正九清湯腩 (砵崙樓)

营业中

休息中

👻食第一啖腩已經覺得要「翻啅」🤣見到都幾多好評，去開旺角順便一試！ 仲唔到平日6:30 都坐滿人🫣! 🐮清湯坑腩粗🐮清湯崩沙腩河(半肥)🐂當然要叫招牌嘅牛牛，黎到賣相已經吸引🤪, 我最鍾意又肥又瘦，肥就爽爽香口，瘦就有肉得黎一咬就開💙！ 🐟魚蛋🐟+$8 加餸，有兩粒大大粒，都好彈牙，唔會死實實🥣腩汁蘿白🥣完全冇渣，清甜，仲要有薑汁，我覺得有驚喜😍🍲淨菜肉雲吞🍲又係驚喜，咬落去菜多過肉，除咗菜碎，裏面仲有一兩粒大粒嘅菜莖，咬落去係有種爽爽感覺，可能唔多肉所以呢感覺上唔會漏🤣忍唔住食晒隻碗價錢💰：$200食到飽飽，仲要食到好味嘅腩，CP值👍🏻👍🏻👍🏻，絕對值得再有下次🤭

今日晏晝完咗團建之後，就夜晚黑同老婆喺旺角落雨搵食，估唔到咁有驚喜！入咗去呢間牛腩店，環都算境乾淨，伙記好有禮貌咁招呼。老婆叫嘅蘿蔔多到滿瀉，煮得淋甜入味，佢食得好開心，估唔到佢咁嘴刁都會滿意～；口水雞辣得過癮，麻香味慢慢滲出，愈食愈想食。我個三寶飯仲正，牛腩鬆化有牛香，牛筋腍到差啲入口即化，個湯清甜飲得出落足料。最抵讚係凍飲唔使加錢，我叫檸樂都冇收多，今時今日真係好難得，呢啲咪叫支持香港經濟囉！連嘴刁嘅老婆都話要bookmark，絕對係搵食嘅好選擇！伙記手腳快，等位唔會太耐，下次一定會再幫襯！

講起香港嘅特色嘢食，相信牛腩粉麵檔應該都係其中一樣！今日我哋就嚟到呢一間喺香港都有唔少分店嘅清湯腩，食個平靚正嘅午餐！清湯牛坑腩幼麵🐮 $60呢一度嘅牛坑腩，比起平時食嘅牛腩牛味更加濃郁，口感腍中帶爽，正！🙌🏻🙌🏻咖哩牛腩飯 🍛 $62除咗粉麵之外，呢度一樣有飯類！非常惹味嘅咖喱牛腩飯，牛腩份量真係非常多，足足有10舊以上，超誇張！麻辣白肉🐷 $33估唔到而家嘅粉麵檔，竟然會有麻辣白肉，大碟又足料非常惹味！腐乳通菜🥬 $19想食得健康啲，有時黎呢啲粉麵檔都係一個幾好嘅選擇，因為佢哋十幾蚊就可以加到勁大兜菜🤣🤣營養紫菜湯🥣 $15紫菜功效多多，十零蚊就有勁大碗紫菜湯，味道唔會太鹹，得閒飲下都幾好！凍檸茶🍹（跟餐）$8

呢間油尖旺區都有佢嘅蹤影，顧名思義主打牛腩麵，勝在大件夾抵食，快靚正，下午兩點至六點有下午茶套餐，相比起正價平10蚊仲有嘢飲送。招牌菜為清湯牛腩河，可要肥/瘦/半肥瘦，牛腩入味，肉質鮮美，牛肚都唔錯，爽滑且吸滿湯汁。河粉滑溜溜，湯底清甜，唔會口渴。牛肉羹係餐廳自家製，咬落彈牙，散發著淡淡牛香氣，一口一粒幾過癮。唔夠喉可加點配菜，大力推介菜肉雲吞，皮薄餡靚、墨魚丸、魚蛋同蘿蔔真材實料，點埋醋同醬油更惹味。腐乳通菜難得無渣，份量適中，健康又有營養。整體性價比高，下次會食埋咖喱同炸醬麵。

我經常回訪嘅正九清湯腩，真系一間令人驚喜嘅餐廳，佢哋嘅招牌菜式每一次都令我回味無窮☺️首先，牛三寶河系我最鐘意嘅選擇之一，河粉滑嫩，配上新鮮嘅牛腩、牛肚同牛筋，湯底清甜，味道非常鮮美，令人一口接一口，根本停唔到😋另外，牛肉羹亦系必試之選，羹身濃稠，牛肉新鮮彈牙，鮮嫩多汁，搭配上香滑嘅湯底，真系好滿足。每次食完都覺得心情特別好，因為佢哋嘅味道實在太正👍再講講排骨擔擔麵，呢道菜嘅排骨經過精心製作，外脆內嫩，味道香濃，搭配上擔擔麵嘅花生醬汁，口感層次豐富，食落去真系好過癮🤤最後，腐乳通菜就系一個完美嘅配菜，通菜清脆爽口，配上腐乳嘅香味，令整餐更加均衡☺️佢哋而家逢2:00-6:00pm仲有下午茶☕️最平$35，仲有一碗面同飲品，超抵食😵

