權記粉麵茶餐廳

营业中

休息中

今天約定了女友在旺角逛街和午餐，但是在下見尚有時間，加上今天還未喝一杯咖啡，於是到附近尋找一下，哪裡可以嘆一杯咖啡。在下都找到好幾間茶仔，可是又不想吃得太多，於是找到了這間食粉麵的店舖，一於試吓這裡的粉麵。在下實在有一段時間沒有去潮州粉麵店吃粉麵，今天可以來到這間權記，可以滿足一吓在下吃粉麵的情懷，縱使今天約定女朋友午膳，也要嚐試一碗熱騰騰的粉麵和冰凍的咖啡。甫進入餐廳，與一般粉麵店的裝修無異，但是麵檔與水吧卻連成一體，左邊是麵檔，右邊是水吧。而在下坐的卡座，位於收銀櫃檯的那邊呢！而坐在在下對面的，是兩位老人家，正在談論店舖的食物。在下坐定後，在想想要吃的是甚麼，於是便揀選了魚蛋河和凍咖啡。然而看著對面的老人家吃的是牛腩米和牛腩河，難道這店舖的招牌菜就是牛腩？如果這裡的牛腩真的好吃的話,在下都會再來一次,親試這裡的牛腩，不過在下已經叫了魚蛋河便算了吧，而在下也等了十分鐘才有河粉吃呢！魚蛋河終於來到，河粉把魚蛋和魚片遮蓋了，要把魚蛋和魚片翻起來。魚蛋與魚片呈現白色，看起來也相當吸引的，加上葱花點綴，看來不只是白色。開始吃了，魚蛋和魚片都很彈牙和爽口，也有其魚味，而河粉也很滑溜。可能是因為

下午茶時間，未食晏但唔想咁飽，潮式粉麵岩哂。見食評幾好，一於試下。粉麵$23起，熱飲+$6。叫左牛腩河，好快有得食。唔細碗，粉量同牛腩都唔少。牛腩唔係全瘦，有連住少少肥同根，好鬆軟，入味，湯底好味，牛腩汁加埋葱係一流配搭。河粉雖然唔係十分滑，但熟度剛好，加埋湯汁，好野味。見幾枱人都叫牛腩飯$38，賣相好，又有蘿蔔，應該好好食，下次可以試。

3月20日同朋友又嚟旺角覆診,因為皮膚敏感所以唔食得牛,就叫左一個蕃茄豬扒米線跟熱檸水,朋友就叫肥腩米,蕃茄湯底的蕃茄唔係溶晒的,係食到一件件蕃茄的,唔會好酸,幾好味,豬扒係另上的,但係好硬,好難咬,都有豬扒味的,唔似人地其它地方會係d粉整到好淋但冇晒豬扒味道.整體係好味的.朋友的肥腩米唔夠肥,佢話依家越嚟越唔肥啦,其實配河粉係入味d既,但係米粉就冇咁肥呀.朋友話另一間的肥腩依家已超越呢間啦,下次如果好想食肥腩可以去果間呀!!

自從在旺角發掘了這家招牌食潮式牛什粉麵的茶餐廳，這裡已經變成我的旺角區飯堂，幾乎每星期都會朝聖一次，更漸取代了我到中環九記的意欲，因為地點方便，價錢抵食又大碗，叫一碗單拼牛腩粉麵+一杯熱飲都係$29.....而且牛腩差不多有7件，都大大件，最重要的是牛腩鹵得超入味又腍，想起都想現在立即去吃多次。如果想吃不同部位的牛什，餐牌更有牛三寶(牛腩、牛肚等)、牛四寶選擇，而且價錢都唔貴，如果叫河粉，我覺得整碗粉的份量還很多，男士都會吃得飽。另外，他們的雲吞都很好吃，雲吞的鮮蝦很足，和豬肉、麻油混和的比例剛剛好，有以前吃的那種足料雲吞的味道，總之都係好好味啦！十足推介的餐廳！

