檸檬冰室 (葵興商場)

营业中

休息中

週末經過見到，就入去食個下午茶。 間舖頭好新淨，幾好坐。我哋叫咗鮑魚火腿撈丁特餐+瑞士雞髀撈麵特餐賣相好靚仔，炒蛋上面有黑松露醬， 撈丁上面有兩粒罐頭鮑魚，望落感覺唔錯。 可惜食落個撈丁冇味，兩粒鮑魚係凍嘅，連跟餐塊多士都係凍嘅……個瑞士雞髀撈麵一上枱令人譁然！ 因為我未見過茶餐廳嘅雞髀可以咁大隻， 好似火雞雞髀咁大隻。 原本佢隻碟已經大過個頭， 隻雞髀大到都差啲放唔落，望到的確令人好興奮。 都係嗰句， 食落隻雞髀又老又鞋，瑞士汁撈麵都冇咩味……總括一句， 味道與賣相不符。