）。個炒米粉味道ok, 只係個米粉如果炒得再乾身一點，應該會更加好食！至於個咖哩牛肚，牛肚好「林」，好好食！咖哩味濃！而且，沒想到，竟然在牛肚底部並不是放白蘿蔔，而是「薯仔」哈哈😄！我初初仲以為是准山。食下食下先發現是薯仔，不過都是好食。整體來講，味道不錯，好食😋！會再光顧！

慶祝母親節好多地方無位 就是但入一間。。咁講返點餐 由於母親節佢地出左好多plan但好類似 我都擔心我理解錯誤所以先比佢睇單及詢問職員再點菜。。。點菜後隔幾分鐘睇下張單有無出錯 點知全部不符 我已經立即向佢地表示我地唔係點呢啲 而佢地既女經理既做法唔係立即去廚房講出錯反而向客人我辯論 話我係點呢個套餐B重點：佢同同事之間溝通出錯 寫單是另一位 落單係佢 佢憑咩一口講我錯？隨後我都問寫單職員我明明講A 佢就話係阿 係A女經理服務態度超差 完全唔識做！！除此佢食物係好味既～

酒樓有live band 的台，都算常見，但地方不大的酒樓都有，可能都是招徠的一種吧！ 這間酒樓，裝修設計以黑色天花為主，所以令酒樓的格調顯得跟傳統酒樓很不同。當然，什麼裝修都不重要，最重要都是食物的質素吧。我和友人點了4個點心。先來「鮑汁雞腳」，其實雞腳好入味，皮都很腍，可是。最大問題是，我哋食到燶味。可能個汁底不小心燶左。因此，個汁有淡淡的焦燶味，因為不算太嚴重，我哋都照食晒。到個叉燒腸粉，個皮真的有點兒厚，不夠簿，以飽肚都講是沒問題，但以腸粉好味度，我會比較偏向「皮簿」的腸粉會更為吸引！腸粉豉油都一般。到椒鹽多春魚，炸粉的外衣都鬆化，都簿身。可是上台的魚，「不熱」。只是魚身有點「微暖」。不知道是否人手不足，所以導致上台慢左？因為我們等位時，負責比排隊飛的小姐，一幫我們寫低籌號之後，便入內收拾台面，收拾完，佢又幫忙入機入電腦落單，轉頭又見佢加水，又話會幫下手做收銀。。。。。。我睇見佢好勁！一個人做咁多角色！最後是甜點，芝麻糕。不算好甜。正常，不過芝麻味便不濃，有啲淡。

朋友介紹呢個商場泊車有優惠，$100個免費一個鐘，$200免費兩個鐘，$300免費三個鐘，最多三個鐘免費。星期六就帶咗屋企人嚟呢一間飲茶，竟然發覺佢嘅小炒幾出色😇嗌咗個二人套餐同埋幾樣點心，二人套餐叫咗個粟米魚肚羹，嚟到好鮮甜，亦都真係有幾個魚肚喺度，足料🤣另外叫咗個涼瓜炒牛肉，呢個小炒十分之出色，牛肉同涼瓜都係靚嘅貨，牛肉份量亦好足夠，好食😛黃花魚稍為失色咗少少，食材上面可以再揀好啲嘅！點心叫咗兩樣，潮州粉果同埋淮山棉花雞，潮州粉果幾好食，但係我覺得佢個皮稍為厚咗少少，薄返啲嘅會更加之好食，棉花雞雞味好濃郁，棉花份量亦好足夠，幾好！環境方面佢都算坐得舒適，而且價錢中等，免費泊車嘅話我覺得都算幾抵🤣🤣

正和軒除了食物和環境很好外，值得讚賞各位員工都很有禮貌、經理細心和貼心，照顧食客每一個環節，媽媽生日又有生日歌播放，超有氣氛！我們都十分滿意！下次一定再來光顧！

星期日家人聚會於「正王軒（同仁四季）」荃灣8咪半一樓，中午時間 當然要拎個籌 稍為等等 😊 這酒樓環境一般啦，地方不算大蝦餃之王 （頂）一籠有3粒大蝦餃，皮有啲厚，蝦肉多都 ok 好食薑汁雞包仔 （小）熱辣辣 三個，皮非常軟熟，我種意喎上湯鮮竹卷 （大）三條，上湯清淡可口，腐皮軟滑 碧肉鮮蝦腸 （特）長長白色碟，賣相漂亮滑滑 晶營腸粉皮，彈牙蝦，嫩綠菜粒淮山棉花雞 （大）啖啖雞肉、爽口棉花😀、冬菇家鄉鹹水角 （中）噢 😀 麻麻哋

