正九清湯腩 (常安樓)

营业中

休息中

今次食咗正九清湯腩既清湯牛腩飯，見到可以升級崩沙腩，梗係唔會錯過啦。崩沙腩係牛牛最後煙韌同最有口感既，對於牛魔王既我同鐘意食牛既你，當然係不二之選。👍🏻（只需要加6蚊，就可以食到，當然要試下啦）果然無失望，就算係外賣返屋企食，崩沙腩依然牛味香濃，咬口煙韌，肉質配合少少脂肪，一啖接一啖食唔停口，清湯牛腩飯（崩沙腩）入面仲配有爽口入味既蘿蔔，成份晚餐，滿足極了唷！Ps。蘿蔔控再叫多左一份蘿蔔小食 😍另外，朋友仔食咗醉雞飯（無錯，梗係有加5蚊轉雞髀啦）， 一打開外賣盒，不得了啊，雞髀光滑肉嫩口感十足 （男仔食可以試下免斬），啖啖酒味加上香蔥既點綴，唔係叫住佢要影相先，應該好快比佢食哂。😂

呢排夜晚冇得堂食，多咗斬料或者買現成餸。今次呢間餐廳除咗出名食牛腩，亦有香港比較少見嘅牛肉羹。我喺佢哋嘅觀塘店食過呢款台式食品，同細個食過嘅味道一樣咁正宗。🥢清湯牛腩 $118今次嘅牛腩比平時肥少少，但連筋帶膜都幾有咬口。啲肉唔會太硬太嚡。牛腩份量都幾多，大大兜都係得三塊墊底嘅白蘿蔔。白蘿蔔清甜無渣。湯底味道濃郁但唔會太鹹。另外仲多送咗一碗清湯。🥢炸魚皮 $27口感香脆冇油膉味。份量都唔少。📍正九清湯腩 (油麻地)油麻地文明里11-13號常安樓地下1號舖

今晚外買了正九清湯腩返屋企做晚餐。餐廳除了多款麵類，還有飯類小食提供。上一次食過他們的牛腩很不錯，今次我加$6升級要了崩沙腩配撈粗麵($60)，崩沙腩軟淋彈牙，屬於牛橫隔膜，肥瘦適中，腩中帶點筋，比較有嚼口，的確比普通牛腩好食得多。食撈麵一定會揀粗麵，因為比較掛汁。而撈麵附送的湯個人喜歡將一箸乾麵放入湯內浸一浸才食，令乾麵更濕潤及易入口。醉雞飯($53)，雞件份量頗多，雞肉都浸透濃而不烈的酒香，雞皮薄薄，肉質厚厚，愈食愈開胃。炸魚皮($23)，鬆脆而且厚薄適中，炸粉不厚，炸得不鬆散 ，鹹味適中，不會太油膩，放落湯幾秒再食是最好的。

清湯腩一向是港式食品的重要一員，牛腩河亦是旅客/港人至愛由觀塘吃到油麻地，這家清湯腩的確好吃環境燈火通明，這新店令人坐得安心，吃得舒適服務也是貼心，店員非常友善，願意幫忙食物牛三寶湯河 $60 轉崩沙腩+$6 加菜+$8牛三寶即牛腩（轉崩沙），牛筋，牛肚，配個通菜跟牛骨清湯這牛骨清湯毫不油膩，一口呷下非常清新，帶絲絲牛骨香牛崩沙腩一層就兩層肥，瘦肉稔軟，肥位爽彈不油，非常高質， 不過份量就不算多牛筋是爽口彈牙的類型，而牛肚則炆至非常稔軟，好吃！ 通菜則細細條冇渣，算是滿抵吃的

遇上疫情，晚巿被禁就俾我經過見到呢間清湯腩專門店門面有電視播住被訪問既片段，見到老闆講解開店宗旨同食材選擇既要求，覺得好有信心就決定試下清湯崩沙腩飯牛腩飯加$6就可以轉崩沙腩，坑腩或爽腩崩沙腩肥瘦均勻，肉味重口感嫩滑得黎有口感係用上高質既肉既證明再用牛腩汁撈飯一齊食，好滿足！牛腩擔擔麵除左飯，仲想試下麵就揀左惹味既擔擔麵擔擔麵花生味濃郁，辣度適中一啖軟淋既牛腩一啖彈牙既擔擔麵好正既享受紅油炒手水餃加上香辣既醬汁就形容呢道完美既紅油炒手

位於油麻地地鐵站C出口外，新開的清湯牛腩麵店，裝修新淨，內部環境整潔，可惜晚市仍然禁堂食需要選擇外賣，不然在內享用環境也算不錯。餐牌上有提示點牛腩的客人可自選肥瘦程度，預先告知店員盡量為你安排，非常貼心的一個服務。撈咖喱牛腩河$60 咖喱汁另上，咖喱香濃有一點點的薯仔粒，牛腩和河粉份量相當多，另外還附一碗清湯，可以一次過滿足幾個願望。清湯牛三寶河$60~必食分別有牛肚、牛腩、牛筋，三個部位都炆得相當腍滑入味，而清湯配搭更加突顯肉質香味。湯頭清新滋味。蘿蔔 $15只需$15就有6大件，蘿蔔炆得相當入味，又不會過腍而沒有口感，而且薑味充足。熱菜蜜（+8）凍檸樂（+8）📍 ｜ 油麻地文明里11-13號常安樓地下1號舖

