歡樂今燒BBQ (已結業)

我住九龍，聽朋友講上水有個燒烤場（歡樂今燒），我地一行有廿幾人去幫襯，去到有一個好大既停車場泊車，入到燒烤場感覺舒服，我們book左一間玻璃屋，有麻雀、有唱K、有卓球，還有小朋友玩彈彈床，職員細心招待，場內有不同種類既食物，配上泰式醬料，而職員更細心教我們包粟米🌽及番薯🍠，令我們感覺很親切！而最欣賞的是厚厚麵包，塗上牛油蒜蓉，最後燒好再加上蜜糖，真係要值得一試！職員的細心講解，令我真係有種家的感覺！我會再繼續幫襯👍🏼👍🏼😊😊

即燒隻乳豬，燒得好靚，卜卜脆的皮，非常特別。泊車方便，冷氣蒙古包有特式設備齊全，卡拉Ok,卓球、電動麻雀枱。假日一家大細，朋友好去處，中秋佳節會再去👍👍👍

臨時興起約第二日去bbq嘅，有fd想試哩間所以就來，點知真係好很差，應該係唔諗住做回頭客生意嘅bbq場。。。員工態度普遍都唔好，講嘢都係晦氣說話，仲非常建議我哋搵老細投訴🤷‍♀️我哋十幾二十人竟然淨係俾一份調味料，蜜糖嗰份糧真係少得可憐，最後同佢坳咗一陣先俾多一份我哋。😕另外，一個爐淨係俾一包碳（份量偏小嗰隻），唔夠用要另外再買（好似20一包），小家到咁都真係少見。場就俾咗大房我哋，有電視，麻雀枱，桌球枱。不過電視冇聲嘅，聽聞可以唱K，咪要另外俾錢租，不過冇聲唔知點唱呢🤔🤔最後我哋都冇用到，因為好似版權問題，播歌都麻煩。另外就係冷氣唔夠凍🥵食物味道尚可，味精唔太多。有小朋友嘅話，佢個遊樂設施都算好玩，可以放下電。不過真心唔會想再幫襯😵‍💫😵‍💫

今日同屋企人去呢度BBQ ，之前見食評唔係太好，所以都有所保留，不過，各人有各人意見，都係自己去過、試過，感受過好啲。唔好咪 one off deal 無下次囉。我又覺得幾好咊，服務又快、又好！啲嘢食又好味😋尤其係蒜茸包，厚度啱啱好、蒜蓉又多👍燒到差唔多就加啲蜜糖燒多一陣間等佢脆啲😋燒嘢食又多味道選擇，都係好有 heart 嘅製作！一定會再去❣️大家有時間，就去試吓啦，唔好用眼同耳去判斷啲嘢，應該自己親身感受。唔講咁多啦😂陣間比人以為係「鱔稿」🤣😂我只係喜歡開心 share 啫🥰🤗

逐樣逐樣同你計 服務態度又唔好 電視又壞 叫咗好多次 話會嚟整都冇嚟過本身訂房嗰陣話可以唱k 叫我哋用usb入歌 搞掂好晒之後先話冇得唱 又唔前提wts通知我哋一聲 電視又冇得睇😑

我們一行28人，訂了BBQ連大包廂，套餐包了有卡拉OK，桌球，鋼琴，電動麻雀台！任食燒烤，包一罐飲品，燒烤叉，紙碟，膠叉，4包炭！先講入場，帶咗我地入場之後，透咗兩個爐，就全程唔見人！比咗一袋遙控，一倒出黎，只係得電視同步步X DVD機既遙控，卡拉OK無比咪，電動麻雀台開唔到，只有桌球可以玩到！臨近尾聲先知道，原來卡拉OK咪要比錢租，$10/枝，d歌有d仲要係Join左VIP先叫做有d新歌(都係聽隔離包廂既顧客講)你話玩佢d設備要比按金我都無所謂，驚整壞都好合理，預先講明都無問題，但係之後先講要再比錢，咁樣我做咩要一開始要專登訂個包廂？再講下食物，味道算正常，款式都算多，不過經常無，又無refill，拎食物個counter得兩個姨姨，完全做唔切，態度仲要超差，出去等換飲品既時候聽到隔離個顧客想問佢拎紙碟同膠叉，個姨姨問佢做咩仲要拎，問佢幾多人要幾多份，隱約聽到佢又係2X人，話佢地入場時比唔足，要再拎，個阿姨答無理由比唔足，你再check下，到最後都係黑住面比左幾套佢！另外蜜糖，我地28人，開左3個爐，只係比左一小兜，好似人地住醫院裝住d藥比病人個只咁細！仲有男女廁超污糟，洗手液仲要溝水

