檸檬冰室 (葵興商場)

营业中

休息中

早前陪我的朋友在葵興政府合署交文件， 之後佢介紹有間冰室平民價錢而質素有水準的茶餐廳。這間位於葵興商場，地鐵站行過嚟十分鐘唔駛都還方便，入到去有可愛的檸檬🍋圖案，座位又舒服！我們分別點左：豆卜蝦醬豬腩肉飯腩肉大大塊，有啲粉絲和豆卜，蝦醬香濃又入味皇牌海南雞飯雞肉好滑又多塊，點特色醬料惹味！小食：檸檬汁炸雞翼 滿滿的檸檬汁使雞翼帶甜酸, 外脆內軟加$8 仲可轉特色蛋白杏仁茶，一般茶餐廳少見呢款飲品，養生又美味！檸檬冰室葵涌葵興邨葵興商場地下10-12號舖

食個飯，兜野一開始見到啲眼睫毛既毛都算，後來仲有啲曲既體毛⋯⋯難以想像廚房內部環境。加上現時疫情嚴重，還是在衛生管理方面如此狀況，非常危險，怪不得早前葵涌爆發疫情個案數字飄升。

光輝圍 見到間 檸檬冰室 幾靚就嚟試吓不錯喎 @ 11:00早餐和午餐同時食到。都幾足料而且味道不錯，到了11:30已經滿座。下次再試這裡的西餐先。鐘意食 鯇魚 嘅我見到仲要$50抵食就叫了， 加配 杏仁茶 $8👍🏻魚肉幾滑又大舊，味道不錯。湯選了中湯仲有淡淡陳皮味。蛋白杏仁茶 驚喜好飲，濃杏仁味不甜最尾仲有大舊蛋白。早餐$35 #沙爹牛肉麵 味幾濃，牛肉有口感，再配丹麥多士和炒蛋好飽肚，檸檬茶+$3大大杯。如唔想食咁多都可叫輕食多士配咖啡$23，咖啡幾濃夠香，奶不多岩晒。

週末經過見到，就入去食個下午茶。 間舖頭好新淨，幾好坐。我哋叫咗鮑魚火腿撈丁特餐+瑞士雞髀撈麵特餐賣相好靚仔，炒蛋上面有黑松露醬， 撈丁上面有兩粒罐頭鮑魚，望落感覺唔錯。 可惜食落個撈丁冇味，兩粒鮑魚係凍嘅，連跟餐塊多士都係凍嘅……個瑞士雞髀撈麵一上枱令人譁然！ 因為我未見過茶餐廳嘅雞髀可以咁大隻， 好似火雞雞髀咁大隻。 原本佢隻碟已經大過個頭， 隻雞髀大到都差啲放唔落，望到的確令人好興奮。 都係嗰句， 食落隻雞髀又老又鞋，瑞士汁撈麵都冇咩味……總括一句， 味道與賣相不符。

同四爺整埋野，個時間有啲尷尬😳決定吾返去食晚餐，行過去葵興邨間「檸檬冰室」試下聽四爺同事朋友講都話吾錯，咪走去試下去到都幾多人下，7點幾8點都坐左8-9成滿😃好彩有卡位環境都吾錯，都算企理乾淨叫左個2人套餐都算幾低$158有2餸2碗湯2杯野飲，凍飲🥤+$3有個小插曲，上齊野後，我食緊野，諗緊我有叫左雞煲咩？🤔睇返張單原來上錯左，我地係叫茄子🍆煲，同侍應講返，驚佢地又上茄子🍆煲，吃得7788時發現原來係後面枱叫左雞煲搞到我都吾好意思，吃左人地個煲

今日早上想食翻豐富啲，叫咗雪菜肉絲米粉，湯唔夠熱，米粉一舊舊，煮唔開咁，因為湯唔夠熱，湯嘅味道偏鹹，下次唔再食呢個餐。多士炒蛋上枱，我被嚇了一下，以為大乜活都縮水唔少，半個手掌，估唔來到呢間食，仲有得fight，比一支餐叉大少少，少得可憐，同埋件多士又好油膩，但又食唔到牛油香味，真係有啲失望😮‍💨！現在生意真係又好難做嘅，遲啲我估多士會進化到迷你時代，縮細到一口餃子咁細嘅多士了。炒蛋勉強可以，又係唔夠熱。

咁就嗌咗個海南雞飯嘅。咁就有一個湯呀同埋包一杯嘢飲嘅。但係個海南雞就係普通啦唔係特別滑。郭將就幾好食嘅辣醬。然後有個醃蘿蔔之類或者醃青瓜之類嘅都ok好食。個湯就唔係正宗嘅即係跟海南雞飯嘅冬瓜湯。只係普通嘅中湯。咁就餐廳環境就非常普通啦。好嘈嘅咁淨係想盡快食完盡快走樣。咁成個餐就68蚊凍飲水加三蚊嘅，搽記講算係貴。