上星期四去上堂，食碗粉先，朋友話想嚟呢度食肥腩，我都好懐念！我地本來諗住叫淨餸加碟油菜一齊食，但計下錢叫双拼平d喎！咁就叫左一人一碗，我食牛肚牛腩河，朋友食牛筋牛腩米，好大碗啊!好耐冇食好味呀!腩汁好香，牛肚爽囗好味呀!牛腩有少少肥好淋身，正！！

一月十二日 (星期四)經常行經金魚街(我們稱之為龜龜街) ，每每都看到這家粉麵店總是坐滿人回家一看各食家評語，原來是頗不錯的，於是就決定是日特地一試放工過來，可能是週中日子，入店時仍有一兩張空桌，我們不用等位便可人座這裡供選擇的食品種類不少，除中式粉麵外，還有多士三文治供應既然來到，就要試下其首本名菜 – 牛腩貪心想試多兩款餸，我們各選了雙併，再加一碟炸魚皮前來時，看過其他食友的照片，牛腩賣相的確十分吸引可我們眼前的就不是那回事，肥膏頗多將肥膏移走，肉只剩三分二，入口沒錯很煙韌，牛味豐腴味道和質感上真的很不錯，只怪我們運氣差，得到了最肥的那一部份豬肉丸沒有平時吃到的爽口，但肉香就較之濃郁，不錯的魚旦頗爽口，魚香味一般水餃大大隻，餡料十足，豐富而味鮮，不錯的肚還有空位，加了一碟炸魚皮輕輕浸湯，香脆的魚皮又帶點咸香，味美非常

聖誕假前一日，仲要番工，晏晝去食車仔麵，未到五點就肚餓。於是打去權記叫外賣，個同事要西多士，我就要咗牛腩河。埋單$47，問個阿姐每樣幾錢，佢都答唔到。個同事話西多士好好味，仲話唔係間間都整得好味...我碗牛腩河，份量多，而且牛腩仲多過河。墊底嘅係牛腩，鋪面又有牛腩，起碼有7-8舊；牛腩比好多自稱為「清湯腩專門店」好吃！牛腩係一層肉、一層肥，層肉雖然望落好似好鞋，但一d都唔鞋，好香，好有牛味。河粉質地唔錯，唔易碎；不過個湯底就較肥，有少少肥膏浮呀浮...

昨天同朋友去左食牛腩米,呢間係出名食牛的,之前食過都覺得好好味.所以去開花園街再嚟食過,我叫左牛腩牛肚米粉,飲熱檸水,朋友叫左牛腩牛根米粉,牛腩好淋好香好好味呀,牛肚都好味,份量都好多架,我的牛腩少少肥,朋友的牛腩廋d,牛根都好淋呀,好味,成碗成晒都好飽,有好多米粉的呀!配埋d辣椒油一齊食辣辣地好惹味呀!!朋友的老公食牛腩牛肚飯,都幾大碟呀.無論飲咖啡奶茶or汽水都可以加6元.

今天下午約左朋友去花墟,出發前嚟左呢間茶餐廳醫肚先,朋友話呢度食牛腩出名,估唔到2點幾有人要係門口排隊啦,不過等左一陣就有位啦,我地四個人坐卡位,有兩個朋友未到,但不停都有人問我地有冇人坐,真的很旺場喎,我地研究緊食咩,都幾多選擇呀.本來朋友都好想試下d牛腩,但見隔離枱的牛腩好似麻麻地吸引同埋份量好少,所以佢放棄左食牛啦.佢叫左一個常餐,有火腿炒蛋牛油方包跟沙嗲牛肉通粉,一般啦,另一個叫左魚蛋河,都係一般啦,我及另一個朋友本來想叫牛三寶加油菜一齊食的,點知牛腩竟然賣晒,之後又冇得用第二樣代替,於是我地就叫左雙拼,牛肚加牛根,另外叫左個芥蘭一齊食呀,嘩,個碟牛雙拼都好大碟喎,個底好多蘿白,仲好大件架,蘿白唔算太甜但係都好味,好淋唔會係硬身的,吸晒d湯都好味,牛肚好淋好味呀,唔會太咸,牛根都好淋身,味道都好入味,唔算好重味.碟芥蘭都好味,好淋身好甜呀.叫左杯熱奶茶都好香好滑呀,正!!!

