權發小廚

营业中

休息中

知道你好生意，但都無可能將呢啲平民食物越加越貴，而家加到兩個餸45蚊會唔會有少少本末倒置咗？嘢飲又唔包要加5蚊，兩餸飯變相成50蚊（都仲未講三餸）講真句兩餸如果貴過40真係唔考慮，態度又越嚟越差，全世界唔係得你一檔三餸飯，隔兩條街嘅雄記啲餸同你地不相伯仲但36蚊兩餸連凍飲...人地仲有堂食同埋態度仲要幾好...疫情期間同朋友成日幫襯你，係覺得你地抵食之餘仲要高水準...而家少咗個優點啦...希望你老闆睇到啦...

今午有心去試吓權發新店既两餸飯.新店堂坐環境簡潔舒適,不错. 约中午12點到,只有4,5個客人this this this 在點餸, 呢個餸係咩,好唔好味？首選,糖醋排骨, 口感酸酸甜甜,外脆內軟,特別在甜與酸之間,味覺上的陳醋味,游走其中,它才是主角,左手握着甜,右手提着酸.以晚飯酒家小炒的要求,是 高水準之作,放在两餸飯的其中一款餸.價錢貴或平, 大家自己公平地分析.蘿白牛腩,牛腩淋身,蘿白入味,都是不错既餸菜.

夜媽媽 9點半 間間都閂晒😤得番兩間仲有餸仲開緊仲可以堂食見權發終於唔駛排隊 就入左去之前大大份 近排見佢轉左環保盒兩餸三餸盒有分別 雖然呀姐過份量冇變但係我仍然覺得係份量小左 唔加價面份量少左dd之後 係另類加價 加少少啦😮‍💨不過餸菜依然似番茶記口味夠濃 好食✌🏻肥肉好香 就咁撈汁食飯我都可以🤭🤭之後麻辣蓮藕炒雞雞有走油啦應該 半炸咁款，然後一食落去，就係番大陸食個隻麻辣味，好好送飯，唔錯檸檬茶就。。就係檸檬加落d茶咁囉，沒有必要叫

今日到權發買一個 兩餸， 唔知係唔係隔住個口罩 ，附近又好嘈，佢聽唔到我講 ，佢就大聲呼喝: 幾多個呀？我大聲一點說「一個兩餸」。 佢就立刻 碌大對眼 大聲喝罵我:「夠知你買兩餸，你買幾多個呀？........」 我唯有用超大聲答佢: 「一個呀!」全程好似嗌交咁。佢跟住不斷收錢，不斷鬧我。 結論：以後冇餸食都唔去佢嗰度買 ( 質素和款式已經不及疫情時) 感嘆 香港人做生意，錢多就好大聲， 唔洗尊重人。

今日在油麻地權發買左個兩餸飯，在牛腩發現疑似眼睫毛，仲係一條完整，好在唔係一半😤，平時都會去幫襯，經過今次之後都唔敢再去。真係見不見為乾淨，當自己見到時就想嘔。出街食要預呢D情況，所以大家出街食時要小心注意。

今天買兩餸飯，一個比较后生女人，紮孖辮，態度非常惡劣，自己聽错order，仲要鬧番轉頭，话我“買野大晒咩“。我唔係買野大晒，都唔係比你出氣。買一歺飯買到一肚氣，做生意請D甘嘅員工真悲哀，又唔你無其他選擇，一定唔會再幫襯佢。唔係同佢有仇，萍水相逢，点解我要寫出黎，就係遇上呢D冇品嘅食店，連员工都全冇服務態度。差差評，冇下次。

自從疫情之後，很多市民都陷入失業潮所以香港就多了很多兩餸飯店舖掘起讓很多收入不充裕的市民都可以用親民價格吃上飯，而且菜式還有很多種！兩餸飯 $38 / 三餸飯 $48目前香港的兩餸飯林立，可是食物質素參差不齊，聽說有些店的飯菜根本不能吃進口🤮這家的味道不錯，我點的菜式只有蒸水蛋沒味道其他都過關有原條魚供應(原條魚當兩餸計算)，聽聞黑醋骨是招牌可以試試看🫶🏻如果不想在家煮飯，這家店也是一個好選擇！不過晚上會出現人龍可能需要排隊喔

店員服務態度非常惡劣😡😡😡😡😡😡明明係要椒鹽蝦+生炒骨 望住佢比錯椒鹽豬扒同佢講返我係要蝦 但係佢就極惡咁鬧我話係我講錯 佢冇聽錯 然後我都係好聲好氣同佢講話係你聽錯啦 佢就話自己冇可能聽錯 仲鬧我話個個都好似你咁 一個二個都係咁咁我米好辛苦 我都係黎買個飯姐 唔係黎受你氣 加上明明係你錯 自己做錯野仲唔應 仲惡到鬧返啲客轉頭 實在太離譜 食物味道的確係唔錯嘅 價錢都好合理 但係呀姐個態度真係嚇死人🥵 油麻地仲有好多好野食大家可以考慮一下其他

無論份量還是質素都比之前差！本身三餸飯都係阿姐分多定分少，但真係越來越少餸，賣相越來越醜，有時菜已經變黃！依家可以堂食，少咗人買三餸飯，佢就做得越來越差！真係要搵過另一間食～