今日第一次嚟到位於荃灣嘅正和軒。😆環境:呢間店環境，裝修與出面商場有D不入圍🤫，有D old school.🤪有厠所，但有D臭🤭，仲要廁所隔離係點心部🤢。我地入咗去後門(見到廁所😅)，要去返前門等位，等位快😆服務:一般叫咗好耐先有人應😶‍🌫️野食:不錯👍有水準叉燒包，豉油炒麵ok 🙈等候時間:等咗差不多半小時，趕時間不要去🏃價格:正常，平均$20 一碟點心😋總結:如果不趕時間可以去😝，食物不錯😚，服務有待改善🙃

本來打算中秋食個下午茶，到後填好下單紙後交給了其中一個穿黑色外套的女員工，其中叫咗蠔仔肉碎湯飯同其他一啲點心，之後15分鐘後黎咗個湯飯，見30分鐘後都未有其他點心，就叫咗另一個著紅色制服既員工黎問下，點知話除咗蠔仔湯飯外其他都冇落過單完全冇記錄。咁其實點解又可以落到個湯飯既單？根本就系佢地自己員工冇落過，之後紅色制服員工仲質問我系邊個幫我落單而唔系直接同自己啲員工溝通，好似系我自己冇比到張紙佢地，我屈佢地咁，系客人既錯。佢地自己啲員工就自己坐埋附近一檯開餐，大聲傾計食飯，完全唔理出面其實仲有半場客，聽到我既問題完全冇意欲，過黎問下咩事。成間餐廳啲員工態度都極有問題，可惜我冇睇咗評論先入去食，搞到自己一肚氣

呢位自稱係「老闆」嘅男人唔識帶位🙄勁串，非常冇禮貌😡事源係佢安排入座嘅時候，佢安排左我地坐一個近門口嘅位置，咁我媽咪就想坐入啲，亦都話左唔介意再等下張枱，但「老闆」無視我地🙄同時，「老闆」俾下一位客入左去，坐一張入啲嘅枱。咁我媽咪就同佢理論，「老闆」就唔滿意，唔俾我哋調位，唔俾等下一張枱，仲講咗句：「而家唔做你生意！」仲話再嘈報警😦問清楚佢嘅職位先知係「老闆」，唔怪得可以咁巴閉話唔做人生意仲要報警添😕其實如果佢態度好少少咁講，再安排一張枱俾我哋，我哋係唔會介意再等，大家亦都無需要勞氣。個陣都唔係好多客等緊位，安排下一張俾我哋其實好簡單處理左成件事。其實我哋係周不時嚟幫襯嘅客，真係估唔到呢次有個咁唔開心嘅經歷😔😡仲要俾人串又受氣話唔做我地生意真係激死😤咁巴閉以後唔食囉！荃灣區又唔係得你一間茶樓，嘢食又唔係特別好食，老闆咁串食咗都唔安樂！😡*睇返原來網上好多食評都話呢間野個肥老闆態度好有問題！P.S. 上一次嚟食，叫左碟鹹水角，嚟到明顯睇得出擺咗好耐，已經淋晒。咁梗係同侍應講取消咗佢唔食啦，咁核突點食啫！侍應竟然第一句話：你擺耐左唔食係咁樣㗎啦！吓？！碟野啱啱上枱，竟然屈返我哋轉頭擺耐左碟

食物係我快樂既來源，由於我非常非常之懶，過往只係分享美食嘅相作紀錄，估唔到今次令我打字既原因，竟然係因為待遇。多次光顧，是次最為難忘。環境不錯，價錢一般，食物質素尚可，但服務態度有待改善。本來開開心心同屋企人去飲茶，是咁的：》 落單，包括一碟叉燒腸（無點其他腸粉）》點心到，食咗啖腸粉，入邊全部都係菇，於是搵咗位職員麻煩佢幫我對下張單。》本來落單果位職員好熱心：「係叉燒腸呀，你食咗呢碟，果碟唔會嚟㗎喇」》我夾開腸粉比佢睇，佢又夾開碟上既腸粉黎睇：「係菇菌腸黎」》家人問：「咁個價錢使唔使改番呀」 職員答：「個價錢一樣」》完。我感覺係：你食過唔係想R我換比你，而且一樣係咁多錢啫。最後，職員無主動換，亦無改番張單，由於家人堅守多一事不如少一事既原則，都無要求更換，亦無額外加單。埋單果陣減番3蚊差價，只係錢既問題嗎？