最近成日幫襯呢間粉麵，佢既牛腩、魚蛋、蘿蔔河幾好食。餐廳主打清湯腩，下午茶30幾蚊起就有一碗。無論晏晝定夜晚嚟都不乏人流。🍜魚蛋米粉+$6紫菜一上枱個賣相幾吸引🤩，魚蛋份量都幾多，有三粒魚蛋同三片魚片，全部都入口好爽口彈牙😚今日個湯底有啲鹹。再叫左碟🥬腐乳通菜$19，菜烚到脆卜卜，好鮮嫩。點埋腐乳醬一齊食就更好味下午茶送熱飲，仲可以加$3轉凍飲🥤。飲品：凍檸茶 檸檬夠晒新鮮，茶味適中唔會太濃又唔會太淡。

🍜今次試吓佢哋嘅招牌菜，真係有驚喜！🥢 首先，清湯腩河粉一上枱就聞到陣陣牛味香氣，湯底清而不油，入口帶淡淡牛骨甜味，超級暖胃！牛腩燜得夠腍，脂肪比例啱啱好，食落入口即化，配埋爽滑嘅河粉！😍另一道菜，咖喱牛筋腩飯，咖喱香濃但唔會過辣，牛筋腩燜得入味，啖啖都係軟腍嘅質感，配埋香噴噴嘅白飯，真係令人停唔到口！🍛最後，配腐乳通菜，清新爽脆，平衡咗其他菜色嘅濃味。旁邊仲有一碗腩汁蘿蔔，簡單滷水味，夠清甜，食完成個人都覺得好舒服！🥬

正九清湯腩今次要介紹一間喺旺角有一間食牛腩麵叫「正九清湯腩」，呢間「正九」依家越開越多間分店，佢哋牛腩唔會太濃味，因為係用清湯煮，牛腩又唔會太肥，食落比較健康！呢間「正九」同我之前喺北角食果間分店門口一樣有一級，我又係用自己嘅斜板入去呢間餐廳食野，不過呢間旺角分店入面嘅空間比較細，店員都唔介意我入去食，仲好細心叫我坐餐廳中間嘅圓枱，呢張圓枱係餐廳入面最大張枱，我坐落去都非常唔好意思，最後我極速食完讓返張枱比其他人用！1.清湯牛腩河粉+熱檸水$42（8.5/10）呢碗清湯牛腩河粉個河粉份量唔算太多，河粉算夠滑，牛腩有7舊，每一舊牛腩大約八成瘦二成肥，牛腩有少少韌，下午茶熱飲唔洗加錢，飲品我揀咗熱檸水，檸檬片都有4片，唔錯！2.菜肉雲吞擔擔麵$42+凍鴛鴦$3（8.5/10）呢碗菜肉雲吞擔擔麵個擔擔麵痴埋一舊，如果唔係見到湯嘅話，我以為係撈麵，湯入面加咗好少花生醬，菜肉雲吞幾好食，包得都算大粒，入面嘅豬肉都唔少，雲吞皮夠薄，下午茶凍飲只係加$3，飲品我揀咗凍鴛鴦，鴛鴦飲落有少少酸，都算夠香滑！3.雞中翼（4件）$33（10/10）呢碟四件雞中翼係即叫即炸，炸得好脆好金黃色，如果加埋辣椒粉入

牛腩麵都算係香港人其中一種至愛，通常諗唔到食乜，我就走嚟整返碗，兩個人叫碗粉，可以再加啲小食，都有啲驚喜。呢度我通常揀腩撈，這次叫咗個牛三寶撈粗，我喜歡佢夠大堆頭，多餸，超抵食，我加咗幾蚊轉坑腩，牛腩夠入味，牛筋夠彈口，係我喜歡嘅口味。而且呢度啲撈麵夾起依然鬆彈，唔會粘埋一舊，值得加分。朋友叫咗碟咖喱牛筋河，咖哩唔算辣，但香口。另外再叫咗兩款小食，麻辣白肉和炸豬扒。個炸豬扒真係勁香，而且乾身，薄薄地都幾好食！

今日中午路過油麻地砵蘭街，竟然係附近有車位，而且今日咁凍，好想食啲熱野，見呢間正九清湯腩咁多人，就走入去食下，同佐敦個間比，呢間雖然細啲，但係味道都幾好👍 今次嗌左牛坑腩河加餃子同蘿蔔。湯頭清澈鮮甜，加少少辣醬仲好食，牛坑腩燉得軟爛入味，入口即化，完全不會膩！ 餃子皮薄餡多，但入面好多韭菜，又未必個個都岩食，而如果佢個餐牌提及係咩餃子會更好。蘿蔔唔老已經好難得，仲好入味。午餐黎講呢個質素又咁方便，都算係唔錯。