從來未試過有咁差嘅經驗，30幾人約埋一齊去燒嘢食慶祝中秋，訂咗一個最大嘅蒙古包，一去到唔夠10分鐘斷電，原本諗住有冷氣唱卡拉OK同打麻雀，點知乜都冇，佢哋用咗大概兩個鐘整返個電源，點知玩多15分鐘又斷電！諗住蒙古包裏面有電動麻雀，但係由於斷電關係裏面又冇冷氣，變咗要喺室外打麻雀，佢仲要收我哋每台買咗$100如果要去室外燒烤場大把選擇，唔使去到老年咁遠，今次真係中晒伏，真心，千祈唔好去

每次去到這個世外桃園的燒烤場，就像回到家一樣，老闆和各位員工都熱情款待，簡直有賓至如歸的感覺⋯⋯好開心的一晚，大人小朋友大大小小唱K、打牌、玩士碌架、bbq的一個呱呱嘈的晚上，盡情玩樂説不完的愉快晚上。平日如果人小都會坐外面，今次好多人就卜了一個蒙古包，裏面有攻打四方城、桌球🎱、卡拉ok，入面又有舒適冷氣，想玩的玩，想吃的就在外面燒烤，喜歡吃什麼就到前台的雪櫃任君選擇😋👍—————————我們由黃昏玩到睌上，晚上還有五光十色的霓虹的士高燈光，在草地上投下四射的搖擺，小朋友在跟著燈飾的跑跳，十分開心🥳更有舞台霧及泡泡飛掦，小朋友在這又大又美麗的草原內玩，大人和小朋友都置身於大自然環境下的開懷歡暢👍👍👍👍👍—————————多款食物，吃不完的美食，雞翼都十款咁多😄各類食物多到數唔哂，如非特別情況下，機乎每次BBQ都是在這裏😁🐷豬肋骨：我最喜愛就是這個豬肋骨，烤醬的味道燒起來特別香又好味道，又是機乎每次都吃這個就已經很滿足😂其他食物豬、牛、雞、蔬菜、各款丸類、菇類、麵包、蕃薯🍠……………….多到數唔哂，味道的調較更是適中，不會咸又不會淡，如果想吃辣或想吃其他調味，又有任添加的醬汁，任君喜好！

「歡樂今燒BBQ」之.......日🌞與夜🌙————————-一間想起去燒烤的時候就想起佢，一間像家的感覺，一間世外桃源的燒烤場，像一個溫暖的牧場、有羊🐑🐐看的，又舒適又輕鬆又享受的燒烤場。D人係完全可以瞓係草地上享受，你話幾好feel🥳👍這裡地方很大，空曠且大自然的空氣、在這裡BBQ，即使春夏秋冬都一樣咁涼快和舒適，完全是人生的享受😇😇😇😇😇———————————🟩食物八十多款味道，十多款泰式醬汁配合BBQ的食物，完全是令人吃不停口，百幾元一位任食，食物材料又靚，真係抵到爛⋯⋯所以我間中又會去吓食👍👍———————————🟫泰式雞翼都有十種味道，所以我每次去我都只會吃四五款味道，而且只吃一隻，留反個肚食其他嘢😂😂😂😂😂———————————🟥金沙骨🦴係我至愛燒烤時的食物之一，而且食物不會奄得太濃，食得健康，加埋佢哋既泰式醬汁，真係食唔停口😂，蜜糖是我燒烤必點的醬料。再加埋我最愛吃綠色嗰款醬、好味到無得傾😂😂😂———————————🟦豬扒、雞扒又有多款不同味道，冬蔭公湯你飲得多，冬蔭公雞🐔扒你又試過未，出色、特式、好食😋丸類都二三十款、多款食物：雞賢、雞軟骨、牛扒、一口牛、牛脷、魚🐟柳