經常經過呢間餐廳門口，成日覺得好有格調，疫情前仲有隊band添。但未有機會試食。終於都食到喇，不過有點失望。簡單黎講，每樣野都無特別，唔會特別好食，但價錢屬中等以上。點了既椰子雞鍋，正常椰子水加雞，湯底算正常。而牛已點較高級安格斯牛，可借都係一般。其他火煱料真係無乜特別。唯一特別之處係，到要加湯時，竟然係加清水。黎到呢啲咁有裝修，價錢唔平既餐廳，竟然係加水，有啲失望。後尾問返加椰水係要加錢。服務質素亦係一般般，所以性價比中等以下，不試也沒有損失的。

晚飯堂食，點了四味小菜，等了半小時，追了部長三次才有一味餸，但當時的枱客也只是5枱，不僅要，但白飯也要追兩次。點火鍋套餐時，門口接待員便先生前先生後，現問何時有食物便當你"透明"，竟然可以對客人不瞅不睬，一點回應也沒有。不要浪費鋪位吧，讓些有誠意有禮貌的食肆進駐!1. 蒜蓉粉絲蒸聖子 - 聖子共4隻有2隻都吃到有沙，味道普通2. 鮑魚鷄煲 - 鮑魚3至4隻，鮑心很硬但鷄就ok，味道ok3. 菜心炒牛肉 - 正常，但很油4. 肉碎蒸水蛋 - 有水準，蒸得滑，但有部分很鹹5. 白飯正常茶水加一共$5xx，低食：一般

由於媽媽好鍾意飲茶，我成日都想帶她嘗試不同的酒樓，剛巧見到荃灣中染大廈有間裝修幾特別的酒樓，所以就決定去試下。首先店內的燈光就比較暗，座位都ok好坐既。但飲茶最重要既水滾就做唔到，沖左幾次茶d水都係唔熱既，好可惜！我地點了4碟點心，有金黃流沙包、炸鮮奶、麻辣燒賣同酥炸多春魚。流沙包，咁多碟點心，係得呢款係熱辣辣送上，所以都ok既。炸鮮奶，完全唔熱，味道普普通通。雙拼麻辣燒賣，有兩粒正常燒賣+兩粒麻辣，麻辣個款係幾好食同幾特別，因為無係其他酒樓見過同食過，至於正常個款就正正常常，唔特別好食，亦都唔係難食。酥炸多春魚，d魚腥腥地，同埋碟野唔夠熱。服務方面係有d麻麻地，我地交點心紙比其中一個女侍應，因為她一收下點心紙就走去執枱，所以我地一直留意住究竟幾時先將我地張點心紙拎去入單，結果見到她執左兩張枱，再幫兩枱客加埋水先走去入單，成件事糾纏左10幾20分鐘先見她將張單交比其他人入單，希望員工方面可以留意下這一點。咁靚咁新式裝修既酒樓，但配上唔多好食既食物質素同麻麻地既服務態度真係非常可惜。

其實每個星期都嚟食，中午食飯，食完等咗好耐想埋單，都冇人理我哋，所以行去收銀度埋單，跟住個金髮女部長就好大聲鬧員工，其實俾說話我哋聽，大叫開mic話台客走咗都唔知，因住走數。我同佢講我係想行去埋，其實我成日都嚟食我都唔係第一次行去埋單。說話極刻薄趕客咁樣，跟住上黎望一望原來發現好多人都話過呢一個部長同埋員工服務態度差。真心嬲，平心靜氣同佢講唔好咁講嘢，佢鬧翻你話我只係教訓我啲員工。以後都唔會嚟食。

今晚，終於可跟娘娘及格格一起吃一頓飯 ... 這酒家已很久沒有光顧，連名字改了也不知道，但似乎水準依然！我們點了下列幾個菜：1. 泡椒浸豬手：帶點酸辣，很爽脆，非常醒胃！2. 果醋豬軟骨煲：豬軟骨夠軟糯，而果醋汁收得很好，剛剛把每塊豬軟骨都包裹著，口感、味道都很好！3. 雞湯魚肚浸淮山：兩個清淡食材浸在濃湯中，其實不算什麽， 但加了雲耳，把軟綿綿和爽脆食材混在一起， 不但豐富了口感，還（於口中）有聲勝無聲！4. 西芹野菌炒鮮鮑魚片：鮑魚片的確是新鮮的，刀功很好，薄薄的，很彈牙，與清新爽脆的蔬菜一起烹調，的確一絕。