好友約我去位於旺角砵蘭街124-128號砵崙樓地下B號舖的《正九清湯腩》食牛腩河，環境舒適，人頭湧湧，等左一會就可以入座。我地點左：🥢Beef Brisket, Tendon & Tripe in Soup 淨牛三寶(牛腩、牛筋、牛肚）$148🥢Beef Brisket Noodle (upgrade butterfly) 崩沙腩河 $60🥢Hot Lemon Tea 熱檸檬茶 (跟下午茶餐）崩沙腩河份量不少，河粉軟硬適中又彈牙，我地2人分享剛剛好，崩沙腩爽口好味；淨牛三寶係今日主菜，牛腩肥瘦適中，軟腍入味；牛筋彈牙，牛肚好爽；熱檸檬茶好飲。

**🌙 忙碌完一日，最想食碗暖笠笠嘅清湯腩米** 今日收工後，終於去咗呢間「正九清湯腩」，食咗碗清湯牛腩米，加埋蘿蔔同墨魚丸，真係瞬間回血！ **🍜 清湯牛腩米** 牛腩揀咗半肥瘦，入口軟腍得嚟帶少少咬口，油脂香氣滿滿，湯底清甜唔油膩，飲晒成碗都唔會覺得滯～ **🥕 蘿蔔 + 墨魚丸** 蘿蔔煮到好淋，吸晒湯汁精華，清甜無渣；墨魚丸彈牙爽口，咬落仲有淡淡嘅墨魚香，配埋牛腩米真係絕配！ **📍 餐廳名**：正九清湯腩 **🚩 地址**：九龍旺角砵蘭街124-123號及砵齋街大樓地下 **#收工後嘅小確幸 #清湯腩控必試 #旺角隱世好味 #暖胃又暖心**

正九已經有4間分店 佢既清湯腩真係冇得輸🤌🏻🤌🏻🤌🏻餐廳裝修有氣派 好乾淨湯頭用新鮮牛腩+牛骨 秘方熬制🐂🐂🐂清而不膩+$8 就可以轉崩沙腩/坑腩/爽腩仲可以要求 肥腩/瘦腩/半肥瘦腩好大自由度 一定食到自己最鐘意既口味崩沙腩麵🍜🍜🍜牛腩炆得好淋 筷子都可以輕易夾斷崩沙腩筋肉分明 油脂均勻😋😋油香十足 牛味非常濃厚愈咬愈出味 好好食🫶🏻🫶🏻生麵煮得岩岩好爽口彈牙 而且份量好多👄👄👄

今日再次嚟到正九呢度食佢嘅招牌粉麵，今次係油麻地分店，除咗粉面之外仲叫咗個蘿蔔同埋菜，都非常好食👌🏻👌🏻牛肉羹湯麵湯底清澈而濃郁，牛肉經過細心燉煮後，變得柔嫩入味。麵條滑順，能夠很好地吸附湯汁，每一口都讓人感受到牛肉的鮮美與湯頭的香氣。這道菜特別適合在寒冷的天氣中享用，讓人感到無比舒適。咖喱牛筋撈伊麵咖喱的香氣撲鼻而來，牛筋軟嫩，融入了咖喱的濃厚味道，讓人一試成主顧。伊麵的口感滑順，與咖喱的濃郁相得益彰，讓整道菜品的味道更加豐富，十分滿足。👍🏻👍🏻腩汁蘿蔔蘿蔔吸收了腩汁的精華，口感軟嫩，甜中帶鹹，令人回味無窮。這道菜既能夠增添風味，又能提供健康的蔬菜選擇，十分適合作為配菜。🆗🆗腐乳通菜通菜的脆嫩與腐乳的濃郁形成了絕妙的搭配，口感獨特。這道菜不僅能為整體餐點增添色彩，還帶來了一絲獨特的風味，讓人食指大動。🤤🤤🤤

今日去咗旺角試咗間好出名嘅清湯腩專家，真係好好食，首先叫咗個清湯牛腩麵加牛筋，牛腩煮得夠淋，入口即化，牛筋又彈牙，湯底清甜唔油膩，飲晒都唔會覺得口渴。跟住試咗個清湯牛腩米線加魚蛋，米線滑溜溜，魚蛋彈牙有魚味，同牛腩好夾唔錯。仲叫咗碟腩汁生菜，生菜爽脆，腩汁香濃，撈埋一齊食真係好正！整體嚟講，樣樣都好食，服務態度都唔錯，店員好有禮貌，環境簡潔，如果鍾意食清湯腩，呢間絕對值得一試，下次帶阿媽過嚟試吓先！