等少爺仔補習，在附近隨便搵個地方食tea，選了這家。以附近屋村和光輝圍舊區來說，檸檬冰室算係比較企理。（比較咋🤪）沙嗲牛肉米粉連多士及炒蛋，凍飲，$40。牛肉足料、夠味。米粉稍嫌淋身，未夠爽。炒蛋是正常的滑蛋，比上不足比下有餘。多士在餐牌上叫丹麥多士，吃進口有勁牛油和酥脆感，十個讚！👍👍凍檸茶都是正常茶餐廳口味，甜度適中，茶也夠濃。整體來說， $40是合理價，當係Hea下搵個地方坐，也不錯！😊

台式肉燥飯，魯汁深色卻味淡，肉燥剁到好碎，仲有幾嚿三層肉，除左肉仲有d 瓜、豆、藕片、紅蘿蔔。食完都冇咩記憶。蜜糖芥末焗牛柳飯，黑人問號，芝士茄汁焗牛柳飯是也，賣相當吸引，茄味濃，茄酸開胃，炒飯底乾身香口。

羅宋湯腸仔通粉同丹麥多士幾好味，個炒蛋好鬼大份 ，以我炒蛋嘅經驗，起碼炒咗四隻蛋落去🤣，咁嘅價錢算係合格以上啦~有個似乎係新請返嚟嘅後生侍應姐姐，好nice🥰，平日好少嚟呢區，冇乜機會再翻兜。

今日是星期日，晏咗啲起身就過去檸檬冰室食早餐，落咗單都等咗一陣先至有嘢食，喺等待期間，有員工上班，於是他們在員工通道走廊更衣，男職員在沒有遮蔽的空間更衣及換褲……當時我們正坐在走廊對面，他們繼續在我們眼前除衫除褲，好尷尬.....我明白工作很繁忙，員工有壓力容易有情緒。但在用膳期間，不停聽到員工們粗口橫飛，做大既主管高聲講粗口「DD聲」一班做細既員工一樣冇理，有樣學樣，「D」聲四起，仲好似好好笑咁。若然俾小朋友聽到，是多麼不堪！言語間語帶相關，涉及不雅內容，高聲談話，令人反感！員工的素質有很大進步空間，即使不是面對着客人，說話也應保持基本禮貌及尊重。另外，有一個阿姐經常用不耐煩語氣去跟同事和客人說話，好似欠咗佢錢一樣，有次佢在客人面前大聲喝鬧同事，真係好失禮....總結：呢間檸檬冰室既員工真係好嘈，客人耳仔受罪。補充一句，食物質素ok。

野食唔好食，首先個雞勁鞋，口感好差，食白飯好過食個雞。牛都麻麻地。淨計食係光輝圍一定搵到更好食的店。但超驚喜係，呢杯涼粉紅豆冰（+8蚊）超正，紅豆超軟超糯，紅豆口感超好，而且超大杯，係啤酒杯size。如圖所見同我把芭蕉扇差唔多大杯！個飯太難食我食左好少，但飲呢杯野飲都飲飽左。野食難食係無錯但野飲搭救，為左呢杯野飲幫襯個下午茶都ok但晚餐就唔好啦。黎呢間一定要加8蚊飲呢杯特飲！隔離枱叫左無杯奶茶都係加8蚊但好似都係呢杯正同大杯好多

由於一早要出外工作嘅關係，就喺附近搵嘢食，見到呢間新餐廳，外表裝修到全部是黃色，就入嚟啦，門口就好多人排隊，我自己一個人好快就入到，簡簡單單嗌左碗餐蛋麵，雖然上枱時與餐牌圖文有少少出入，但餐蛋麵嘅水準都有，值得一試。

原本想係光輝圍搵食，可借間間餐廳🍴都爆滿曬，咁最後決定去食新開餐廳「檸檬冰室」。特餐：瑞士雞翼配撈公仔麵🍜、黑松露蛋配丹麥多士。瑞士雞翼顏色深，可惜味道吾夠濃，反而係一種死咸味道，雞翼比較瘦削，同埋乾身，認真麻麻地。撈公仔麵🍜不過不失，可惜吾夠彈牙，好焾身。黑松露係平價貨都好正常，一般般。值得一讚係滑蛋好夠滑同牛油🧈香。奶茶🥤做得算出色，茶味濃奶味香。總結：不過不失冰室下次都係去番光輝圍搵食

檸檬冰室-晏晝喺光輝圍搵嘢食，之前呢間野新開有好多人排隊，今次等大約5分鐘就入得！-佢每日都有7個lunch set嘅選擇, 另外亦都有常餐。今次揀咗常餐：滷水雞翼撈麵,黑松露炒蛋配丹麥多士。-雞翼好深色、味道都好夠，但係雞翼嘅肉質已經老晒啦、一啲肉汁都冇，食到第三隻已經唔想再食。撈麵就有彈性，不過不失啦。-黑松露炒蛋有好大pat黑松露,炒蛋唔係特別滑。比較特別嘅係丹麥多士配牛油同少量蜜糖，平時茶餐廳都係普通厚多士。