中秋過後之「送月夜🌙」歡樂今（燒）🔥BBQ燒烤塲🍾🥂🍽一間我已經去到熟哂仲變為好朋友既燒烤場，由我第一次去食，隨咗覺得地方及環境像世外桃源之外，燒烤場每個工作人員的親切禮貌，就像溫馨家人般，而且食材更是用料上乘，百幾元一位任食5小時之首創泰式BBQ，任燒任食、多款醬汁任你點，有時平日我假期會中午去，因為現在疫情下時間可能有所更改了，所以我通常去之前都會致電，或者上網預訂或上fb whatsapp也可以，燒烤場內場地非常大，可以帶埋🐶🐩🐕🐕‍🦺🦮狗狗去玩，如果時間早，仲有羊🐑羊在吃草，悠閑慢步陪住你，影吓相，❤️「開心🥳⋯⋯又簡單的節目」🌹👏👏👏👏⋯⋯愛動物之人的遊玩及BBQ打卡熱點，燒烤場內仲有蒙古包，又大又舒適的房間，空調冷氣裝置，大型音響設備器材、卡拉ok、麻雀🀄️耍樂、設備齊全的舒適享受燒烤場，由我第一次去就喜歡了這個地方，大自然的環境享受，又可以抱著🐶🐩🦮🐕🐕‍🦺一齊玩的享受❤️😇—————————🟩醬汁：蜜糖、沙爹醬、甜酸醬、香草🌿辣醬，泰式辣醬、泰式青紅椒辣醬.........等等，喜歡吃什麼醬由你選擇👍👍👍👍—————————-🟧雞翼都有十款味道，例如：香草味、BBQ味....

疫情關係 唔可以在郊野公園燒烤爐燒野食 於是就在openrice到睇下有咩好的燒烤場 最後中秋假期就去了歡樂今宵到燒野食到達第一步我們去買入場券 然後我們就去挑位置坐 沒人帶路之餘 我們坐好一個位置之後 又說那個位置不是我們坐 亦等了一段時間也沒有人幫我們開爐開始燒野食時 出去拎食物的時候是需要戴上口罩的 但不知道是什麼原因 有很大部分的人沒有戴上口罩 當場的職員都沒有叫他們戴上口罩 八點左右就沒有了他們的招牌蒜茸多士 然後愈來愈多的食物沒有了 仲未飽 很掃興 免費飲品方面種類也很少他們的泰式調味汁方面 真的很出色 但食物醃製味道比較淡廁所分開男女廁 但到場的人男女廁共用 而且比較骯髒場地方面比看相片的細 看到很多美麗的燈飾 但他們整晚都沒有開燈飾但最令人不滿的地方是服務態度 職員對答的態度完全係冇禮貌 嘢食冇晒的時候 叫他們拎 有職員又話食埋其他嗰啲先再拎 完全與任食的定義相反 還有就是職員理解能力很差 金菇包好晒放喺度 問其中一位職員係咪可以拎 他態度惡劣的說：唔得 要問過佢哋先可以拎 咁想請問我問他們可唔可以拎 同問過他們可唔可以拎的分別在那裏呢

