櫻桃麵飽西餅

每次經過都要幫我媽子買個芒果布甸, 佢話呢度好好食🤣🤣🤣其實佢哋仲有好多甜品賣啫喱糖之類, 而且價錢仲好平添🫶🏻🌟🌟🌟🌟🌟🌟上次買過一次佢哋新鮮出爐嘅麵包都唔錯✌🏻…查看更多

近朗展站，一間有唔少分店嘅麵包店，間唔中經過行過，都會入去擇返幾個包食，全部街坊價錢，麵包都大大個，飽肚又好抵！芝麻條同豬仔包一樣，但上面多咗少少芝麻，因為芝麻太少，所以唔夠芝麻香味，同一般豬仔包無分別，口感鬆軟，但偏乾同輕身。菠蘿包比芝麻包的唔感好，味道正常發揮忌廉筒呢一個最驚喜！忌廉筒，本身好脆，好厚實，中間嘅忌廉好滑，如果忌廉多啲會再好食啲，食到中間有啲地方係空心的。但整體好好食！蛋撻、蛋糕仔味道正常，勝在價錢好抵！…查看更多

今日經過想買蛋糕就行入去睇吓啲蛋糕，睇緊嘅時候旁邊有個短頭髮嘅阿嬸店員企係度，佢淨係企喺度冇serve 客人亦冇做其他嘢，我睇睇下聽到佢冇端端鬧人痴x線，我望住佢佢只係直望住佢前面麵包櫃。我係OpenRice 睇返啲食評應該係佢之前都有人話過佢態度唔好。咁樣鬧客唔會再幫襯。…查看更多

諗住買比個豆沙餅返去食，食左一塊無事，到食第二塊既時候就出事了，唔知點解有塊紗布係裏面，打電話問佢，佢話換過件比我。下！不了。佢話會退錢，但唔知我屋企人有冇去退希望塊紗布佢地係無用過…查看更多

難得入左黎元朗 點都要買d野做手信返屋企😎屋企人不嬲都鐘意傳統港式麵包行過見到呢間麵包店好似又平又抵 就買左d返去試下.1️⃣ 卷蛋 $10呢個價錢真係超平 今次我地買左一條朱古力同一條抹茶味同連鎖店唔同 質地比較厚實 食落好飽肚不過一分錢一分貨 朱古力同抹茶味當然唔會食到好真嘅味.2️⃣ 蛋撻半打 $20新鮮嘅蛋撻永遠都係最好食🥧返到屋企都急不及待即刻食咗1個中間嘅甜蛋味度同硬度都啱啱好少少甜又唔會太水/太硬而且酥皮亦都好出色 真係幾抵食…查看更多

瑞士卷真係好抵食， 先$10一卷，切開有五大嚿，而且有好多口味。我買咗兩卷，其中抹茶味非常出色，抹茶味香濃，而且瑞士卷嘅口感唔會好鬆散，食得出係足料。真心呢間嘅瑞士卷值得encore！…查看更多

雖然呢間麵包鋪賣得平，$2.5一個麵包，但請注意⚠️ 咬落去幾乎係空氣麵包！物非所值！用太多酵母菌去整麵包，焗到外型好大，但實際真正材料少到冇朋友！唔建議大家去幫襯呢間，寧願去附近既金蘋果，人地係真材實料整一個麵包出黎！員工態度惡劣，尤其係短頭髮戴眼鏡矮矮地果位阿嬋收銀員，明明自己計錯數，仲大大聲呼喝返人轉頭，態度非常惡劣，做生意都做到咁冇品，鬧返顧客轉頭，真係買麵包買到一肚氣！以後都唔會再幫襯呢間櫻桃麵包店！…查看更多

經過櫻桃，見到蛋撻新鮮出爐，價錢又唔貴，$4/個，$20半打，忍唔住買咗半打(酥皮同牛油皮各三個)返屋企慢慢嘆。首先食酥皮，酥皮層次分明，而且鬆化香口，蛋漿香滑，雞蛋味亦濃，而且唔會太甜，食起嚟唔會甜膩，好味！而牛油皮呢，咬落去一陣濃濃嘅牛油香氣，口感似曲奇，其實都唔錯，但同酥皮相比，佢明顯有啲比下去。呢間舖頭啲嘢一啲都唔貴，竟然仲俾我見到$2.5一個菠蘿包，$10一條瑞士卷⋯下次有機會買嚟試下。…查看更多

啲蛋撻好脆，唔會好淋，個蛋撻啲蛋漿好滑，而且都好香蛋味，仲要3.5一個，半打十幾蚊真係好平好抵食，我每次去都一定會買依個抹茶紅豆餅，佢啲紅豆餡好多，啲紅豆都唔會好粉好甜，啲抹茶味好濃，唔會好苦亦都唔會好甜，依個亦都好平，＄3.5一個，整體依個抹茶紅豆餅好好味而且好抵食依個抹茶蛋捲都好好味，啲cream唔會好多，抹茶味都好濃，個蛋捲都好鬆軟，唔會好乾…查看更多

人生於世上有幾多個知己，多少友誼能長存 。我同一位朋友認識咗十二年， 喺呢個 12th anniversary 咁 special 嘅 moment， 搞搞新意思慶祝一下，於昰就去咗一間好相熟嘅餅店， special order 一個 特製嘅 cheesecake 慶祝一下。 友誼就係要慶祝嘅。Special order嘅呢一個 cheese cake, 係屬於 New York cheesecake嘅味道， 呢一個 cheesecake 味道好有水卒，芝士味道好濃香，食落又幼滑，好好味， 食落口就感覺唔係行貨，而且好有 home made feel， 食完之後我同我朋友都感覺到好開心。友誼萬歲。…查看更多

見元朗谷友話櫻桃特價，十蚊一條瑞士卷，咁平就買條試下啦。去到咁啱又預中新鮮出爐麵包，好香呀，忍唔住又買返幾個。火腿芝士包（$5）新鮮出爐超香，拎上手仲熱辣辣，鬆軟麵包夾著半塊火腿同芝士，因為熱塊芝士仲半瀜，上面有粒粒芝士粉，更添香氣。芝麻條（$2.5）一向鍾意食芝麻豬，以為呢條係啦，店員話係日式芝麻條……不過食唔出有咩分別。咸卷（$2.5）呢個先係芝麻豬，圓啲同多啲芝麻，口感比上面個款實少少，但味道差不多。拿破崙瑞士卷（$10）傳聞中的特價瑞士卷，十蚊一條都幾下重手，似乎無因減價而縮水。蛋糕軟身，上面多左層脆脆增加口感，再多少少cream就好了。以為係街坊麵包舖所以咁平，原來有好多間分店，薄利多銷？…查看更多

元朗新開嘅 櫻桃麵包西餅店， 記憶中很多區也有分店 ，這間位置很旺， 在馬路口 ，經過見到好多客人 ，麵包特別平 ， 三至五蚊有交易 。不過每一個麵包 ，同一款， 形狀不同 。例如菠蘿包 每一個包， 有大大細細不同尺寸， 賣的是同一個價錢， 所以要揀就要自己親手揀。 入面麵包種類也很多，又有西餅 有蛋捲，有甜品 ，又布丁， 甚至香蕉糕，蛋撻，曲奇餅也有。 價錢全部都好平， 啱曬我哋啲呢又要平，又要慳。講吓個包味道， 買咗個菠蘿包，雞尾包，腿蛋包，味道幾好食，好新鮮。不過就冇熱辣辣那種感覺。…查看更多