最近係油麻地經過一間多人排隊既三餸飯，由門口望入去個玻璃，超多餸可以揀，上網睇返原來係兩餸飯既hermes🤣所以叫屋企人唔洗煮餸，外賣回家。淨餸$48.🥢秘製黑醋骨黑醋骨個汁酸酸甜甜，好開胃，好岩配飯。肉質唔錯，啖啖肉，舊骨唔算大，而且外皮脆，內裏肉嫩，又唔會成口肥膏。超級推介👍🏻👍🏻🥢招牌生炒骨生炒骨外皮唔厚粉，食落口啖啖肉，骨都比較細，而且食落唔會成口粉或者成口油。醬汁方面比較酸，又係送飯一流既好餸🤣🥢香辣乾鍋雞雞肉同蓮藕都炒得乾身，唔會成碟個底都係辣油。雞肉因為比較乾，所以比較柴。蓮藕脆口，有少量木耳。但整體黎講，好香辣味但食落口就唔太辣🤤🥢豉椒鵝腸鵝腸炒到有好香鍋氣味，唔會太咸😝😝🥢豉汁蒸䱽魚好抵食，1盒入面有2隻䱽魚。但係豉汁味道比較淡，我個人唔太中意😢🥢椒鹽海生蝦椒鹽味香，而且蝦殻軟，可以連埋個殻食，岩晒我依d懶人🙈🙈評分：味道：⭐️⭐️⭐️️⭐️環境：⭐️⭐️⭐️整體：⭐️⭐️⭐️⭐️————————————————————————📌權發小廚📍油麻地彌敦道513號泰和商業大樓地舖📍西灣河成安街33號柏匯地下8號舖

今日出左旺角區，一心係要支持💪🏻兩餸飯，但我宗旨係見到長龍調頭走，經過多間兩餸飯店舖都排左長人龍，行到權發居然見到無人排隊😱，咁就二話不說去比錢，我同朋友都心多多💓💓，咁就大家都買3餸（$48）。我選左個咖哩薯仔雞、泰式豬扒同埋欖菜肉鬆四季豆；個咖哩雞以為無驚喜，點知比預期中好食，肉鬆四季豆就勁好味，餸飯一流，反而個泰式豬扒我真係食唔到咩味🧐，呢個下次可以out🙅🏻‍♀️。朋友選左權發名物～黑醋骨🍖、麻辣蓮藕同埋椒鹽蝦🦐；黑醋骨我個人覺得名大於實😑，椒鹽蝦可以連殼食方便我呢D懶人😂、而麻辣蓮藕係最，辣度平均。由於見到幾十款菜式放在眼前🤩，我地開心過頭都唔記得左叫少飯，一定食唔曬😣，但我地無浪費，每盒留起一半飯聽日炒埋佢食。雖然權發已經加左價，兩餸飯由$36加到$38，但因為真仲平過自己煮，所以我都會繼續幫襯

兩餸款式多，味道ok,本來是不錯的選擇，可惜夾餸員工作態度超差，明明叫的是那兩個餸，弄錯了還屈你說錯！我後面排隊的人，聽到了，叫她工作集中d！本來她自己沒聽清，就黑面說我明明是叫這兩個餸！慢點說要什麼，就好不耐煩！我心想你以為我好欺負嗎？我說話強硬起來，說你自己聽錯，那女中年女人才有點怕，態度才軟下來，心想老細請著這樣的員工，真係祝佢好運？我決定以後不會光顧這個店！不知所喟！免得排隊買外賣還要受氣！

早幾日去咗拜訪呢間經常排長龍嘅兩餸飯，原來已經加價加到$38，好似都算偏貴😅選擇確實好多👍有幸試到招牌之一嘅黑醋骨，肉質唔錯，但係醬汁太稠🙈菜心炒牛肉都係正常水準，還好😅個人認為唔需要再咁樣排隊去食😅😅

近日，喺電視經常見到報道呢一間餐廳嘅兩餸飯，終於決定去會一會佢。暫時試過兩次都覺得OK，平日夜晚排隊會耐少少，要買咗飛先排隊，等大概15分鐘，星期六日只需要等5分鐘，不過黑醋骨就未必成日有，如果撞正到自己賣晒，就要企喺側邊等一陣。個人認為買淨餸$45點都抵過兩餸飯，因為兩餸飯嘅份量係少啲嘅，返屋企煲啲白飯就可以食得。黑醋骨真係唔係浪得虛明，個甜酸度啱啱好，舊骨煙煙韌韌，送飯一流。之前仲試過咕嚕肉，擺咗好耐都仲好脆，不過係比較細粒啲嘅骨嚟嘅，唔係大嚿嗰隻，但係都幾好。至於鵝腸，唔知係咪擺耐左，我覺得好似落多咗芡汁，太過稠。西蘭花炒蝦球都整得好好食，啲蝦好爽口彈牙，大大隻，西蘭花新鮮，係翠綠色嘅。至於炒蜆性價比都幾高， $45一大盒，真係仲想點呀，如果呢三盒野喺大排檔食起碼要五六百蚊埋單。全家人都食得好滿足，可能會變成嚟緊嘅飯堂，大暑好熱，完全唔想煮飯，真心推介。

這家店舖專門售賣兩餸飯盒，有十多款式的餸菜，餸菜是以玻璃隔開，清潔衛生，廚房位在舖位內，近距離烹調，即煮即賣。兩餸飯每盒36元，例湯每碗5元。西蘭花蝦仁，西蘭花新鮮，蝦肉彈牙，這款菜式是用水烚，味道清淡。黑醋骨，肉外層少少脆，內層少少軟，酸醋味濃。例湯材料頗多，有粟米、雪耳和木瓜，湯味道正常。