想享受大自然，無拘無束，自由自在的新鮮空氣下，一家大細、男女老幼都適合的活動，非去不可的世外桃源（歡樂今..燒..）燒烤場🔥🍡🍢🍢🍡🍢🍡⋯⋯——春夏秋冬四季都適合去的地方。包括男女老幼⋯⋯又健康的活動。👏👏👏👏👏——場內有大草皮，運動的運動，小朋友自由活動的玩耍，放🐶狗、打羽毛球🏸️、應有盡有自由發揮的運動➕活動——大人最喜歡四人的思考能力活在動———攻打四方城⋯⋯打麻雀耍樂——男女老幼都喜愛的卡拉ok——係呢到大人細路仔無分國藉無分國界，任何時候都可以好開心，真係一個世外桃園的好地方👨‍👩‍👦‍👦👩‍❤️‍💋‍👩👨‍❤️‍👨👩‍❤️‍👨👩‍👦👩‍👦‍👦👭🏃‍♂️👨🏻‍🦽👯‍♂️🙍‍♀️🤦🏻🤦🏻‍♂️🤰🙍‍♀️💆‍♀️⋯⋯——-食物又出色、雞🐔翼都可以有十幾款味道，沙嗲味、泰式味、燒烤味、香草🌿昧，仲有........我每次去都心大心細食咩味道，一於每款食一隻💯——羊架、肉質鮮嫩，上乘材料⋯必吃——多款丸類、腸仔，我個人覺得最特別海膽丸，墨魚🦑汁丸，彈牙爽口，食海膽丸時要小心熱辣辣入面有餡料，有口感，又好味😋——豬頸肉爽口，豬扒又有不同味道，香茅味，叉燒醬味........等等。肉質鮮嫩，味道更加不在話.

Barbecue 我好簡單，有方包，蕃薯，魚我就好滿足，呢到有厚切蒜蓉牛油方包，好味，我食左三塊，有蕃薯，雖然唔係日本蕃薯但都可以，又有幾款泰式醃法既肉類，價錢同質素成正比

好耐無燒嘢食，今日放假就去玩下，呢個場夠哂空曠，爐與爐之間有足夠空間，唔會太迫，而且有個大草地可以比小朋友任跑任跳，呢度仲有啲特色房間，可以喺裏面唱卡拉OK或者打牌，如果蒙古包仲有得打桌球添！不過我哋人數唔夠就唯有坐出邊，佢有帳篷，太陽落雨都唔怕，夜晚仲可以打返開個帳篷觀星，環境好唔錯啊。至於食物方面，普通嘅丸、扒、雞翼等都應有盡有！仲有啲特別嘅選擇例如豆卜、雞軟骨等，而且仲可以每人有一件羊架或者豬仔比，兩樣都好味呀。配埋佢獨有既多款泰式醬料，有辣有唔辣任君選擇，真係唔錯。見門口仲有好多地方裝修緊，好奇問下負責人，原來嗰D位之後會租比人做市集和餐廳，相信過多一年呢個位應該好熱鬧

以前食過嘅自助BBQ嚟嚟去去都係嗰種味道，即係嗰啲蒜蓉黑椒呢啲好單調嘅調味，但係今日嚟過呢度先發現，原來BBQ都有唔同風味嘅嘢食㗎每台都會俾番相應嘅餐具，紙巾手套等物資，量好充足，跟住就去拎醬汁啦，佢有好多款選擇，姐姐會每款都俾一碟，再加蜜糖食物選擇都有好多款，肉類有雞豬牛羊魚，每款都有唔同嘅調味，雞翼調味多達8款添呀，另外仲有唔少嘅丸類同腸仔等，蔬菜就有番薯，粟米，蔬菜包，菇包我諗住每款雞翼都試吓，雞翼調味分別有香茅，冬蔭公，蒜蓉，姜蓉，青咖哩，泰辣味等等，仲要隻隻雞翼都大大件㗎，但人勁勁勁推冬蔭公同泰辣味，燒到外少少焦香再配啲辣辣地嘅調味好惹味，雞翼都好爆汁juicy想味道再昇華就要點佢哋泰廚精心調配嘅醬汁，我會推薦甜酸辣汁，完全係畫龍點睛！開胃又美味佢哋嘅多士配埋個自製蒜蓉牛油，多士仲要係厚多士添呀，底面烤到脆一脆，入面又保持鬆軟口感，仲充分吸哂牛油蒜油，完全係成個BBQ完美Ending