新鮮牛腩加牛骨 秘方熬制 彌敦道 轉入文明里 內街的轉角位好易搵得到 勁近地鐵站 非常方便 店舖光猛舒服 用上藍綠白色調 感覺清新乾淨 晏晝時間 過左Lunch time都座滿人 亦有好多人叫外賣攞走 坐低堂食叫咗幾樣好滿足 店員好細心 亦好高效率 落完單轉個頭就上 ♥︎ 清湯牛腩河 $48 呢度嘅招牌菜 夠林夠入味道 湯清甜 河粉好滑 條條分明 ♥︎ 排骨擔擔面 $47 個湯底係清湯嘅質地 底下仲加上滿滿嘅麻醬有應有四川擔擔麵嘅風味可以撈個底先至食唔會杰撻撻 麵條係上海幼麵 好鍾意食 自選辣度 我揀小辣 辣到剛好♥︎ 營養紫菜湯 $13 就係想飲一個簡簡單單嘅紫菜湯 含有高礦物元素 營養健康 ♥︎炸魚皮 $23脆卜卜 香口又好食 浸落湯度 炸一聲

有日係油麻地地鐵站一出就見到依間新開既清湯腩, 又大間又新淨, 係門口聞到陣牛腩香, 比佢引左入去🤤朋友叫左個花雕醉雞飯, 睇樣都好靚仔, 份量足, 轉左脾位啖啖肉, 雞肉好嫩滑, 酒味入哂味好香又唔會太咸, 同埋中意佢皮下脂肪唔多, 薄薄既雞皮加酒香一流。我既牛坑腩米粉, 中意佢湯頭唔油膩! 入口味道清甜, 坑腩牛香濃郁口感軟熟, 好味!叫多份腩汁蘿蔔, 我諗佢已經抆左好耐, 蘿蔔入味, 好腍身清甜無渣, 叫一份同朋友share岩岩好👍🏻最後飲埋杯檸茶同菜蜜, 簡單又好味既一餐

這間位於油麻地站對出的粉麵店，主打牛腩及擔擔麵等。全部即叫即做，即使外賣返到屋企都熱辣辣。咖喱牛腩飯咖喱味香濃，而且辣度適中，裏面有些炆至腍身的薯仔，牛腩肉味濃郁，而且夠腍，撈飯一流。排骨上海麵上海麵爽口而且不糊口；炸排骨分開盛載，返到去食都保持香脆，豬扒厚身，炸至金黃香脆，肉質嫩腍且有肉汁。五香牛展擔擔面牛展煮至肉質鬆化，但又有點咬口，而且滷得入味又不會太咸，擔擔面的花生醬汁帶點微辣，十分惹味。

日想去油麻地食煲仔飯，點知勁多人，見到路口位開咗間清湯牛腩，好香嘅味道😍點左清湯牛腩飯，嚟到呢度一定必食啦，清湯牛腩同飯分開上，估唔到啲飯都煲得幾好，試一啖牛腩先，牛腩肥瘦相間，勁重牛味，而且份量好多，乃公切得啱啱好，而清湯牛腩點會少得碗湯底，牛味顯得更加清甜🥰一啖湯一啖飯😍再嗌左牛腩米粉，加錢轉咗崩沙腩，崩沙腩比起牛腩再腍滑點，而且牛味再濃郁點🤩🤩配埋米粉食一流，呢碗湯底我最鍾意😍最後嗌左碗淨牛丸，一上台就試吓佢個湯底，原來帶咗三碗嘢食個湯底都係唔同，反而呢碗嘅湯底係最濃，估唔到呀，再試下牛丸，食落好彈牙，重牛味，係真材實料😁

今天中午返家, 見到無乜客於是一試, 叫了咖喱牛腩飯, 店員說可揀半肥, 實際來的是全廋, 牛腩份量少, 不熱, 咖喱是甜的也吃不出咖喱香味. 牛腩份量和大家樂差不多,飯是暖的, 送了個免費例湯, 超咸冇牛味的, 不知什麼材料煲的, 吃完不到二十分鐘己要飲用大量水止渴. 看來味精極重.不會再有下次,極失望而回! 希望店主自己能檢討一下自己出品的品質, 因是店主要打牛腩, 但為何咁差呢？因店外宣傳吸引我, 所以今天才一試, 可惜一試便知原來咁差, 比一般牛腩店還差. 新開時在店外聞到好香牛腩味, 今天完全沒有. 不知何解.另外又見厨房內的三個厨師, 目無表情, 樓面也是新人, 出單也有混亂, 這些也是需要改善的地方. 否則應該做不到多久.

新開頭幾日去試，lunch time 有少少混亂。店面幾光猛，又唔係話好迫既。不過人多時要卡位搭枱就差左少少。觀塘果間冇去過。見到好多人叫外賣，應該唔錯掛。未食過周圍望下人地食咩，d樣望落好似幾好。但唔知叫邊樣好d，所以叫左清湯三寶河試下。有牛腩牛筋牛肚。幾好食，夠林。冇餐，加野飲，加8蚊，所有野都係加8蚊，凍既都係。牛腩可以加6蚊升級做坑腩，爽腩或者崩沙腩。下次有機會試下升級睇下係咪再正d。不過lunch 時間既話，可能等間店settle 左先好d。

雖戒食牛肉多年，但仍被牛香味所吸引，差啲就忍唔住要破戒啦。根據我多年食牛腩嘅經驗，見到隔離枱碗牛腩既香味、質感同賣相，就知係有啲料到，所謂未食就知好味就係呢啲。眼見豐富嘅牛肉餐單，坑腩、牛筋、牛展等等，要食勻全部真係要黎六七次呀。今日試既係我嘅第二最愛：1. 口水雞：食到想嗌多碗飯添。平時唔食雞皮，但今次連皮食埋2. 炸排骨：炸到金黃色，配擔擔麵係冇得輸3. 擔擔麵：湯汁濃度岩岩好，可以當湯飲，唔會好漏唔肥膩