櫻之亭和風日本料理 (已結業)

今日同老公一齊放假，瞓到11點幾決定去深水埗食嘢，諗住食完野之後就去黃金買野，見到日本餐廳好想食，決定入去食，服務員安排我們坐卡位，我哋決定好食咩， 我叫左一個和風豚肉飯 加7蚊 要水蜜桃果汁而老公叫照燒雞扒飯加3蚊 凍檸水。

又來到深水埗啦！請個老友食飯佢話想食日本野，就上OpenRice search 最近嘅日本料理，中規中矩，值得一試嘅！壽司刺身當然唔少得啦，種類選擇繁多，價錢合理，好唔好食就要試過先知喇！除咗壽司當然唔少得爐端燒同埋一品料理啦，mean 仲有好多頁，介紹唔晒，總之就好多選擇啦！呢個激安特價優惠又真係幾抵食喎好啦好啦唔講咁多，講返今日食過既菜式先啦。呢個係三文魚蟹子炒飯，分量唔算大，三文魚同蟹子都唔算多，其實唔算難食但係冇乜特別，可能係三文魚唔夠所以個飯同普通炒飯冇乜分別，鹹鹹地但冇乜香味。廣島號$68有四隻係好抵食嘅，不過就好淡冇乜蠔味，雖然我都無expect過有幾好食，68蚊4隻喎！算係過得去啦。吉列蠔手卷，呢個唔錯，起碼係即炸仲熱辣辣，手卷飯嘅比例啱啱好，不過要趁熱食，放得耐塊紫菜林bat bat 冇晒口感。喜月刺身盛，呢個價值$198嘅刺身我覺得唔差嘅，甜蝦充滿膠質，入口依然有鮮味，北寄貝無乜特別，都係解凍嗰隻，希靈魚一d都唔腥，好味！三文魚就冇咁鮮甜，脂肪比較少，吞拿魚都係用最瘦嗰隻，雖然冇入口即溶嘅大拖羅口感但都OK接受嘅，鮮帶子就得一粒我冇食到壽司到啦！用來做壽司嘅三文魚比

$48嘅宵夜有一個小食加鍋物同飲品真係好平😍😍😍男朋友叫左薑汁炒豚肉, 和風牛肉鍋跟白飯~豚肉好重薑汁味, 甜甜哋😋和風湯偏濃味, 牛肉餸飯一流我叫左烏冬, 原本以為係放入鍋一齊煲, 原來係分開上😂味道普通, 和風雞肉鍋, 有娃娃菜, 雞肉粒😋 我揀左炸豆腐, 冇咩調味所以比較淡,我放左落和風湯食,都幾夾😂最後我哋仲加左個芝士焗帆立貝, 好香芝士味, 帆立貝都好鮮味😋😋😋

同女朋友收工肚餓諗住醫肚，俾佢既宵夜menu吸引48蚊加1 有小食 有鍋物 有烏冬/拉面/飯嗌左日式炸豆腐，肥牛鍋地獄湯，烏冬女友就三文魚骨，豚肉豬骨湯，烏冬凍檸茶x2先講野飲，甜左少少，女友已經order小甜都係甜小食方面，炸豆腐麻麻，下次可以揀其他，因為都幾多選擇，三文魚骨不過不失豬骨湯偏咸，地獄湯唔錯烏冬幾好味，有鳴門卷，紫菜同粟米粒價錢黎講，抵食，而且小食款式多，鍋物亦有四款揀，湯底如是店員服務唔錯，有機會會再幫襯

深水埗區，好多餐廳小店選擇，今日去咗福榮街搵食，經過”櫻之亭”見佢唔駛等位，一於試吓啦，坐位都算舒適，menu都算多選擇，最後我叫咗個鯖魚定食-等咗30分鐘先有得食，一定係即叫即燒啦，味道係唔錯，條魚熱辣辣, 仲有舊檸檬俾你自己調味，定食送麵豉湯仲有個配菜，不過個湯同配菜就一般了。朋友點咗生姜豚肉定食，朋友好欣賞佢多洋蔥多汁，豚肉份量又多，送飯一流，男仔食都好滿足。有時間慢慢食，呢間都係可以再回頭食既，不過如果lunch只有1小時，就要諗諗啦，因為食物上檯既時間真係唔少。

本身打算去深水埗食粥粥，但記得呢間個宵夜餐幾抵。次次去，食完dinner 就剛好轉宵夜，今次仲唔比我食到平嘢？！行到門口，大大個宵夜牌已經急不及歡迎我了。一眼睇曬，有ABCD四樣野，$48（未計加一）每樣，喺出面食都可以over $48，所以好抵抵豬呀！A是小食，我揀了三文魚，有三塊，唔叫非常肥美新鮮，但食得落口。B 是鍋物，揀了牛同雞試下。肉得有4塊左右，但有好多好多菜，所以個鍋望落好大。C是碳水化合物，有拉麵、烏冬同飯。份量是正常的，食完一碗麵都好飽。我食小小麵就算了。D是飲品，我叫了coffee。食完10:30pm 左右，已經無咩人了。