金魚街多金魚佬/婆, 我亦係其中一份子 熱辣辣有乜好食, 求其食碗粉麵了事大字報以牛腩為首, 而我更愛食根 紫菜牛根麵 $25 : 份量好大, 已經感覺到應該食唔晒湯底異常地咸．．．咸．．．咸　．．．牛根夠腍而且保留嚼勁, 但欠缺所謂的五香味 是入得口既麵, 絕對是來貨, 間間都係一樣無大分別 加五蚊的紫菜落足料, 爽口好味，　 總結:　是抵食又飽肚之選，冷氣又夠凍, 都食得過既　

今晚要去飲宴, 知道差不多九點幾先有得食, 所以先去打定底, 行過金魚街本來諗住食下魚肉湯, 點知美味食店隔離Corner位間舖頭已經執咗, 有少少失望之際行去旺角方向, 見呢間茶餐廳有頗多人幫襯又啱啱有卡位, 於是入去試下叫了牛腩四寶撈麵, 咁不得了, 份量都幾多, 除咗牛腩外仲有牛肚、牛筋及雲吞; 牛腩好腍及好入味, 部位唔錯肥瘦適中, 而牛肚牛筋及雲吞都唔錯, 連埋杯凍檸茶都係$43, 但食完後好飽, 睇來今晚九點前都未必消化得切

出去開完會，獨自在附近找個地方吃埋午飯才回寫字樓，按個人習慣，一條友的時候都係幫襯茶記。入到太子這間茶餐廳，見佢既三款快餐分別是豬扒火腿煎蛋、雞扒火腿煎蛋以及餐肉火腿煎蛋，咁鬼近似的ABC餐，還是第一次見。想一會，要個C餐。煎蛋好在蛋黃仍未熟透，「篤穿」蛋黃，以蛋汁撈飯，再配以不少的甜豉油，簡單又美味；午餐肉和火腿均是輕輕煎過，不會凍冰冰咁就送上來，幾好。普通至極的三款食物，亦可以令我滿足，我想我也不是太奄尖的人。早幾日飲的凍檸茶，一係就淡口無味，要不是就甜過頭，今次這杯就對辦了。

太子has fewer and fewer traditional 潮式 style noodle shop. i went to fish market to buy things.. passed by this shop and try try.. 牛腩 was tender and tasty! 好入味! personally i think it's better than 九記..i had hot milk tea. Good! my friend had iced lemon tea --- average. (不太會打中文 .. so, type english.. = =")

男朋友介紹話呢度有個四寶好好食. 所以下午茶就黎呢度試下~原來呢度既招牌四寶($30)有雲吞, 牛肚, 牛腩, 牛筋~ (另加$8 凍檸茶)我唔想同男友爭食, 又諗住份量好少, 所以就一人一碗, 但原來餸既份量都唔算少~雲吞2粒, 其餘都好多舊, 牛肚牛腩牛筋仲好入味... 湯底又夠味!!加少少辣椒汁仲正!食完勁飽!

2008年12月22號 - 晚上7點幾左右今日要去花園街買冷。 之後就找野食。 行左去通菜街找到權記就決定入去試試la。看看他們有什麼野食先。 他們有飯&麵, 但是無炒飯。 所以揀左個叉燒蛋飯+奶茶(HK$30,-)。 比較貴, 但是無所謂la。奶茶先來。 試試先。 Um。 都OK。 夠濃。 適合我口味。 然後個飯來la。 試試先。 叉燒OK, 但是覺得比較冷一點。 蛋都OK。環境方面都好好。 有電視。 我來果時他們不是好多客。 但是如果好多人的話會覺得好窄, 好逼。 不過覺得舒服。