橋泰食店 (已結業)

早前睇過飲食男女介紹，Openrice 又多happy face，而Thai food 喺我favorite，於是今日做GYM 前去試味。8:xx pm 去到，半滿，小館子可容大概20人，枱布花喱碌，上面有幾樽泰式調味料，確喺有Thai feel。要了海南雞飯($26包熱奶茶) + 2件蝦餅($20)。海南雞並非斬件上而喺拆骨雞絲(雖則雞翼位還有少少骨)，感覺幾滑，味道吾錯，伴隨的一小碟調味醬並非一般的甜豉油，薑蓉或辣椒醬，幾特別，但吾知叫乜，下次問。油飯吾算太油，份量有碗半到。有Ｄ地方做到"油立立"，又"爛pat pat"，呢度冇咁嘅情況。蝦餅喺我喜好，雖則要$30一碟，但好耐冇食，有Ｄ掛住，所以得一條友都照叫。阿姐問要幾多件，oh so nice!!! 原來呢度可以斷件叫!!!! 兩件吾該。即叫即炸，上枱熱辣辣，未吃已有好印象。呢度嘅蝦餅咬落喺吉列豬扒外皮feel，吾同一般食開嗰Ｄ，有新鮮感，but not my cup of tea，而且蝦味吾夠。但$10一件，算合格。街坊小店，抵食，算幾好，決定要再嚟多次試埋佢Ｄ鹵水嘢，因聽講吾錯。

原來泰國菜都有鹵味食叫左個二人餐，份量剛剛好有雞湯，油菜，2個小菜，2個飯，2杯飲品點左青咖哩牛利，不過似乎唔夠辣鹵水豬脾什錦，果然係招牌菜鹵水汁好香好入味，如果份量大d就好啦地方狹窄，只可容納十多人，老闆娘都忘到唔得閒招呼不過好抵食~

因為我係大角咀返工, 成日都想快點食完就返公司訓陣先, 依間就係我既首選. 去到通常都叫海南雞飯. d 雞好似手撕雞咁, 最鍾意佢d 辣辣地既醬, 加埋d用雞湯煮既飯, 實在太好味了. 可惜佢d 份量少左d, 下次試下叫佢加飯先得. 仲有佢d 蘿蔔冬瓜湯都好味, 清清地~~ 真係日日食都唔厭呀

飯多送少, 油飯soso, 落左豉油都好似冇咩味泰式辣醬都係麻麻d椰菜食食下好似有d野嚼唔爛咁我諗係d蒜頭果d衣掛我都係鍾意食上環十一哥多d, 唔知執左未呢XD

初初去, 只係食粉麵, 一心諗住穩陣!! 都幾好!之後食炒野, 味道唔差, 不過唔係最好.由於我唔係好食飯, 一直都冇諗過叫海南雞飯..直至, 見好多人都叫海南雞飯.. 好! 就try 下先!!好彩自己肯試, 真係好好食!! ^*^

今晚朋友仔送來愛心飯盒記憶中以前食過鹵水牛脷好味我點名要再食味道一如以往咁好味但份量太少一盒飯得三大片鹵水亦無以前咁濃味就算朋友仔叫左佢多鹵水汁送飯但仍然食唔到有咩味好在有附送既蒜蓉辣醬伴飯食但真係好辣食到我不停流鼻水跟飯仲有熱飲同蘿白湯湯好清甜飲完唔覺渴

上個禮拜日經過大角咀..見到呢個食評幾好去試下..2人同女朋友仔去食..己經少人..叫左個雞飯食..雞就幾好味..d飯好濕..要左杯凍檸茶..好淡-v-" 叫個牙姐好似唔采人咁-w-"" 呠呠..真係唔知係咪我樣衰-_-" 下次都係去番mk食野唔落大角咀了-_-"

上次試過佢哋嘅獨門鹵水，念念不忘，琴晚夥同老友記食友過去食夜晚飯...望吓過餐牌，見二人餐連油飯、油菜、例湯及餐飲都係七十八大洋，實在抵，抵到差D想叫三人餐(都係一二八)，幸好老友喊停，先至不用飽得撑死..上次試過海南雞及鹵水拼，水準甚高，今次照辦煮碗，另外再加個炸蝦皮蛋，夠晒嘞...海南雞水準依然，老友食唔出D雞有雪味，雞皮及肉同樣滑嘟嘟，醮上特製黑掹掹嘅豉油及泰式辣醬，一樂也；鹵水色依舊沉鬱，好入味，基本上放任何嘅配料落去都咁和味，琴晚嘅料就係全豬拼--- 豬展、豬腿肉、豬腸、豬脷等，仲撘多幾隻雞腳添，食到啜晒手指，哎吔，唔記得叫枝喜力添...炸蝦皮蛋絕對係驚喜--- 份量巨型，皮蛋雖唔算係溏心，但卻絕唔係死實實嘅劣貨；蝦膠雖唔算好彈口，但卻有濃濃蝦嘅鮮味，呢味確係食得過...自己最後選擇杯叫綠糖冰嘅特飲，老闆娘事先聲明呢個係地道嘅泰式嘢，驚我唔知飲唔飲得慣。哈...呢D地道嘢就至啱我，越唔叫我試我就偏要試...一端上枱，成杯嘢綠油油，嗅落好重椰汁味，再呷一啖，飲嚟飲去都飲唔出裏面有D乜，最後求證老闆，竟然佢都唔太知，查實佢都係買成樽現成貨然後將佢沖出嚟，真俾佢激死...

