檀島 (已結業)

出國旅行之前先到機場既檀島食個Tea黎醫下肚 , 都係總店既品質比較好食。 酥皮蛋撻 ~ 可能係出爐左一段時間 , 所以食落去唔夠熱辣辣 , 不過蛋味依然好濃 , 尚可接受。 雞批 ~ 呢個比較暖身d , 好食過酥皮蛋撻 , 同總店既出產質素唔會太參差不齊。飲埋杯熱奶茶就飽哂 , 準備上機囉~~~

夜晚去機場接機, 原本話飛機早到, 行行下, 睇返錶版, 改了遲到..身在T2, 九點幾十點, 我同老豆口癢食少少甜品. 見到檀島Counter仔一杯杯, 又平, 便整了一個芒果布甸杯同Tiramisu杯. 收鋪啦, 小姐更加Hard Sell, 咁中計了....一人一杯. 仲要好"論盡", 打瀉了杯Tiramisu, 又姐仔清潔過.坐返出去Food Count, 睇下有幾行貨. Tiramisu杯冇乜問題, $15唔望一級享受...其酒味不重, 有咖啡味, 面頭層朱古力粉好厚, 打瀉左都仲厚厚一層.芒果布甸, 比Supermarket的好, 有返塊芒果咁解. 檀島出名奶茶咖啡蛋撻, 外國Dessert原來都OK. 如果唔係收左爐, 我一定.........Coffee please!!

家姐又走啦...因為佢搭個架機係要另外俾錢先有野食，所以就去買兩個包醫肚。佢買包時我見到個提子牛油蛋糕，嘩，好似好好味咁喎！拎上手都好重下，$8一個，又買埋一份~質感好紮實，唔會一咬就成地蛋糕碎散收收咁。提子唔會乾，幾好，而且數量都可以接受。牛油味唔算太濃，咁樣仲好，無咁滯。總括黎講，哩件係一件唔錯的牛油蛋糕！

jan 25, 08,4人來lunch,我就叫咗 : 1) 蛋撻-唔熱,個蛋漿部份就幾好因唔太甜,又滑,但個皮就唔鬆脆,只能叫合格2) 常餐-除咗個麵包同個蛋無得揀之外,另~ 嗰碗就可以有好多配撘,正如1般茶餐廳咁-正常出品(唔難食,亦唔會好食) - 其中1個友人好似叫咗個奄列,我哋嗰d都上晒(店員奉比我哋),但佢仲未有........於是問店員,原來個餐唔知幾時已ready,但個店員話佢唔得閒(抺緊1張無客等住坐嘅枱),叫番友人自己出去攞..............食到中段,友人醒起佢個餐亦有麵包跟.........於是走出去問個廚房,點知佢話友人個餐無麵包跟..........友人望多次個餐牌,見到寫明有再跟佢理論,佢先至話比番佢。..............喺機場入面嘅service咁樣,真喺破壞晒香港嘅形象

翔天廊都開了陣子，光顧過的食肆不多，襯是日過來機場辦事，順道過來偷懶一下。四處逛順道找點小食，見這裡出名的蛋撻，雖然不是剛出爐，但都口痕光顧一個。酥皮蛋撻不是新鮮熱辣，食味已打了折扣，怎說這跟流量有關。酥皮層不夠脆身而蛋漿的蛋味又不夠濃，跟上次嚐泰昌的真是差天共地。但怎樣，不夠好味但又不至於太差，怎說在翔天廊都算香港代表嗎！另外餐廳佈局及空間感相當，環境新淨，幫襯了又可座在Food Court 慢慢品嘗，多寫意啊！

芒果布丁─賣相很誘人吧？問tenny 味道如何，他表示芒果不酸，是甜的，布丁則「就是布丁呀」。==========================================酥皮蛋撻$4 ─本來之前在中環檀島吃過蛋撻，已覺得不大好，這次也一樣，覺得不好。酥皮看起來，為什麼不及灣仔或中環分店的那麼厚、那麼酥呢？因為是在airport 裡，沒有真正的師傅在做嗎？蛋味不太濃，蛋漿的部份也不會「震騰騰」，真的一動也不動，「企硬」的。==========================================蘋果玉桂撻─看起來還蠻ok 的。表面有crumble。pie 皮因為apple fillin' 的緣故，所以底部不脆了，軟得很。入口有很濃郁的玉桂味道。fillin' 有apple slices，也有很飽滿不再「乾」的葡萄乾，但還有一團團麵糊漿的東西。tenny 咬了一口就說：「哇，好甜，吃不了。要吃光整個不容易。」我也覺得有點太甜，而且很多那些麵糊漿，越吃越不好吃。==========================================想看餐廳和其他包點的pics，

食左個滿足下午茶後最好散散步,由T1走去T2玩,上次T2店舖仍完全開幕,今次情況比前熱鬧,但人流仍然稀少!行到呢邊較旺場部份,見到呢間上次未開既檀島,一入門口左手邊就見到廚師哥哥係度整蛋撻,右手邊就係麵包店,望左2次都係覺得蛋撻比較吸引,唔該半打($5*6)!可能天氣炎熱關係,蛋撻拎到返屋企仍然微暖,酥皮仍然好多層又夠酥脆,只係油份較重;蛋漿味道較甜,尚算香滑,相信出爐後第一時間進食,味道一定會更好!!服務方面,幾位中年阿姐態度唔錯,不斷叫我入去睇下又不斷推薦我買出爐蛋撻,呢樣已經同灣仔本店有天壤之別。不過店方要注意一下衛生問題,本來我都想買其他新鮮蛋糕,只係見到有"小飛飛"係糕餅面飛過,有d怕怕。忽發奇想:第二時送外地朋友機時,可以走黎買盒地道新鮮蛋撻比對方做禮物/手信,方便!!

20070512但其實我們是沒有吃蛋撻的，只是奇怪為什麼突然有許多客人齊齊湧進來，有排隊買東西，八卦了一下才知道新鮮蛋撻剛剛出爐，真是要佩服這些嬸嬸，對於遠在機場的檀島也瞭若指掌。四個人，share了一件栗子蛋糕、一件藍莓芝士蛋糕以及一個蘑菇焗薯蓉，另外與honey分享了一杯馳名的檀島咖啡。薯蓉也是新鮮焗制，共有兩種口味，口感柔滑，滲透牛油香，又不會很鹹，不錯。兩件蛋糕就普通了一點，尤其那件藍莓芝士，有點太實。不少機場員工樣子的人獨自在此下午茶，也是一盅兩件（蛋撻+鳳梨包），很歎的樣子：）