今天一行二人到深水埗買電子產品，午餐的時候便隨意在深水埗福榮街街找一間食肆醫肚。我們進了一間名為櫻之亭的日本料理。這所食肆是我第一次光顧的，不果看見門口的宣傳牌上寫著中午有午市定食，便進去了。打開餐牌，選擇很多，有定食、烏冬、冷麵、手卷、剌身、夀司等等。最後我們點了生姜豚肉定食和滑蛋豬扒定食。每個定食包括了前菜、御飯、味噌湯、主食和飲品一杯。生姜豚肉定食的份量不少。豚肉是配了很多洋蔥和吃不出的生姜炒的，味道尚可，但有些豚肉不夠淋滑。麵豉湯內只有二、三粒超細豆腐，反而紫菜份量適中。前菜是醃製的大豆芽，酸酸的和微辣，頗為惹味！熱檸水有兩片檸檬。滑蛋豬扒飯是鍋上，賣相不錯，豬扒雖浸在湯內但外面的炸粉仍脆，豬扒加埋滑滑雞蛋和洋蔥，味道令人滿意。檸茶是一般！要提到便是櫻之亭的白飯，飯是一粒粒的，不似在日本吃的 有粘性。五十多元的一個定食，尚算可以。

牛餐時間， 原本想食佢出面招牌個三文魚頭鍋， 入到去點埋餐， 嘢飲來到時佢先話無三文魚頭鍋， 已經2次係咁， 好心無就唔好寫出來， 呃人入去咩！之後無奈地點了牛肉鍋， 來到時真係嘩左一聲， 得3塊薄牛肉， 同一些娃娃菜， 連豆腐， 菇類都沒有， 呢堆嘢成本都唔洗5蚊， 咁就收我52蚊， 原來牛肉係咁貴的我現在先知。我問個侍應係咪真係咁少份量， 佢話係， 真吹漲! 味道非常普通， 自己在家都整到的味道。我住呢區咁耐都未食過咁搵笨嘅一餐， 發誓唔會再去。

喺呢日夜咗收工，諗住嚟到深水埗啲食店冇咁早收，搵咗間日本菜就走入去試吓~雖然已經晚上十點半，裡面都仲有好7,8檯人食緊。叫咗兩個宵夜自選套餐，晚飯時間後呢宵夜價錢較優惠。牛肉鍋用了和風湯底較咸似吉吉島啲火鍋湯包味道，有點肥膩多油，牛肉係一般肥牛，加入咗娃娃菜。配了薑燒豚肉用洋蔥，味道一般唔會太韌。野菜豆腐鍋用了豬骨湯底，蔬菜是娃娃菜、小棠菜、冬菇同埋豆腐。配和風炒牛肉，牛肉裡面落咗少少青椒炒，令味道更香。

星期六收工打算食好少少入嚟呢度諗住慢慢食 見環境好似幾舒服點知就中伏..朋友ORDER咗牛肉鍋鍋湯底有得揀 朋友揀咗豬骨湯底成個鍋嚟到我地都呆咗 極油膩試清楚之後就知係調味粉包湯底(類似出前一丁)+娃娃菜+幾條煮到UN晒嘅肥牛珍珠米飯好硬 連個飯都唔好食我自己嗌咗鯖魚定食條魚唔脆唔惹味 但比起牛肉鍋算係擺得入口啦勉強食多少少充饑我朋友個牛肉鍋食咗兩啖就食唔落檸茶亦唔好飲 澀酸咁嘅質素仲好意思收加一呢一世一定唔會再入嚟

炸蝦湯烏冬（$58） 清湯無乜味 個炸物浸哂落水到 發賬哂。。。（不要揀）OK 壽司類：甜蝦（$18）&三文魚（$4），未至於難食，呢個價位又可以接受既。海鮮餅（$50），樣靚，味道就係沙拉醬同燒醬汁，個餅無特別。特價沙拉生壕（$30）， 長洲芝士生壕仲好食😂😂，原因係太多沙拉醬啦！雖然唔係話好好味，但都可以接受啦。個樣係靚既，希望佢地可以努力啦，唔好哂左個場！！

廣島㠙價錢合理，$50四隻未計加一，和牛刺身比《和民》的比較遜色，見到相片又長又簿十足和民的樣子，所以落了order,見到實物時大失所望，刀功甚差，厚切又有筋，汁的味道一般。可惜因為太心急試食，只影了一張，不過其餘的刺身飯和前菜水準一般，不談也吧。所以總結一般般。

其他餐廳無位又見這裡好像還可以，所以決定一試。一次小中伏之旅就此開始。先來的是豬軟骨烏冬。豬軟骨無問題，烏冬無問題，可是湯底卻是熟悉的出前一丁麻油味。如果湯底能用其他味道會好點。壽司方面也很普通。太細粒，很有日本風。師傅刀功也十分了得。最大問題是飯十分粘，不太好吃。串燒是較好的一環。調味不錯，價錢也合理，可是不夠熱不夠熱不夠熱！終於來到整晚的高潮！賣相十分吸引的霜燒吞拿魚他他！和牛般的外表加上饒富詩意的名字，令人有無限遐想。一放進口，雪味實咗太重，完全中伏。總括而言，這是一間水準較差的日本餐廳，恕我不能給ok了。

經過見到個板寫住宵夜自選$44 就被吸引左入去試下😂環境算幾好 幾舒適好抵食咁！😂但我最後冇選擇呢個 先叫左$50 四隻生蠔過下口癮 幾抵食 正正常常 海水味吾重 三文魚壽司 好細舊！ 三文魚刺身真的好薄切：（ 茄子 $28 冇味的 ：（ 其他串燒都冇咩味 本人覺得串燒要野味先正好在服務態度吾差 但食物質素難以令人再次回來🙈

今日比呢度咁靚嘅環境吸引, 間店個設計真係好似起日本食拉麵咁今日特價餐, 好快就揀左三文魚海鮮拉麵 ($42)都幾足料 42蚊未計加一, 包杯野飲入面有青口, 三文魚, 蟹柳, 拉面都幾彈牙但份量略少三文魚幾入味, 軟腍, 青口鮮甜, 蟹柳就淡味左整體都合格