好耐無打食評. 不過被同學們擺左上台.無法la..動動手做下功課la.約左幾個月既同學仔聚餐, 終於決定左去呢間位於大角咀,平時行過都吾多起眼既小店...是日約好同學仔7點到, 仲以為自己一定會因OT而一定會遲到,點知, 我係最早到既一個?!一去到先發現間舖真係好細...內裡只有1張容納約8人之長檯, 1張5-6人台及1張4人台. 再多些客就只好坐街邊行人路?! 被此版的照片誤導了=_= 不過吾緊要, 既然來了, 就試試佢有幾好食^0^ 由於同學仔遲到, 當時舖內又Full客, 老闆娘就好nice敢叫我坐下先, 又話會reserved一張大台比我.仲時不時問我需吾需要order定d野先...攪到我幾鬼吾好意思 及後有台比到我...不過我d同學仲未出現, 眼見我"Oi"等期間有好多客都"hou"住我張台?! 幾吾好意思!最後同學仔到左, 我地開始叫野食, 以下為食評: -1) 扎肉炒豆角飯- 本來大家都想炒底, 不過原來我地指錯menu個位, 所以只係白飯既套餐! 上台個樣無咩特別, 不過食落真係好好味!! 可能係個汁做得好吧. 食完想再食呢!2）雜錦拚盤（炸蝦餅，豬頸肉，中翼，春卷及炸

本來想食泰粉麵餐，但又好多心，好想試多d其他野。最後叫了一個二人餐。青咖哩無晒，唯有紅咖哩雞，呢個一般，咖哩好稀。雞肉都算味。椰菜炒海鮮，好好，份量又大。一個油飯，一碗好惹味的金邊粉，一碟菜同一碗蘿蔔湯，跟兩杯熱飲。成個餐都係$78，好超值，好滿足的一餐。又係無機會試冬蔭公。一邊吃，發現真係好多人叫海南雞飯。如果屋企附近開一間就好喇。P.S.其實本來專程來捧"神廚"的場，但去到已賣晒食物，好失望。不過好彩有做功課，都無白來，轉頭識得即去呢度。都係食倒好的一餐，無失望喇。

星期四放工後7點前到達唔駛等位~不過舖頭細細..過左7點開始多人~我地為食2人組叫左個2人餐($78)1) 海南雞- 一場來到一定要試下佢的海南雞2) 招牌豬腿併盆- 有d肥的豬腿肉, 有雞腳, 豆腐, 鴨腎餐係有埋一碟菜, 2碗雞湯,2碗油飯, 2柸野飲(我地叫左青檸梳打(每柸要加$5,total加$10)..不過覺得佢只係一柸無檸味的梳打水~)油飯都算幾好味..湯都幾好飲..唔算係味精湯..不過2碟主菜..d肉都係切到碎濕濕咁..唔知點解會咁喎..我地都係鍾意食大啖肉多d~overall,地方比較細但係都叫做清潔, 食物亦算唔錯(如果唔切咁碎的話~).. total食左$88..飽飽亦很抵食呀!!

星期六..同朋友揾食...嚟到大角咀...見呢間未食過就試下喇...叫左2人餐紅咖喱豬頸肉拼油飯-豬頸肉如果可以jin燶d就更加好味..所以呢個一般喇..個油飯就唔夠熱同番喇..無骨雞-呢個泰式海南雞幾好食,個辣汁亦係重點...青瓜沙律-沙律最重要個汁,呢度個汁幾正,但如同果九龍城個d比就重差些少..個河粉都可以

呢間小店真係路過咗都唔知，位置雖不致於偏僻，但卻絕不起眼...食完油渣麵仍然唔多夠飽，決定繼續食...去到啱啱開鋪。嚟過三寶飯就夠飽嘞...三寶並唔係乳豬、油雞同义燒。而係海南雞、豬腿肉及豬腸...雞好滑，並唔係冰鮮貨。醮上辣度夠嘅泰式辣醬，味道更上一層樓；豬腸冇異味，夠腍；豬腿肉唔老；最精彩係個泰式滷水，色水沉甸甸，夠味亦夠色，有一咲香料味，比傳统潮式滷汁毫不遜色...估唔到响九龍城以外都有咁嘅水準嘅泰式小店...Encore..

今晚本來話上朋友仔屋企食飯但因為自己唔爭氣作病想番屋企休息下多d結果朋友仔話買野上黎俾我食我諗左好耐唔知食乜好最後都係想起呢度既海南雞飯記憶中上次食時d飯無而家咁油今次食到底時個盒係油光反照加上雞肉比堂食還要少數過得五條粗雞絲真係少得過份配菜又得一片青瓜,少少椰菜絲同莞茜幸好有d醬汁點埋先食到d飯另外跟左碗冬瓜湯較清,ok不過效率真係好快由朋友仔行過去買再折返上黎我屋企都唔駛十分鐘當然唔係有朋友仔親自送上黎俾我我諗呢餐飯得喊面咋

第三次去食,仍然係兩個人,仍然係咁好食!!!豬頸肉沙律:都幾多豬頸肉,仲有o的蕃茄同洋蔥,酸酸辣辣,好開胃~~青o加喱雞雞肉好滑,個汁唔係太辣,不過就好香口,用o黎送飯一流!!豬腿拼盆:當然有我至愛o既豬腿肉啦^_^ ,仲有豬大腸,雞腎,雞腳,雞旦,豆腐,芽菜,全部都鹵得好入味,尤其係個雞腎,煮得好諗,真係好好味呀!!!p.s:下次我一定會再去,試埋其他o野食~~